23/02/2022 Adianto do anuncio da Xunta sobre a retirada da obligatoriedade de presentar o certificado COVID

Na reunión celebrada hoxe entre a Xunta e os representantes da hostalería, comunicoulles que as novas medidas propostas que entrarán en vigor esta sábado ás 00:00h.

Na nota de prensa publicada, e á espera da publicación oficial no DOG, estas son as medidas previstas:

  • O número máximo de persoas por mesa ou agrupación de mesas incrementase a 10 no interior e 20 en terraza.
  • Retirar a obrigatoriedade de presentar o certificado COVID para o acceso ao interior dos establecementos de hostalería. A autorización do Tribunal Superior de Xustiza de Galicia (TSXG) está vixente ata as 23:59h do venres 24 de febreiro e a Xunta non solicitará a súa prórroga.

 

Nota de prensa completa. 23/02/2022

Os alcaldes e alcaldesas do Camiño Portugués da Costa demandan unha solución ao paso do esteiro do Miño para o Xacobeo 22

Os rexedores e rexedoras expoñen a problemática do Camiño da Costa na Mesa do Camiño da Provincia de Pontevedra.
Os responsables municipais tamén solicitan unha reunión co vicepresidente da Xunta e conselleiro de Turismo, Alfonso Rueda, para tratar o paso de peregrinos polo esteiro do Miño e a duplicidade de nomes nos itinerarios.
Dende mediados de 2021 os alcaldes e alcaldesas de: A Guarda, O Rosal, Oia, Baiona e Nigrán, veñen reclamando intervención da Xunta de Galicia para resolver algúns problemas do Camiño Portugués da Costa entre os que destacan: os relacionados co paso dos peregriños polo esteiro do Miño, e os provocados pola duplicidade do nome de Camiño da Costa que se está producindo en Portugal cun itinerario distinto do recoñecido polo Xacobeo.
Así, no verán de 2021, solicitaban ao director do Xacobeo, Ildefonso de la Campa apoio para resolver os problemas cos que se atopaban os peregrinos no Camiño da Costa.
Dende aquela xuntanza a situación non mellorou en absoluto. En canto ao transporte de pasaxeiros e peregrinos entre Caminha e A Guarda a situación empeorou. Dende o verán do 2021 unha avaría no embarcadoiro do ferri do esteiro do Miño impide o acceso de vehículos ao transbordador. Este contratempo motivou o funcionamento irregular do barco dende entón ata o mes de outubro e que se atope parado na actualidade á espera da reparación do peirao. Esta reparación foi solicitada a portos de Galicia de forma reiterada e aínda non temos reposta de cando se acometerá. Pola nosa parte consideramos urxente que se aborde unha solución a curto prazo para o transito de peregrinos entre a Caminha e A Guarda que dea continuidade ao Camiño Portugués da Costa.
En canto á duplicidade do nome de Camiño da Costa provocada por Portugal a cousa mudou, pero para peor, xa que, con data 2 de febreiro de 2022, o goberno Portugués certifica como itinerario oficial do Camiño de Santiago o chamado, Camiño Portugués de Santiago-Camiño da Costa, que vai dende Porto a Valença do Miño pasando por Caminha e Vilanova de Cerveira. Ao noso parecer isto prexudica ao Camiño da Costa oficial, recoñecido pola Xunta como itinerario Xacobeo na lei de Patrimonio Cultural de Galicia de 2016. Non debería haber dous itinerarios distintos co mesmo nome. Nada pode confundir máis aos peregrinos. Entendemos que houbo tempo suficiente para evitar que se producira esta situación que agora ten difícil arranxo. Aínda así, queremos manifestar que non estamos en absoluto de acordo coa denominación que o goberno Portugués lle deu ao novo itinerario do Camiño de Santiago.
Queremos facernos eco tamén da preocupación e demandas que nos trasladan dende o sector privado relacionado co Camiño da Costa. Dende o recoñecemento oficial deste camiño en 2016, moitas persoas estiveron traballando para ofrecer servizos que o camiño e os peregrinos necesitaban en base ao crecemento que viña experimentando este itinerario a Santiago e as expectativas de negocio que se crearon co recoñecemento oficial. É lexítimo que agora soliciten que as administracións manteñan as condicións que xeraron aquelas oportunidades e expectativas. Dende os gobernos locais brindamos o noso apoio ao sector privado e comprometémonos a servir de portavoces das súas demandas.

18/02/2022 Aberto o proceso de contratación da cafetería-restaurante da Estación Marítimo do Pasaxe

Xa está dispoñible na plataforma de Contratación do sector público o prego de claúsulas técnicas que xeren o contrato administrativo da cafetería-restaurante na Estación Marítima do Pasaxe.

Tamén se  pode acceder dende a web municipal www.aguarda.es na sección de “Perfil do contratante” que accede directamente a plataforma de contratación. Nesta nova páxina xa está o anuncio deste contrato como expediente 2990/2021.

Neste prego detallase o obxecto do contrato, obrigas, tarifas e demais información de interese. Ademais publicarase a data e hora para a visita das instalacións.

O prazo para presentar as ofertas remata o venres 11 de marzo ás 19:00h

 

 

16/02/2022 Nova xornada informativa sobre o Plan de Calidade SICTED

Esta convocatoria informativa será o 22 de febreiro ás 10:30h en formato online ou presencial na sede de Turismo Rías Baixas (no Palacete das Mendoza de Pontevedra).

A finalidade deste proxecto é mellorar a competitividade das pemes e a posición das Rías Baixas como destino turístico a través do SICTED.

No proxecto de Calidade Turística SICTED poden participar aqueles sectores ou oficios que teñen contacto cos visitantes e turistas como empresas de aloxamento, bares e restaurantes pero tamén comercio, artesáns, guías turísticos, taxis, ... O obxectivo SICTED é que o turista reciba unha atención e servizos de calidade nos diferentes sectores que forman un destino.

A Deputación de Pontevedra e Turismo Rías Baixas financia este proxecto na súa totalidade: adhesión, formación, implantación e avaliación.

Esta xornada informativa precisa inscrición previa. Toda a información do proxecto e da xornada informativa e tamén o formulario de inscrición no enlace.

A posesión dun certificado de calidade turística como SICTED, ademais de mellorar a xestión do establemento, facilitica acadar puntuación nalgunas subvencións como convocatoria da mellora das infraestruturas dos establecementos turísticos de aloxamento e de restauración da Xunta de Galicia (presentación de solicitudes ata o 7 de marzo de 2022)

A Oficina de Turismo e as praias de Area Grande e O Muíño foron distinguidas en 2010 e na actualidade son 10 os establecementos turísticos distinguidos da vila. No mes de marzo está prevista a  Gala do Turismo da Deputación onde se fara público os novos distinguidos tras a adhesión e implantación realizada o ano pasado.

15/02/2022 Último día para inscribirse no Caldo de Gloria polo Día de Rosalía

Hoxe martes 15 de febreiro é o último día para inscribirse nesta iniciativa no tel. 986 610 000 ext. 5 ou en cultura@aguarda.es

O departamento de cultura do Concello da Guarda traslada o convite da Fundación Casa de Rosalía, como en anos anteriores,  para celebrar o aniversario de Rosalía co “Caldo de Gloria”.

Esta iniciativa inspirada no poema “Miña casiña, meu lar” na que a poeta explica como facer un caldo humilde e no que se relata a épica diaria da supervivencia. Polo que a proposta da Fundación Casa de Rosalía é conmemorar o día de Rosalía conxuntamente con bares e restaurantes ofrecendo aos clientes un Caldo de Gloria durante a xornada do mércores 23 de febreiro.

Os bares e restaurantes que participen nesta inicitiva recibirán manteis individuais e folletos informativos de parte da Casa de Rosalía e que serán facilitados dende o concello e informarase publicamente.

Prema para máis información do CALDO DE GLORIA

15/02/2022 Publicación da axuda destinada ao ocio nocturno pechado nas datas de fin de ano

O boletín da Xunta publica hoxe as bases reguladoras do Programa de apoio ao peche do ocio nocturno para aqueles establecementos que optaron polo rexime de peche do 31 de decembro ao 3 de xaneiro (código de procedemento TR750A)

•Prazo de solicitudes: do 16 de febreiro ao 15 de marzo de 2022.

