A Guarda e Caminha abren inscricións para as Andainas de Outono 2022

A Guarda y Caminha abren inscripciones para las Andainas de Otoño 2022

• Ofértanse 4 andainas entre outubro e novembro, cun custe de 10€ por andaina
• As prazas son limitadas polo que se abre un prazo de inscrición para os interesados do mércores 28 de setembro ata ao luns 3 de outubro.

A Guarda e Caminha retomaron nesta primavera as andainas conxuntas que se tiveron que suspender debido á pandemia e que xa arrancaron este ano coas Andainas de Primavera, e que continúan desta volta coas Andainas de Outono.

As Andainas de Outono 2022 contan con 4 rutas e cun custo de 10€ por andaina e persoa e como en edicións anteriores os participantes galegos sairán da explanada da Sangriña en autocar para xuntarse co autocar de Caminha.

As prazas son limitadas polo que se abre un prazo de inscrición para os interesados dende o mércores 28 de setembro ata ao luns 3 de outubro. A inscrición realizarase na Oficina de Turismo da Praza do Reló, máis información no teléfono 986 61 4546 ou no enderezo electrónico turismo@aguarda.es

ANDAINA 1.- SÁBADO, 8 DE OUTUBRO: RUTA Á PORTALÉN: PORTA DO MÁIS ALÓ (A LAMA)

Saída: 8:30h da explanada da Sangriña
Hora aproximada de chegada A Guarda: 18:00h

Distancia: 11,7 km
Tipo: ruta lineal
Grao de dificultade: medio-alto
Desnivel: 262 metros positivos.
Duración: 5 h
Punto de partida: A Barcia (A Lama).
Percorrido: paisaxe / inmaterial

Descrición:
Ruta lineal que se realizará pola Serra do Cando, a “Montaña máxica do Seixo”. Esta andaina conta con múltiples recursos de gran valor ecolóxico e inmaterial, unha fusión entre natureza e lendas que deixará abraiados aos participantes.
Accederemos ascendendo por unha pista forestal ata a Porta do alén, un lugar onde o mundo do máis aló se xunta co mundo dos vivos, sendo o correo dos mortos.
Nesta zona atoparemos tamén o marco do vento ou a capela de Santa Mariña, e xa camiñando polo cumio, chegaremos a un precioso miradoiro no que, se o día acompaña, observaremos as 3 rías (Vigo, Pontevedra e Arousa).
Xa descendendo pola ladeira entre grandes áreas de matogueiras, atoparemos gando en semiliberdade, rastros e camiños de carro antigos.
Unha ruta moi completa, de dificultade media-alta, con bastante desnivel, pero que satisfará aos camiñantes.

ANDAINA 2.- SÁBADO, 22 DE OUTUBRO: TRILHO DO RÍO ÂNCORA (CAMINHA)

Saída: 9:00h da explanada da Sangriña
Hora aproximada de chegada A Guarda: 17:00h

Distancia: 15 km
Tipo: ruta pequena
Grao de dificultade: medio
Duración: 5:30 h
Punto de partida: Sâo Lourenço da Montaria (serra d’Arga -Viana do Castelo)
Percorrido: ecolóxico / paisaxe
Descrición:
Partindo de São Lourenço da Montaria, aldea situada na base do macizo rochoso da Serra d’Arga, no concello de Viana do Castelo, o percorrido transcorre dende o val do río Âncora ata a parroquia de Riba de Âncora, no concello de Caminha.
Entre regatos, fervenzas, muíños de auga e pontes, poderase apreciar espazos do “Lugar de Interese Comunitario Serra d’Arga”, que inclúen hábitats naturais e seminaturais, con especies de fauna e flora de conservación prioritaria, como así como coñecer o valioso patrimonio cultural de zonas rurais típicas do Val do Âncora, como Amonde, Orbacém e Gondar.

ANDAINA 3.- SÁBADO, 5 DE NOVEMBRO: SENDA DOS CARRANOS (COVELO)

Saída: 9:00h da explanada da Sangriña
Hora aproximada de chegada A Guarda: 17:00h

Distancia: 7,2 km
Tipo: ruta circular
Grao de dificultade: medio-alto
Desnivel: 253 metros positivos
Duración: 3:30 h
Punto de partida: Camping de Maceira.
Percorrido: ecolóxico / etnográfico

 

Descrición:
Ruta de río e bosques de ribeira de alto valor ecolóxico, que serpentea entre os bosques ben conservados de arborado autóctono das ribeiras do Río Tea.
A ruta parte da Praia de Maceira e comeza ascendendo cara o aserradoiro dos Carranos, un dos mellor conservados de Galicia. Seguindo entre árbores e outra vexetación que fará da ruta un camiño fresco, chegaremos a Fofe, un pobo coñecido pola súa reitoral e unha ponte de pedra cun incalculable valor arquitectónico.
Trátase dunha ruta curta pero de dificultade media, debido a que posúe algo de desnivel.

ANDAINA 4.- SÁBADO, 19 DE NOVEMBRO: TRILHO DO LITORAL NORTE (DE VIANA DO CASTELO A MOLEDO, CAMINHA)

Saída: 9:00h da explanada da Sangriña
Hora aproximada de chegada A Guarda: 17:00h

Distancia: 16 km
Tipo: ruta pequena
Grao de dificultade: fácil
Duración: 5 h
Punto de partida: Viana do Castelo
Percorrido: ecolóxico / paisaxe

Descrición:
Pola costa, dende Viana do Castelo ata Vila Praia de Âncora, os participantes percorrerán a Ecovia do Litoral Norte, con praias, xeositios, campos agrícolas, castros e muíños de vento. Descubrir algúns dos monumentos naturais do Xeoparque Litoral de Viana do Castelo, subir ao alto do outeiro de Montedor, apreciar o seu faro, ou contemplar o océano Atlántico no Forte do Cão, na Âncora, serán algunhas das experiencias que quedarán na memoria.

A Guarda y Caminha abren inscripciones para las Andainas de Otoño 2022

A Guarda recupera este venres a Romaría de Santa Trega

O Concello da Guarda celebra este venres día 23 de setembro(festividade local) a Romaría de Santa Trega, unha festividade que se recupera este ano despois da pandemia da Covid-19, un evento de carácter relixioso e tamén festivo que congrega no Monte de Santa Trega a multitude de fieis e devotos da Virxe de Santa Trega.
Dende primeira hora da mañá a Capela de Santa Trega acolle varias misas ás 8:00h, 9:00h e ás 11:30h Sermón e Solemne Procesión.

Tralo remate dos actos relixiosos celébranse as tradicionais poxas de produtos típicos, cunha monumental tarta que sempre agocha algún gran premio no seu interior.

A tradición manda realizar un xantar popular, onde as familias se reúnen para almorzar, cantar e bailar ata a tardiña, onde o son das gaitas, acordeóns, pandeiretas e tamboriles acompañan a sobremesa.

Dende o Concello da Guarda recórdase á poboación o deber de respectar o noso patrimonio, sinal de identidade do noso pobo, evitando maltratar ou acceder a zonas patrimoniais coma a Citania de Santa Trega. Unha ocupación da zona delimitada pode provocar agresións que resulten en danos nas estruturas deste espazo protexido, un dos lugares máis visitados de Galicia e cun valor patrimonial e arqueolóxico único.

A maioría da poboación é consciente de que o xacemento castrexo do monte Santa Trega é un tesouro para A Guarda e para Galicia, e de que debemos dar unha imaxe acorde coa súa importancia e valor. Por parte do Concello e do Padroado do monte Santa Trega seguiremos traballando para concienciar a poboación no respecto polo patrimonio, lembrando que é tarefa de todos mantelo en boas condicións.

As dúas vivendas castrexas reconstruídas no monte Trega renovan o seu teitado

Las dos viviendas castreñas reconstruidas en el monte Trega renuevan sus tejados

O alcalde da Guarda e Presidente do Padroado monte Sta Trega traslada a súa satisfacción por acadar a renovación do teitado das vivendas reconstruídas, na primeira vivenda actuouse no mes de maio logo de acadar a autorización da Dirección Xeral de Patrimonio Cultural e neste mes de agosto acaba de rematarse a actuación sobre a segunda vivenda.

Este é unha actuación importante xa que o teitado das dúas vivendas se atopaba en moi mal estado e se requería unha actuación importante para voltar a telas en perfecto estado, a imaxe nese entorno ten mellorado de xeito considerable e o grado de satisfacción dos visitantes e turistas é alto.

Las dos viviendas castreñas reconstruidas en el monte Trega renuevan sus tejados

Este verán as praias O Muíño e Area Grande non contarán co servizo de socorrismo

A pesar dos esforzos e do compromiso para ofrecer un servizo esencial, como é unha atención adecuada nas dúas praias de referencia da nosa vila, non foi posible contratar socorristas para a prevención e vixilancia nas praias.

A Xunta de Galicia regulou en 2012 mediante Decreto a formación mínima dos socorristas acuáticos e creou o Rexistro Profesional de Socorristas Acuáticos de Galicia. En 2017 modificouse ese decreto aumentando as dificultades dos concellos galegos para conseguir os socorristas habilitados necesarios para atender as praias.

O Concello da Guarda tivo dificultades para cubrir a plantilla de socorristas necesarios no verán pasado e cos catro contratados atendeuse a praia do Muíño de luns a domingo e a praia de Area Grande as fins de semana.

En novembro de 2021 a Xunta publicou o novo decreto que regula as condicións para o exercicio profesional das actividades de socorrismo acuático e aqueles socorristas que non actualizaron a súa formación perderon esa habilitación para exercer como profesionais.

No mes de febreiro o concello da Guarda valorouse o orzamento presentado pola Axencia Galega de Seguridade Pública para realizar un curso de adaptación que puidese habilitar novamente a estes socorristas que foron excluídos do rexistro profesional. Finalmente non se puido lanzar o curso debido a falta de equipamentos e instalacións esixidas polo novo decreto. Contactouse cos concellos veciños para poder realizar esta formación nas súas instalacións, non sendo posible. Ademais a realización deste curso non aseguraba dispor a tempo dos socorristas habilitados para este verán.

Tamén en febreiro, como nos anos anteriores, solicitouse a subvención da Xunta para a contratación de socorristas e volveuse a solicitar os 6 socorristas. Unha vez comunicada a concesión desta subvención, tramitouse o proceso de selección de persoal a través do servizo de emprego SEPE de Tui. Como non houbo aspirantes publicáronse varias notas de prensa para informar do proceso de contratación e deste xeito, fíxose público a necesidade de contratación de socorristas para completar a plantilla do servizo de socorrismo co patrón da embarcación para praia do Muíño.

A 30 de xuño comunicouse a Asociación de Educación Ambiental y del Consumidor (ADEAC) a renuncia expresa as dúas Bandeiras Azuis ante a imposibilidade de dispor do servizo de socorrismo activado con data do 1 de xullo. ADEAC trasladou ao concello da Guarda a ampliación do prazo ata o 10 de xullo para izar bandeira e, inclusive, suavizou o requisito de dous socorristas por praia. Esta entidade xestora das Bandeiras Azuis son coñecedores das dificultades dos concellos galegos para contratar socorristas polo que este verán permitiu dispor dun socorrista e un auxiliar de información por praia.

Durante estas semanas realizáronse diferentes xestións e consultas coa AGASP, empresas de servizos, outros concellos, … para conseguir contratar a socorristas e auxiliares que permitisen dar un mínimo de atención nestas dúas praias. Pero ningunha destas alternativas consultadas permitiu conseguir persoal formado e acreditado.

Polo que continuaranse cos contactos coa Xunta de Galicia para trasladar a preocupación por non dispoñer neste verán de servizo de socorrismo nas praias do Muíño e de Area Grande.

A Guarda continúa a potenciar o Camiño Portugués da Costa

O Concello da Guarda, a través da Concellería de turismo ven de por en marcha neste ano 2022 diversas iniciativas encamiñadas a por en valor e potenciar o Camiño Portugués da Costa ao seu paso pola vila.

Rafa Álvarez, Concelleiro de Turismo, indicou que estas iniciativas postas en marcha serven para continuar atraendo visitantes e peregrinos ata A Guarda, notándose na vila un incremento constante nos pasados meses, o que deixa claro que “O Camiño Portugués da Costa está en auxe e é un dos favoritos dos peregrinos pola fermosura das súas paisaxes”.

Neste senso, no pasado mes de marzo lanzouse unha nova imaxe do Camiño Portugués da Costa, como primeiro concello galego deste camiño oficial dende o ano 2016.

Esta nova marca que inclúe as ondas do mar e a cuncha de peregrino coas cores de referencia ao Camiño de Santiago, o amarelo e o azul . Ademais no deseño destaca o azul claro facendo referencia á cor da auga da desembocadura do Miño e do costa que acompaña ao peregrino.

Esta nova marca converteuse tamén no novo cuño para selar a credencial na Oficina de Turismo e esta imaxe acompaña nas diferentes campañas de promoción postas en marcha a nivel municipal.

Neste mes de xullo comezou a distribución dunhas sinxelas pulseiras de tela coa marca do Camiño Portugués da Costa. Ao longo deste ano esperase repartir as 5.000 pulseiras a todos os peregrinos e visitantes que se acheguen a Oficina de Turismo Municipal. Esta pulseira tamén se entrega aos grupos convidados.

Están tendo unha excelente acollida polos peregrinos e visitantes xa que o deseño é moi atractivo e representa moi ben A Guarda como primeiro concello galego do Camiño Portugués da Costa.

