Esta semana as saídas do transbordador veranse afectadas pola marea baixa. Polo tanto, achégase a táboa cos horarios definitivos ata o domingo 28 de xaneiro coas saídas confirmadas e aquelas que sofren algunha variación están marcadas.
Para máis información, recoméndase chamar ao despacho de billetes (Tel. 986 61 15 26) no horario de atención ao público, de 10:00 a 13:00 e de 15:00 a 20:00 horas.
O Concello da Guarda participou na Feira Internacional de Turismo (FITUR) 2018, que se celebra entre os días 17 e 21 de xaneiro en Madrid, impulsando a promoción da vila como destino turístico de calidade.
A delegación da Guarda -formada pola concelleira de Turismo, Montserrat Magallanes, o concelleiro de Patrimonio, Xavier Crespo, e a técnica de Turismo, Rosalía Verde- mantivo durante as xornadas do mércores e xoves, días 17 e 18 de xaneiro, diversas reunións e encontros con consultores turísticos especializados, empresas de turismo tecnolóxico e turismo activo, e importantes axencias turísticas, tanto consolidadas como de creación recente. Estas últimas, especializadas en segmentos do mercado turístico, resultaron de gran interese para A Guarda.
Na tarde do mércores, os representantes da Guarda acudiron ao acto de entrega dos premios EDEN (Destinos Europeos de Excelencia) 2017 que tivo lugar no expositor de Turespaña. No evento, convocado pola Secretaría de Estado de Turismo e presentado polo subdirector xeral de Cooperación e Competitividade Turística, Antonio Nieto Magro, e a secretaria de Estado de Turismo, Matilde Asián González, fíxose entrega do galardón ao proxecto vasco «Tierra Ignaciana». Tras a entrega do premio, os técnicos dos destinos EDEN mantiveron a habitual reunión de traballo na que se concretaron as próximas actuacións para a promoción dos Destinos Europeos de Excelencia, entre os que se atopa a vila guardesa.
Con todo, onte foi o día máis importante para a delegación da Guarda nesta trixésimo oitava edición da feira. Ás 12 h, os representantes municipais acudiron á presentación da campaña «Rías Baixas,somos historias» realizada pola Deputación de Pontevedra, co obxectivo de prestixiar a provincia como destino turístico cultural e de lecer e propiciar un turismo desestacionalizado.
Este ano, o Concello da Guarda e a Comisión das Festas do Monte traballarán conxuntamente para lograr o recoñecemento destas como Festas de Interese Turístico Nacional. Con este obxectivo, a delegación guardesa mantivo durante a súa estadía en Madrid reunións con axencias de comunicación e asociacións de xornalistas especializados en turismo.
A delegación guardesa, aproveitando a súa estadía en Madrid, visitou a mostra pictórica «Laberinto de colores» do artista guardés Antonio Martínez («Cachi»), formada por lenzos que amosan a natureza, o mar e a terra, e nos que A Guarda é protagonista. As obras permanecerán expostas na Casa de Galicia en Madrid ata o próximo 31 de xaneiro.
A Guarda, que participa na feira dende o ano 2011, estivo presente durante as xornadas do 17 e o18 de xaneiro no expositor de Turismo de Galicia, ofrecendo información turística de interese ao público en xeral. A información sobre a vila permanecerá exposta ata o remate da feira, para que profesionais e visitantes podan dispoñer dela e coñecer a oferta turística da Guarda.
A Feira Internacional de Turismo (FITUR) defínese como un punto de encontro global entre os profesionais do sector, coa participación anual de miles de empresas, entidades públicas e profesionais de todo o mundo.
O Concello da Guarda estará presente, un ano máis, na Feira Internacional de Turismo de Madrid (FITUR) que este ano celebrará a súa trixésimo oitava edición entre os días 17 e 21 de xaneiro.
A Guarda promocionarase no expositor de Turismo de Galicia e, o xoves ás 12.00 h, estará presente no acto organizado pola Deputación de Pontevedra no que se promocionará o Destino Rías baixas no Ano Europeo do Patrimonio Cultural.
Durante estas xornadas, a delegación da Guarda -formada polo alcalde, Antonio Lomba, a concelleira de Turismo, Montserrat Magallanes, e o concelleiro de Patrimonio, Javier Crespo- manterá diversas reunións con maioristas e asociacións de Turismo, co obxectivo de potenciar a promoción da vila guardesa como destino turístico.
Dentro da programación de actividades e encontros da representación guardesa nesta nova edición de FITUR, destaca tamén a participación no acto de entrega do Premio dos Destinos EDEN (European Destinations of Excellence) 2017, que terá lugar no expositor de Turespaña. Tras o acto, a técnica de Turismo do Concello da Guarda, Rosalía Verde, asistirá á reunión técnica dos Destinos EDEN que anualmente se celebra coincidindo coa celebración da feira.
O Camiño Portugués da Costa non deixa de crecer en número de peregrinos e, como ven sendo habitual, os datos rexistrados na Guarda dan conta deste incremento en 2017. Durante o pasado ano, un total de 2.439 peregrinos pasaron a noite no albergue guardés, o que supón unha suba do 40% con respecto a 2016, e o triplo se o comparamos co ano 2015.
En canto a súa procedencia, a meirande parte dos visitantes chegan dende o estranxeiro. Portuguesa, alemá e polaca son as nacionalidades máis habituais entre os peregrinos que visitan A Guarda, aínda que tamén contamos con visitantes procedentes de países tan afastados como Corea, Vietman, China, Canadá ou Estados Unidos. De entre eles, moitos continúan o seu camiño cara O Rosal e Oia tras cruzar o río Miño, namentres outros escollen o albergue guardés ou algúns dos establecementos hoteleiros da vila para pasar a noite.