•Prazo de resolución: 1 mes
•A Consellería de Emprego e Igualdade tramita a presente axuda. Para dúbidas no tel. 981544666 ou mail dx.emprego@xunta.gal

Requisitos dos beneficiarios desta axuda (entre outros):

  • Discotecas, pubs, cafés-espectáculo, salas de festa, salas de concertos e similares.
  • Atoparse de alta na actividade económica como mínimo desde o 1 de novembrode 2021 e, no caso de persoas autónomas, estar de alta non RETA desde a mesma data.
  • O establecemento de lecer nocturno debeu permanecer pechado desde as 0.00 horas do día 31 de decembro de 2021 ata as 3.00 horas do día 3 de xaneiro de 2022 e non ter adiantado ou atrasado a outras datas as festas ou eventos, nos termos recollidos na Orde da Consellería de Sanidade do 29 de decembro de 2021.
  • Realizar a comunicación previa conforme o previsto no punto sétimo da Orde da Consellería de Sanidade do 29 de decembro de 2021.
  • A concesión da axuda realízase pola comprobación da concorrencia dos requisitos establecidos na persoa ou entidade solicitante

O importe da axuda determinarase por establecemento de lecer nocturno e en función dos metros cadrados do local conforme a seguinte escala:

  • 2.500 € para os locais de menos de 100 metros cadrados
  • 5.500 € para os locais de 100 a 250 metros cadrados.
  • 9.000 € para os locais de 250 a 500 metros cadrados.
  • 14.000 € para os locais de 500 e 700 metros cadrados.
  • 27.000 € para os locais de 700 a 2.000 metros cadrados.
  • 45.000 € para os locais de máis de 2.000 metros cadrados.

DOG Nº31 do 15/02/2022 bases reguladoras do Programa de apoio ao peche do lecer nocturno, financiado con fondos REACT-UE

DOGNº31 do 15/02/2022 Extracto-bases

O concello da Guarda busca o apoio do sector turístico para o Camiño Portugués da Costa

O pasado xoves 10 de febreiro o Alcalde da Guarda, Antonio Lomba, e o Concelleiro de Turismo, Rafa Álvarez, mantiveron unha reunión coas empresas de aloxamento turístico.
Nesta primeira reunión foron convocados os máis de 10 establecementos turísticos presentes na vila como hoteis, apartamentos, pensión, turismo rural, cámping e albergue.
A finalidade da reunión foi trasladar directamente ao sector as xestións feitas polo alcalde, Antonio Lomba, e a concellería de turismo en relación a publicación por parte de Portugal dun itinerario non oficial do Camiño da Costa.
Na Lei de Patrimonio Cultural de Galicia, aprobada en 2016, foi recoñecido o Camiño Portugués da Costa sendo A Guarda, o primeiro concello galego. É dicir, esta denominación corresponde ao camiño que comeza en Oporto percorre o litoral portugués ata chegar a Caminha onde cruza o río Miño na súa propia desembocadura ata A Guarda e continúa percorrendo as vilas costeiras do Rosal, Oia, Baiona, Nigrán, Vigo e Redondela.
Ademais desta situación tratouse outro punto de vital importancia para os peregrinos, o turismo e a veciñanza en xeral, como é falta de comunicación real entre Caminha e A Guarda. Actualmente o transbordador non funciona e parece que se vai atrasar o seu comezo. O Alcalde trasladou aos asistentes os diferentes condicionantes como a avaría do embarcadoiro no Pasaxe que dende o mes de agosto non permite o acceso ao transbordador con vehículo. Tamén informou os pasos dados ante Portos de Galicia para o rápido arranxo deste embarcadoiro e deste xeito a Cámara Municipal de Caminha poda activar o funcionamento con vehículos e non só con pasaxeiros a pé ou en bici como estivo traballando no segundo semestre de 2021.
Ante a importancia para o presente e futuro da Guarda, tanto como inicio galego do Camiño Portugués da Costa como pola vital comunicación entre as dúas vilas fronteirizas de Caminha e A Guarda, o Alcalde tamén adiantou que se deu o paso de rexistrar unha primeira proposta non Lei ante o Parlamento galego.
Esta reunión permitiu achegar posturas entre as empresas de aloxamentos turístico e o Concello da Guarda sendo conscientes de que o traballo debe ser conxunto.
Nas semanas anteriores tamén se mantiveron reunións cos restaurantes para coñecer a súa realidade tras estes anos de pandemia e poder por en marcha iniciativas para reactivar o sector.

11/02/2022 Modificación nos horarios de peche da hostalería e do ocio nocturno

Esta tarde publicáronse no DOG Nº 29 BIS dúas Ordes da Consellería de Sanidade as medidas xerais e outra coas medidas dirixidas á hostalería e ao ocio nocturno.

Estas modificacións entran en vigor do venres ao sábado 12 de febreiro:

No referente ao Plan de Hostalería segura mantéñense os requisitos de cada nivel: 1 cunchiña ou 2 cunchiñas. Pero os dous niveis vanse modificar en:

  • Amplíase o aforo ao 100% en interior e terraza.
  • O horario límite de peche ao público será o establecido na Orde do 23 de outubro de 2020 pola que se determina o horario de apertura e peche dos establecementos abertos ao público e de inicio e finalización dos espectáculos públicos e das actividades recreativas.

No referente ao Plan de Lecer Nocturno:

  • Amplíase os aforos ao 100% no interior e no exterior.
  • O horario límite de peche ao público será o establecido na Orde do 23 de outubro de 2020 pola que se determina o horario de apertura e peche dos establecementos abertos ao público e de inicio e finalización dos espectáculos públicos e das actividades recreativas
  • Obrigatorio para os dous niveis a exhibición do Certificado COVID. É dicir, para o acceso ao interior é obrigaorio a presentación dun certificado emitido polo servizo de saúde ou por un laboratorio oficial autorizado:
    1. Que recibiron a pauta completa dunha vacina contra a COVID-19 para a cal se concedeu unha autorización de comercialización de conformidade co Regulamento (CE) nº 726/2004.
    2. Que dispoñen dunha proba diagnóstica negativa realizada nas últimas 72 horas no caso das PCR e de 48 horas no caso dos tests rápidos de antíxenos. No caso dos tests rápidos de antíxenos deberán estar enumerados na lista común e actualizada de tests rápidos de antíxenos da COVID-19 establecida sobre a base da Recomendación 2021/C 24/01, do Consello de Europa.
    3. Que o titular se recuperou dunha infección polo SARS-CoV-2 nos últimos 6 meses. Para iso a persoa deberá ter sido diagnosticada como caso confirmado da COVID-19 hai 11 días ou máis mediante unha proba PCR, e non é valido outro tipo de test.
      • Estes certificados tan só se mostrarán á entrada no momento do espazo interior, non se conservarán estes datos nin se crearán ficheiros con eles.

 

Enlaces das Ordes vixentes dende ás 00.00h do sábado 12 ao 26 de febreiro de 2022:

ORDE do 21 de outubro de 2021 pola que se prorroga e se modifica a Orde do 29 de setembro de 2021 pola que se aproba o novo Plan de lecer nocturno da Comunidade Autónoma de Galicia.

ORDE do 22 de outubro de 2021 pola que se establecen medidas de prevención específicas como consecuencia da evolución da situación epidemiolóxica derivada da COVID-19 na Comunidade Autónoma de Galicia e se modifica a Orde do 14 de setembro de 2021 pola que se aproba o novo Plan de hostalaría segura da Comunidade Autónoma de Galicia.

07/02/2022 Subvención para actuacións de mellora das infraestruturas dos establecementos turísticos de aloxamento e de restauración

A Axencia de Turismo de Galicia publica no DOG de hoxe a resolución das bases reguladoras da Subvención para actuacións de mellora das infraestruturas dos establecementos turísticos de aloxamento e de restauración. Esta subvención poderase solicitar dende o martes 8 de febreiro no código de procedemento TU503A.

A finalidade é potenciar a oferta turística galega, modernizar infraestruturas e mellorar a calidade e a competitividade da oferta turística.

