Category: Novas Hostalaría

O protocolo para apertura da hostalería o venres 26 de febreiro detalla que é obligatorio a colocación no acceso do local dun cartel co aforo máximo permitido vixente.

Ademais tamén indicouse neste protocolo a implantación dun  sistema de rexistro de entradas dos clientes que permita o rastrexo de posibles contactos no caso dun positivo. Este rexistro non será obligatorio pero si recomendable.

Turismo de Galicia facilita unha ferramenta que calcula o aforo permitido segundo a porcentaxe en vigor e crea un cartel propio co aforo inteior e no exterior (se houbese). Ademais este cartel inclúe o código QR específico do establecemento para que os clientes podan darse de alta na plataforma COVID PASS.

Esta ferramenta é online e hai que acceder a web de turismo de Galicia_turespazo (acceso exclusivo para establecementos turísticos). Aqueles establecementos sen usarios poden darse de alta coa sinatura ou código de inscrición do establecemento. Tal é como informan na web ese código esta no libro de visitas da inspección turística ou na comunicación da inscrición no REAT.

Unha vez recoñecido o establecemento turístico, o procedemento consta duns sinxelos pasos:

1º Premer no menu “Mis establecementos”

2º Premer sobre o establecemento

Premer sobre o establecemento

3º Premer sobre o botón sinalado

4º Encher os campos, darlle a gardar e descargar os carteis. Permite modificar os carteis segundo modifiquen os aforos permitidos

Xa está dispoñible o prodecemento na sede electrónica da Xunta as axudas para o sector da hostalería (TR500C) e outras actividades pechadas (TR500D) conforme a normativa dictada polas autoridades sanitarias.

  • Estas axudas son compatibles con outras específicas como as axudas para autónomos e microempresas do II Plan de Rescate publicado na semana anterior.
  • O prazo para solicitar ditas axudas remata o 23 de marzo.
  • Para resolver dúbidas poden contactar coa Oficina do Autónomo ou no teléfono 900 81 56 00.

PROGRAMA I HOSTALERÍA

Destinatarios:

  • Persoas traballadoras autónomas, persoas físicas ou con persoal contratado por conta allea ao seu cargo; as microempresas e as pemes, calquera que sexa a súa forma xurídica do sector da hostalaría e con domicilio fiscal en Galicia.
  • Neste programa considerase hostalería as empresas de aloxamento: hoteis, hostais, casas rurais e outros tipos de aloxamentos.
  • Quedan excluídos os establecementos de lecer e entretemento, como as salas de festas, discotecas, pubs, café-espectáculos e furanchos,
  • Poderán optar as axudas os establecementos afectados polo peche interior, independentemente do servizo en terrazas e do servizo de envío a domicilio ou recollida no local.
  • Tamén poderán optar os destinatarios que solicitaran aprazamento das súas obrigas tributarias (Seguridade Social e/ou Administración da Comunidade Autónoma). A débeda non poderá superar o 80% da axuda a percibir e as persoas beneficiarias deben comprometerse a saldalas e comunicalo no prazo de quince días.

Importe da axuda:

  • Establecese polo peche do interior dos establecementos de hostalería e no caso dos aloxamentos polo peche perimetral.
  • Aos establecementos do Concello da Guarda correspóndelles o importe máximo da axuda: 2.700 € xa que as medidas decretadas datan do 13 de xaneiro (artigo 8. 1. e/f).
  • Os establecementos con 10 traballadores ou máis incrementarase en 1.000 € a cuantía anterior.
  • As axudas concederanse para cada establecemento paralizado podendo ter a persoa beneficiaria máis dun establecemento con dereito á axuda.

DOG Núm. 36 ORDE do 22 de febreiro de 2021

 

Aquí dispoñen dun resumo dos requisitos:

Programa I sector da hostalería

 

Programa II outras actividades pechadas

O venres 26 de febreiro entrarán en vigor as novas medidas que o Presidente da Xunta adiantou na súa comparecencia.

Á espera da publicación da información no boletín e o mapa actualizado dos novos niveis, estes son os puntos principais.