Agárdase que esta tendencia ascendente da popularidade do Camiño Portugués da Costa se manteña durante o presente o ano. Conta disto da a visita dos 155 peregrinos procedentes do norte portugués que o pasado sábado, 13 de xaneiro, realizaron a etapa dende Caminha ata Mougás (Oia) e foron recibidos polo alcalde do Concello da Guarda, Antonio Lomba, e o concelleiro de Patrimonio e Deporte, Xavier Crespo, ao seu paso pola vila guardesa.
Esta semana as saídas do transbordador veranse afectadas pola marea baixa. Polo tanto, achégase a táboa cos horarios definitivos ata o domingo 21 de xaneiro coas saídas confirmadas e aquelas que sofren algunha variación están marcadas.
Para máis información, recoméndase chamar ao despacho de billetes (Tel. 986 61 15 26) no horario de atención ao público, de 10:00 a 13:00 e de 15:00 a 20:00 horas.
A programación cultural de cara a fin de semana comezará mañá con música e cinema familiar, dando paso uns últimos días do ano cheos de plans para todos os públicos, con teatro, xogos acuáticos e a visita da Apalpadora.
Mañá, 28 de decembro, continuará «Música na rúa» coa actuación de A Boalleira a partir das 11:00 horas. O grupo de gaitas percorrerá a vila amenizando a mañá aos guardeses e guardesas e introducíndonos no ambiente festivo propias destas datas. Paralelamente, todas aquelas persoas que se acheguen á Praza de Abastos poderán gozar dun chocolate quente de balde.
Xa pola tarde, os máis pequenos da casa e as súas familias terán unha cita co mellor cinema de animación no Centro Cultural. A programación do ciclo «Cinema de Nadal» comeza mañá ás 17:30 coa proxección de «Vaiana», unha divertida película de animación que narra a historia dunha rapaza que desexa navegar polo océano e coñecer mundo. A entrada será gratuiíta e libre ata completar as prazas dispoñibles.
O venres, 29 de decembro, o Centro Cultural acollerá a obra de teatro «Cranios privilexiados… ou crítica da razón perralleira» , dirixida ao público adulto. O público poderá asistir, a partir das 21:00 horas, ao novo espectáculo cómico do dúo Mofa e Befa, no que a filosofía será a gran protagonista. A entrada será de balde e o tícket poderá recollerse no Centro Cultural ou o departamento de Cultura do Concello da Guarda.
Xa o sábado, pequenos e maiores poderán achegarse á Piscina Municipal para despedir o ano na auga. O «Chapuzón Navideño» comezará ás 11:00 horas e contará cun gran inchable acuático no interior da piscina. Esta actividade é de balde e non precisa de inscrición previa.
A música polas rúas guardesas continuará tamén o sábado coa Charanga Cantos Somos a partir das 11:00 da mañá percorrendo distintos puntos da vila. Xa pola tarde, a Apalpadora achegarase á Guarda para falar coas nenas e nenos e entregarlles landras para plantar nos nosos montes. A cita será ás 19:00 horas na Casa dos Alonso.
Esta semana as saídas do transbordador veranse afectadas pola marea baixa. Polo tanto, achégase a táboa cos horarios definitivos ata o domingo 31 de decembro e quelas que sofren algunha variación aparecen marcadas.
Durante esta semana, co gaio da festividade de Nadal, o servizo será gratuíto, segundo anunciou o Município de Caminha en comunicado oficial. Para máis información, recoméndase chamar ao despacho de billetes (Tel. 986 61 15 26) no horario de atención ao público, de 10:00 a 13:00 e de 15:00 a 20:00 horas.
Esta mesma tarde comeza a programación cultural guardesa de cara a fin de semana co primeiro dos Festivais de Nadal. A noite boa virá precedida por toda unha serie de actividades, principalmente musicais e de lectura, das que poderán gozar as veciñas, veciños e visitantes na nosa vila.
O Centro Cultural acollerá esta tarde o Festival do Conservatorio Municipal a partir das 19:30 h. Os asistentes poderán gozar dun concerto no que participarán as alumnas e alumnos de preparatorio, educación auditiva e vocal, guitarra acústica e eléctrica, vento-madeira, violín, viola, piano e vento-metal, así como o grupo de gaitas e o Rockservatorio’s Band.
O venres, a programación cultural continuará coa presentación do libro «Salcidos en branco e negro» ás 20:30 horas no Centro Cultural. Deseguido, proxectarase a película «O Pisco», ambientada na parroquia tomiñesa de Goián na época do estraperlo e gravada polo Grupo San Roquiño de Goián.
O sábado será a quenda dos máis pequenos coa sesión de «Contos contados» especial de Nadal, na que as cativas e cativos poderán coñecer historias tradicionais destas datas da mans da ‘avoa’ Carmen Baz e o ‘avó’ Manual Cadilla, máis coñecido como «Maruxo», a partir das 11:30 h. Deseguido, poderán participar no obradoiro de decoración de Nadal, co que contribuirán á decoración da árbore que permanecerá na Biblioteca durante as festas
As mañás de «Música na rúa» comezarán tamén o sábado, a partir das 11:00 horas, coa actuación do grupo O Trebón dos Xidos, que percorrerán as rúas coa súa música introducindo aos guardeses e guardesas no ambiente festivo propias destas datas.
Xa ás 20:30 horas, os Festivais de Nadal continuarán co concerto de pandereteiras no Centro Cultural. Participan os grupos Arghaceiras do Muño e Caramuxiñas da Asociación Folklórica Vento Mareiro, as Palqueiras da Asociación Cultural Xamaraina, e os grupos Carainas, Coiro Vello e Tambaluca, así como o grupo de pandereteiras da Agrupación Cultural Guardesa.