Dirixida a establecementos cunha antigüidade mínima de 5 anos (inscrición no REAT):

  1. -Establecementos hoteleiros, apartamentos e vivendas turísticas, campamentos de turismo, establecementos de turismo rural, e albergues turísticos (punto 55.1 da Lei 7/2011 do Turismo de Galicia)
  2. -Restaurantes (grupo I do artigo 77 da Lei 7/2011 do Turismo de Galicia)

• Investimento neto admitido ata 100.000 €, o IVE non está incluído
• Contía da axuda: entre o 30% e o 50%, sendo o máximo 50.000€ a percibir
• Prazo de solicitudes: remata o luns 7 de marzo de 2022
• Prazo xustificar o investimento: do 31 de outubro de 2022
• Investimentos iniciados a partir do 1 de xaneiro de 2022
• A Axencia de Turismo de Galicia tramita a presente axuda. Para dúbidas en fomento.turismo@xunta.gal

Os investimentos subvencionables son:

  • Actuacións destinadas a mellorar as condicións de accesibilidade e supresión de barreiras arquitectónicas.
  • Obras destinadas á mellora das instalacións coa finalidade de obter certificacións de calidade, en especial a Q de Calidade Turística.
  • Actuacións destinadas á adaptación ás modificacións normativas e á mellora da clasificación do establecemento que supoñan un incremento de categoría.
  • Actuacións de renovación e modernización das instalacións e embelecemento do contorno da instalación.
  • Equipamentos mobles necesarios para o funcionamento.
  • Actuacións de mellora da climatización que favorezan a sustentabilidade coa implementación de medidas de aforro enerxético, así como a instalación ou mellora de sistemas de extracción e renovación do aire.
  • Actuacións de dixitalización dos sistemas de xestión e comercialización do establecemento.
  • Adaptación dos sistemas de seguridade e saúde na prestación de servizos

Esta subvención regúlase en réxime de concorrencia competitiva polo que o importe a subvencionar será resultado dos criterios de valoración como a antigüidade, grado de investimento, impacto no emprego entre outros. A posesión dun certificado de calidade turística como SICTED, ademais de mellorar a xestión do establemento, facilitica acadar puntuación nalgunas subvencións.

Esta axuda é compatible coa percepción doutras subvencións, sempre que o importe total non supere o custo da actividade subvencionada. Excepto coa convocatoria da Axencia Turismo de Galicia para actuacións de mellora paisaxística e de embelecemento de bens e recursos que se atopen no Camiño de Santiago (código de procedemento TU501D) que aínda non foi publicada para este ano 2022.

DOG 7/02/2022 Subvención para actuacións de mellora das infraestruturas dos establecementos turísticos de aloxamento e de restauración (código de procedemento TU503A) 

DOG 7/02/2022 Extracto da subvención

El Alcalde de A Guarda remite una carta al Conselleiro responsable del Xacobeo

• En la misiva, Antonio Lomba expresó su preocupación y queja por las informaciones en relación al reconocimiento por parte de las autoridades portuguesas de que el “Camiño Portugués da Costa” pasa por Valença do Minho.

El Alcalde de A Guarda, Antonio Lomba, viene de remitir en el día de hoy, viernes 4 de febrero, una carta al Conselleiro responsable del Xacobeo vistas las informaciones que aparecen hoy en los medios de comunicación en relación a un presunto reconocimiento por parte de las autoridades portuguesas de que el “Camiño Portugués da Costa” pasa por Valença do Minho.
Tal y como manifiesta el edil, “Descoñezo a veracidade destas comunicacións pero, como alcalde da Guarda, quero expresar a miña preocupación e queixa por estas informacións.”
En la página oficial de los caminos de Santiago se indica que el “Camiño Portugués da Costa entra en Galicia por la villa marinera de A Guarda tras cruzar el río Miño en su desembocadura”. Esto significa que el Camino llega a A Guarda desde Caminha.
En palabras de Antonio Lomba “Este problema que se está xerando en Portugal co itinerario do Camiño da Costa xa llo fixemos saber, os alcaldes e alcaldesas de: A Guarda, O Rosal, Oia, Baiona e Nigrán, a Ildefonso de la Campa, Director de Administración e Relación coas Asociacións de Amigos do Camiño de Santiago, nunha reunión mantida o 9 de xullo de 2021. Nesa reunión solicitamos ao representante do Xacobeo que mediara diante da Comisión Certificadora Portuguesa para resolver este asunto e evitar que se promoveran itinerarios xacobeos non oficiais.”
En este sentido el Alcalde de A Guarda reclama por parte del Conselleiro una intervención como máximo responsable del Xacobeo para aclarar esta situación que no favorece al Camino Portugués de la Costa, un itinerario oficial reconocido en la Ley de Patrimonio Cultural de Galicia.

O Alcalde da Guarda remite unha carta ao Conselleiro responsable do Xacobeo

• Na misiva, Antonio Lomba expresou a súa preocupación e queixa polas informacións en relación ao recoñecemento por parte das autoridades portuguesas de que o “Camiño Portugués da Costa” pasa por Valença do Minho.

O Alcalde da Guarda, Antonio Lomba, ven de remitir no día de hoxe, venres 4 de febreiro, unha carta ao Conselleiro responsable do Xacobeo vistas as informacións que aparecen hoxe nos medios de comunicación en relación a un presunto recoñecemento por parte das autoridades portuguesas de que o “Camiño Portugués da Costa” pasa por Valença do Minho.
Tal e como manifesta o edil, “Descoñezo a veracidade destas comunicacións pero, como alcalde da Guarda, quero expresar a miña preocupación e queixa por estas informacións.”
Na páxina oficial dos camiños de Santiago indicase que o “Camiño Portugués da Costa entra en Galicia pola vila mariñeira da Guarda tras cruzar o río Miño na súa desembocadura”. Isto significa que o Camiño chega á Guarda dende Caminha.
En palabras de Antonio Lomba “Este problema que se está xerando en Portugal co itinerario do Camiño da Costa xa llo fixemos saber, os alcaldes e alcaldesas de: A Guarda, O Rosal, Oia, Baiona e Nigrán, a Ildefonso de la Campa, Director de Administración e Relación coas Asociacións de Amigos do Camiño de Santiago, nunha reunión mantida o 9 de xullo de 2021. Nesa reunión solicitamos ao representante do Xacobeo que mediara diante da Comisión Certificadora Portuguesa para resolver este asunto e evitar que se promoveran itinerarios xacobeos non oficiais.”
Neste senso o Alcalde da Guarda reclama por parte do Conselleiro unha intervención como máximo responsable do Xacobeo para aclarar esta situación que non favorece ao Camiño Portugués da Costa, un itinerario oficial recoñecido na Lei de Patrimonio Cultural de Galicia.

03/02/2022 A Guarda oferta tres novos obradoiros gratuítos para comercio, hostalaría e empresas

O Concello da Guarda, a través da Concellaría de Desenvolvemento Local, oferta nos meses de febreiro e marzo tres obradoiros de xeito gratuíto dirixidos a comercio, hostalería e empresas.

Estes obradoiros están enmarcados na campaña de apoio a o comercio local, iniciada xa no ano 2020 por mor da situación sanitaria e que, a finais de 2021, propiciou a realización de dous obradoiros e que, nesta primeira parte de ano 2022, inclúe un obradoiro para a realización de Plans de Marketing para Campañas Comerciais, outro sobre Venta a través das principais redes sociais e un sobre venta online web e a través de marketplaces.

No obradoiro sobre “Plans de Marketing para Campañas Comerciais” os participantes terán a oportunidade de aprender cales son os pasos necesarios para actuar ante unha campaña comercial elaborando un Plan de Marketing, porqué é necesario facelo e cales son os seus beneficios, así como os pasos a seguir para a súa correcta elaboración, ferramentas e aplicacións que axudan á súa correcta execución. Terá lugar o venres 18 de febreiro ás 20:30h na Sala de formación no 1º andar do concello vello.

O sobre “Ventas a través das principais redes sociais” permitirá coñecer cales son as principais redes sociais do mercado que permiten a venda a través das súas plataformas, cales son as súa vantaxes e desvantaxes e como é o seu funcionamento. Terá lugar o venres 4 de marzo ás 20:30h na Sala de formación no 1º andar do concello vello.