Un dos obxectivos desta iniciativa é que o nome da Guarda chegue ao mundo enteiro a través dos peregrinos que realizan o Camiño Portugués da Costa, unha internacionalización na cal se fai partícipes aos peregrinos que nos visitan cada día.

A Guarda remata o mes de xullo con música, gastronomía, deporte e talento creativo

A Guarda remata o mes de xullo con música, gastronomía, deporte e talento creativo

O Concello da Guarda continúa esta semana coas actividades da Axenda de Verán 2022, unha programación de actividades extensa, para todos os gustos e para todas as idades, que estenden ata o mes de setembro con concertos, exposicións, actividades de rúa, eventos deportivos, festas gastronómicas, populares e relixiosas, entre outros.

A concelleira de Cultura, Montserrat Magallanes, destaca a gran aposta feita dende o consistorio municipal para realizar unha programación variada e atractiva, tanto para guardeses coma visitantes, e que sen dúbida non deixará a ninguén indiferente.

Montserrat Magallanes indicou na presentación desta axenda que A Guarda contará este ano cun verán no que se retoma a actividade cultural, de ocio e deportiva trala pandemia, froito dun amplo traballo de programación e organización que se pode ver xa reflexado na gran cantidade de eventos recollidos nesta Axenda de Verán 2022.

O Alcalde da Guarda convida a visitantes e guardeses a participar nesta programación da Axenda de Verán 2022, cunha variedade e calidade de eventos que fará de impulso para todo o tecido empresarial da vila, atraendo a moitas persoas e incentivando tamén a actividade comercial da vila da Guarda.

Dende o Concello da Guarda se fai un agradecemento público a todas as asociacións culturais e deportivas da vila, que co seu traballo enriquecen ao noso pobo e conseguen facer sorrir, desfrutar e pasar un rato agradable a todas as persoas que se achegan a participar con elas da cultura e do deporte na nosa vila. Despois da pandemia precisamos recuperar o tempo perdido e voltar a desfrutar dos bos momentos, encher as nosas rúas de música, baile, cine e doutras expresións artísticas.

Dende o día 26 de xullo a Casa dos Alonso acolle a Exposición de Chuny Alonso, na que se poden observar e apreciar os traballos e pinturas da artista guardesa realizados nos últimos anos. A exposición se pode visitar de luns a sábado en horario de 10:30h a 13:30h e de 19:00h a 21:00h.
O xoves día 28 de xullo chega a música a “Miúdo Verán” co concerto de Pakolas “Rockeando con Ramona Órbita, a dona do tempo”, ás 20:30h na Praza do Reló. Pakolas preséntanos o seu último librodisco, onde contarase e cantarase a historia de Ramona Órbita, unha muller labrega da Serra do Courel, que posúe unha horta cibernética con patacas automáticas, e que ademais ten unha máquina do tempo, o seu mellor invento. Con ela viaxa ao futuro e ao pasado na procura de tecnoloxía para crear un mundo mellor, mais ecolóxico e con enerxías limpas. En caso de choiva o evento terá lugar no Centro Cultural.

Do 29 ao 31 de xullo ORPAGU organiza a Festa do Peixe Espada, un evento no que a gastronomía será o prato forte da súa programación, que estará centrada nos restaurantes da nosa vila, coa participación dos establecementos Area Grande, Marusía, Trasmallo, Arruaz, Novo Funil, Bitadorna, O Cangrexal, Casa Valladeiro, O Roxo, La Pizzicata, e Os Remos, todos eles contarán cun prato especial de Peixe Espada á prancha con cachelos. Ademais a Festa do Peixe Espada contará con diversas actividades coma pasarrúas, música en directo, obradoiros, exposicións, contacontos infantís, visitas guiadas, entre outras actividades.

O Concello da Guarda e Acontravento, marca de roupa local, organizarán por segundo ano consecutivo a II Mostra Creativa do Baixo Miño, que terá lugar o sábado 30 de Xullo na Praza de Avelino Vicente en horario de 10:30h a 15:30h e de 18:30h a 22:30h, un evento de referencia e con periodicidade anual onde mostrar o gran talento que temos no Baixo Miño, con preto dunha vintena de participantes. Ata este momento xa confirmaron a súa asistencia a esta segunda edición as seguintes marcas e talentos creativos: Acontravento, Ada Negra, Ana de la Guerra, Coco, Eduar Clothing, La Casa Taller, Littlevero, Luc & Luc – Inma Losada, Mar Jewelrin, Marina San Miguel, Marron Glaçe, Matriz Galega, Sapone di Principessa, Silvia Pérez, Vargas Lemos, Vikensen…
Este ano a Mostra creativa únese á Festa do Peixe Espada organizada dende ORPAGU(29-31 de xullo), compartindo parte da programación, como son os pasarrúas ou a actividade do Obradoiro Infantil sobre o Peixe Espada.

Tamén na xornada do sábado día 30 de xullo ás 20:30h o Campo de Fútbol da Sangriña acolle un evento deportivo no que se realizarán preto de 25 demostracións de danza, zumba, defensa persoal, acrobacias, pilates e judo, baixo a organización do Clube Deportivo Baixo Miño.

A Axenda de Verán continúa nos meses de agosto e setembro con actividades coma os festivais de Baile Moderno de Xamaraina, a programación de actividades infantís de “Miúdo Verán”(todos os xoves), eventos deportivos, presentación de libros e exposicións, as Festas de San Cayetano, o Encontro do libro Luso-Galaico, a Festa do Percebe, concerto da Agrupación Musical da Guarda, as Festas da Virxe da Guía, as Festas das Mercedes ou a Mostra Asociativa.

Especial mención nesta programación para as Festas do Monte, que terán lugar do 8 ao 15 de agosto, a semana grande de festas na Guarda, unha semana na que as noites de verbenas se compaxinan con diferentes actividades deportivas e culturais. Na xornada do sábado día 13 de agosto ás 11:30h ten lugar o Desfile Folclórico e De Bandas Mariñeiras, un desfile multitudinario previo ao día grande o Domingo do Monte, no que dende a mañá as Bandas Mariñeiras soben ata o cumio do Monte Santa Trega para realizar os seus xuramentos ao son dos bombos, tambores e gaitas. As festas rematarán na noite do Luns día 15 de agosto coa Gran tirada de fogos de artificio no Porto da Guarda.

EXPOSICIÓNS

A Guarda terá tamén unha importante exposición pictórica este verán que estará na Casa dos Alonso entre o 26 de xullo e o 13 de agosto, e na que se poderán observar e apreciar os traballos e pinturas da artista guardesa Chuny Alonso.

VISITAS GUIADAS AO CASTRO DE SANTA TREGA

Ao longo do verán e de martes a domingo ofértanse visitas guiadas ao Castro de Santa Trega, unha oportunidade para coñecer o noso patrimonio con visitas que terán lugar ás
12:00h, 13:00h, 18:00h e 19:00h horas
Inscrición e información no enderezo electrónico masat@aguarda.es ou no teléfono 690 017 038.

PROGRAMA COMPLETO

28 DE XULLO
CONCERTO INFANTIL ROCKEANDO CON RAMONA ÓRBITA, A DONA DO TEMPO
Na Praza do Reló ás 20:30h

29, 30, 31 DE XULLO
FESTA DO PEIXE ESPADA
Nos restaurantes da Vila
Organiza: ORPAGU

30 DE XULLO
MOSTRA CREATIVA DO BAIXO MIÑO
Na praza de Avelino Vicente

30 DE XULLO
EVENTO DEPORTIVO DO CLUBE DE JUDO BAIXO MIÑO
No Campo de fútbol da Sangriña ás 20:30 horas
Organiza: Clube de Judo Baixo Miño.

4 DE AGOSTO
ESPECTÁCULO DE CIRCO “CARMAN”
No Auditorio de San Benito ás 20:30 horas

4 DE AGOSTO
PRESENTACIÓN DO LIBRO “SOBRE LA CRIANZA”, de Jesús Rodríguez Salazar.
No Centro Cultural ás 19:30 horas.

4, 5, 6, 7 DE AGOSTO
FESTAS DE SAN CAYETANO
No Barrio da Cruzada
Organiza: Comisión de Festas de San Cayetano

8 ó 15 DE AGOSTO
FESTAS DO MONTE
Na Alameda e rúas da vila.
Organiza: A.V C.D. Alameda

11 DE AGOSTO
GALICIA ILUSIONA, ILUSIONISMO
No Auditorio de San Benito ás 20:30 horas.

19, 20 DE AGOSTO
III ENCONTRO DO LIBRO LUSO GALAICO
Na Praza do Reló

20 DE AGOSTO
FERIA OUTLET
Na Praza de Avelino Vicente
Organiza: ACIGU

20 DE AGOSTO
II TORNEO DE PETANCA CONCELLO DA GUARDA
No Campo do Codesal

24 DE AGOSTO
CONCERTO MÚSICA NO AR
No atrio da Igrexa Parroquial ás 20:30 horas.
Organiza: Deputación de Pontevedra

23,27 E 28 DE AGOSTO
FESTA DO PERCEBE
Na Alameda da Guarda
Organiza: A.C. Alameda

26 DE AGOSTO
TEATRO CRÓNICAS DO PARAÍSO
Na Praza do Reló ás 21:30 horas.

27 DE AGOSTO
CONCERTO DE VERÁN DA BANDA DE MÚSICA DA GUARDA
No Auditorio de San Benito ás 20:30 horas
Organiza: Agrupación Musical da Guarda

28 DE AGOSTO
FESTIVAL DE BAILE MODERNO “REMEMBER”
No Auditorio de San Benito ás 20:00 horas
Organiza: A.C. Xamaraina

28 DE AGOSTO
CARREIRA PEDESTRE VIRXE DA GUÍA
Na Praza da Guía ás 19:00 horas
Organiza: Comisión de Festas Virxe da Guía

2, 3, 4 DE SETEMBRO
FESTAS VIRXE DA GUÍA
Na Praza da Guía
Organiza: Comisión de Festas Virxe Guía

3 DE SETEMBRO
PERFORMANCE FOCO, PROXECTOS ANTIBULOS
Na praza de Avelino Vicente às 12:00 horas.
Organiza: A. FOCO

DO 3 AO 25 DE SETEMBRO
FESTAS DAS MERCEDES A GÁNDARA
No barrio da Gándara
Organiza: A.V V. O Percamino

10 DE SETEMBRO
MOSTRA ASOCIATIVA
Na Praza de Avelino Vicente a partir das 15:30 horas

150 xoves da Ruta Quetzal visitan o Monte Santa Trega

150 jóvenes de la Ruta Quetzal visitan el Monte Santa Trega
  • Os xoves, provenientes de diversos puntos de España, realizaron unha visitan polos diferentes puntos de interese do Monte Trega da Guarda para coñecer máis sobre a súa historia e patrimonio.

A Ruta Quetzal, con ao redor de 150 xoves de 15 e 16 anos e provenientes de diversos puntos da xeografía española, visitaron este mércores 20 de xullo os lugares máis emblemáticos do Monte Santa Trega, un lugar de gran riqueza cultural e patrimonial do municipio da Guarda.

Os xoves subiron ao Monte Santa Trega para coñecer a súa historia arqueolóxica a través de unha visita polo poboado castrexo de Santa Trega, con máis de dous mil anos de antigüidade que caracterizan a historia deste lugar.

A Ruta Quetzal é un programa de estudo e aventura creado en 1979 por suxerencia do Rei de España naquel momento, Juan Carlos I, e o periodista Miguel de la Quadra-Salcedo, co obxectivo de consolidar entre a xuventude os chave da Comunidad Iberoamericana de Nacións entre todos os países de fala hispana, incluídos Brasil e Portugal.

A expedición que levará a cabo este ano os xoves da Ruta Quetzal conmemora o Ano Santo Xacobeo 2022 a través da denominada Expedición Translatio. Con ela, los 150 xoves revivirán durante dez días a historia do Apóstolo Santiago.

A programación de Verán continúa esta semana na Guarda con cinema, Feira Outlet, concertos e eventos deportivos

• A programación da Axenda de Verán e de Miúdo Verán continúa esta semana con actividades de todo tipo e para todo tipo de públicos.

O Concello da Guarda continúa esta semana coas actividades da Axenda de Verán 2022, unha programación de actividades extensa, para todos os gustos e para todas as idades, que estenden ata o mes de setembro con concertos, exposicións, actividades de rúa, eventos deportivos, festas gastronómicas, populares e relixiosas, entre outros.

A concelleira de Cultura, Montserrat Magallanes, destaca a gran aposta feita dende o consistorio municipal para realizar unha programación variada e atractiva, tanto para guardeses coma visitantes, e que sen dúbida non deixará a ninguén indiferente.

Montserrat Magallanes indicou na presentación desta axenda que A Guarda contará este ano cun verán no que se retoma a actividade cultural, de ocio e deportiva trala pandemia, froito dun amplo traballo de programación e organización que se pode ver xa reflexado na gran cantidade de eventos recollidos nesta Axenda de Verán 2022.

O Alcalde da Guarda convida a visitantes e guardeses a participar nesta programación da Axenda de Verán 2022, cunha variedade e calidade de eventos que fará de impulso para todo o tecido empresarial da vila, atraendo a moitas persoas e incentivando tamén a actividade comercial da vila da Guarda.

Dende o Concello da Guarda se fai un agradecemento público a todas as asociacións culturais e deportivas da vila, que co seu traballo enriquecen ao noso pobo e conseguen facer sorrir, desfrutar e pasar un rato agradable a todas as persoas que se achegan a participar con elas da cultura e do deporte na nosa vila. Despois da pandemia precisamos recuperar o tempo perdido e voltar a desfrutar dos bos momentos, encher as nosas rúas de música, baile, cine e doutras expresións artísticas.
A programación de actividades continúa esta semana coa proxección de Cine na Rúa “Bella y el circo mágico”, que terá lugar o xoves 21 de xullo ás 22:30h na Praza do Reló.