O deporte, coa celebración da tradicional carreira de San Silvestre, cerrará a fin de semana na Guarda. A proba, organizada pola Sociedade Atlética do Trega, comezará á partir das 10:30 horas no Porto guardés e admitirá inscricións ata mañá no correo electrónico trega@trega.es. A participación está aberta a corredores e corredoras de todas a idades, e a distancia do percorrido (de 100 a 1.500 metros) dependerá da categoría á que se pertenza.
Por mor da festividade de Nadal, o transbordador A Guarda-Caminha non realizará viaxes os próximos días 24, 25 e 26 de decembro e o 1 de xaneiro de 2018, segundo informou o Município de Caminha esta mañá.
Esta semana as saídas do transbordador veranse afectadas pola marea baixa. Polo tanto, achégase a táboa cos horarios definitivos ata o domingo 24 de decembro coas saídas confirmadas e aquelas que sofren algunha variación están marcadas.
Para máis información, recoméndase chamar ao despacho de billetes (Tel. 986 61 15 26) no horario de atención ao público, de 10:00 a 13:00 e de 15:00 a 20:00 horas.
Esta semana as saídas do transbordador veranse afectadas pola marea baixa. Polo tanto, achégase a táboa cos horarios definitivos ata o domingo 17 de decembro coas saídas confirmadas e aquelas que sofren algunha variación están marcadas.
Para máis información, recoméndase chamar ao despacho de billetes (Tel. 986 61 15 26) no horario de atención ao público, de 10:00 a 13:00 e de 15:00 a 20:00 horas.
O Concello da Guarda realizou esta mañá o sorteo dos cinco lotes de viño albariño da Adega Gran Novás entre as máis de 1.400 persoas participantes na ruta gastronómica «Petiscos con arte» que entregaron o boleto cuberto.
Os cinco gañadores e gañadoras son Carmen María Martínez (O Rosal), Daniel Baz Vicente (A Guarda), Víctor Manuel González Souto (Tui), Eva Martínez Trigo (A Guarda) e Ricardo Martínez (O Rosal). A entrega dos lotes terá lugar na Casa do Concello o próximo luns, 4 de decembro, ás 12:00 horas.
Tantos os establecementos hostaleiros como os artistas participantes amosaron a súa satisfacción co resultado do evento gastronómico, durante o que se serviron máis de 2.000 petiscos e que permitiu achegar unha parte da tradición culinaria e artística ás veciñas, veciños e visitantes. A iniciativa ofreceu, amais, a oportunidade de que algúns artistas locais e da comarca amosasen as súas creacións ao público por primeira vez.
Dado o bo resultado da iniciativa, dende o Concello existe a vontade de consolidar a ruta «Petiscos con arte» como un evento gastronómico anual ao que se poderán sumar máis cafetarías, restaurantes e artistas da vila.
A programación anual de andainas organizadas polo Concello da Guarda finalizou o sábado 11 de novembro cun percorrido entre Leiro e Pazos de Arenteiro no que participaron máis de 50 persoas. A actividade organízase dende o ano 2010 e, dende o pasado ano, o Município de Caminha únese á guarda na iniciativa.
Neste 2017, o calendario de andainas comezou na primavera e incluíu un total de sete saídas, incluída a derradeira andaina de novembro que non formaba parte do calendario anual.
A primeira das saídas realizouse o 25 de marzo e constou dun percorrido de 17 km dende o Camiño dos Burros en San Xián (O Rosal) ata chegar á Guarda, namentres na segunda das andainas, celebrada o 6 se maio, tivemos a oportunidade de realizar un percorrido de 15 km entre Allariz e Augas Santas, pasando pola beira do río Arnoia.
A terceira saída celebrouse o 3 de xuño e consistiu nun itinerario de 15 km pola Illa de Arousa, paseando pola afamada ruta dos Cons e polo sendeiro dos Pilros. O 28 de agosto, pola súa parte, achegámonos á Romería de São João d’Arga (Caminha), percorrendo un camiño de 20 km. A quinta andaina realizouse o 16 de setembro e consistíu nunha ruta interpretativa de 22 km polas fortalezas do Baixo Miño, incluíndo os fortes de San Lourenzo de Goián (Tomiño), Lovelhe, Caminha e o Castelo de Santa Cruz.
O calendario de andainas organizadas conxuntamente con Caminha cerrou a súa programación oficial o 7 de outubro, coa realización dun percorrido de 16,5 km polo municipio portugués de Ponte de Lima, a través da coñecida ruta das Lagoas de Bertiandos e São Pedro D’Arcos.
Dada a boa acollida da iniciativa, o próximo ano continuará a programación de andainas, orientada a ofrecer aos veciños e veciñas alternativas de ocio saudable e ao aire libre, e a coñecer a paisaxe e o patrimonio da nosa vila e a súa contorna. A comezos do novo ano publicarase o calendario de andainas do 2018 -comezando, previsiblemente, chegada a primavera- e as datas de inscricións para cada unha delas.
Esta semana as saídas do transbordador veranse afectadas pola marea baixa. Polo tanto, achégase a táboa cos horarios definitivos ata o domingo 3 de decembro coas saídas confirmadas, namentres aquelas que sofren algunha variación están marcadas.
Para máis información, recoméndase chamar ao despacho de billetes (986 61 15 26) no horario de atención ao público, de 10:00 a 13:00 e de 15:00 a 20:00 horas.
A ruta gastronómica «Petiscos con arte» emprende a partir de mañá a súa derradeira fin de semana con máis de 1.000 petiscos servidos durante os seus tres primeiros días.
A iniciativa, na que participan 15 establecementos guardeses, combina a gastronomía en pequeno formato con exposicións artísticas, a un prezo único de 1,50€ a degustación. Así, as persoas participantes na ruta poderán catar distintos petiscos mentres contemplan as obras de pintura, escultura e fotografía expostas nos establecementos.