O último obradoiro para esta primeira parte do ano 2022 versará sobre “Venta online web e a través de marketplaces”, onde os participantes ampliarán información sobre as diversas plataformas de venda multicanal existentes no mercado, empregando unha comparativa que axudará a elixir cal é a máis axeitada en función de cada tipo de sector ou empresa, os seus custos e metodoloxías de traballo. Terá lugar o venres 18 de marzo ás 20:30h na Sala de formación no 1º andar do concello vello.

Os obradoiros teñen unha duración aproximada dunha hora e media e é preciso unha inscrición previa chamando ao 986610000 ext.7 ou remitindo un correo electrónico a informacion@aguarda.es, as prazas son limitadas.

31/01/22 Publicación das axudas para a contratación de persoal

O venres pasado publicaronse dúas axudas para promover a consolidación do emprego autónomo mediante incentivos. Xa está disponible toda a información e aberta a tramitación na sede electrónica.

 

Programa I. Incentivos á contratación por conta allea e á formación (código de procedemento TR342C).

Este programa ten dúas liñas: unha de incentivos á contratación por conta allea e outra de incentivos ás accións formativas no centro de traballo:

– Liña de incentivos á contratación por conta allea.
Inclúe catro tipos de axudas compatibles entre si, sempre que a persoa traballadora pola que se solicitan os incentivos non sexa a mesma:

  1.  Incentivos á contratación indefinida inicial, por medio do cal se proporcionará unha subvención para a contratación indefinida inicial de persoas desempregadas mozas, persoas desempregadas de longa duración, mulleres desempregadas e persoas desempregadas con discapacidade ou en situación ou risco de exclusión social.
  2. Incentivos á contratación temporal, por medio do cal se proporcionará unha subvención para a contratación temporal de persoas desempregadas mozas, persoas desempregadas de longa duración, mulleres desempregadas e persoas desempregadas con discapacidade ou en situación ou risco de exclusión social.
  3. Incentivos á transformación de contratos temporais en indefinidos só no caso das persoas mozas, mulleres e persoas con discapacidade ou en situación ou risco de exclusión social.
  4. Incentivos ao incremento de xornada das contratacións indefinidas iniciais a tempo parcial só no caso das persoas mozas, mulleres e persoas con discapacidade ou en situación ou risco de exclusión social.

– Liña de incentivos ás accións formativas no cento de traballo (opcional).
Está dirixida ás persoas contratadas mediante contratación indefinida inicial e temporal por medio desta orde de convocatoria, para levar a cabo accións formativas que melloren os seus coñecementos e habilidades relacionados co posto de traballo.

 

Programa II. Axudas a persoas traballadoras autónomas pola contratación indefinida e a formación de persoas asalariadas. (código de procedemento TR349F).

Inclúense dous tipos de axuda compatibles:

  1. Bono de contratación, por medio do cal se proporcionará unha subvención para a contratación indefinida inicial de persoas desempregadas realizadas por persoas traballadoras autónomas ou persoas profesionais con domicilio social e fiscal en Galicia.
  2. Bono de formación (opcional), dirixido ás persoas contratadas por medio desta orde, para levar a cabo accións formativas que melloren os seus coñecementos e habilidades relacionados co posto de traballo.

 

O prazo dos dous programas remata o 30 de setembro de 2022 (axuda en concorrencia non competitiva ata esgotamento do crédito)

31/01/22 Recordatorio: os Plans de Hostalaría e Ocio Noturno foron actualizados

Na tarde do venres publicouse no DOG 19 BIS a Orde da Consellería de Sanidade as novas medidas xerais de prevención pola COVID que estarán vixentes ata as 00.00 horas do día 12 de febreiro de 2022.

Ademais de informar de medidas noutros ámbitos, nesta Orde informase novamente que o Plans foron actualizados e incorporan as últimas modificacións do día anterior.

En resumo, manteñense as mesmas medidas só que agora están no mesmo documento. Deste xeito, evitar as interpretacións nas continuas modificacións:

28/01/22 Publicación do Novo Plan de Hostalaría Seguro (versión 9)

Na tarde de onte publicouse no DOG 18 BIS a Orde da Consellería de Sanidade que establece as novas medidas de prevención pola COVID e que entrarán en vigor ás 00.00 horas do día 29 de xaneiro de 2022 e estarán vixentes ata as 00.00 horas do día 12 de febreiro de 2022.

Debido ás consultas formuladas polas medidas publicadas que inducían a erro, a Consellería de Sanidade actualizou o Novo Plan de Hostalaría Seguro a 28 de xaneiro (versión 9). Este documento detalla todas as medidas vixentes a partir das 00.00h do 29 de xaneiro.

Modificacións do Plan de Hostalaría (restaurantes, cafeterías e bares de nivel 1 e 2 cunchiñas):

  • Está permitido o consumo en barra. Non se poderán compatibilizar os distintos usos polo que se deberá diferenciar a zona destinada a clientes da zona destinada ao persoal.
  • O horario límite de peche ao público será ás 01:00 horas, agás a noite do venres ao sábado e do sábado ao domingo, e vésperas de festivos que será ás 1:30 horas.
  • Permítese a realización de cócteis e actos de recepción con aperitivo e público de pé que, no momento de retirada da máscara para o consumo, deben respectar a distancia interpersoal de seguridade entre persoas non conviventes. Os grupos de persoas de pé poderán ser de ata oito persoas no interior e quince na terraza.
  • Actualizar o modelo de cartel segundo o nivel dunha ou dúas cunchiñas na plataforma de Turespazo

Modificacións do Plan de lecer nocturno:

  • O horario límite de peche ao público será ás 4.00 horas para os establecementos que teñan título habilitante de pubs e de cafés espectáculo, salvo as noites do venres ao sábado, do sábado ao domingo e as vésperas de festivos, en que o horario límite será ás 4.30 horas.
  • O horario límite de peche ao público será ás 5.00 horas para os establecementos que teñan título habilitante de salas de festa ou discotecas.
  • Permitirase o consumo en barra. Recoméndase que os clientes na barra manteñan a máscara correctamente colocada nos momentos en que non se poida garantir a distancia interpersoal co persoal traballador. Na barra non se poderán compatibilizar distintos usos, polo que haberá que diferenciar a zona destinada a clientes e a zona de barra destinada ao persoal, respectando en todo momento as distancias de seguridade e impedindo a formación de aglomeracións

Para todos os establecementos de hostalaría e ocio nocturno:

  • A ocupación máxima será de 8 persoas no interior e 15 persoas na terraza, por mesa ou agrupación de mesas.
  • Obrigatoriedade da exhibición do Certificado COVID para o acceso ao interior de restaurantes, cafeterías e bares durante todo o horario de apertura.
  • A obriga do emprego da aplicación PASSCOVD para o control do acceso.

26/01/22 Adianto das modificacións para a hostalería e ocio nocturno

A Consellería de Sanidade fixo público as medidas acordadas no Comité Clínico de hoxe e que entrarán en vigor ás 00.00h do sábado 29 de xaneiro de 2022.

As medidas para a hostalería e restaurantes:

  • Permítese o uso de barra.
  • Permítese a organización de cocteles de pé.
  • Ampliase o horario de peche ata á 1:00h de domingo a xoves.
  • Ampliase o horario de peche ata á 1:30h na fin de semana.
  • Ampliase ata 15 persoas nunha mesa ou agrupación no exterior. (mantense a 8 persoas máximo no interior).

As medidas para os locais de ocio nocturno:

  • Ampliase o horario de peche ata á 4:30h de domingo a xoves.
  • Ampliase o horario de peche ata á 5:00h na fin de semana.

No referente a obligatoriedade de mostrar o certificado COVID manterase 15 días máis á espera de que sexa ratificado polo Tribunal Superior de Xustiza Galego.

 

NOTA DE  PRENSA 26/01/22: A Xunta recupera a mobilidade nocturna con non conviventes e amplía os horarios de hostalería e lecer nocturno

O Concello da Guarda participou na Feira de Turismo de Madrid como un dos protagonistas na presentación do Xeodestino Ría de Vigo Baixo Miño

Cada ano A Guarda como destino turístico destacado conta cun especial protagonismo nas presentacións da Deputación de Pontevedra e do Xeodestino Ría de Vigo Baixo que se realizan durante a Feira de Turismo de Madrid, FITUR.
O xoves 20 de xaneiro no stand de Turismo de Galicia tivo lugar a presentación da campaña promocional “Mulleres do Camiño Portugués” do Xeodestino Ría de Vigo Baixo Miño e A Guarda ofreceu a súa experiencia no Camiño Portugués da Costa.