-Para toda Galicia:

  • Continua o peche como Comunidade
  • Mantense o comezo das clases universitarias presenciais o luns 1 de marzo. Esta semana realizarase un cribado entre os estudantes.

-Establécense tres niveis:

  • Nivel 1: Incidencia acumulada de máis de 500 (x100.000 habitantes)
    • Mantéñense as medidas máis estrictas (en vigor o 26/01).
  • Nivel 2: Incidencia acumulada entre 250 e 500 (x100.000 habitantes). Ademais das áreas sanitarias de A Coruña, Ferrol e Pontevedra.
    • Reunións ata 4 persoas non conviventes.
    • Hostalería ata 18.00h: só terraza ata o 50% do aforo.
    • Mobilidade entre concellos do mesmo nivel.
  • Nivel 3: Incidencia acumulada menor a 250 (x100.000 habitantes)
    • Reunións ata 4 persoas non conviventes.
    • Hostalería ata 18.00h: Interior ata o 30% do aforo e terraza ata o 50%.
    • Mobilidade entre concellos do mesmo nivel.
    • Apertura de ximnasios, piscinas e demais coa limitación de 4 persoas non conviventes.

O Concello da Guarda pola súa incidencia menor a 250 casos correspóndelle o nivel 3 pero estes datos serán actualizados pola Consellería de Sanidade segundo a evolución de cada municipio.

A contía da axuda pode chegar ao 100 % dos conceptos subvencionables segundo publica o boletín da Xunta de Galicia.

Esta modificación ven dada pola inclusión da axuda no marco do programa operativo Feder Galicia 2014-2020, como parte da resposta da UE á pandemia da COVID-19.

Importante:

  • Contía da axuda: 100% dos conceptos subvencionables
  • Prazo de solicitudes: remata o luns 1 de marzo (ao ser 28 de febreiro domingo)

Estas axudas teñen como obxecto subvencionar as seguintes actividades:

  1. Instalación, reforma e adecuación das terrazas dos establecementos de hostalería e restauración, sitas en espazos públicos ou privados.
  2. Adquisición de envasado e empaquetado para o servizo de consumo no domicilio.
  • Destinatarios: hostelería
  • Investimento mínimo: 1.500 euros, o IVE non está incluído.
  • Prazo para executar e xustificar o investimento: do 1 de outubro de 2020 ata o 30 de outubro de 2021
  • O IGAPE tramita as axudas (prema para acceder)

 

A definición de terraza é a instalación ao aire libre formada por mesas, cadeiras e outros elementos, sitas nos espazos colindantes, ou non, a un establecemento de hostalería e restauración, en solo público ou privado, no que se desenvolve de forma complementaria a actividade propia do establecemento. En todo caso, deberá ser un espazo non cuberto ou no caso de estar cuberto estar rodeado por un máximo de dous laterais.

 

Conceptos ou actuacións subvencionables:

a) A instalación de pechamentos estables ou instalación de elementos desmontables e móbiles que sirvan de illamento, acoutamento do perímetro ou protección, así como outros elementos móbiles que cumpran esta función nos laterais, cuberta e/ou chan, tales como: toldos, biombos, cortaventos, parasoles e tarimas accesibles.

b) A adecuación estética e mellora da imaxe e funcionalidade da terraza con criterios de homoxeneización estética e integración no seu contorno, mediante a renovación do mobiliario (mesas, cadeiras e xardineiras), instalación de sistemas de iluminación e de aparatos calefactores exteriores, así como actuacións de mellora da fachada exterior do local. Para seren subvencionables, os aparatos calefactores deberán ser eléctricos ou baseados noutras opcións que non impliquen combustibles fósiles e permitan dar o servizo con enerxía de fontes renovables.

c) A adquisición de elementos sostibles de envasado e empaquetado de comida e bebidas para o servizo de entrega a domicilio ou de recollida no propio establecemento. Todos os elementos do “packaging” deberán ser 100% biodegradables. No caso de ser de plástico, deberán ser compostable, que cumpran os requisitos da norma europea vixente EN 13432:2000 «Envases e embalaxes. Requisitos dos envases e embalaxes valorizables mediante compostaxe e biodegradación. Programa de ensaio e criterios de avaliación para a aceptación final do envase ou embalaxe»