As persoas interesadas en realizar o percorrido gastronómico e artístico dispoñen dun folleto informativo no que se recollen todos os locais participantes, cunha fotografía e descrición do petisco ofertado e unha breve referencia ao artista e ás obras que se poderán contemplar en cada un deles.
O percorrido pode realizarse este venres, o sábado e o domingo, en horario de mañá (12:00 a 14:00 horas) e tarde (18:00 a 21:00 horas). Cada participante na ruta en calidade de comensal recibirá unha papeleta coa que poderá participar no sorteo de 5 lotes de viño albariño da Adega Gran Novás, colaboradora nesta iniciativa gastronómica. Para participar no sorteo, que se celebrará o próximo 29 de novembro, soamente será necesario degustar un petisco e, posteriormente, cubrir e depositar o boleto debidamente cumprimentado nos buzóns dispoñibles en cada un dos locais participantes.
A Guarda acollerá esta fin de semana a cuarta edición do Trail do Trega, organizada por TimeAventure en colaboración co Concello da Guarda e a Deputación de Pontevedra. A dous días de finalizar o período de inscricións, xa son máis de 180 as persoas inscritas na proba cronometrada, que transcorrerá polo Monte Santa Trega e a súa contorna.
A carreira pedestre contará cun percorrido total de 18,5 km e un desnivel acumulado de 1.100 metros, aproximadamente. Por outra parte, o evento deportivo tamén ofrece a posibilidade de participar nunha andaina de 10 km de percorrido con paso polos puntos emblemáticos do monte. Nesta ruta, que será de dificultade baixa, xa son máis de 40 as persoas inscritas.
Ámbolos dous percorridos partirán da explanada do Centro Cultural e terán a meta no mesmo punto. A carreira comezará ás 10:00 h, namentres a andaina dará comezo ás 9:15 h.
As inscricións poderán realizarse ata as 23:59 horas deste venres, 24 de novembro, a través das páxinas www.avaibooksports.com e inscripciones.ranckr.com/eventos, nas que tamén poderá consultarse o regulamento das probas.
Os dorsais poderán recollerse no Centro Cultural este sábado, 25 de novembro, entre as 17:00 e as 19:00 h. Aquelas persoas interesadas en participar que aínda non se teñan anotado poderán aproveitar a ocasión para inscribirse de forma presencial.
O prezo da inscrición é de 3€ para a andaina e 15€ para a carreira. Os 300 primeiros inscritos nesta última recibirán como agasallo unha camiseta conmemorativa do IV Trail do Trega. Para a resolución de dúbidas e máis información, poden dirixirse á organización a través do correo electrónico info@timeaventure.es.
El pasado jueves, 16 de noviembre, el salón de exposiciones del Centro Cultural acogió la presentación de la ruta «Petiscos con arte», una iniciativa en la que se mezclan el arte y la gastronomía guardesa en pequeño formato. En el acto, representantes de los establecimiento y artistas participantes enseñaron una muestra de sus obras artísticas y degustaciones, de las que se podrá disfrutar los días 17, 18, 19, 24, 25 y 26 de noviembre.
La concejala de Turismo, Montserrat Magallanes, fue la encargada de dar comienzo al acto de presentación de este nuevo recorrido gastronómico, agradeciendo la implicación de las 15 cafeterías y restaurantes en esta iniciativa, que permite a las vecinas, vecinos y visitantes disfrutar de nuestra gastronomía en forma de ‘petiscos’ a un precio único de 1,5€ la unidad.
La concejala presentó el vídeo promocional de esta ruta, en el que se puede contemplar una parte de las exposiciones de fotografía, pintura y escultura que se pueden contemplar durante esta última quincena de noviembre en los locales participantes.
Por su parte, el alcalde del Concello da Guarda, Antonio Lomba, aprovechó el acto para agradecer la participación y el compromiso de los artistas y hosteleros participantes. “Hay una característica común a las sociedades que menos rápido se desarrollan y otra común a las que lo hacen más rápido. En las primeras, cuando alguien emprende un proyecto y despunta, es objeto de críticas. En el segundo caso, son objeto de ánimo y aplauso”, expuso el regidor local. En esta línea, aseguró Lomba, “tenéis todo nuestro aplauso por vuestra actitud emprendedora y proactiva”.
El alcalde quiso felicitar, también al departamento de Turismo por su trabajo y esfuerzo organizativo,ó así como al departamento de comunicación, por la dedicación en su difusión. “Sabéis que siempre vais a tenernos a vuestro lado para trabajar juntos; para crecer juntos”, concluyó Lomba.
Las personas interesadas en realizar el recorrido disponen de un folleto informativo en el que se recogen los establecimiento participantes, con una fotografía y descripción del ‘petisco’ ofertado y una breve referencia al artista y las obras que se pueden contemplar en cada local.
El recorrido gastronómico se celebra los viernes, sábados y domingos de esta segunda quincena de noviembre, comenzando el viernes 17 de noviembre y hasta el próximo domingo, 26 de noviembre. Los ‘petiscos’ pueden degustarse de 12:00 a 14:00 horas y de 18:00 a 21:00 horas.
Cada participante en la ruta a modo de comensal recibirá una papeleta con la podrá participar en el sorteo de 5 lotes de vino albariño de Adega Gran Novás, colaboradora en esta iniciativa gastronómica. Para participar en el sorte, que se celebrará el próximo 29 de noviembre, solamente será necesario degustar un ‘petisco’ y, posteriormente, cubrir y depositar el boleto debidamente cumplimentado en los buzones disponibles en cada uno de los locales participantes.