 

 

 

 

 

Nesta presentación estiveron presentes profesionais de diferentes ámbitos do turismo onde ofreceron a súa experiencia no camiño e no trato diario cos peregrinos. O Concello da Guarda estivo representado pola técnico de Turismo, Rosalía Verde, que trasladou aos asistentes a atención prestada na Oficina de Turismo e a relevancia da Guarda como primeiro municipio galego do Camiño Portugués da Costa.
Ademais nesta presentación presentouse o vídeo promocional da campaña para este 2022 onde cinco mulleres vinculadas ao turismo contan a importancia social e económica do camiño para os concellos do Camiño Portugués e da Costa. As cinco mulleres protagonistas do vídeo son Mar Rodríguez, de Teetravel; Lucía Fragata, de Turismo de Baiona; Noelia Martínez, de Casa do Marqués; Patricia Muñoz, de Amodo Turismo; e Rosalía Verde, de Turismo A Guarda.
Ademais asistiuse á presentación da campaña “Love Rías Baixas” da Deputación de Pontevedra e no seu vídeo promocional amosan a historia de 7 persoas que se achegaron ata a provincia e decidiron quedarse a vivir. Unha destas protagonistas é Daniela Savic, naceu en Eslovenia e chegou A Guarda como xogadora de balonmán e agora continúa como adestradora. A través do seu relato e as panorámicas da vila converteuse nunha excelente embaixadora do noso concello.


Os interesados en coñecer A Guarda tiñan no stand de Turismo de Galicia material turístico e calendarios fotográficos do Concello.

 

17/01/22 Prórroga das medidas actuais do Plan de Hostalería

No boletín Nº 9-Bis do venres 14 de xaneiro de 2022 publicaronse dúas ordes especiais da Consellería de Sanidade sobre as medidas de prevención actuais.
  • A Orde do 12/01/2021 anuncia a prórroga das medidas xerais como a obligatoriedade de presentar o certificado COVID para o acceso a diferentes recintos como no caso do interior dos locais de hostalería. A prórroga destas medidas sería ata o 29 de xaneiro de 2022 pero teñen que ser aprobadas por resolución do Tribunal Superior de Xustiza Galego. Ademais nesta orde tamén adiantase que a permanencia de grupos de persoas en espazos públicos (pechados e abertos) e de uso privado queda limitado aos constituídos exclusivamente por persoas conviventes entre as 3.00 e as 6.00 horas dos venres, sábados, domingos e festivos. Esta medida tamén ter que ser aprobado por TSX.

 

  • Na segunda Orde do 13/01/2021 anunciase a prórroga ata as 00.00h horas do 12 de febreiro das medidas específicas do Plan de Hostalería e que foron publicadas na Orde do 29/12/2021 e, polo tanto, se manteñen:
    • Non se permite o consumo en barra.
    • Os establecementos de hostalería e restauración pecharán ás 00:00h. Excepto ás noites dos venres e dos sábados que pecharán ás 1:00h.
    • 100 % do aforo interior e exterior.

O concello da Guarda consegue un millón de euros de financiamento para turismo do Plan de Recuperación

O concello da Guarda consegue un millón de euros de financiamento para turismo do Plan de Recuperación
  • 17Goberno Central aprobou o financiamento do Plan de Sostibilidade Turística en Destino (PSTD) presentado polo concello da Guarda.
  • Este plan será financiado con fondos NextGenerationEU en materia de sostibilidade turística en liña co plan de Recuperación Transformación e Resiliencia.

 

En Galicia foron aprobados 16 proxectos de sostibilidade turística entre os cales se atopan o “PSTD A Guarda” cun orzamento de 1.000.000 € e o proxecto “Despensa de Galicia”, financiado con 1.500.000 €, presentado polo Xeodestino Ría de Vigo e Baixo Miño, unha agrupación de 14 concellos entre os que tamén se atopa a Guarda.

O principal obxectivo que se tivo en conta para elaborar o “PSTD A Guarda”  foi o de consolidar o turismo mediante unha serie de accións que reforcen a sostibilidade do destino apoiándose nos seus recursos fundamentais: a gastronomía, o patrimonio cultural e o patrimonio natural, que o converten nun destino único onde o mar, río e patrimonio material e inmaterial xeran unha paisaxe singular e crean sinerxías coas actividades do sector privado, ao que se lle atribuirá unha maior gobernanza.

Foron moitos os axentes locais que participaron na elaboración e apoio do “PSTD A Guarda”. O concello agradece a todos os particulares, empresas e entidades que, ben a través de reunións sectoriais, cartas de apoio ou enquisas se implicaron neste proxecto turístico. Estas achegas foron fundamentais para conseguir o financiamento.

O plan inclúe, entre outras actuacións: a protección e rexeneración do ecosistema dunar da praia do Muíño, actuacións relacionadas coa mellora da xestión do uso do Monte Trega, implantando medidas que regulen o acceso a este espazo de alta presión de visitantes coa creación dun estacionamento disuasorio na zona da Porta do Trega. Un novo proxecto artístico para o dique norte coa incorporación de iluminación artística. A mellora do tramo de senda da estrada de Camposancos, entre o cruce co paseo de Portugal e a entrada do barrio do Couto. O impulso á náutica deportiva e tradicional coa instalación de pantaláns flotantes no porto da Guarda e na Pasaxe. A posta en valor da Guarda como destino gastronómico, a creación de contidos dixitais e a dixitalización da comercialización dos servizos turísticos municipais.

Este ambicioso Proxecto Sostible de Turismo en Destino desenvolverase en tres anualidades entre o 2023-25 e dará resposta a necesidades e demandas que tan unha vila turística como A Guarda na que é necesario potenciar a gobernanza e modernización do sector.

A Concellaría de Turismo da Guarda e o grupo de fotógrafos Capturando A Guarda editan o calendario fotográfico para 2022

• Hai dispoñibles 4.000 exemplares e poderán recollerse na Oficina de Turismo e na Casa dos Alonso.

A Guarda conta cunha paisaxe e patrimonio destacada e moitos visitantes desfrutan fotografando para gardar esa imaxe no seu recordo.
Como primeira acción de promoción turística para este novo ano acordouse realizar un calendario fotográfico onde as fotos sexan as protagonistas.
Na selección das fotografías procurouse manter a temática da auga e do mar como elemento unificador, sen esquecerse do noso patrimonio e as festas.
As fotografías foron aportadas por tres veciños que comezaron a colaborar co Concello. Na primavera de 2021 mativeronse contactos con fotógrafos afeccionados e veciños da Guarda para mellorar imaxe fotográfica e ofrecer novas panorámicas co estilo propio deste veciños.
Despois destas conversas acordouse a creación do Grupo Capturando A Guarda e que está intregado por Lecio Alonso, Dionioso Ameal e Emilio Baz.
A finalidade deste grupo é que A Guarda mellorará a súa imaxe turística nas diferentes actuacións e accións promocionais e os tres fotógrafos afeccionados poderán dar a coñecer a súas fotos, que estarán identificadas co nome de seu autor e co agradecemento como Grupo Capturando A Guarda.
Na tardiña do luns 10 de xaneiro formalizouse a colaboración conxunta coa sinatura do contrato de cesión de fotografías entre o Alcalde, Antonio Lomba, e os integrantes do Grupo Capturando A Guarda, Lecio Alonso, Dionioso Ameal e Emilio Baz
Neste acto tamén estivo presente o Concelleiro de Turismo, Rafa Álvarez, que aproveitou para presentar ao Grupo Capturando A Guarda e tamén ao calendario fotográfico como a súa primeira participación dentro do proxecto para a renovación imaxe fotográfica da nosa vila.
O calendario fotográfico Concello da Guarda será distribuído entre veciños, visitantes e turistas para que leven un cachiño impreso do noso paisaxe. Hai dispoñibles 4.000 exemplares e poderán recollerse na Oficina de Turismo e na Casa dos Alonso.