Non se consideran subvencionables:
– As actuacións en terrazas situadas no interior de centros comerciais e nos interiores dos establecementos, así como outras actuacións levadas a cabo no interior do establecemento.
– A adquisición de ordenadores, dispositivos móbiles, televisores, reprodutores de son e imaxe e tpv.
– Os permisos, licenzas ou cotas de colexios oficiais ou calquera outro tributo ou imposto.
– A instalación de sistemas de alarma, seguridade ou similares.
– Os elementos téxtiles, tales como, mantas, coxíns, manteis etc…
– A publicidade, agás a rotulación do nome do establecemento nos elementos fixos o móbiles da terraza.

 

Resolución do 26 de novembro de 2020 (DOG Nº244 do 03/12/2020) – Bases e convocatoria 2020

Xa está dispoñible a información sobre o procedementos e requisitos para solicitar as axudas para as persoas traballadoras autónomas (TR500A) e as microempresas (TR500B) afectadas pola situación económica da COVID-19 dentro do II Plan de Rescate.

Estas axudas son complatibles coas específicas para a hostalería e outros sectores pechados polas restriccións e que serán publicados no boletín do luns 22 de febreiro.

Como novidade poderán acceder ás axudas as empresarias e empresarios que teñan contraído pequenas débedas coas administracións públicas (tributarias ou coa Seguridade Social). Nestes casos, a débeda non poderá superar o 80% da axuda a percibir e as persoas beneficiarias deben comprometerse a saldalas e comunicalo no prazo de quince días. Os empresarios que estean ao corrente, percibirán a totalidade da axuda nun único pago.

O prazo para solicitar ditas axudas remata o 18 de marzo. Para resolver dúbidas poden contactar coa Oficina do Autónomo ou no teléfono 900 81 56 00.

Aquí dispoñen dun resumo dos requisitos deste II Plan de Rescate da Xunta de Galicia:

Autónomas:

 

Microempresas:

No boletín do luns 15 de febreiro a Xunta de Galicia fixo público o Decreto e a Resolución polas que establece a prórroga ata o 3 de marzo das medidas de prevención vixentes na Orde do 26 de xaneiro.

Polo tanto, continúa o peche perimetral individual por concello e as restricións de reunión para so os conviventes.

No referente a hostalería non houbo cambios, a excepción da apertura dos establecementos situados en áreas de servizo ou similar para uso exclusivo dos traballadores do transporte acreditados.

A Xunta de Galicia comunicou que está a traballar no Protocolo para a reapertura da hostalería cando as condicións sanitarias o permitan. Este protocolo, aínda en elaboración, estará baseado en tres puntos fundamentais:

  1. Seguridade no acceso aos establecementos. Será obrigatorio indicar no acceso ao local o aforo máximo permitido vixente.
  2. Seguimento dos posibles gromos. Estase valorando como implantar un sistema de rexistro de entradas dos clientes que permita o rastrexo de posibles contactos no caso dun positivo, declarando un gromo, identificando e illando os posibles contactos.
  3. Plan de control para garantir o máximo cumprimento das normas adoptadas co apoio dos concellos e das forzas de seguridade.

Tamén adiantaron que o proceso de desescalada das restricións sanitarias na hostalería avaliarase nas reunións do comité clínico unha vez analizada a tendencia da evolución dos datos epidemiolóxicos en cada área. A próxima reunión será o luns 22 de febreiro.

Por outra banda, a Xunta de Galicia informou que o II Plan de Rescate a autónomos, microempresas e o sector de hostalería será publicado esta mesma semana (máximo este venres).

No referente a outros sectores e actividades sí se introduciron algunhas modificacións na Orde publicada o luns 15 de febreiro. Estas medidas teñen diferentes datas de entrada en vigor:

A partir do mércores 17 de febreiro:

  • O comercio regresará ao horario habitual, tendo a limitación do peche ás 21.30h e o aforo limitado ao 50% (os centros comerciais pecharán os fins de semanais).
  • Apertura das instalacións deportivas ao aire libre para a práctica do deporte individual ou persoas conviventes e co uso da máscara. Tamén se retoma a competición federada autonómica.