Al acto asistieron los artistas Carlos Pascual, Charo Trigo, Elena Cividanes, Teresa Dorado, Naa Martiinez, Anxo Ferreira y Mercedes Doval, cada uno de ellos acompañado de una de las obras que se pueden contemplar en los locales de la ruta. Por parte de los establecimientos participantes, asistieron los representantes del bar Cramoeiro, la cafetería Novo Bar, y los restaurantes O Cangrexal, Xeito y Xantar, cada uno de ellos con una muestra de su ‘petisco’.
De este modo, apoyaron con su presencia el inicio de esta nueva iniciativa gastronómica y artística, con la que se busca dar una mayor visibilidad al trabajo que realizan los hosteleros guardeses en la promoción de la gastronomía, y a los artistas locales y de nuestro entorno, mostrando su talento y el arte en nuestro pueblo.
Esta semana as saídas do transbordador veranse afectadas pola marea baixa. Polo tanto, achégase a táboa cos horarios definitivos ata o domingo 26 de novembro coas saídas confirmadas e aquelas que sofren algunha variación están marcadas.
Para máis información, recoméndase chamar ao despacho de billetes (986 61 15 26) no horario de atención ao público, de 10:00 a 13:00 e de 15:00 a 20:00 horas.
O Concello da Guarda ofrece esta fin de semana bo número de actividades para gozar do tempo de lecer na nosa vila. Así, hoxe comeza a ruta «Petiscos con Arte» e á noitiña poderemos desfrutar do mellor cine dramático coa proxección de «Sully». O sábado terá lugar unha charla sobre alimentación saudable para mulleres e, o domingo, organízase unha sentida homenaxe á «Marea Branca», coincidindo co décimo quinto aniversario do afundimento do Prestige.
Este mediodía comezou a nova ruta gastronómica «Petiscos con arte», na que participan os seguintes establecementos hostaleiros e artistas locais: a cafetería Alameda, con fotografías de Eva Peixoto; a cafetería Art Café, con fotografías de Carlos Pascual; a cafetería e tasca As Pozas, con exposición fotográfica de Iago Alonso; a vinoteca Avenida, cunha mostra pictórica de Elena Cividanes; a bocatería Brétema, con escultura de Carlos Carrera; o bar Cramoeiro, con pinturas de Silvia Represas; a cafetaría Kanella’s, con fotografías de Eva García; a cervexaría La Casilla, cunha mostra pictórica de Lucía Baz; o restaurante La Pizzicata, con fotografías de José C. Castro; a bocatería Marbella, coas pinturas de Naa Martínez; a cafetaría Novo Bar, con esculturas de Anxo Ferreira; o restaurante O Cangrexal, con pintura de Teresa Dorado; o bar Terra Verde, cunha exposición fotográfica de Anxo Vaquero; o restaurante Xantar, cunha mostra pictórica de Mercedes Doval; e o restaurante Xeito, con pinturas de Charo Trigo.
En todos eles poderemos probar pequenas degustacións da nosa gastronomía a un custe único de 1,50 € (bebida non incluída), mentres contemplamos as exposicións de obras pictóricas, escultóricas e fotográficas de diversos artistas locais e da contorna.
A ruta poderá completarse nestas dúas últimas fins de semana de novembro, de venres a domingo, e en horario de 12 a 14 h e de 18 a 21 h. Entre todos os participantes sortearanse 5 lotes de albariño Gran Novás, adega colaboradora na Festa da Langosta e da Cociña Mariñeira.
Esta noitiña, ademais, poderemos gozar dunha nova entrega do ciclo “Cinema de outono” coa proxección da película «Sully» no Centro Cultural. Trátase dun drama baseado na historia real do piloto aéreo Chesley «Sully», convertido en heroe no ano 2009 tras lograr unha aterraxe de emerxencia sobre o río Hudson. A cita será ás 21 h.
Mañá sábado temos unha nova charla dentro do ciclo «Cóidate, muller!», organizado pola Asociación de Mulleres Progresistas da Guarda. Nesta ocasión, contaremos coa intervención da Técnica Superior en Dietética, Conchi Adrover Pacheco, que falará sobre «Alimentación saudable para mulleres», a partir das 20 h no Centro Cultural.
Homenaxe á Marea Branca
Como remate ás actividades programadas durante a fin de semana, este domingo celebrarase unha homenaxe aos voluntarios e voluntarias da «Marea Branca», que fai agora quince anos axudaron a limpar as nosas costas tralo afundimento do petroleiro Prestige. Ás 12:30 h, no Mirador de Fonte Quente, encontrarémonos co alcalde do Concello da Guarda, Antonio Lomba; o membro de Greenpeace e voluntario, Alejandro Vilela; e o autor do monumento e impulsor da iniciativa, Xabier Garrido.
Por motivos de saúde, a intervención do ex-patrón maior da Confraría de Baiona (Suso López) anunciado inicialmente, será substituído polo presidente da asociación medioambiental ANABAM, Agustín Ferreira.
O acto acompañarase coa interpretación de varias pezas a cargo dos grupos O Trebón dos Xidos e A Boalleira, e coa exposición dunha pancarta elaborada polos alumnos de terceiro curso de primaria do CEIP As Solanas, baixo a coordinación da mestra Olga Rodríguez Vicente.
O Concello da Guarda, a través da Concellería de Turismo, participa na segunda edición de Fairway, o Foro do Camiño de Santiago que se celebra entre o 12 e o 14 de novembro no Palacio de Congresos e Exposicións de Galicia.
O foro ofrece un punto de encontro entre profesionais do sector turístico, representantes institucionais e expertos, cunha ampla programación de mesas redondas e relatorios sobre diversas temáticas relacionadas coa ruta xacobea. Así, máis de 30 turoperadores e axencias especializadas de quince países diferentes participarán nestas xornadas, onde A Guarda está presente no expositor de Deputación de Pontevedra – Turismo Rías Baixas.