Na xornada do sábado 23 de xullo a Praza de Avelino Vicente acolle a Feira Outlet do comercio guardés organizada por ACIGU CCA.

Tamén na xornada do sábado día 23 de xullo o Auditorio de San Benito acolle o XXVII Encontro dos Pobos, o festival folclórico internacional máis lonxevo da nosa comarca, que este ano contará coa participación de los grupos de Portugal e Eslovaquia: Vento Mareiro, Xamaraina, Doxe nun ano, G.F.S Sebastiao, Do lusco ó fusco e Drevar, baixo a organización da A.C Do Lusco ó Fusco.

O sábado 23 en horario de mañá terá lugar a II Carreira de Orientación – Concello da Guarda, un evento deportivo que consistirá en visitar no menor tempo posible tódalas balizas establecidas na orde que se indica no mapa con ata 4 participantes por equipo e con 3 categorías de competición: Xestiñas (categoría para nen@s, sinxela física e técnicamente, con menos de 3kms en total), Xestas: categoría para adult@s, nivel físico e técnico medio con menos de 4kms en total) e Xesteiras (categoría para persoas con medios/altos coñecementos de orientación, nivel físico e técnico alto con máis de 5kms en total). As inscricións están abertas en: https://xestanatureza.com/eventos/orientacionaguarda/

A Axenda de Verán continúa nos meses de xullo, agosto e setembro con actividades coma os festivais de Baile Moderno de Xamaraina, a programación de actividades infantís de “Miúdo Verán”(todos os xoves), eventos deportivos, a Festa do Peixe Espada, a Mostra Creativa, presentación de libros e exposicións, as Festas de San Cayetano, o Encontro do libro Luso-Galaico, a Festa do Percebe, concerto da Agrupación Musical da Guarda, as Festas da Virxe da Guía, as Festas das Mercedes ou a Mostra Asociativa

Especial mención nesta programación para as Festas do Monte, que terán lugar do 8 ao 15 de agosto, a semana grande de festas na Guarda, unha semana na que as noites de verbenas se compaxinan con diferentes actividades deportivas e culturais. Na xornada do sábado día 13 de agosto ás 11:30h ten lugar o Desfile Folclórico e De Bandas Mariñeiras, un desfile multitudinario previo ao día grande o Domingo do Monte, no que dende a mañá as Bandas Mariñeiras soben ata o cumio do Monte Santa Trega para realizar os seus xuramentos ao son dos bombos, tambores e gaitas. As festas rematarán na noite do Luns día 15 de agosto coa Gran tirada de fogos de artificio no Porto da Guarda.


EXPOSICIÓNS

A Guarda terá tamén unha importante exposición pictórica este verán que estará na Casa dos Alonso entre o 26 de xullo e o 13 de agosto, e na que se poderán observar e apreciar os traballos e pinturas da artista guardesa Chuny Alonso.

VISITAS GUIADAS AO CASTRO DE SANTA TREGA

Ao longo do verán e de martes a domingo ofértanse visitas guiadas ao Castro de Santa Trega, unha oportunidade para coñecer o noso patrimonio con visitas que terán lugar ás
12:00h, 13:00h, 18:00h e 19:00h horas
Inscrición e información no enderezo electrónico masat@aguarda.es ou no teléfono 690 017 038.

PROGRAMA COMPLETO

21 DE XULLO
CINE NA RÚA “BELLA Y EL CIRCO MÁGICO”
Na Praza do Reló ás 22:30 horas.

23 DE XULLO
FERIA OUTLET
Na praza de Avelino Vicente
Organiza: ACIGU

23 DE XULLO
ENCONTRO DOS POBOS
No Auditorio de San Benito ás 20:30 horas
Organiza: A C. Do Lusco ó Fusco

23 DE XULLO
II CARREIRA DE ORIENTACIÓN
inscricións www.xestanatureza.com

28 DE XULLO
CONCERTO INFANTIL ROCKEANDO CON RAMONA ÓRBITA, A DONA DO TEMPO
Na Praza do Reló ás 20:30h

29, 30, 31 DE XULLO
FESTA DO PEIXE ESPADA
Nos restaurantes da Vila
Organiza: ORPAGU

30 DE XULLO
MOSTRA CREATIVA DO BAIXO MIÑO
Na praza de Avelino Vicente

30 DE XULLO
EVENTO DEPORTIVO DO CLUBE DE JUDO BAIXO MIÑO
No Campo de fútbol da Sangriña ás 20:30 horas
Organiza: Clube de Judo Baixo Miño.

4 DE AGOSTO
ESPECTÁCULO DE CIRCO “CARMAN”
No Auditorio de San Benito ás 20:30 horas

4 DE AGOSTO
PRESENTACIÓN DO LIBRO “SOBRE LA CRIANZA”, de Jesús Rodríguez Salazar.
No Centro Cultural ás 19:30 horas.

4, 5, 6, 7 DE AGOSTO
FESTAS DE SAN CAYETANO
No Barrio da Cruzada
Organiza: Comisión de Festas de San Cayetano

8 ó 15 DE AGOSTO
FESTAS DO MONTE
Na Alameda e rúas da vila.
Organiza: A.V C.D. Alameda

11 DE AGOSTO
GALICIA ILUSIONA, ILUSIONISMO
No Auditorio de San Benito ás 20:30 horas.

19, 20 DE AGOSTO
III ENCONTRO DO LIBRO LUSO GALAICO
Na Praza do Reló

20 DE AGOSTO
FERIA OUTLET
Na Praza de Avelino Vicente
Organiza: ACIGU

20 DE AGOSTO
II TORNEO DE PETANCA CONCELLO DA GUARDA
No Campo do Codesal

24 DE AGOSTO
CONCERTO MÚSICA NO AR
No atrio da Igrexa Parroquial ás 20:30 horas.
Organiza: Deputación de Pontevedra

23,27 E 28 DE AGOSTO
FESTA DO PERCEBE
Na Alameda da Guarda
Organiza: A.C. Alameda

26 DE AGOSTO
TEATRO CRÓNICAS DO PARAÍSO
Na Praza do Reló ás 21:30 horas.

27 DE AGOSTO
CONCERTO DE VERÁN DA BANDA DE MÚSICA DA GUARDA
No Auditorio de San Benito ás 20:30 horas
Organiza: Agrupación Musical da Guarda

28 DE AGOSTO
FESTIVAL DE BAILE MODERNO “REMEMBER”
No Auditorio de San Benito ás 20:00 horas
Organiza: A.C. Xamaraina

28 DE AGOSTO
CARREIRA PEDESTRE VIRXE DA GUÍA
Na Praza da Guía ás 19:00 horas
Organiza: Comisión de Festas Virxe da Guía

2, 3, 4 DE SETEMBRO
FESTAS VIRXE DA GUÍA
Na Praza da Guía
Organiza: Comisión de Festas Virxe Guía

3 DE SETEMBRO
PERFORMANCE FOCO, PROXECTOS ANTIBULOS
Na praza de Avelino Vicente às 12:00 horas.
Organiza: A. FOCO

DO 3 AO 25 DE SETEMBRO
FESTAS DAS MERCEDES A GÁNDARA
No barrio da Gándara
Organiza: A.V V. O Percamino

10 DE SETEMBRO
MOSTRA ASOCIATIVA
Na Praza de Avelino Vicente a partir das 15:30 horas

O Concello da Guarda aposta novamente pola cultura mariñeira apoiando a actividade “Navega pola costa da Guarda co Volanteiro Piueiro”

El Ayuntamiento de A Guarda vuelve a apostar por la cultura marinera apoyando la actividad "Navega por la costa de A Guarda con Volanteiro Piueiro"

A Asociación Cultural de Embarcacións Tradicionais Piueiro da Guarda presentou o Volanteiro Piueiro en 2019, esta embarcación de gran envergadura que navegou a vela pola nosa costa ata comezos do s. XX.

Nos últimos anos a Asociación Piueiro ofreceu diferentes saídas de navegación e ten participado na promoción da nosa cultura mariñeira, tamén fora do noso concello. Destacou a presencia do volanteiro Piueiro no “Paisaia Istas Festibala” en maio deste ano. Tras días de navegación pola costa atlántica e cantábrica, o Pueiro e a súa tripulación participaron activamente neste festival de cultura mariñeira no País Vasco.

A Asociación Piueiro lanzou hai un días o VERÁN PIUEIRO onde veciños e interesados poderán visitar a exposición “A túa esencia. A Guarda un pobo mariñeiro” na rúa Concepción Arenal ou mesmo aprender a remar coas gameliñas e botes na praia do porto cada tarde (16:00 – 19:00h). Ademais para os meses de xullo e agosto vanse ofrecer saídas gratuítas de navegación pola costa co Volanteiro Piueiro para aqueles que queiran descubrir esta embarcación a vela que incluirá ademais de navegación polo exterior do porto.

Estas saídas de navegación comezaron na fin de semana da Festa da Langosta e da Cociña Mariñeira, patrocinadas pola Concellería de Turismo, e continuarán tamén no mes de agosto. O Concello da Guarda colaborará coa xestión das reservas e tamén patrocinará as saídas do mes de agosto.

O número de prazas por saída é limitado polo que é preciso reservar presencialmente na Oficina de Turismo (Praza do Reló) ou chamando ao teléfono 986 61 45 46.

O prazo de inscrición abrirá o domingo anterior ás saídas desa mesma semana. Debido ao número reducido de prazas dispoñibles unha persoa poderá inscribir a un total de catro, excepto as unidades familiares. A idade mínima para participar é de 10 anos. Recordase que é preciso estar 10 minutos antes da saída no peirao do porto (escaleiras do muelle alto).

Este verán as saídas terán unha duración aproximada de 50 minutos. Os horarios previstos das saídas diarias son 16:00h, 17:00h, 18:00 e 19:00h, durante as seguintes datas dispoñibles son:
Xullo:
• Xoves 14
• Mércores 20
• Venres 22
• Mércores 27
• Sábado 30 (Festa do Peixe Espada, amplíase unha saída máis: 20:00h).
Agosto:
• Xoves 4
• Martes 17
• Sábado 20
• Martes 23
• Venres 26
• Mércores 31

El Ayuntamiento de A Guarda vuelve a apostar por la cultura marinera apoyando la actividad "Navega por la costa de A Guarda con Volanteiro Piueiro"
El número de plazas por salida es limitado por lo que es necesario reservar personalmente en la Oficina de Turismo (Praza do Reló) o llamando al 986 61 45 46.

O monte Santa Trega conta con catro visitas guiadas diarias de martes a domingo

O monte Santa Trega conta con catro visitas guiadas diarias de martes a domingo

• Ao longo dos meses de xullo e agosto haberá catro visitas guiadas ao día de martes a domingo.
• Prazas limitadas e inscrición previa no Museo Arqueolóxico no tel. 690.01.70.38 (tamén WhapsApp) ou un mail a masat@aguarda.es

As visitas guiadas ao Monte Santa Trega que se ofrecen dende o Padroado Municipal de Santa Trega para que os visitantes e veciños podan coñecer mellor o valor arqueolóxico deste monte, disporán nos meses de xullo e agosto de ata catro visitas diarias de martes a domingo.

Neste ano 2022 recuperase a ampla oferta de visitas guiadas, que xa comezou no mes de xuño e que rematará no mes setembro.

Para Rafa Álvarez, Concelleiro de Turismo, é importante promocionar e por en valor o Monte Santa Trega e os seus xacementos arqueolóxicos, así coma o MASAT(Museo Arqueolóxico de Santa Trega), para que os nosos visitantes coñezan todo o patrimonio e a historia dos noso antepasados.

Indicou Rafa Álvarez, que as visitas guiadas deste verán ao Monte Santa Trega, contan cun guía local, experto en historia que traslada os seus coñecementos en cada visita dun xeito sinxelo e animado para que os participantes se “embriaguen” da cultura castrexa e o patrimonio do noso municipio.

A oferta das visitas amplíase nos meses de maior afluencia, xullo e agosto, con visitas de martes a domingo e 4 visitas ao día (12:00h, 13:00h, 18:00h e 19:00h), polo que a oferta de visitas guiadas amplíase para que todos os visitantes interesados teñan a oportunidade de coñecer a cultura castrexa e a nosa paisaxe.

Este ano as visitas guiadas estarán centradas no Castro de Santa Trega, nas áreas escavadas dende o norte ao sur, pero sempre é interesante completar esta actividade coa visita ao MASAT, Museo Arqueolóxico de Santa Trega.

Para ofrecer unha visión máis ampla da zona escavada vaise realizar un percorrido completo dende porta norte ata a porta sur, recorrendo as diferentes áreas escavadas ao longo dos últimos cen anos como as vivendas reconstruídas, a zona de Mergelina, o concheiro,…

As prazas seguen a estar limitadas polo que se precisa de inscrición previa no Museo Arqueolóxico no tel. 690.01.70.38 (tamén WhapsApp) ou un mail a masat@aguarda.es. A visita guiada é gratuíta pero aqueles que accedan ao Monte Santa Trega en vehículo deberán abonar o prezo público.

A duración aproximada é 45 minutos e o punto de encontro é o aparcadoiro da Casa Forestal desde onde se partirá para comezar esta fermosa ruta polo interior do castro escavado.