04/01 Modificación dos horarios de hostalería e restauración

No día de onte publicouse unha nova modificación do Plan de Hostalería que afecta aos establecementos de hostalería (bar e cafetería) e restaurantes.

Modíficase:

  • O horario límite de peche ao público será ás 00.00 horas. Excepto as noites do venres, sábado e as vésperas de festivos que será ás 1.00 horas.

Esta modificación estará vixente ata as 00:00h do 18 de xaneiro, ao igual que as últimas medidas aprobadas.

DOG Nº1 BIS do 03/01/2022

29/12 Publicación das medidas que modifican o Plan de Hostalería e do Plan de lecer nocturno ata o 18 de xaneiro

Esta noite publicouse no DOG 249BIS a orde da Consellería de Sanidade que establece as novas medidas de prevención pola COVID e que entrarán en vigor ás 00:00h do 31 de decembro (do xoves ao venres) e estarán vixentes ata o 18 de xaneiro.

Modificacións do Plan de Hostalería (restaurantes, bares e cafeterías):

  • Obrigatoriedade da exhibición do Certificado COVID para o acceso ao interior de restaurantes, cafeterías e bares durante todo o horario de apertura. Actualmente na hostalería só é obrigatorio a partir das 21:00h.
  • Recórdase a obriga do emprego da aplicación PASSCOVD para o control do acceso.
  • Non se permite o consumo en barra.
  • Os establecementos de hostalería e restauración pecharán ás 00:00h. Excepto ás noites dos venres e dos sábados que pecharán ás 1:00h.
  • No caso da Noitevella os locais de hostalería e restauración pecharán das 1:00h ata ás 9:00h do 1 de xaneiro (Inicialmente trasladouse que a apertura sería ás 10:00h).
  • Mantense o límite de mesa de 8 persoas non convivintes para o interior e 10 no exterior.

Modificacións do Plan de lecer nocturno:

  • Os locais de ocio nocturno pecharán ás 3:00h. (inicialmente trasladouse que o peche sería as 2:00h).
  • Non se permite o consumo en barra.
  • Mantense o límite de mesa de 8 persoas non convivintes para o interior e 10 no exterior.

Réxime optativo de peche dos establecementos de lecer nocturno

Os establecementos de lecer nocturno poderán acollerse ao réxime optativo de peche desde as 00:00 horas do día 31 de decembro de 2021 ata as 3:00 horas do día 3 de xaneiro de 2022.

Para acollerse a este réxime de peche, os titulares dos establecementos deberán remitir unha comunicación previa en forma de correo electrónico ao seguinte enderezo pechelecernocturno@xunta.gal, antes das 00.00 horas do día 31 de decembro de 2021. No correo electrónico deberán figurar os seguintes datos: nome do establecemento e enderezo, nome completo ou razón social do titular e CIF.

Aqueles establecementos de lecer nocturno que non efectuasen a comunicación previa á que se refire este punto quedarán excluídos da axudas ou subvencións que a Administración da Comunidade Autónoma de Galicia poida establecer para estes supostos de peche de acordo co establecido nas correspondentes bases reguladoras. Tamén estarán excluídos da axudas ou subvencións indicadas aqueles establecementos que adianten ou atrasen a outras datas as festas ou eventos previstos nos días indicados no primeiro parágrafo deste punto.

Limitación temporal de festas, celebracións ou eventos específicos nos establecementos de lecer nocturno

No período comprendido entre as 0:00 horas do día 31 de decembro de 2021 e as 0:00 do día 18 de xaneiro de 2022, os establecementos de lecer nocturno poderán realizar a súa actividade ordinaria, pero non poderán organizar festas, celebracións ou eventos específicos, independentes ou extraordinarios, como cotillóns, festas de fin de ano, festas de reis, ou con calquera outra denominación similar ou que produza un efecto equivalente, en particular con motivo das datas de Nadal ou outras datas en substitución delas, nin realizar promoción, anuncios ou publicidade dos indicados eventos a través de redes sociais, mensaxes de difusión, ou cartelaría tradicional.

 

DOG 249BIS 29/12/2021

Nota de prensa 29/12/2021 Os locais de lecer nocturno que adianten a hoxe as festas de Fin de Ano non terán acceso ás axudas da Xunta pola cancelación do evento

29/12 Adianto das medidas específicas para o ocio nocturno ata o 18 de xaneiro

A Xunta de Galicia adianta as medidas acordadas para o sector do ocio nocturno que inclúe a discotecas, pubs, cafés-espectáculo, salas de festa, salas de concertos e similares.

A medida aprobada permite elixir entre abrir a fin de semana de Fin de Ano, do 30 de decembro ao 2 de xaneiro (ambos incluídos), ou optar a unha liña de axudas con distintos tramos en función dos metros cadrados de cada local.

Os locais do ocio nocturno pecharán ás 3:00h dende o 30 de decembro ao 18 de xaneiro. E dicir, tamén é o horario de peche para a fin de semana de Fin de Ano.

As axudas para os locais que decidan pechar na fin de semana de Fin de Ano estableceranse distintos tramos en función da superficie de cada un:

  • 2.500 € para os locais de menos de 100 metros cadrados
  • 5.500 € para os locais de 100 a 250 metros cadrados.
  • 9.000 € para os locais de 250 a 500 metros cadrados.
  • 14.000 € para os locais de 500 e 700 metros cadrados.
  • 27.000 € para os locais de 700 a 2.000 metros cadrados.
  • 45.000 € para os locais de máis de 2.000 metros cadrados.

A orde para as axudas está prevista que se publique en xaneiro co obxectivo de que se comecen a abonar as axudas ao mes seguinte.

 

NOTA DE PRENSA 28/12/2021: Xunta e ocio nocturno chegan a un acordo sobre as medidas a adoptar ante a covid durante o Nadal

28/12 Adianto das novas restriccións que entrarán en vigor o 31 de decembro.

O Conselleiro de Sanidade trasladou as novas medidas e restriccións acordadas polo Comité Clínico. Estas medidas entrarán en vigor ás 00:00h do 31 de decembro (do xoves ao venres) e estarán vixentes ata o 18 de xaneiro.

Medidas na hostalería e ocio nocturno:

  • Certificado Covid obligatorio tamén nos bares e cafeterías (antes na hostalería só era obligatorio a partir das 21:00h).
  • Os establecementos de hostalería e restauración pecharán ás 00:00h. Excepto ás noites dos venres e dos sábados que pecharán ás 1:00h.
  • Prohibido o consumo en barra.
  • Mantense o límite de mesa de 8 persoas non convivintes para o interior e 10 no exterior.
  • Os locais de ocio nocturno pecharán ás 2.00h.

Medidas específicas para Noitevella e Día de Reis:

  • Os locais de hostalería e restauración pecharán ás 1:00h na Noitevella. O día 1 de xaneiro poderán abrir a partir das 10:00h  e así evitar que continúen as reunións.
  • Pendente do acordo da próxima reunión sobre as limitacións no caso do ocio nocturno.
  • Recomendación dun máximo de 2 unidades familiares nas reunións, e preferiblemente, que estas unidades sexan as mesmas que nas celebracións de Nadal.

Outras medidas ou recomendacións:

  • Recomendase non asistir os eventos musicais masivos. Tanto no interior como no exterior o público deberá estar sentado.
  • Pendente de aprobación polo Tribunal Superior de Xustiza Galego:  limitar xuntanzas de persoas non convivintes en espazos públicos, entre as 2:00 e as 6:00h.

NOTA DE PRENSA Conselleria de Sanidade 28/12/2021: O comité clínico acorda o peche dos locais de hostaleria e restauración ás 00,00 horas e do ocio nocturno ás 2,00

16/12 Publicación da prórroga das medidas de prevención na hostalería.

No DOG 240-BIS publicado no día de hoxe informase da prórroga das medidas actuais de prevención na hostalería e que seguirán en vigor ata ás 00:00h do 18 de xaneiro de 2022.

Tan só hai unha modificación nas medidas aplicadas ata agora:

  • Non se permite a realización de cócteles e actos de recepción con aperitivo e público de pé.