A partir do luns 22 de febreiro poderase retomar a formación en centros educativos de réxime especial como escolas superiores, escolas de danza, centros autorizados de artes plásticas, escolas de música (excepto as actividades de instrumentos de vento e exercicios de canto).

No caso das clases universitarias en modo presencial restablecerase o 1 de marzo.

A Secretaría de Estado de Turismo abre o prazo de inscrición na XIII edición do “Programa Formativo Anfitriones” na súa modalidade online con 25 cursos en diversas áreas como a calidade, marketing ou mesmo formación específica sobre a xestión da COVID-19.

A novidade desta edición é a incorporación de píldoras formativas dunha hora de duración e con temas específicos como Instagram para establecementos turísticos, Converte o teu restaurante nun servizo a domicilio e así ata un total de 16 cursos.

Esta formación é gratuíta pero precisa inscrición na plataforma de formación online do Programa Anfitriones.

Prema para máis información: XVIII Edición Programa Formativo Anfitriones online

A finalidade é modernizar infraestruturas e mellorar a calidade e a competitividade da oferta turística.

Dirixida a establecementos cunha antigüidade mínima de 5 anos (inscrición do REAT):
-Establecementos hoteleiros, campamentos de turismo, establecementos de turismo rural e albergues turísticos.
-Restaurantes, bares e cafeterías.

• Investimento máximo: 100.000 €, o IVE non está incluído
• Contía da axuda: entre o 30% e o 50%, sendo o máximo 50.000€ a percibir
Prazo de solicitudes: remata o xoves 4 de marzo de 2021
• Prazo xustificar o investimento: do 31 de outubro de 2021
• Investimentos iniciados a partir do 1 de xaneiro de 2021
• A Axencia de Turismo de Galicia tramita a presente axuda

Os investimentos subvencionables son:

  1. Actuacións destinadas a mellorar as condicións de accesibilidade e supresión de barreiras arquitectónicas.
  2. Obras destinadas á mellora das instalacións coa finalidade de obter certificacións de calidade, en especial a Q de Calidade Turística.
  3. Actuacións destinadas á adaptación ás modificacións normativas e á mellora da clasificación do establecemento que supoñan un incremento de categoría.
  4. Actuacións de renovación e modernización das instalacións e embelecemento do contorno da instalación.
  5. Equipamentos mobles necesarios para o funcionamento.
  6. Actuacións de mellora da climatización que favorezan a sustentabilidade coa implementación de medidas de aforro enerxético, así como a instalación ou mellora de sistemas de extracción e renovación do aire.
  7. Actuacións de dixitalización dos sistemas de xestión e comercialización do establecemento.
  8. Adaptación dos sistemas de seguridade e saúde na prestación de servizos

Esta subvención regúlase en réxime de concorrencia competitiva polo que o importe a subvencionar será resultado dos criterios de valoración como a antigüidade, grado de investimento, impacto no emprego entre outros. A posesión dun certificado de calidade turística como SICTED, ademais de mellorar a xestión do establemento facilitica acadar puntuación nalgunas subvencións.

Esta axuda é compatible coa percepción doutras subvencións, sempre que o importe total non supere o custo da actividade subvencionada. Excepto coas axudas da Axencia Turismo de Galicia, sendo incompatible coa convocatoria para actuacións de mellora paisaxística e de embelecemento de bens e recursos que se atopen no Camiño de Santiago (código do procedemento TU501D).

DOGA 4/02/2021 subvencións para actuacións de mellora das infraestruturas dos establecementos turísticos de aloxamento e de restauración (código de procedemento TU503A) 

Estas axudas teñen como obxecto subvencionar as seguintes actividades:

  1. Instalación, reforma e adecuación das terrazas dos establecementos de hostalería e restauración, sitas en espazos públicos ou privados.
  2. Adquisición de envasado e empaquetado para o servizo de consumo no domicilio.