O monte Santa Trega conta con catro visitas guiadas diarias de martes a domingo

A Guarda presenta unha Axenda de Verán chea de actividades para todos os gustos e idades

O Concello da Guarda ven de presentar a Axenda de Verán 2022, unha programación de actividades extensa, para todos os gustos e para todas as idades, que estenden ata o mes de setembro con concertos, exposicións, actividades de rúa, eventos deportivos, festas gastronómicas, populares e relixiosas, entre outros.

A concelleira de Cultura, Montserrat Magallanes, destaca a gran aposta feita dende o consistorio municipal para realizar unha programación variada e atractiva, tanto para guardeses coma visitantes, e que sen dúbida non deixará a ninguén indiferente.

Montserrat Magallanes indicou na presentación que A Guarda presenta deste xeito un verán no que se retoma a actividade cultural, de ocio e deportiva trala pandemia, froito dun amplo traballo de programación e organización que se pode ver xa reflexado na gran cantidade de eventos recollidos nesta Axenda de Verán 2022.

O Alcalde da Guarda convida a visitantes e guardeses a participar nesta programación da Axenda de Verán 2022, cunha variedade e calidade de eventos que fará de impulso para todo o tecido empresarial da vila, atraendo a moitas persoas e incentivando tamén a actividade comercial da vila da Guarda.

Dende o Concello da Guarda se fai un agradecemento público a todas as asociacións culturais e deportivas da vila, que co seu traballo enriquecen ao noso pobo e conseguen facer sorrir, desfrutar e pasar un rato agradable a todas as persoas que se achegan a participar con elas da cultura e do deporte na nosa vila. Despois da pandemia precisamos recuperar o tempo perdido e voltar a desfrutar dos bos momentos, encher as nosas rúas de música, baile, cine e doutras expresións artísticas.
A programación de actividades arrancou na pasada fin de semana con A Guarda Diversa, A Guarda Mar de Blues e a XXX edición da Festa da Langosta e da Cociña Mariñeira, unha fin de semana intensa e chea de propostas na que non faltou a música, o ocio e a boa gastronomía.

Seguindo coa programación da Axenda de Verán este xoves día 7 de xullo ás 22:30h a Praza do Reló acolle a proxección de cinema “El Principito”

Unha das citas musicais máis importantes do verán terá lugar o vindeiro sábado día 9 de xullo ás 22:30h na explanada do Porto da Guarda, co concerto de Heredeiros da Crus celebrando o seu 30 aniversario. Apertura de portas ás 21:30h, inicio dos concertos ás 22:30h, entrada de balde ata completar o aforo. Nesta xira do 30 aniversario de Heredeiros da Crus teremos a oportunidade de “josar” dos seus auténticos sons na Guarda en estado puro, nunha noite que, de seguro, quedará para o recordo.
A Axenda de Verán continúa nos meses de xullo, agosto e setembro con actividades coma os festivais de Baile Moderno de Xamaraina, a programación de actividades infantís de “Miúdo Verán”(todos os xoves), as Festas do Carme, Feira de Outlet do comercio local, o Encontro dos Pobos, eventos deportivos, a Festa do Peixe Espada, a Mostra Creativa, presentación de libros e exposicións, as Festas de San Cayetano, o Encontro do libro Luso-Galaico, a Festa do Percebe, concerto da Agrupación Musical da Guarda, as Festas da Virxe da Guía, as Festas das Mercedes ou a Mostra Asociativa

Especial mención nesta programación para as Festas do Monte, que terán lugar do 8 ao 15 de agosto, a semana grande de festas na Guarda, unha semana na que as noites de verbenas se compaxinan con diferentes actividades deportivas e culturais. Na xornada do sábado día 13 de agosto ás 11:30h ten lugar o Desfile Folclórico e De Bandas Mariñeiras, un desfile multitudinario previo ao día grande o Domingo do Monte, no que dende a mañá as Bandas Mariñeiras soben ata o cumio do Monte Santa Trega para realizar os seus xuramentos ao son dos bombos, tambores e gaitas. As festas rematarán na noite do Luns día 15 de agosto coa Gran tirada de fogos de artificio no Porto da Guarda.

EXPOSICIÓNS

A Guarda terá tamén unha importante exposición pictórica este verán que estará na Casa dos Alonso entre o 26 de xullo e o 13 de agosto, e na que se poderán observar e apreciar os traballos e pinturas da artista guardesa Chuny Alonso.

VISITAS GUIADAS AO CASTRO DE SANTA TREGA

Ao longo do verán e de martes a domingo ofértanse visitas guiadas ao Castro de Santa Trega, unha oportunidade para coñecer o noso patrimonio con visitas que terán lugar ás
12:00h, 13:00h, 18:00h e 19:00h horas
Inscrición e información no enderezo electrónico masat@aguarda.es ou no teléfono 690 017 038.

Fai clic na imaxe para ver a axenda completa

Fai clic na imaxe para ver a axenda completa

Fai clic na imaxe para ver a axenda completa

PROGRAMA COMPLETO

30 DE XUÑO – 1 DE XULLO
A GUARDA DIVERSA
Na Praza do Reló

1, 2 DE XULLO
FESTIVAL MAR DE BLUES
Na Praza do Reló

1, 2, 3 DE XULLO
FESTA DA LANGOSTA
No porto da Guarda

7 DE XULLO
CINE NA RÚA “EL PRINCIPITO”
Na Praza do Reló ás 22:30 horas.

9 DE XULLO
CONCERTO HEREDEIROS DA CRUS (Musigal 2022)
No Porto da Guarda ás 22:30 horas.

10 DE XULLO
FESTIVAL DE BAILE MODERNO “O GRAN SHOW”
No Auditorio de San Benito ás 20:30 horas
Organiza: A.C. Xamaraina

14 DE XULLO
ESPECTÁCULO DE DANZA E HUMOR “SOFÁ”
No Auditorio de San Benito ás 20:30 horas.

15, 16 DE XULLO
FESTAS DO CARME
No porto da Guarda
Organiza: Comisión de Festas do Carme

21 DE XULLO
CINE NA RÚA “BELLA Y EL CIRCO MÁGICO”
Na Praza do Reló ás 22:30 horas.

23 DE XULLO
FERIA OUTLET
Na praza de Avelino Vicente
Organiza: ACIGU

23 DE XULLO
ENCONTRO DOS POBOS
No Auditorio de San Benito ás 20:30 horas
Organiza: A C. Do Lusco ó Fusco

23 DE XULLO
II CARREIRA DE ORIENTACIÓN
inscricións www.xestanatureza.com

28 DE XULLO
CONCERTO INFANTIL ROCKEANDO CON RAMONA ÓRBITA, A DONA DO TEMPO
Na Praza do Reló ás 20:30h

29, 30, 31 DE XULLO
FESTA DO PEIXE ESPADA
Nos restaurantes da Vila
Organiza: ORPAGU

30 DE XULLO
MOSTRA CREATIVA DO BAIXO MIÑO
Na praza de Avelino Vicente

30 DE XULLO
EVENTO DEPORTIVO DO CLUBE DE JUDO BAIXO MIÑO
No Campo de fútbol da Sangriña ás 20:30 horas
Organiza: Clube de Judo Baixo Miño.

4 DE AGOSTO
ESPECTÁCULO DE CIRCO “CARMAN”
No Auditorio de San Benito ás 20:30 horas

4 DE AGOSTO
PRESENTACIÓN DO LIBRO “SOBRE LA CRIANZA”, de Jesús Rodríguez Salazar.
No Centro Cultural ás 19:30 horas.

4, 5, 6, 7 DE AGOSTO
FESTAS DE SAN CAYETANO
No Barrio da Cruzada
Organiza: Comisión de Festas de San Cayetano

8 ó 15 DE AGOSTO
FESTAS DO MONTE
Na Alameda e rúas da vila.
Organiza: A.V C.D. Alameda

11 DE AGOSTO
GALICIA ILUSIONA, ILUSIONISMO
No Auditorio de San Benito ás 20:30 horas.

19, 20 DE AGOSTO
III ENCONTRO DO LIBRO LUSO GALAICO
Na Praza do Reló

20 DE AGOSTO
FERIA OUTLET
Na Praza de Avelino Vicente
Organiza: ACIGU

20 DE AGOSTO
II TORNEO DE PETANCA CONCELLO DA GUARDA
No Campo do Codesal

24 DE AGOSTO
CONCERTO MÚSICA NO AR
No atrio da Igrexa Parroquial ás 20:30 horas.
Organiza: Deputación de Pontevedra

23,27 E 28 DE AGOSTO
FESTA DO PERCEBE
Na Alameda da Guarda
Organiza: A.C. Alameda

26 DE AGOSTO
TEATRO CRÓNICAS DO PARAÍSO
Na Praza do Reló ás 21:30 horas.

27 DE AGOSTO
CONCERTO DE VERÁN DA BANDA DE MÚSICA DA GUARDA
No Auditorio de San Benito ás 20:30 horas
Organiza: Agrupación Musical da Guarda

28 DE AGOSTO
FESTIVAL DE BAILE MODERNO “REMEMBER”
No Auditorio de San Benito ás 20:00 horas
Organiza: A.C. Xamaraina

28 DE AGOSTO
CARREIRA PEDESTRE VIRXE DA GUÍA
Na Praza da Guía ás 19:00 horas
Organiza: Comisión de Festas Virxe da Guía

2, 3, 4 DE SETEMBRO
FESTAS VIRXE DA GUÍA
Na Praza da Guía
Organiza: Comisión de Festas Virxe Guía

3 DE SETEMBRO
PERFORMANCE FOCO, PROXECTOS ANTIBULOS
Na praza de Avelino Vicente às 12:00 horas.
Organiza: A. FOCO

DO 3 AO 25 DE SETEMBRO
FESTAS DAS MERCEDES A GÁNDARA
No barrio da Gándara
Organiza: A.V V. O Percamino

10 DE SETEMBRO
MOSTRA ASOCIATIVA
Na Praza de Avelino Vicente a partir das 15:30 horas

Langosta, blues e o ‘Piueiro’, ingredientes estrela da XXX “Festa da Langosta e da Cociña Mariñeira”

Os tronos e a choiva cos que se espertou esta mañá A Guarda deron paso ao mediodía a un apracible domingo repleto de actividades co que o Concello poñía punto final á trixésima edición da “Festa da Langosta e da Cociña Mariñeira”. A gastronomía, a música en directo e as travesías a bordo dun barco tradicional como o “Piueiro” foron os principais atractivos dunha festa que se prolongou tres días e da que gozaron numerosos veciños e visitantes. Un programa máis que apetecible co que se identificaron miles de persoas, desde os amantes da boa música aos que saben apreciar a boa mesa.

O difícil obxectivo de agradar a todos por igual cumpriuse no trinta aniversario dunha celebración que comezou por unha casualidade -en 1991 houbo unha inusual abundancia deste crustáceo nas súas costas e decidiuse facer unha festa de exaltación do produto- e que, hoxe, salvo os dous anos máis duros da pandemia, non deixou de crecer en admiradores.

 

 

Ademais dos veciños, estes días na Guarda déronse cita numerosos turistas, algúns deles vellos coñecidos e outros que celebraban a súa primeira vez nun pobo que conta con todos os encantos dunha vila mariñeira, incluídos uns arredores espectaculares.

Diso poden dar fe, por exemplo, algúns dos músicos que protagonizaron o Festival Mar de Blues e que o sábado ao mediodía achegáronse ata o Monte Santa Tegra para admirar a paisaxe desde a cima. Precisamente, eles foron os protagonistas indiscutibles da noite do sábado -e parte da madrugada- cunha ‘jam session’ inesquecible que congregou no escenario da Praza do Reló a intérpretes da talla de Will Jacobs, Remi Bankyln, Julian Vaughh, Javier Vacas, Marcos Coll e Javier Turnes, entre outros instrumentistas.  Desde Chicago a Londres, pasando por Santiago de Compostela ata A Guarda, o cartel do Mar de Blues atraeu a un bo número de persoas, que acabaron namoradas do potente directo destes músicos, que improvisaron con ata cinco formacións diferentes.

O alcalde da Guarda, Antonio Lomba; a tenente de alcalde, Montserrat Magallanes; e o concelleiro de Festas e Turismo, Rafa Álvarez, subíronse ao escenario para agradecer aos intérpretes a súa participación no evento e agasallarlles con algúns recordos da vila e do seu paso pola festa.

E se a noite foi para o blues e o mediodía para a lagosta e outros manxares mariños, a tarde tivo un claro protagonista: o “Piueiro”. A embarcación tradicional, unha das máis representativas do pobo guardés xunto coa gamela, realizou viaxes durante toda a tarde para mostrar aos visitantes a navegación do barco co que os mariñeiros guardeses ían ata Gran Sol. Unha odisea que relatan os experimentados membros da asociación, formada na súa maioría por armadores e pescadores xubilados.

Erea Castro, o broche de ouro a tres días de festa ao redor da lagosta

O roteiro das cetarias e do Museo do Mar, os pasacalles a cargo de grupos locais, o vermú mariñeiro e a feira de artesanía coparon a axenda dominical de numerosas persoas nesta xornada final da festa. A música, neste terceiro e último día de festa, correu a cargo de Erea Castro, cunha actuación na Praza de San Benito, mentres que o grupo “A Boalleira” amenizou musicalmente a despedida entre o porto e a carpa.

A Guarda homenaxea á xente do mar no arranque da súa “Festa da Langosta e da Cociña Mariñeira” máis global

Esperábase unha gran acollida do pobo da Guarda a unha das súas celebracións máis populares, a Festa da Langosta e da Cociña Mariñeira, pero o vivido esta tarde na Guarda superou as mellores expectativas do Concello. Centos de persoas déronse cita no porto para participar no arranque da trixésima edición desta celebración, que transcende o puramente gastronómico para reivindicar a cultura mariñeira, unha forma de vida que ten nesta localidade pontevedresa un dos seus máximos expoñentes.