 

Como recordatorio, estas son as medidas que se manteñen sen modificación:

  • A ocupación máxima será de oito persoas no interior e quince persoas na terraza, por mesa ou agrupación de mesas.
  • Nos establecementos de lecer nocturno (discotecas, pubs, cafés-espectáculo, salas de festas e salas de concertos), a ocupación máxima será de 8 persoas no interior e 15 persoas na terraza, por mesa ou agrupación de mesa.
  • En todo caso, deberá asegurarse que se mantén a debida distancia de seguridade interpersoal entre as mesas ou, de ser o caso, as agrupacións de mesas.
  • Debense establecerse as medidas necesarias para procurar manter a distancia de seguridade interpersoal nas súas instalacións, especialmente na disposición e no uso das máquinas ou de calquera outro dispositivo de xogo nos locais e establecementos en que se desenvolvan estas actividades. O uso da máscara será obrigatorio.

Tamén se mantén a obligatoriedade da exhibición do Certificado COVID para o acceso ao interior dos establecementos publicado na Orde do 25 de novembro:

  • Restaurantes e salóns de banquetes durante todo o seu horario.
  • Bares, cafeterías e furanchos a partir das 21:00h.
  • Os establecementos de xogo que ofrecen servizos de hostalería tamén aplicarán esta medida e nos horarios que proceda de acordo coa natureza dos indicados servizos como de restaurante ou de cafetaría ou bar.

O Certificado COVID ten que ser emitido polo servizo de saúde ou por un laboratorio oficial autorizado e debe acreditar o cumprimento dalgún dos seguintes requisitos:

  1. Que recibiron a pauta completa dunha vacina contra a COVID-19 para a cal se concedeu unha autorización de comercialización de conformidade co Regulamento (CE) nº 726/2004.
  2. Que dispoñen dunha proba diagnóstica negativa realizada nas últimas 72 horas, no caso das PCR, e 48 horas, no caso dos tests de antíxenos. No caso dos tests rápidos de antíxenos, deberán estar enumerados na lista común e actualizada de tests rápidos de antíxenos da COVID-19 establecida sobre a base da Recomendación 2021/C 24/01, do Consello de Europa.
  3. Que o titular se recuperou dunha infección polo SARS-CoV-2 nos últimos 6 meses. Para iso, a persoa deberá ter sido diagnosticada como caso confirmado da COVID-19 hai 11 días ou máis mediante unha proba PCR, e non será válido outro tipo de test.

As persoas titulares dos establecementos ou o seu persoal:

  • Teñen a obrigación de realizar o control do cumprimento da medida de seguridade sanitaria, polo que non se permitirá o acceso das persoas que non exhiban a documentación requirida, que será necesaria para o acceso e a prestación dos correspondentes servizos ao cliente.
  • Están obrigados a manter o segredo e a confidencialidade sobre os datos persoais a que accedan.
  • Co obxecto de procurar a máxima garantía da privacidade e da intimidade das persoas, a exhibición da información a que se refire a medida preventiva só poderá ser solicitada polas persoas titulares dos establecementos ou polo seu persoal no momento do acceso ao interior e para os efectos da súa mera comprobación ou verificación.
  • De acordo co principio expresado de velar pola máxima garantía da privacidade e da intimidade, a comprobación da validez dos certificados presentados, tanto en formato papel como en formato dixital, só poderá ser efectuada polos establecementos a través da lectura do código QR que figura en cada un dos certificados, empregando a aplicación Passcovid da Comunidade Autónoma de Galicia, prevista na Orde da Consellería de Sanidade, do 18 de agosto de 2020, pola que se regula o sistema de información Passcovid.gal como medida complementaria na xestión da crise sanitaria ocasionada pola COVID-19, dispoñible nas plataformas Android e Ios.
  • A comprobación efectuarase unicamente coa finalidade expresada de control de acceso.
  • Non se conservarán en ningún caso datos de carácter persoal nin se crearán ficheiros con eles.

Peche temporal do Albergue Municipal da Guarda

O Concello da Guarda acordou o peche do Albergue Municipal de Peregrinos durante as próximas semanas ante a redución do número de peregrinos e a actual situación da pandemia.

Os meses de menor afluencia de peregrinos son decembro e xaneiro. Os días tan curtos e a maior probabilidade de mal tempo son as razóns polas que os peregrinos evitan realizar o camiño nos meses de inverno. Tamén inflúen as celebracións de nadal.

Aqueles peregrinos que escollen estas datas para camiñar a Santiago buscan precisamente un camiño con pouco tránsito que lles aporte tranquilidade e soidade. Ademais estes peregrinos de inverno adoitar escoller aloxamentos turísticos como hoteis onde dispoñen doutras facilidades como cuartos individuais e unha maior flexibilidade na hora da saída. Neste sentido, indicar que os establecementos hoteleiros da Guarda seguen a ofrecer aloxamento nestas datas con todas as medidas de prevención da COVID-19.

Ademais desta redución habitual polo inverno, nas últimas semanas este descenso de peregrinos viuse intensificado polas novas restricións para viaxar dos peregrinos estranxeiros. Durante o inverno a procedencia supera o 95% de países estranxeiros: Alemania, Reino Unido, Corea do Sur, EEUU, Canada,… Gran parte destes países incrementaron as súas medidas e restricións ante o incremento internacional dos contaxios pola COVID-19.

Os teléfonos de atención do albergue e da Oficina de Turismo seguirán operativos para atender as dúbidas xeradas ante os posibles cambios nas restricións tanto en Galicia como en Portugal.

As medidas acordadas en Portugal teñen gran influencia debido a que gran parte dos nosos peregrinos comezan a súa peregrinación en terras lusas. O goberno portugués xa anunciou restricións moi estritas do 2 ao 9 de xaneiro de 2022 como o peche da hostalería e o teletraballo.

En definitiva, o Albergue Municipal de Peregrinos permanecerá pechado do próximo luns 20 de decembro ata o domingo 16 de xaneiro de 2022. A previsión é que o albergue volva a abrir o luns 17 de xaneiro pero podería modificarse si as restricións internacionais ante a COVID-19 fosen maiores.

07/12 Emprego da aplicación Passcovid para o control do acceso no lecer nocturno.

No DOG 233BIS publicado o venres 3 de decembro prorrogase o actual Plan de Lecer Nocturno e modificase o seu número 5 do punto terceiro:

Procurase a máxima garantía da privacidade e da intimidade das persoas na exhibición do Certificado COVID para o acceso ao interior dos locais de lecer nocturno.

As persoas titulares dos establecementos ou o seu persoal:

  • De acordo co principio expresado de velar pola máxima garantía da privacidade e da intimidade, a comprobación da validez dos certificados presentados, tanto en formato papel como en formato dixital, só poderá ser efectuada polos establecementos a través da lectura do código QR que figura en cada un dos certificados, empregando a aplicación Passcovid da Comunidade Autónoma de Galicia, prevista na Orde da Consellería de Sanidade, do 18 de agosto de 2020, pola que se regula o sistema de información Passcovid.gal como medida complementaria na xestión da crise sanitaria ocasionada pola COVID-19, dispoñible nas plataformas Android e Ios.
  • A comprobación efectuarase unicamente coa finalidade expresada de control de acceso ao interior.
  • Non se conservarán en ningún caso datos de carácter persoal nin se crearán ficheiros con eles.

Esta medida estará en vigor ata o 18 de decembro.

A Guarda promove visitas guiadas para a Ponte da Constitución

O Concello da Guarda e o Padroado Municipal do Monte Santa Trega ofrecen visitas guiadas durante a Ponte da Constitución ampliando a oferta de QUE FACER na nosa vila.

Os visitantes e turistas, que escollen A Guarda, percorren o noso territorio a través das rutas de sendeirismo, gozan da natureza no Esteiro do Miño, visitan o Monte Santa Trega, descobren a vida mariñeira no porto e no Museo do Mar e degustan a nosa gastronomía e produtos locais.

Para completar estes recursos e para que os visitantes e veciños coñezan con máis detalle o noso patrimonio e historia ofreceranse visitas guiadas gratuítas coincidindo coa Ponte da Constitución:

Castro Santa Trega:
Visita guiada de 60 minutos á zona escavada comezando polo Barrio Mergelina (escavación realizada en 2018) e rematando nas vivendas reconstruídas. Permitirá coñecer en detalle a Cultura Castrexa e como vivían estes castrexos no Trega xa hai máis de 2.000 anos.
Haberá unha visita ás 12:00 os días sábado 4, domingo 5, martes 7 e mércores 8 co punto de encontro na Casa Forestal.
O aforo é limitado e precisan inscrición previa no MASAT (Museo Arqueolóxico) no tel. 690 01 70 38 ou en masat@aguarda.es. O prezo por acceso ao monte en vehículo non está incluído nesta actividade.