 

  • Destinatarios: hostelería
  • Investimento mínimo: 1.500 euros, o IVE non está incluído.
  • Contía da axuda: 80% dos conceptos subvencionables
  • Prazo de solicitudes: remata o luns 1 de marzo (ao ser 28 de febreiro domingo)
  • Prazo para executar e xustificar o investimento: do 1 de outubro de 2020 ata o 30 de outubro de 2021
  • O IGAPE tramita as axudas (prema para acceder)

 

A definición de terraza é a instalación ao aire libre formada por mesas, cadeiras e outros elementos, sitas nos espazos colindantes, ou non, a un establecemento de hostalería e restauración, en solo público ou privado, no que se desenvolve de forma complementaria a actividade propia do establecemento. En todo caso, deberá ser un espazo non cuberto ou no caso de estar cuberto estar rodeado por un máximo de dous laterais.

 

Conceptos ou actuacións subvencionables:

a) A instalación de pechamentos estables ou instalación de elementos desmontables e móbiles que sirvan de illamento, acoutamento do perímetro ou protección, así como outros elementos móbiles que cumpran esta función nos laterais, cuberta e/ou chan, tales como: toldos, biombos, cortaventos, parasoles e tarimas accesibles.

b) A adecuación estética e mellora da imaxe e funcionalidade da terraza con criterios de homoxeneización estética e integración no seu contorno, mediante a renovación do mobiliario (mesas, cadeiras e xardineiras), instalación de sistemas de iluminación e de aparatos calefactores exteriores, así como actuacións de mellora da fachada exterior do local. Para seren subvencionables, os aparatos calefactores deberán ser eléctricos ou baseados noutras opcións que non impliquen combustibles fósiles e permitan dar o servizo con enerxía de fontes renovables.

c) A adquisición de elementos sostibles de envasado e empaquetado de comida e bebidas para o servizo de entrega a domicilio ou de recollida no propio establecemento. Todos os elementos do “packaging” deberán ser 100% biodegradables. No caso de ser de plástico, deberán ser compostable, que cumpran os requisitos da norma europea vixente EN 13432:2000 «Envases e embalaxes. Requisitos dos envases e embalaxes valorizables mediante compostaxe e biodegradación. Programa de ensaio e criterios de avaliación para a aceptación final do envase ou embalaxe»

Non se consideran subvencionables:
– As actuacións en terrazas situadas no interior de centros comerciais e nos interiores dos establecementos, así como outras actuacións levadas a cabo no interior do establecemento.
– A adquisición de ordenadores, dispositivos móbiles, televisores, reprodutores de son e imaxe e tpv.
– Os permisos, licenzas ou cotas de colexios oficiais ou calquera outro tributo ou imposto.
– A instalación de sistemas de alarma, seguridade ou similares.
– Os elementos téxtiles, tales como, mantas, coxíns, manteis etc…
– A publicidade, agás a rotulación do nome do establecemento nos elementos fixos o móbiles da terraza.

 

Resolución do 26 de novembro de 2020 (DOG Nº244 do 03/12/2020) – Bases e convocatoria 2020

Esta convocatoria informativa será o 3 de febreiro ás 11.00h en formato online. Esta destinada a aquelas empresas interesadas en mellorar na calidade turística.

No proxecto de Calidade Turística SICTED poden participar aqueles sectores ou oficios que teñen contacto cos visitantes e turistas como empresas de aloxamento, bares e restaurantes pero tamén comercio, artesáns, guías turísticos, taxis, ...

O obxectivo SICTED é que o turista reciba unha atención e servizos de calidade nos diferentes sectores que forman un destino.

A Deputación de Pontevedra e Turismo Rías Baixas financia este proxecto na súa totalidade: adhesión, formación, implantación e avaliación.

Esta xornada informativa precisa inscrición previa. Toda a información do proxecto e da xornada informativa e tamén o formulario de inscrición no enlace.

O Concello da Guarda conta coa Oficina de Turismo e as praias de Area Grande distinguidas dende 2010 e actualmente conta 10 establecementos turísticos xa distinguidos:

Aloxamento:

  • Albergue O Peirao

  • Camping Santa Tecla

  • Hotel Apartamento Marouco

  • Hotel Vila da Guarda

Restaurantes:

  • Casa de la Abuela

  • Celtic

  • O Cangrexal

  • Marusía

  • Xantar

Bar:

  • La Botica