E, precisamente como tributo á xente do mar, o Concello entregou as súas renovadas Langostas de Ouro a tres organizacións exemplares que fan da Guarda un lugar diferente e con carácter propio: a Confraría de Pescadores Santa Tecla, polo seu traballo a favor da pesca artesanal e o marisqueo; a Asociación de Redeiras Atalaia, polo seu esforzo á hora de dar visibilidade e dignificar o traballo das mulleres do mar; e a Organización de Palangreiros Guardeses, pola súa achega á dinamización da economía guardesa. O alcalde da Guarda, Antonio Lomba, foi o encargado de entregar estas fermosas pezas de bronce, obra de Cuqui Piñeiro, aos representantes das tres organizacións -unha lagosta por cada ano desde 2019-, á vez que destacou o seu labor e a súa contribución á tradición marítima da vila, permitindo a substitución xeracional e preservando a esencia dun pobo con sabor a mar.

No seu discurso inaugural, Lomba tamén fixo referencia ao aspecto global da celebración e á aposta do Concello por conformar un programa ameno do que puidesen gozar veciños e visitantes calquera que sexa a súa idade. Neste punto, o alcalde tivo unha mención especial para todos os que colaboraron na organización do evento e, concretamente, para o concelleiro de Cultura, Rafa Álvarez, “que se envorcou coa festa”.

Pola súa banda, a cantante e colaboradora de “Land Rober-Tunai Show”, Eva Iglesias, foi a encargada de dar lectura ao pregón co que se deu por inaugurada a trixésima edición da Festa da Langosta e da Cociña Mariñeira. Iglesias explicou que era o seu primeiro pregón tras a pandemia e recoñeceu a súa satisfacción de que fora na Guarda, unha localidade que coñece ben xa que actuou nalgunha ocasión.

Tras o acto inaugural, procedeuse oficialmente á apertura da carpa con todos os manxares xa a punto para a degustación, mentres o grupo “Do Lusco ó Fusco” amenizaba os primeiros compases da festa.  Unha festa que naceu en 1991 propiciada pola abundancia da lagosta nas costas da Guarda e á que desde hai anos acoden centos de comensais que non só gozan deste crustáceo, senón que teñen a oportunidade de degustar outros manxares do mar.

Así mesmo, unido ao factor gastronómico, este 2022 a festa conta con outros importantes atractivos como a música en directo -non se perdan o festival de blues, con importantes referentes deste xénero musical- ou os paseos a bordo do “Piueiro”, un volanteiro tradicional cunha tripulación formada por mariñeiros xubilados da Guarda que fará percorridos costeiros ao longo de toda a fin de semana. Non en balde, A Guarda ostenta unha posición privilexiada no Camiño Xacobeo pola costa, por iso é polo que este ano a presentación oficial da festa tivese lugar en Santiago de Compostela.

Un programa variado para todas as idades

O evento deste ano excedeu o seu centro neurálxico, situado no porto, para asomarse polas rúas do pobo, engalanadas con motivos mariñeiros grazas á iniciativa da asociación Piueiro que buscou a complicidade  dos guardeses e as guardesas, apoiados polo propio Concello, para estender esta “Garda mariñeira” durante todo o mes de xullo. A xornada inaugural conclúe esta noite cunha das actuacións enmarcadas no Festival “Mar de Blues”.

Este sábado, as actividades festivas darán comezo ás 11 da mañá e sucederanse ao longo do día con gastronomía, a inauguración da Exposición Etnográfica Mariñeira da Asociación Piueiro, viaxes no volanteiro, unha feira de artesanía na Rúa do Porto e varios pasacalles. A “Langosta Castrexa”, a mascota deseñada con motivo do trinta aniversario da festa, ocupará boa parte das actividades destinadas aos máis pequenos. Mentres, os maiores gozarán, sen dúbida, coas actuacións en directo do programa “Mar de Blues”.

O domingo, os visitantes poderán participar no roteiro das cetarias e do Museo do Mar, reservando previamente as súas prazas no correo festadalangosta@gmail.com  ou no punto de información situado na carpa instalada no porto da Guarda. Os pasacalles a cargo de grupos locais animarán o vermú mariñeiro, que se poderá probar nun gran número de establecementos hostaleiros da Guarda. A música neste terceiro día de festa poñeraa Erea Castro, cunha actuación na Praza de San Benito, mentres que o grupo “A Boalleira” amenizará musicalmente a despedida entre o porto e a carpa.

As Alfombras Florais voltaron a encher de cor as rúas guardesas

As Alfombras Florais voltaron a encher de cor as rúas guardesas

Esta fin de semana celebrouse a festividade do Corpus na vila da Guarda, unha festividade que se retoma despois da parada por mor da pandemia da COVId-19. Dende fai semanas moitas persoas traballaron con moito esforzo e dedicación na preparación dos diferentes materiais que se empregaron dende a tardiña do pasado sábado para a confección das Alfombras Florais.

A choiva fixo acto de presencia na tarde do sábado, polo que se optou por retrasar a procesión para as 19:00h, algo que axudou á confección das diferentes alfombras e motivou unha ampla e numerosa participación de veciños e visitantes que ateigaron as rúas da guarda para presenciar os tapetes florais.

En total realizáronse uns 2300 metros cadrados de superficie en tapices florais que luciron, no seu máximo esplendor, na tarde do domingo cando remataron os traballos dos centos de alfombristas das 10 rúas que se engalanaron para esta ocasión.

Existen informacións antigas que deixan constancia da importancia da celebración da Festa do Corpus na Guarda xa dende o século XVIII, sendo a celebración do Corpus Christi e do Santísimo Sacramento as principais festas cívico-relixiosas do pobo da Guarda.

A Asociación Cultural Alfombras da Guarda, creada en 2018, é a encargada na actualidade de velar pola promoción e manter a tradición histórica das alfombras florais do Corpus na Guarda, así como dar a coñecer, por en valor e visualizar o traballo e orgullo que supón para os seus veciños, membros e colaboradores e a poboación guardesa en xeral.

Dende o Concello da Guarda se quere agradecer o labor de todas as persoas que traballaron para que esta celebración continúe e para que visitantes e locais gocer das mesmas, un enorme esforzo que se ve recompensado polos espectaculares resultados, sendo auténticas obras de arte en flor.

As Alfombras florais encherán de cor as rúas guardesas esta fin de semana

• A Guarda recupera unha das festas tradicionais da vila despois da pandemia da COVID-19 e convida a veciños e visitantes a gozar da elaboración das alfombras florais.

Esta fin de semana celebrase a festividade do Corpus na vila da Guarda e dende fai semanas moitas persoas traballan con moito esforzo e dedicación na preparación dos diferentes materiais que se empregarán na madrugada deste domingo para a confección das Alfombras Florais.

Deste xeito, traballan a reo os veciños do pobo que, colectivamente, organízanse para levar a cabo esta actividade, a realización duns 2300 metros cadrados de superficie en tapices florais que lucirán, no seu máximo esplendor, na mañanciña do domingo cando rematen os traballos dos centos de alfombristas das 10 rúas que se engalan para esta ocasión.

Existen informacións antigas que deixan constancia da importancia da celebración da Festa do Corpus na Guarda xa dende o século XVIII, sendo a celebración do Corpus Christi e do Santísimo Sacramento as principais festas cívico-relixiosas do pobo da Guarda.

A Asociación Cultural Alfombras da Guarda, creada en 2018, é a encargada na actualidade de velar pola promoción e manter a tradición histórica das alfombras florais do Corpus na Guarda, así como dar a coñecer, por en valor e visualizar o traballo e orgullo que supón para os seus veciños, membros e colaboradores e a poboación guardesa en xeral.

Dende o Concello da Guarda se quere agradecer o labor de todas as persoas que traballan para que esta celebración continúe e para que visitantes e locais podan gozar das mesmas, un enorme esforzo que se ve recompensado polos espectaculares resultados unha vez están confeccionadas, sendo auténticas obras de arte en flor.

Atlantic CultureScape A Guarda estrea a peza audiovisual ATALAIA – PIUEIRO no Centro Cultural de A Guarda

Atlantic CultureScape A Guarda estrea a peza audiovisual ATALAIA/PIUEIRO no Centro Cultural de A Guarda

• Venres 17 de xuño ás 20:30h no Centro Cultural da Guarda.
• O sábado 18 de xuño realizarase tamén unha ruta guiada en colaboración coa Asociación Xuliva e a Asociación de Redeiras Atalaia que partirá ás 11:30h dende a Cetaria Agrelo.

Creada por Xisela Franco, a peza será presentada este venres 17 de xuño ás 20.30h no Centro Cultural da Guarda. Tras a presentación da creación audiovisual na Mostra Internacional de Cinema Etnográfico (MICE) do Museo do Pobo Galego, o pasado 23 de marzo, a autora culmina coa súa obra definitiva estreándoa na vila protagonista, A Guarda.

A través da etnografía experimental achegámonos á cultura mariñeira, aos oficios, aos saberes, ás tradicións e ás identidades de hoxe e de onte. Unha forma dar visibilidade a ese patrimonio inmaterial da vila, de crear emocións arraigadas ao territorio e á súa xente, de facer poesía e antropoloxía audiovisual… que se verá culminada co lanzamento por vez primeira de material inédito; como son as gravacións que non foron empregadas para a peza ou aquelas de arquivo cedidas por diferentes familias veciñas da vila.

Á xornada asistirán as asociacións protagonistas de Redeiras do Baixo Miño Atalaia e de Embarcacións tradicionais O Piueiro, que pecharán a xornada cun faladoiro aberto á participación do público.

A xornada é de balde até completar aforo.

Outras actividades vinculadas ao proxecto Atlantic Culture Scape: roteiro guiado [18 de xuño]

Para continuar co proceso creativo e colectivo vinculado co patrimonio da vila da Guarda, desenvolvéronse dúas rutas nas que se recollen todo ese patrimonio construído e sostido polas persoas que habitaron e habitan A Guarda. Así, o 18 de xuño realizarase unha das rutas que será guiada pola comunidade local. O punto de partida será a Cetaria Agrelo ás 11.30h e o percorrido terá unha duración aproximada de dúas horas e media. Para inscricións e máis información, as persoas interesadas deberán contactar ao e-mail da Asociación Xuliva – Historia e Paisaxismo [xulivaguarda@gmail.com], institución local encargada de organizar o evento. Esta actividade tamén é de balde até completar o aforo de 45 prazas.

Ambas actividades contan coa colaboración do Concello da Guarda, das asociacións Redeiras do Baixo Miño Atalaia, de Embarcacións Tradicionais O Piueiro e Xuliva – Historia e Paisaxismo.

Sobre Atlantic Culture Scape
O proxecto Atlantic CultureScape é unha iniciativa que estuda e dá a coñecer o patrimonio inmaterial do espazo Atlántico. Co-financiado polo Fondo europeo de Desenvolvemento Rexional (FEDER), ao abrigo do programa INTERREG Espazo Atlántico, o programa promove a cooperación transnacional entre 36 rexións atlánticas de cinco Estados europeos. Desta forma, participan diferentes entidades e organismos de lugares como Irlanda, Gales, Cantabria, Andalucía, Portugal, […] e Galicia! É así como nace Atlantic CultureScape A Guarda, un proxecto comunitario impulsado pola Universidade de Vigo e levado a cabo grazas á colaboración das asociacións mencionadas, entre outros actores locais.
Deste xeito, despois de tres anos de actividade, o proxecto remata o vindeiro mes de setembro, deixando os seus obxectivos cumpridos e unha recua de actividades de socialización e visibilización da paisaxe da vila mariñeira, da súa historia e do seu patrimonio material e inmaterial, como eixes sostibles e xeradores de economía na vila.

A Festa da Langosta e da Cociña Mariñeira contará con Feira de Artesanía

• Os artesáns e as artesás interesadas en participar poden realizar a súa inscrición do 6 ao 10 de xuño

O Concello da Guarda retoma unha das festas gastronómicas destacadas de Galicia e coa se inaugura a programación de verán 2022 na Guarda.

Este ano a Festa da Langosta e da Cociña Mariñeira celebra a súa XXX edición os días 1, 2 e 3 de xullo. Dende o ano 2009 leva organizándose a Feira de Artesanía na rúa Porto e que forma parte da programación desta festa que mestura gastronomía, cultura, música e entretemento.

Esta feira de artesanía celebrarase durante o sábado 2 e domingo 3 de xullo. A participación nesta feira está regulada mediante as bases de participación para esta edición e será gratuíta.

Os artesáns e as artesás interesadas en participar deberán enviar a súa solicitude debidamente cumprimentada, xunto coa documentación especificada en ditas bases, ao correo electrónico turismo@aguarda.es. O prazo de inscrición estará aberto do luns 6 ao venres 10 de xuño.

Solicitude

Bases

O Albergue municipal da Guarda amplía a súa atención aos peregrinos

O Albergue municipal da Guarda amplía a súa atención aos peregrinos

• No mes de maio 1.686 peregrinos realizaron o Camiño Portugués da Costa manténdose o noso camiño no 4º posto dos camiños a Santiago

O Albergue municipal da Guarda amplía a súa atención aos peregrinos

O día 1 de xuño é a data escollida na que o albergue municipal da Guarda recupera a normalidade no seu funcionamento retirando as restricións que se mantiñan por responsabilidade ante a particularidade e sensibilidade deste servizo.