O departamento de Turismo mantén dende esta mañá unha intensa axenda de encontros con máis da metade de turoperadores e axencias especializadas en turismo de peregrinación de carácter internacional (Alemaña, Irlanda, Estados Unidos, Sudamérica, Arxentina ou Brasil, entre outros).
A participación nesta feira profesional permite ao noso Concello manter contactos con outros sectores -como os de transporte de viaxeiros, centrais de reservas, software turístico ou de saúde dos peregrinos-, así como cos departamentos de Turismo de distintas Comunidades Autónomas, Deputacións e municipios españois e portugueses, cos que se poderán xerar novas sinerxías en prol do Camiño Portugués da Costa e da nosa vila.
Esta semana as saídas do transbordador veranse afectadas pola marea baixa. Polo tanto, achégase a táboa cos horarios definitivos ata o domingo 19 de novembro coas saídas confirmadas e aquelas que sofren algunha variación están marcadas.
Para máis información, recomendase chamar ao despacho de billetes (986 61 15 26) no horario de atención ao público, de 10:00 a 13:00 e de 15:00 a 20:00 h.
Esta semana as saídas do transbordador veranse afectadas pola marea baixa. Polo tanto, achégase a táboa cos horarios definitivos ata o domingo 12 de novembro coas saídas confirmadas e aquelas que sofren algunha variación están marcadas.
Para máis información, recomendase chamar ao despacho de billetes (986 61 15 26) no horario de atención ao público de 10:00 a 13:00 e de 15:00 a 20:00 horas.
O Concello da Guarda organiza este mes unha nova ruta gastronómica na que se mesturará a arte coa gastronomía guardesa en pequeno formato. «Petiscos con arte» é o nome deste percorrido gastronómico, que se celebrará os días 17, 18, 19, 24, 25 e 26 de novembro, e no que cada establecemento ofrecerá un petisco a 1,50€.
A finalidade da ruta é promocionar a gastronomía e a arte na Guarda, polo que as persoas participantes poderán degustar os bocados mentres contemplan as obras de pintura, escultura e fotografía expostas nos establecementos, en horario de mañá (de 12 a 14 h) e tarde (18 a 21 h).
Participarán un total de 15 cafeterías e restaurantes guardeses e outros tantos artistas locais ou con vinculación ao noso concello. Estes son: a cafetería Alameda, con fotografías de Eva Peixoto; a cafetería Art Café, con fotografías de Carlos Pascual; a cafetería e tasca As Pozas, con exposición fotográfica de Iago Alonso; a vinoteca Avenida, cunha mostra pictórica de Elena Cividanes; a bocatería Brétema, con escultura de Carlos Carrera; o bar Cramoeiro, con pinturas de Silvia Represas; a cafetaría Kanella’s, con fotografías de Eva García; a cervexaría La Casilla, cunha mostra pictórica de Lucía Baz; o restaurante La Pizzicata, con fotografías de José C. Castro; a bocatería Marbella, coas pinturas de Naa Martínez; a cafetaría Novo Bar, con esculturas de Anxo Ferreira; o restaurante O Cangrexal, con pintura de Teresa Dorado; o bar Terra Verde, cunha exposición fotográfica de Anxo Vaquero; o restaurante Xantar, cunha mostra pictórica de Mercedes Doval; e o restaurante Xeito, con pinturas de Charo Trigo.
Nesta ruta colabora a Adega Gran Novás, participante na Festa da Langosta e da Cociña Mariñeira, que cederá 5 lotes de viño albariño para sortear entre os participantes na ruta que degusten o petisco e cumprimenten o boleto do sorteo.
O Concello porá a disposición do público folletos informativos coa descrición de cada un dos petiscos ofertados, incluíndo unha fotografía deste e información sobre a exposición que se poderá contemplar en cada un dos establecementos.
Esta tarde comezaremos a dar a benvida á fin de semana con música e cultura na Guarda, celebrando o vixésimo aniversario da creación da asociación Avelaíña e o inicio das «Barferencias de Inverno 2017/2018».
A asociación guardesa de axuda a persoas con enfermidades mentais conmemorará as súas dúas décadas de vida cunha festa aberta ao público na Alameda, onde actuarán os grupos Perseide e ‘Que Panorama’ de Avelaíña, amais do DJ Aser. A festa de aniversario comezará ás 17:00 horas e agasallará aos asistentes cun chocolate quente de balde.
Xa pola noitiña, poderemos gozar da nova tempada de faladoiros informais polos bares da nosa vila. A primeira «barferencia» terá lugar no local Arruaz ás 20:30 horas, co Pai Baltasar Merino como protagonista. O presidente de OR.PA.GU., Joaquín Cadilla, será o encargado de guiar a charla sobre o botánico e meteorólogo xesuíta cuxo centenario de pasamento se conmemora este 2017, centrándose no seu libro «Estudio sobre las Borrascas de la Costa Occidental de Galicia (1893)».
O sábado, pola súa parte, a Comunidade de Montes de Camposancos celebra unha nova sesión de «Música e palabras» na Casa Cultural da parroquia guardesa. Esta é unha actividade na que todas aquelas persoas que o desexen poderán participar coa lectura dun texto literario -clásico ou propio-, tocando un instrumento ou, simplemente, acudindo como público da xornada cultural.
Mañá será o derradeiro día para experimentar a mostra «Proxecto táctil» no Centro Cultural. Para percorrer esta exposición convídase ás e aos participantes a facer uso de antefaces para percibir as obras unicamente coas súas mans. Ao ter que ‘ver’ as obras sen facer uso do sentido da vista, pódese experimentar a forma en que as persoas cegas perciben os obxectos. A exposición permanecerá aberta no horario habitual do Centro Cultural, isto é, de 10 a 13 h e de 17 a 20 h de luns a venres, e os sábados en horario de mañá.