Percorrido histórico polas prazas urbanas:
Co encanto da noitiña visitaranse as principais prazas e rúas urbanas amosando a súa historia, detallando os diferentes usos e nomes empregados no pasado e destacando os monumentos máis importantes destes espazos urbanos.
Neste caso as visitas comezarán ás 18:30h na Praza do Reló xunto a Oficina de Turismo e serán os días sábado 4, domingo 5, luns 6 e martes 7.
Tamén terán unha duración aproximada de 60 minutos e precisan inscrición previa na Oficina de Turismo (tel. 986 61 45 46 ou en aguarda.oficina.turismo@gmail.com / turismo@aguarda.es)

Ademais con motivo da Ponte da Constitución a Rede de Museos da Guarda conta cunha apertura especial:
• MASAT (Museo Arqueolóxico). Amplía o seu horario dende o venres 3/12 ao mércores 8/12: 10:00 a 19:00. O luns mantense pechado.
• MUSEO DO MAR. Aberto de sábado 4/12 ao mércores 8/12 (excepto martes 7/12): 11:00 – 14:00 / 16:00 -19:00
• CASTELO DE SANTA CRUZ: Espazo público aberto todos os días: 10:00-18:00.

Estas datas da Ponte da Constitución tamén serán unha oportunidade para coñecer a figura de Eliseo Alonso Rodríguez, recentemente recoñecido como Fillo Adoptivo da Guarda, visitando as dúas exposicións na súa honra na Casa dos Alonso (Praza do Reló):
• Exposición bibliográfica titulada “Eliseo Alonso. Camiñando cara ao mar da Guarda”. O visitante descubrirá a vida literaria de Eliseo e doutras persoas de relevancia.
• Mostra filatélica coas coleccións de varios expositores. Ademais dunha tarxeta postal ilustrada personalizada e franqueada con un selo personalizado (gamela a vela da Guarda) e un sobre ilustrado co cuño postal conmemorativo.
Horario ata o 9 de decembro: De luns a venres: 11:00 a 13:00h. Fins de semana e festivos (luns 6/12 e mércores 8/12): 11:00 a 13:30/16:00 a 19:00h.

Por último, recordar que a Oficina Municipal de Turismo abre de luns a sábado de 10:00 a 14:00 e de 16:30 a 18:30 ata o 17 decembro. Tamén consultar por mail a turismo@aguarda.es ou no tel. 986 61 45 46 (operativo o domingo 5/12).

26/11 BIS Entrada en vigor da exhibición do certificado COVID na hostalería.

O Tribunal Superior de Xustiza de Galicia (TSXG) resolveu avalar a medida adiantada esta semana sobre a presentación do certificado COVID e entrará en vigor ás 00.00h do sábado 27 de novembro.

No DOG 228BIS publicado esta mañá detallase a medida preventiva de seguridade sanitaria consistente na exhibición do Certificado COVID para o acceso ao interior dos establecementos:

  • Restaurantes e salóns de banquetes durante todo o seu horario.
  • Bares, cafeterías e furanchos a partir das 21:00h.
  • Os establecementos de xogo que ofrecen servizos de hostalería tamén aplicarán esta medida e nos horarios que proceda de acordo coa natureza dos indicados servizos como de restaurante ou de cafetaría ou bar.

O Certificado COVID ten que ser emitido polo servizo de saúde ou por un laboratorio oficial autorizado e debe acreditar o cumprimento dalgún dos seguintes requisitos:

  1. Que recibiron a pauta completa dunha vacina contra a COVID-19 para a cal se concedeu unha autorización de comercialización de conformidade co Regulamento (CE) nº 726/2004.
  2. Que dispoñen dunha proba diagnóstica negativa realizada nas últimas 72 horas, no caso das PCR, e 48 horas, no caso dos tests de antíxenos. No caso dos tests rápidos de antíxenos, deberán estar enumerados na lista común e actualizada de tests rápidos de antíxenos da COVID-19 establecida sobre a base da Recomendación 2021/C 24/01, do Consello de Europa.
  3. Que o titular se recuperou dunha infección polo SARS-CoV-2 nos últimos 6 meses. Para iso, a persoa deberá ter sido diagnosticada como caso confirmado da COVID-19 hai 11 días ou máis mediante unha proba PCR, e non será válido outro tipo de test.

As persoas titulares dos establecementos ou o seu persoal:

  • Teñen a obrigación de realizar o control do cumprimento da medida de seguridade sanitaria, polo que non se permitirá o acceso das persoas que non exhiban a documentación requirida, que será necesaria para o acceso e a prestación dos correspondentes servizos ao cliente.
  • Están obrigados a manter o segredo e a confidencialidade sobre os datos persoais a que accedan.
  • Co obxecto de procurar a máxima garantía da privacidade e da intimidade das persoas, a exhibición da información a que se refire a medida preventiva só poderá ser solicitada polas persoas titulares dos establecementos ou polo seu persoal no momento do acceso ao interior e para os efectos da súa mera comprobación ou verificación.
  • De acordo co principio expresado de velar pola máxima garantía da privacidade e da intimidade, a comprobación da validez dos certificados presentados, tanto en formato papel como en formato dixital, só poderá ser efectuada polos establecementos a través da lectura do código QR que figura en cada un dos certificados, empregando a aplicación Passcovid da Comunidade Autónoma de Galicia, prevista na Orde da Consellería de Sanidade, do 18 de agosto de 2020, pola que se regula o sistema de información Passcovid.gal como medida complementaria na xestión da crise sanitaria ocasionada pola COVID-19, dispoñible nas plataformas Android e Ios.
  • A comprobación efectuarase unicamente coa finalidade expresada de control de acceso.
  • Non se conservarán en ningún caso datos de carácter persoal nin se crearán ficheiros con eles

ORDE do 25 de novembro de 2021 pola que se modifica a Orde do 14 de setembro de 2021 pola que se aproba o novo Plan de hostalaría segura da Comunidade Autónoma de Galicia.

26/11 MOD_Publicación da entrada en vigor da reducción dos grupos na hostalería.

No DOG 227-BIS publicado no día de onte informase da entrada en vigor ás 00.00h este sábado 27 de novembro da reducción do número de persoas nunha mesa ou agrupación de mesas.

No referente á medida acordada sobre obrigación de solicitar o certificado covid na hostalería segue pendente da autorización previa do Tribunal Superior de Xustiza de Galicia (TSXG). Polo que aínda non está en vigor. ACTUALIZADO: No DOG228-BIS do 26/11/2021 foi publicado a obligatoriedade de exhibición do Certificado COVID avala polo Tribunal e coincide coa entrada en vigor para este sábado 27 de novembro.

En definitiva, as medidas que entrarán en vigor esta madrugada son:

  • A ocupación máxima será de oito persoas no interior e quince persoas na terraza, por mesa ou agrupación de mesas.
  • Permítese a realización de actos de recepción con aperitivo e público de pé que,  no momento de retirada da máscara para o consumo, deben respectar a distancia interpersoal de seguridade entre persoas non conviventes. Os grupos de persoas de pé poderán ser de ata oito persoas no interior e quince na terraza».
  • Nos establecementos de lecer nocturno (discotecas, pubs, cafés-espectáculo, salas de festas e salas de concertos), a ocupación máxima será de 8 persoas no interior e 15 persoas na terraza, por mesa ou agrupación de mesa.
  • En todo caso, deberá asegurarse que se mantén a debida distancia de seguridade interpersoal entre as mesas ou, de ser o caso, as agrupacións de mesas.
  • Debense establecerse as medidas necesarias para procurar manter a distancia de seguridade interpersoal nas súas instalacións, especialmente na disposición e no uso das máquinas ou de calquera outro dispositivo de xogo nos locais e establecementos en que se desenvolvan estas actividades. O uso da máscara será obrigatorio.
1
…
6
7
8
…
22