O albergue recibe peregrinos de todas as procedencias polo que se mantivo a cociña pechada e o aforo limitado ao 50% a pesar de que a Consellería de Sanidade foi aliviando progresivamente as restricións a este tipo de aloxamento. A Guarda, como vila turística, dispón doutros establecementos turístico estando a oferta de aloxamento en inverno e primavera asegurada.

A piques de comezar o verán volvese ao funcionamento normal do albergue para así acoller ao peregrinos que realicen a súa etapa de descanso na nosa vila. O albergue conta con 36 prazas distribuidoras en dúas habitacións e a cociña como espazo común.

Ademais de recuperar todas as prazas dispoñibles e de abrir de novo a cociña ampliase o horario de admisión ata ás 20:30h.

Segundo os datos da Oficina do Peregrino de Santiago no mes de maio recolleron a Compostela máis de 34.000 peregrinos e 1.686 realizaron o Camiño Portugués da Costa manténdose o noso camiño no 4º posto dos camiños a Santiago.

O monte Santa Trega amplía a oferta de visitas guiadas

• Neste ano 2022 recuperase a ampla oferta de visitas guiadas gratuítas comezando xa no mes de xuño e rematando no mes setembro.
• Prazas limitadas e inscrición previa no Museo Arqueolóxico no tel. 690.01.70.38 (tamén WhapsApp) ou un mail a masat@aguarda.

Unha temporada máis o Padroado Municipal de Santa Trega ofrece visitas guiadas ao Monte Santa Trega para que os visitantes e veciños podan coñecer mellor o valor arqueolóxico deste monte.

Neste ano 2022 recuperase a ampla oferta de visitas guiadas comezando xa no mes de xuño e rematando no mes setembro. Os meses de xuño e setembro adoitar ser datas preferentes para visitas guiadas concertadas para grupos e escolares. Polo que as visitas guiadas abertas ao público nestes meses serán os fins de semana con dous horarios (12:00 e 18:00h)

Ademais esta oferta das visitas incrementase nos meses de maior afluencia, xullo e agosto, con visitas de martes a domingo e 4 visitas ao día (12:00, 13:00, 18:00 e 19:00h). Así intentase que todos os visitantes interesados teñan a oportunidade de coñecer a cultura castrexa e a nosa paisaxe.

Este ano as visitas guiadas estarán centradas no Castro de Santa Trega, nas áreas escavadas dende o norte ao sur, pero sempre é interesante completar esta actividade coa visita ao MASAT, Museo Arqueolóxico de Santa Trega.

Para ofrecer unha visión máis amplla da zona escavada vaise realizar un ha ruta circular comezando na Casa Forestal. Este percorrido permitirá  visitar as zonas escavadas máis emblemáticas e así coñecer como vivían os castrexos fae máis de 2.000 anos e tentarase descifrar o seu urbanismo e a trasnformación do espazo durante a ocupación.

As prazas seguen a estar limitadas polo que se precisa de inscrición previa no Museo Arqueolóxico no tel. 690.01.70.38 (tamén WhapsApp) ou un mail a masat@aguarda.es. A visita guiada é gratuíta pero aqueles que accedan ao Monte Santa Trega en vehículo deberán abonar o prezo público.

A duración aproximada é 45 minutos e o punto de encontro é o aparcadoiro da Casa Forestal desde onde se partirá para comezar esta fermosa ruta polo interior do castro escavado.

As praias da Guarda “O Muíño” e “Area Grande” acadaron a bandeira azul para o 2022

Un ano máis as praias de “O Muíño” e “Area Grande” do Concello de A Guarda cumpren cos requisitos deste distintivo internacional de bandeira azul.
A Asociación de Educación Ambiental y del Consumidor (ADEAC), e a rama española da Federación Europea de Educación Ambiental (FEE) fixeron público este mércores o listado de todas as bandeiras azuis que se concederon no territorio español para esta tempada de verán.
O Concello da Guarda traballa en ofrecer un servizo de calidade e eficiente. Polo que acadar este recoñecemento implica un compromiso coa calidade medio ambiental e cos servizos para que veciños e visitantes dispoñan duns servizos acordes coa excelencia destas praias.
Os servizos esixidos por Bandeira Azul son paneis informativos, análise de augas excelente nas catro anteriores tempadas, servizo de limpeza e de recollida de residuos, aseos, e o servizo de salvamento e socorrismo que atende aos dous areais e que comezará co arranque estival.
A praia “Area Grande” luciu por primeira vez este distintivo no ano 2009, e foi concedida cada verán dende esa data. Pero no verán pasado o Concello da Guarda comunicou formalmente a súa renuncia voluntaria a ADEAC para praia de Area Grande ante a imposibilidade de contar co servizo de socorristas de luns a domingo. Dos 6 socorristas necesarios para cubrir ambas praias tan só foi posible contratar a 4 debido a dificultade de dispor de persoal formado tal é como require este servizo.
No caso da praia do Muíño tamén renovou a bandeira azul dende o 2010. Ademais da bandeira azul esta praia fluvial tamén contará co distintivo “Ecoplayas”.
O concello da Guarda quere resaltar o esforzo realizado para a súa concesión no referente o mantemento e mellora das actuacións e servizos véndose recompensado un ano máis coas dúas bandeiras azuis para o concello.
O pasado día 5 de abril ADEAC comunicou que a concesión do distintivo de “Sendeiro Azul” o camiño que une ambas praias. Este ano organizaron unha Cerimonia de Entrega do Galardón Sendeiro Azul que terá lugar o 26 de maio no Real Jardín Botánico de Madrid.

O concello da Guarda reúnese co sector e entidades para presentar as actuacións seleccionadas ao Plan de Sostibilidade Turística en Destino

O Concello da Guarda está traballando na súa candidatura á convocatoria extraordinaria no marco do “programa de Planes de Sostenibilidad Turística en Destinos” ante a Secretaría de Estado de Turismo.

Esta convocatoria extraordinaria de 2022 do plan territorial a Secretaría de Estado de Turismo ten como base a enogastronomía. Polo que o Concello da Guarda conta cunha excelente oportunidade á presentar unha estratexia turística en torno ao potencial gastronómico da Guarda pero vinculado ao importante patrimonio histórico e natural.

O pasado martes 3 de maio tivo lugar na Casa dos Alonso a mesa de traballo co sector para coñecer a súa opinión e recibir a achegas e así poder presentar unha candidatura real, obxectivo básico para o desenvolvemento deste programa.

Neste encontro participaron 12 representantes do tecido empresarial e social da Guarda como empresas de aloxamento, hostalaría, asociacións culturais e deportivas, comunidades de montes,…

Este mesa de traballo comezou coa intervención do Alcalde, Antonio Lomba, onde adiantou aos presentes que A Guarda está inmersa na elaboración da candidatura aos fondos europeos para o deseño e desenvolvemento dun Plan de Sustentabilidade turística en Destino para o Concello da Guarda.
O alcalde quixo destacar que a candidatura da Guarda é unha excelente oportunidade para conseguir financiamento para proxectos de gran envergadura e que suporán unha transformación para a nosa vila cun orzamento que supera os 1,7 millóns de €.

O detalle das actuacións foron presentadas pola “Estrategía y Consultoría EOSA”, empresa especializada que está redactando a candidatura que leva como fío condutor a enogastronomía aínda que terán un gran impacto no Monte Santa Trega, praia do Muíño, mobilidade, dixitalización do turismo e das accións máis especificas sobre gastronomía.

Como remate abriuse a rolda de intervencións dos convidados na que se resolveron as dúbidas. Tamén se recolleron as achegas e suxestións e actualmente estase traballando na súa incorporación e así contar cunha candidatura completa e con posibilidade para acadar estes fondos europeos.

A Guarda acolle o 7 de maio a proxección do Documental “Galicia Peregrina. A ruta portuguesa de Santiago”

• Será o sábado día 7 de maio ás 20:00h no Salón de actos do Centro Cultural da Guarda.
• Tamén presentarase o vídeo “Percorremos o camiño como peregrin@s” no que participan escolares e asociacións da Guarda.

O Salón de actos do Centro Cultural da Guarda acolle o vindeiro sábado día 7 de maio ás 20:00h unha dobre proxección vencellada ao Camiño Portugués da Costa.

O documental “Galicia peregrina. A ruta portuguesa de Santiago” proxectarase achegando ao espectador ao verdadeiro significado de facer o Camiño de Santiago, protagonizado pola presentadora Cristina Maró, que estará no acto deste sábado na Guarda.

O Concello da Guarda, continuando coas accións para difusión e promoción do Camiño Portugués da Costa ao seu paso pola vila ven de continuar co proxecto “Falemos do Camiño”, iniciado no ano 2020 e paralizado debido á pandemia.

Desta volta organizouse unha actividade cos centros escolares e colectivos da vila para promocionar o Camiño Portugués da Costa a través da actividade “Percorremos A Guarda como peregrinos”, onde o alumnado e usuarios percorreron parte do trazado do itinerario xacobeo pola Guarda en diferentes sesións celebradas entre marzo e abril de 2022, acompañados por un guía que foi explicando os diferentes elementos etnográficos, civís e relixiosos existentes no camiño.

Ao mesmo tempo, aproveitouse esta acción para a gravación dun vídeo que será presentado tamén este sábado día 7 de maio no Centro Cultural da Guarda.

O próximo luns 11 de abril abre o prazo de inscrición para as Andainas A Guarda – Caminha 2022

A Guarda e Caminha organizan a actividade Andainas Primavera 2022 como en anos anteriores pero que no ano 2020 tiveron que cancelar coa chegada da pandemia.

Este ano retomase esta actividade na que veciños galegos e portugueses gozaban do espazo natural e patrimonial de ámbolos dous países.

Nesta primavera organizase 4 andainas e que terán un custe de 10€ por andaina e persoa e como en edicións anteriores os participantes galegos sairán da explanada da Sangriña en autocar para xustarse co autocar de Caminha. Os horarios de saída e regreso están pendentes de confirmar.

As prazas son limitadas polo que se abre un prazo de inscrición para os interesados a partir do luns 11 de abril. A inscrición realizarase na Oficina de Turismo da Praza do Reló e priorizarase a inscrición presencial.

Este é o calendario das andainas coa descrición:

ANDAINA 1.- SÁBADO, 30 DE ABRIL: TRILHO NA SERRA D’ARGA (CAMINHA)

Tipo: ruta pequena
Percorrido: ecolóxico / paisaxe
Punto de partida: Arga de Cima
Distancia: 15 km
Duración: 5,5 h
Grao de dificultade: fácil/medio

Descrición:
A Serra d’Arga é unha das zonas máis emblemáticas do Alto Minho, non só pola inmensidade das paisaxes salvaxes na súa cima, senón tamén pola singularidade dos seus valores naturais e culturais.
Nos puntos máis altos do monte, dominados por impoñentes macizos graníticos, existen zonas de pasto naturais de rara beleza onde se dan diferentes tipos de matogueira nunha matriz de pastos cunha notable diversidade florística. Próximo ás pintorescas vilas que se desenvolven na transición ao xisto, hai campos de cultivo, marismas e bosques naturais, atravesados por varias liñas de auga.
O xacemento “Serra de Arga” posúe un valioso patrimonio natural, que inclúe hábitats naturais e seminaturais, así como especies de fauna e flora de conservación prioritaria. Este territorio posúe unha extraordinaria riqueza florística, incluíndo especies raras ou en perigo de extinción.
Esta ruta, na zona de Arga de Cima, Arga do Baixo, Arga de São João e Dem, asentamentos rurais da Serra d’Arga, discorre por unha das zonas máis emblemáticas do Alto Minho, no val da Ribeira de Arga e o val da Ribeira de São João, en zonas de marismas, campos de cultivo e bosques naturais, atravesadas por varias liñas de auga, polas que é posible entrar en contacto con aspectos de interese xeolóxico e xeomorfolóxico, e apreciar diversos exemplos de arquitectura vernácula, como muíños e hórreos. Desde o Cabeço do Meio Dia, na Arga de Baixo, a 550 m de altitude, pódese contemplar unha das panorámicas máis impresionantes e amplas da comarca, desde o val do río Coura, o Monte de Santa Trega na Guarda, ata o Corno Paisaxe do Bico e a Serra da Peneda.

ANDAINA 2.- SÁBADO, 14 DE MAIO: RUTA POLA RIBEIRA DO ULLA – TOURO

Tipo: ruta sinalizada – lineal
Percorrido: natural/etnográfico
Punto de partida/chegada: Ponte Basede / San Pedro da Ribeira
Distancia: 13 km
Duración: 4 h
Grao de dificultade: fácil

Descrición:
Esta senda percorre a marxe dereita do Río Ulla para achegarnos en medio dunha fermosa paisaxe, ata lugares tan emblemáticos no Concello de Touro como a Fervenza do Infermiño ou Pozo do Pego.
Durante o camiño descubriremos os restos do Pazo de San Cristovo, pequenos muíños e as agachadas e antigas ouriceiras que salpican repetidamente os frondosos soutos.
Nas Proximidades da poboación de San Pedro de Ribeira gozaremos da tranquilidade da vaira do Pozo do Pego, un lugar natural de extraordinaria beleza.
Durante a senda, o que máis sorprenderá serán os cambios de vexetación, que abranguen bosques de tipo mediterráneo con sobreiras e xaras, bosques atlánticos como os soutos ou as carballeiras e, a pouca distancia, uns tupidos bosques de ribeira. É un traxecto de pouca dificultade pero onde é moi recomendable o uso de botas de montaña e roupa axeitada.