A fin de semana terá tamén un carácter solidario na nosa vila coas actividades organizadas pola asociación Conrazones de axuda a familias e persoas en situación de extrema necesidade. Mañá a partir das 17:00 horas a entidade celebrará unha xornada de portas abertas e un magosto amenizado polo grupo O Trebón dos Xidos na escola de Siete Caminos. O domingo, a Alameda da Guarda acollerá un mercado solidario a favor dos usuarios da asociación a partir das 10:00 horas.
Dada a boa acollida das últimas andainas organizadas, a Concellería de Deportes do Concello da Guarda decidiu propor a celebración dunha nova andaina para o próximo sábado 11 de novembro.
Malia que primeira proposta foi coñecer o Monumento Natural Pena Corneira, o percorrido tivo que ser modificado por mor da vaga de lumes do pasado mes de outubro, que afectou notablemente a zona e fai desaconsellable a súa visita.
Así as cousas, a nova ruta, duns 15 quilómetros, será pola zona de Leiro en dirección a Pazos de Arenteiro. O percorrido transcorrerá pola provincia de Ourense, comezando na localidade de Leiro e percorrendo a comarca do Ribeiro, unha zona rural con abundante bosque e vilas que se viron afectadas polo despoboamento.
En Leiro, partirase baixando ao río Avia. Cruzarase por unha vella ponte, atopando así unha ponte colgante e o cámping, hoxe en día pechado, que era lugar turístico nos meses de verán.
A andaina continuará por vellos camiños ata chegar a Pazos de Arenteiro, no municipio de Boborás, lugar que -como o seu nome indica- comprende numerosos pazos e moita historia tras os seus muros. A ruta concluirá de novo en Leiro despois de pasar pola aldea abandonada de Viñoa.
Como remate desta xornada, está prevista unha breve visita á vila de Ribadavia, cun percorrido polo seu casco histórico, o barrio xudeu e o castelo, centro da coñecida “Festa da Istoria”.
Esta semana as saídas do ferry veranse afectadas pola marea baixa. Polo tanto, achégase a táboa cos horarios definitivos ata o domingo 5 de novembro coas saídas confirmadas, namentres aquelas que sofren algunha variación aparecen marcadas.
Para máis información, recoméndase chamar ao despacho de billetes (986 61 15 26) no horario de atención ao público, de 10:00 a 13:00 e de 15:00 a 20:00 horas.
A programación cultural e lúdica de cara á fin de semana comeza esta mesma tarde coa homenaxe aos asasinados en Camposancos, organizada polo Sindicato de Pensionistas de Comisións Obreiras (CC.OO.) da comarca de Vigo.
O acto comezará ás 17:30 horas na fosa común do cemiterio de Sestás, onde os asistentes realizarán unha ofrenda floral na honra das vítimas do franquismo. Chegadas as 19:00 horas, a celebración continuará no Centro Cultural, onde o alcalde da Guarda, Antonio Lomba, presentará a charla titulada «Os consellos de Guerra: a xustiza do revés», que posteriormente guiará o investigador e historiador vigués, Bernardo Vázquez.
Mañá, 27 de outubro, a psicóloga e traballadora do centro San Xerome Emiliani, Joana L. Pereira, será a encargada de dar comezo á terceira edición do ciclo de charlas «Diálogos en Educación». O faladoiro, titulado «Educación consciente, baseada en ‘mindfulness’» terá lugar na Casa dos Alonso a partir das 20:30 horas. Esta pretende ser unha actividade aberta ao público e participativa, de interese para persoas de diferentes perfís.
A promoción da saúde física e mental das mulleres, pola súa parte, será a temática do ciclo de charlas «Coidate, muller!», organizada pola Asociación de Mulleres Progresistas da Guarda e que arrinca mañá co faladoiro «O exercicio físico e a prevención de lesións musculares». A licenciada en Ciencias da Actividade Física e do Deporte, Ana González Portela, será a encargada de dirixir este primeiro encontro, que se celebrará no Centro Cultural da Guarda a partir das 20:00 horas.
O sábado, a lectura e o audiovisual serán as protagonistas da xornada. Para os cativos e cativas, a Biblioteca Municipal organiza unha sesión especial da actividade «Contos contados» dedicada ao Samaín, a partir das 11:30 horas. Así, «Andrés cabeza abaixo» será a lectura do día e, deseguido, os participantes poderán elaborar un ‘marcapáxinas terrorífico’ no obradoiro de manualidades. Ademais, ata o próximo 7 de novembro celebraranse as xornadas tituladas «Biblioteca solidaria», nas que aquelas persoas que se acheguen ao espazo de ocio e lectura municipal poderán escoller un libro descatalogado a cambio de aportar unha unidade de alimentos non perecedoiros.
Por outra parte, a segunda edición do «Ciclo Camposancos de Cine» retornará este sábado á parroquia guardesa. A partir das 20:30 horas terá lugar na Casa Cultural da Comunidade de Montes de Camposancos, organizadora do evento, o encontro titulado «Tódolos segredos de ‘Era Visto!’. Unha serie da TVG distinta, nun mercado cambiante» no que participará o coordinador creativo da TVG e post-productor da serie, Daniel González.
Celebrando o Samaín
A xornada do martes, previo á celebración do Día de Todos os Santos, estará caracterizada pola temática do medo. Nesta liña, os comerciantes do Mercado do Relo organizan unha serie de actividades dirixidas a todos os públicos, comezando ás 17:30 horas con «Obradoiros de Samaín» na rúa Pacífico Rodríguez. As 19:00 horas, o grupo Perseide ofrecerá un concerto no local Kanella’s Café e, xa pasada a media noite, a celebración continuará coa actuación de Punkiereteiras no local As Pozas Disco-Tasca, onde tamén se realizará unha queimada.