ANDAINA 3.- SÁBADO, 4 DE XUÑO: TRILHO NA PAISAXE PROTEXIDA DO CORNO DE BICO, PORTUGAL

Tipo: ruta pequena
Percorrido: ecolóxico / paisaxe
Punto de partida: Tumba, Beout
Distancia: 10 km
Duración: 4,5 h
Grao de dificultade: fácil/medio

Descrición:
O Corno de Bico é un espazo emblemático do concello de Paredes de Coura e de gran importancia para a comarca, considerado un pequeno santuario natural, un espazo de rara beleza que o home conformou de forma harmónica, de alto valor ecolóxico, de gran beleza. e importancia para a comarca do Alto Minho. Hoxe ten un importante papel na conservación da natureza, o que permitiu a súa inclusión como sitio clasificado na Rede Europea NATURA 2000 e na Rede de Espazos Protexidos de Portugal. Neste territorio é igualmente importante o patrimonio humano das comunidades rurais. Dende o punto máis alto desta ruta, miradoiro natural, pódese apreciar unha paisaxe maxestuosa que se abre ben ao Val do Río Coura, ben aos Vales dos Ríos Vez e Lima.

ANDAINA 4.- SÁBADO, 9 DE XULLO: PR-G100 – SENDEIRO NATURAL ACIVEIRO – CANDÁN

Tipo: ruta sinalizada – circular
Ámbito: natural/etnográfico
Punto de partida/chegada: Mosteiro de Aciveiro
Distancia: 15 km
Duración: 4,5 h
Grado de dificultade: fácil / media

Descrición:
O sendeiro PR-G 100 consiste nunha ruta circular de 15 km con principio e fin no Mosteiro de Aciveiro. Camiñando cara a Vilaverde, atravésase o río Lérez rodeados de moitas especies arbóreas ata chegar, preto, da Rochela, a unha alvariza que da testemuña da presenza pasado do oso. Despois, entre prados, matogueiras, brañas e pequenos bosques ascéndese polas abas da Serra do Candán, espazo natural Rede Natura 2000.
A ruta descende cara a Lamasgalán de Arriba, onde un camiño de carro dirixe ao camiñante ata Lamasgalán de Abaixo. Gozando das paisaxes e dos ecosistemas humanizados deste lugar, chégase ata a Ponte Vella de Andón, para logo percorrer as ribeiras de Lérez en busca novamente o Mosteiro. Casas, pontes, muíños e cruceiros son mostras do afamado traballo dos vellos canteiros destas terras.

A Guarda e Caminha presentan as Andainas de Primavera 2022

Na xornada do martes día 5 de abril de 2022 tivo lugar na Casa dos Alonso da Guarda a presentación das Andainas de Primavera 2022, organizadas conxuntamente entre o Concello da Guarda e a Câmara Municipal de Caminha.

Estas andainas, que gozan dunha ampla participación en ámbalas dúas ribeiras do Río Miño, contarán con 4 rutas nesta primavera 2022 e veñen a retomar as andainas que se organizaban cada ano ata que a pandemia da COVID-19 impediu a súa celebración.

No acto de presentación estiveron presentes Antonio Lomba, Alcalde da Guarda; Miguel Alves, Presidente da Câmara Municipal de Caminha, así coma concelleiros e vereadores de deportes de ámbolos dous municipios e medios de comunicación.

Para Antonio Lomba, Alcalde da Guarda, estas andainas constitúen novamente unha aposta polo deporte e pola organización de actividades de xeito conxunto coa vila veciña de Caminha, coa que tanto mantemos relación, un paso máis na unificación dos territorios transfronteirizos da raia Galicia/Portugal.

En palabras de Miguel Alves, Presidente da Câmara de Caminha, é unha boa oportunidade de compartir experiencias de xeito conxunto, despois da parada obrigatoria debido á pandemia da COVID-19, unha vez máis os pobos veciños da Guarda e Caminha traballan de xeito unificado na realización de actividades para o goce da cidadanía galega e portuguesa.
As Andainas de Primavera 2022 contan con 4 rutas en total entre o 30 de abril e o 9 de xullo, nas que visitaranse o Trillo da Serra d´Arga(Caminha), a PR-G 93 Ruta da Ribeira do Ulla(Touro), o Trilho da paisagem protexida Corno do Bico(Paredes de Coura) e o Sendeiro Natural Aciveiro(Forcarei).

Trilho na Serra d’Arga en Caminha – 30 de abril
As andainas arrancan o 30 de abril co Trilho na Serra d’Arga en Caminha, unha ruta ecolóxica e paisaxística duns 15km de distancia e cun grado de dificultade doado/medio que partirá de Arga de Cima(Caminha) e que terá unha duración aproximada de 5,5h.

A Serra d’Arga é unha das zonas máis emblemáticas do Alto Minho, non só pola inmensidade das paisaxes salvaxes na súa cima, senón tamén pola singularidade dos seus valores naturais e culturais. Nos puntos máis altos do monte, dominados por impoñentes macizos graníticos, atópanse zonas de pasto naturais de rara beleza onde se dan diferentes tipos de matogueira nunha matriz de pastos cunha notable diversidade florística. Próximo ás pintorescas vilas que se desenvolven na transición ao xisto, hai campos de cultivo, marismas e bosques naturais, atravesados por varias liñas de auga.

O xacemento “Serra de Arga” posúe un valioso patrimonio natural, que inclúe hábitats naturais e seminaturais, así como especies de fauna e flora de conservación prioritaria. Este territorio posúe unha extraordinaria riqueza florística, incluíndo especies raras ou en perigo de extinción.

Esta ruta, na zona de Arga de Cima, Arga do Baixo, Arga de São João e Dem, asentamentos rurais da Serra d’Arga, discorre por unha das zonas máis emblemáticas do Alto Minho, no val da Ribeira de Arga e o val da Ribeira de São João, en zonas de marismas, campos de cultivo e bosques naturais, atravesadas por varias liñas de auga, polas que é posible entrar en contacto con aspectos de interese xeolóxico e xeomorfolóxico, e apreciar diversos exemplos de arquitectura vernácula, como muíños e hórreos.

Desde o Cabeço do Meio Dia, na Arga de Baixo, a 550 m de altitude, pódese contemplar unha das panorámicas máis impresionantes e amplas da comarca, desde o val do río Coura, o Monte de Santa Tecla e A Guarda, ata o Corno Paisaxe do Bico e a Serra da Peneda.

PR-G 93 Ruta pola Ribeira do Ulla en Touro – 14 de maio
O sábado día 14 de maio terá lugar a segunda andaina programada coa PR-G 93 Ruta pola Ribeira do Ulla en Touro, unha ruta lineal con contido natural e etnográfico que partirá da Ponte Basede e terá punto de final en San Pedro da Ribeira, cunha distancia total de 13km e unhas 4h de duración, cun grao de dificultade doado.
Esta senda percorre a marxe dereita do Río Ulla para achegarnos en medio dunha fermosa paisaxe, ata lugares tan emblemáticos no Concello de Touro como a Fervenza do Infermiño ou Pozo do Pego.

Durante o camiño descubriremos os restos do Pazo de San Cristovo, pequenos muíños e as agachadas e antigas ouriceiras que salpican repetidamente os frondosos soutos.

Nas Proximidades da poboación de San Pedro de Ribeira gozaremos da tranquilidade da vaira do Pozo do Pego, un lugar natural de extraordinaria beleza.

Durante a senda, o que máis sorprenderá serán os cambios de vexetación, que abranguen bosques de tipo mediterráneo con sobreiras e xaras, bosques atlánticos como os soutos ou as carballeiras e, a pouca distancia, uns tupidos bosques de ribeira.

É un traxecto de pouca dificultade pero onde é moi recomendable o uso de botas de montaña e roupa axeitada.

Trilho na Paisagem Protegida Corno do Bico en Paredes de Coura – 4 de xuño

O 4 de xuño terá lugar a terceira andaina co Trilho na Paisagem Protegida Corno do Bico en Paredes de Coura, unha ruta ecolóxico/paisaxística que partirá dende Túmio, cunha distancia de 12km, cunha duración aproximada de 4.5h e cun grao de dificultade doado/media.

O Corno de Bico é un espazo emblemático do concello de Paredes de Coura e de gran importancia para a comarca, considerado un pequeno santuario natural, un espazo de rara beleza que o home conformou de forma harmónica, de alto valor ecolóxico, de gran beleza. e importancia para a comarca do Alto Minho. Hoxe ten un importante papel na conservación da natureza, o que permitiu a súa inclusión como sitio clasificado na Rede Europea NATURA 2000 e na Rede de Espazos Protexidos de Portugal. Neste territorio é igualmente importante o patrimonio humano das comunidades rurais.

Dende o punto máis alto desta ruta, miradoiro natural, pódese apreciar unha paisaxe maxestuosa que se abre ben ao Val do Río Coura, ben aos Vales dos Ríos Vez e Lima.

PR-G 100 Sendeiro Natural Aciveiro en Candán(Forcarei) – 9 de xullo

Xa para rematar estas andainas o sábado día 9 de xullo terá lugar a ruta PR-G 100 Sendeiro Natural Aciveiro, que cun percorrido circular de carácter natural e etnográfico, partirá dende o Mosteiro de Aciveiro para percorrer un total de 15km, nunha duración estimada de 4,5h e cun grao de dificultade doado/medio.

O sendeiro PR-G 100 consiste nunha ruta circular de 15 km con principio e fin no Mosteiro de Aciveiro. Camiñando cara a Vilaverde, atravésase o río Lérez rodeados de moitas especies arbóreas ata chegar, preto, da Rochela, a unha alvariza que da testemuña da presenza pasado do oso. Despois, entre prados, matogueiras, brañas e pequenos bosques ascéndese polas abas da Serra do Candán, espazo natural Rede Natura 2000.

A ruta descende cara a Lamasgalán de Arriba, onde un camiño de carro dirixe ao camiñante ata Lamasgalán de Abaixo. Gozando das paisaxes e dos ecosistemas humanizados deste lugar, chégase ata a Ponte Vella de Andón, para logo percorrer as ribeiras de Lérez en busca novamente o Mosteiro. Casas, pontes, muíños e cruceiros son mostras do afamado traballo dos vellos canteiros destas terras.

Información e inscricións
As persoas interesadas en participar nestas andainas poden ampliar información na Oficina de Turismo da Guarda no teléfono 986614546 ou no enderezo electrónico turismo@aguarda.es, as inscricións estarán abertas dende o vindeiro luns día 11 de abril.
En Caminha, as inscricións se poden realizar chamando aos teléfonos 258721708 ou 914476461 ou no enderezo electrónico ambiente@cm-caminha.pt

O Camiño Portugués da Costa pola Guarda estrea nova marca

O Concello da Guarda segue apostando por darlle pulo e o valor que merece a un tramo do Camiño que garda un gran potencial, e deseña unha imaxe propia na que aparece representado o noso mar, o Monte Santa Trega e por suposto a cuncha do Camiño na súa vertente máis antiga. Porque ademais de beleza o Camiño Portugués da Costa ten moita historia.

O Camiño Portugués da Costa iníciase na cidade de Porto (Portugal), recorre a costa norte portuguesa, cruza en Caminha o río Miño cara a Galicia pola Guarda e termina en Redondela, onde entronca co Camiño Portugués.
Xa no ano 2000 encárgase un estudo sobre a fundamentación histórica deste Camiño, para acabar sendo recoñecido no 2009 polo Parlamento de Galicia. No 2011 abre as súas portas o albergue municipal e, xa por fin no 2016 acada a súa oficialidade coa publicación da Lei de Patrimonio Cultural de Galicia.
Desde o 2016, ano no que a Oficina do Peregrino en Santiago comeza a contabilizar o número de persoas que realizan este camiño, e ata o ano no que se desencadeou a pandemia, o crecemento de paso de peregrinos/as por este Camiño foi exponencial.
En 2016 pasaron polo noso Camiño 2.600 peregrinos/as, en 2017 foron 7.329, en 2018 un total de 13.841 e en 2019 xa contamos con 22.291. Con estes datos queremos destacar a importancia deste recurso co que contamos na vila, que xa demostrou ser un auténtico revulsivo económico que permite a un pobo costeiro como o noso axudar a desestacionalizar a súa recepción de visitantes e por ende mellorar a súa economía.
Recordemos que os peregrinos e peregrinas compran no comercio local, consumen na hostalaría, gastan no sector servizos e pernoctan nos albergues e establecementos hoteleiros privados.
Por todas estas razóns consideramos que todas as administracións debemos poñer todos os recursos posibles para seguir coidando e promovendo este Camiño, tan importante non só para A Guarda, senón para todas as pequenas vilas polas que pasa e para as que o Camiño é vida, é economía, é difusión, etc.
Pero por desgraza non todas as administracións estamos a unha, concretamente Portos de Galicia continúa facendo oídos xordos ás nosas peticións e confirmou fai uns días que a plataforma de atraque do transbordador que comunica Caminha coa Guarda non estará arranxada para o paso de vehículos nin sequera para o verán. Polo que é bastante probable que o transbordador siga sen funcionar durante máis tempo, porque presupoñemos que nesta modalidade e sen o transporte de vehículos a motor, non lles resultará rendible poñelo en funcionamento.
Unido a isto fai unhas semanas puidemos ler as declaracións da Xunta de Galicia felicitando a Portugal por recoñecer unha variante do Camiño Portugués da Costa que xa non cruza pola Guarda, senón que prosigue por Portugal pola beira do río (nin sequera por costa) ata cruzar en Tui.
Polo que teremos que agradecerlle á Xunta de Galicia que este verán teñamos a centos de peregrinos/as confundidos/as da ruta pola que deben proseguir o Camiño Portugués da Costa, de que algúns opten por seguir por Portugal e non pasar por A Guarda, e se finalmente deciden visitarnos non terán máis opcións que utilizar as lanchas portuguesas, que nin lles ofrecen horarios nin tarifas estables.
Pola nosa parte desde A Guarda seguiremos como ata agora dando valor ao noso Camiño, e temos previstas, ademais da creación desta propia imaxe que hoxe presentamos, as seguintes actuacións:
– Organización de actividades cos centros educativos e asociacións para que coñezan e sexan quen de poñer en valor o noso Camiño.
– Redacción dun proxecto técnico que ten como obxectivo embelecer determinados puntos que presentan carencias a nivel estético e que actuará tanto a nivel forestal como de obra.
– Presentación no mes de maio dun documental onde aparece o tramo da Guarda.
– Colocación nun espazo singular do Camiño dunha escultura na que están traballando desde a Escola de Cantería da Deputación de Pontevedra, ademais instalaranse novas zonas de descanso en puntos estratéxicos, así como outras dúas figuras en madeira dunha peregrina e un Apóstolo Santiago que serán cedidas pola Comunidade de Montes da Guarda.
– A nivel de difusión seguimos invertendo en publicidade en medios de comunicación tanto a nivel autonómico como estatal.