A programación complétase coa celebración dunha «Andaina Nocturna do Terror», que dará comezo ás 21:00 horas dende a rúa Pacífico Rodríguez e rematará preto das 00:30 horas no mesmo punto, cunha chocolatada con churros de balde para os camiñantes. Para participar na actividade é preciso inscribirse previamente, chamando aos teléfonos 986 611 601 ou 647 368 933.
A Casa Cultural da Comunidade de Montes de Camposancos tamén acollerá unha «Festa de Samaín», que comezará ás 17:00 horas cun obradoiro de cabazas e continuará cunha merendola e un obradoiro de maquillaxe. Deseguido, a celebración na parroquia guardesa tamén rematará cunha «Andaina terrorífica» polas rúas de Camposancos.
A asociación de empresarios AGUDE, pola súa parte, xa encheu os escaparates das tendas e as rúas de meigas, que permanecerán entre nós ata o próximo 1 de novembro.
Esta semana as saídas do ferry veranse afectadas pola marea baixa. Polo tanto, achégase a táboa cos horarios definitivos ata o domingo 29 de outubro coas saídas confirmadas e aquelas que sofren algunha variación están marcadas.
Para máis información, recoméndase chamar ao despacho de billetes (986 61 15 26) no horario de atención ao público, de 10:00 a 13:00 e de 15:00 a 20:00 horas.
A programación cultural e deportiva da fin de semana comezará esta noitiña cun achegamento literario á represión franquista e continuará o venres coa proxección do filme inglés “La chica danesa”. O sábado poderemos realizar un percorrido guiado por Salcidos e celebrarase a proba “Vellas Glorias do Ciclismo” coa participación de grandes veteranos da disciplina deportiva, namentres o o caso histórico da Guarda será a protagonista da ruta guiada do domingo.
Esta noitiña presentarase na Casa dos Alonso o libro “Os nomes do terror. Galiza 1936: os verdugos que nunca existiron”. No acto de presentación, que comezará ás 20:30 horas, participarán a escritora e membro do consello de administración de Sermos Galiza Marga Romero, o coautor do libro e especialista na represión franquista Xosé Álvarez, o autor e coordinador da obra Xoán C. Garrido, e o mestre e membro da Comisión Cidadá pola Verdade do 36 do Baixo-Miño, Xosé M. Méndez.
O volume recolle un extenso estudo sobre os represores na provincia de Pontevedra, facendo especial referencia ao papel desenvolto polos actores do operativo represivo recollidos en diversos testemuños tanto documentais como orais.
A noite do venres teremos ocasión de gozar do mellor cine no Centro Cultural. Alí proxectarase “La chica danesa”, unha película dramática que narra a historia real unha parella de artistas cuxa vida marital da un xiro cando o home adopta unha aparencia feminina. Esta será unha boa ocasión para reflexionar sobre a identidade de xénero e a ruptura dos estándares sociais respecto do estrito binomio home-muller.
A Asociación de Mulleres Progresistas da Guarda, pola súa parte, organiza este sábado, 21 de outubro, unha visita guiada pola parroquia de Salcidos. O percorrido comezará na Igrexa Parroquial ás 17:00 horas, e estará dirixida polo historiador Manuel Álvarez. Da súa man coñeceremos a historia do pazo e os seus moradores, así coma dos lavadoiros públicos e outros lugares emblemáticos da parroquia.
O deporte tamén terá cabida na xornada do sábado coa celebración da proba “Vellas Glorias do Ciclismo”. Os participantes -entre os que se atopan Ezequiel Mosquera, Álvaro Pino, José Ángel Vidal, Oscar Pereiro, Isidro Araujo e Gustavo Otero, entre moitos outros veteranos do ciclismo- realizarán un circuíto urbano que dará comezo ás 17:30 horas na Alameda e finalizará no Monte Santa Trega.
Xa o domingo, gozar do entorno será o obxectivo principal da andaina organizada pola Asociación Veciñal e Cultural das Parroquias da Guarda. Ás 16:30 horas comezará unha ruta guiada polo casco histórico con saída dende o Castelo de Santa cruz. O percorrido pasará polas murallas, a atalaia, a cetaria e outros puntos de interese da nosa vila, contando coas explicacións do funcionario de Patrimonio da Xunta de Galicia, Miguel Reboredo.
Exposición “Proxecto táctil”
Dende esta mañá, pódese visitar no Centro Cultural “Proxecto táctil”, unha mostra composta por unha ducia de obras artísticas pensadas para ser percibidas mediante o tacto. Os v
isitantes poderán facer uso dun anteface e das súas mans para coñecer as pezas escultóricas elaboradas por actuais e antigas alumnas da Facultade de Belas Artes da Universidade de Vigo.
A exposición estará aberta ao público ata o próximo 4 de novembro no horario habitual do Centro Cultural, isto é, de 10 a 13 e de 17 a 20 horas de luns a venres, e os sábados en horario de mañá.
O Concello da Guarda promoverá este outono unha nova ruta gastronómica na que se mesturarán as exposicións de arte coa gastronomía guardesa en pequeno formato.
“Petiscos con arte” será o nome da ruta, que se celebrará os venres, sábados e domingos das dúas últimas fins de semana do mes de novembro. A súa finalidade é promocionar a gastronomía e a creación artística na na nosa vila, de xeito que os participantes poderán degustar petiscos mentres contemplan as obras de artistas locais ou con vinculación ao noso Concello expostas nos locais durante a celebración da ruta.
Con todo, o Concello da Guarda convida aos artistas da localidade e dos arredores a expor a súa arte nalgún dos establecementos que participarán na ruta. As persoas que desexen participar deberán contactar coa Oficina de Turismo Municipal no teléfono 986 614 546 ou a través do correo electrónico turismo@aguarda.es, indicando o seu interese na mostra ata este venres 20 de outubro.