E unido a todas estas accións inmediatas ven de solicitarse á Xunta de Galicia unha subvención para mellorar o último tramo do Camiño que discorre pola Guarda, concretamente a actuación se levará a cabo nunha zona de pista forestal na que se tratará de mellorar a escorrentía de augas coa colocación de adoquín coa finalidade de beneficiar sobre todo ás persoas que realicen o camiño en bicicleta, e que se completará coa colocación de paneis para embelecer as illas ecolóxicas de Praia de Fedorento e Area Grande.

 

O Obradoiro de Emprego colabora co Departamento de Turismo traballando na promoción turística da vila

A petición do departamento de Turismo do Concello o alumnado e profesorado da especialidade de Promoción turística local e información ao visitante do Obradoiro de Emprego Manuel B. Portela, está levando a cabo unha serie de iniciativas dirixidas a continuar coa posta en valor de diversos recursos turísticos da Vila.
Dende o comezo do obradoiro, e combinado coa acción formativa, o equipo de traballo está facendo un estudio integral dos recursos para a elaboración dun inventario que se plasmará nun documento onde se recolle o patrimonio histórico-artístico, os espazos naturais, personaxes ilustres, rutas de sendeirismo, eventos, patrimonio inmaterial, etc.
Cabe salientar o proxecto que complementa o traballo feito ata a actualidade desde Turismo para a posta en valor das casas indianas, un importante reclamo turístico da nosa vila e que se pretende seguir revalorizando este singular patrimonio, para iso estase recopilando información, contando coa axuda e asesoramento de Miguel Villa, historiados local e gran coñecedor deste patrimonio.
Noutro orden de cousas, o alumnado traballador realizou unha enquisa a pé de rúa para coñecer de primeira man como ve a nosa poboación o turismo, os seus recursos, que grao de coñecemento teñen deles, que melloras consideran que hai que facer, etc.
Todas estas actividades son realizadas no centro de traballo, e combínanse con saídas de campo, que permiten estudiar a fondo eses recursos, e darnos unha visión máis realista do municipio. Tendo en conta as novas tendencias no ámbito da promoción turística, abríronse dúas contas en RRSS que reforzan a labor promocional dos recursos, e do traballo realizado polo obradoiro de emprego na especialidade de turismo, (@promocionturisticaaguarda en IG, e Obradoiro Emprego Manuel B. Portela en FB.)

Os alcaldes e alcaldesas do Camiño Portugués da Costa demandan unha solución ao paso do esteiro do Miño para o Xacobeo 22

Os rexedores e rexedoras expoñen a problemática do Camiño da Costa na Mesa do Camiño da Provincia de Pontevedra.
Os responsables municipais tamén solicitan unha reunión co vicepresidente da Xunta e conselleiro de Turismo, Alfonso Rueda, para tratar o paso de peregrinos polo esteiro do Miño e a duplicidade de nomes nos itinerarios.
Dende mediados de 2021 os alcaldes e alcaldesas de: A Guarda, O Rosal, Oia, Baiona e Nigrán, veñen reclamando intervención da Xunta de Galicia para resolver algúns problemas do Camiño Portugués da Costa entre os que destacan: os relacionados co paso dos peregriños polo esteiro do Miño, e os provocados pola duplicidade do nome de Camiño da Costa que se está producindo en Portugal cun itinerario distinto do recoñecido polo Xacobeo.
Así, no verán de 2021, solicitaban ao director do Xacobeo, Ildefonso de la Campa apoio para resolver os problemas cos que se atopaban os peregrinos no Camiño da Costa.
Dende aquela xuntanza a situación non mellorou en absoluto. En canto ao transporte de pasaxeiros e peregrinos entre Caminha e A Guarda a situación empeorou. Dende o verán do 2021 unha avaría no embarcadoiro do ferri do esteiro do Miño impide o acceso de vehículos ao transbordador. Este contratempo motivou o funcionamento irregular do barco dende entón ata o mes de outubro e que se atope parado na actualidade á espera da reparación do peirao. Esta reparación foi solicitada a portos de Galicia de forma reiterada e aínda non temos reposta de cando se acometerá. Pola nosa parte consideramos urxente que se aborde unha solución a curto prazo para o transito de peregrinos entre a Caminha e A Guarda que dea continuidade ao Camiño Portugués da Costa.
En canto á duplicidade do nome de Camiño da Costa provocada por Portugal a cousa mudou, pero para peor, xa que, con data 2 de febreiro de 2022, o goberno Portugués certifica como itinerario oficial do Camiño de Santiago o chamado, Camiño Portugués de Santiago-Camiño da Costa, que vai dende Porto a Valença do Miño pasando por Caminha e Vilanova de Cerveira. Ao noso parecer isto prexudica ao Camiño da Costa oficial, recoñecido pola Xunta como itinerario Xacobeo na lei de Patrimonio Cultural de Galicia de 2016. Non debería haber dous itinerarios distintos co mesmo nome. Nada pode confundir máis aos peregrinos. Entendemos que houbo tempo suficiente para evitar que se producira esta situación que agora ten difícil arranxo. Aínda así, queremos manifestar que non estamos en absoluto de acordo coa denominación que o goberno Portugués lle deu ao novo itinerario do Camiño de Santiago.
Queremos facernos eco tamén da preocupación e demandas que nos trasladan dende o sector privado relacionado co Camiño da Costa. Dende o recoñecemento oficial deste camiño en 2016, moitas persoas estiveron traballando para ofrecer servizos que o camiño e os peregrinos necesitaban en base ao crecemento que viña experimentando este itinerario a Santiago e as expectativas de negocio que se crearon co recoñecemento oficial. É lexítimo que agora soliciten que as administracións manteñan as condicións que xeraron aquelas oportunidades e expectativas. Dende os gobernos locais brindamos o noso apoio ao sector privado e comprometémonos a servir de portavoces das súas demandas.

O concello da Guarda busca o apoio do sector turístico para o Camiño Portugués da Costa

O pasado xoves 10 de febreiro o Alcalde da Guarda, Antonio Lomba, e o Concelleiro de Turismo, Rafa Álvarez, mantiveron unha reunión coas empresas de aloxamento turístico.
Nesta primeira reunión foron convocados os máis de 10 establecementos turísticos presentes na vila como hoteis, apartamentos, pensión, turismo rural, cámping e albergue.
A finalidade da reunión foi trasladar directamente ao sector as xestións feitas polo alcalde, Antonio Lomba, e a concellería de turismo en relación a publicación por parte de Portugal dun itinerario non oficial do Camiño da Costa.
Na Lei de Patrimonio Cultural de Galicia, aprobada en 2016, foi recoñecido o Camiño Portugués da Costa sendo A Guarda, o primeiro concello galego. É dicir, esta denominación corresponde ao camiño que comeza en Oporto percorre o litoral portugués ata chegar a Caminha onde cruza o río Miño na súa propia desembocadura ata A Guarda e continúa percorrendo as vilas costeiras do Rosal, Oia, Baiona, Nigrán, Vigo e Redondela.
Ademais desta situación tratouse outro punto de vital importancia para os peregrinos, o turismo e a veciñanza en xeral, como é falta de comunicación real entre Caminha e A Guarda. Actualmente o transbordador non funciona e parece que se vai atrasar o seu comezo. O Alcalde trasladou aos asistentes os diferentes condicionantes como a avaría do embarcadoiro no Pasaxe que dende o mes de agosto non permite o acceso ao transbordador con vehículo. Tamén informou os pasos dados ante Portos de Galicia para o rápido arranxo deste embarcadoiro e deste xeito a Cámara Municipal de Caminha poda activar o funcionamento con vehículos e non só con pasaxeiros a pé ou en bici como estivo traballando no segundo semestre de 2021.
Ante a importancia para o presente e futuro da Guarda, tanto como inicio galego do Camiño Portugués da Costa como pola vital comunicación entre as dúas vilas fronteirizas de Caminha e A Guarda, o Alcalde tamén adiantou que se deu o paso de rexistrar unha primeira proposta non Lei ante o Parlamento galego.
Esta reunión permitiu achegar posturas entre as empresas de aloxamentos turístico e o Concello da Guarda sendo conscientes de que o traballo debe ser conxunto.
Nas semanas anteriores tamén se mantiveron reunións cos restaurantes para coñecer a súa realidade tras estes anos de pandemia e poder por en marcha iniciativas para reactivar o sector.

El Alcalde de A Guarda remite una carta al Conselleiro responsable del Xacobeo

• En la misiva, Antonio Lomba expresó su preocupación y queja por las informaciones en relación al reconocimiento por parte de las autoridades portuguesas de que el “Camiño Portugués da Costa” pasa por Valença do Minho.

El Alcalde de A Guarda, Antonio Lomba, viene de remitir en el día de hoy, viernes 4 de febrero, una carta al Conselleiro responsable del Xacobeo vistas las informaciones que aparecen hoy en los medios de comunicación en relación a un presunto reconocimiento por parte de las autoridades portuguesas de que el “Camiño Portugués da Costa” pasa por Valença do Minho.
Tal y como manifiesta el edil, “Descoñezo a veracidade destas comunicacións pero, como alcalde da Guarda, quero expresar a miña preocupación e queixa por estas informacións.”
En la página oficial de los caminos de Santiago se indica que el “Camiño Portugués da Costa entra en Galicia por la villa marinera de A Guarda tras cruzar el río Miño en su desembocadura”. Esto significa que el Camino llega a A Guarda desde Caminha.
En palabras de Antonio Lomba “Este problema que se está xerando en Portugal co itinerario do Camiño da Costa xa llo fixemos saber, os alcaldes e alcaldesas de: A Guarda, O Rosal, Oia, Baiona e Nigrán, a Ildefonso de la Campa, Director de Administración e Relación coas Asociacións de Amigos do Camiño de Santiago, nunha reunión mantida o 9 de xullo de 2021. Nesa reunión solicitamos ao representante do Xacobeo que mediara diante da Comisión Certificadora Portuguesa para resolver este asunto e evitar que se promoveran itinerarios xacobeos non oficiais.”
En este sentido el Alcalde de A Guarda reclama por parte del Conselleiro una intervención como máximo responsable del Xacobeo para aclarar esta situación que no favorece al Camino Portugués de la Costa, un itinerario oficial reconocido en la Ley de Patrimonio Cultural de Galicia.

O Alcalde da Guarda remite unha carta ao Conselleiro responsable do Xacobeo

• Na misiva, Antonio Lomba expresou a súa preocupación e queixa polas informacións en relación ao recoñecemento por parte das autoridades portuguesas de que o “Camiño Portugués da Costa” pasa por Valença do Minho.

O Alcalde da Guarda, Antonio Lomba, ven de remitir no día de hoxe, venres 4 de febreiro, unha carta ao Conselleiro responsable do Xacobeo vistas as informacións que aparecen hoxe nos medios de comunicación en relación a un presunto recoñecemento por parte das autoridades portuguesas de que o “Camiño Portugués da Costa” pasa por Valença do Minho.
Tal e como manifesta o edil, “Descoñezo a veracidade destas comunicacións pero, como alcalde da Guarda, quero expresar a miña preocupación e queixa por estas informacións.”
Na páxina oficial dos camiños de Santiago indicase que o “Camiño Portugués da Costa entra en Galicia pola vila mariñeira da Guarda tras cruzar o río Miño na súa desembocadura”. Isto significa que o Camiño chega á Guarda dende Caminha.
En palabras de Antonio Lomba “Este problema que se está xerando en Portugal co itinerario do Camiño da Costa xa llo fixemos saber, os alcaldes e alcaldesas de: A Guarda, O Rosal, Oia, Baiona e Nigrán, a Ildefonso de la Campa, Director de Administración e Relación coas Asociacións de Amigos do Camiño de Santiago, nunha reunión mantida o 9 de xullo de 2021. Nesa reunión solicitamos ao representante do Xacobeo que mediara diante da Comisión Certificadora Portuguesa para resolver este asunto e evitar que se promoveran itinerarios xacobeos non oficiais.”
Neste senso o Alcalde da Guarda reclama por parte do Conselleiro unha intervención como máximo responsable do Xacobeo para aclarar esta situación que non favorece ao Camiño Portugués da Costa, un itinerario oficial recoñecido na Lei de Patrimonio Cultural de Galicia.

1
2
3
…
10