VI ruta gastronómica «Tapearte»: Gozar da mellor gastronomía da Guarda pode ter premio

Os bares e restaurantes participantes amosaron hoxe as súas creacións, que poderán degustarse as fins de semana dende o 18 de maio ata o 3 de xuño | Os «ruteiros» poderán conseguir premios directos e participar no sorteo dun ‘smartphone’ Samsung Galaxy 7J.

A Casa dos Alonso acolleu esta mañá a presentación da sexta edición da ruta gastronómica «Tapearte», que se celebrará na Guarda os venres, sábados e domingos dende o 18 de maio ata o 3 de xuño. Ao acto de presentación acudiron o alcalde do Concello da Guarda, Antonio Lomba; a Concelleira de Turismo, Montserrat Magallanes; e representantes dos 19 establecementos hostaleiros participantes: Alameda, Art Café, Bitadorna, Boc & Pix, Camping Santa Tecla, Celtic, El Paseo, Enxebre, Kanella’s, La Botica, La Casilla, La Pizzicata, Marbella, Novo Funil, O Cangrexal, Pool Chaos, Xantar, Xeito e Y la luna?.

Os hostaleiros e hostaleiras guardesas aproveitaron o encontro para amosar cadansúa tapa, que ofertarán a un prezo unitario de 2€ (bebida non incluída) durante tres fins de semanas consecutivas. Os e as comensais poderán degustar dende un volován recheo de marisco ata un salteado de arroz e verduras ou unha hamburguesa «patagónica» de peixe espada. Unha variedade de tapas «do máximo nivel», capaz de conformar aos padais máis exquisitos.

O rexedor local lembrou durante o encontro que a ruta nace co obxectivo de potenciar a «excelente gastronomía local» e promocionar as populares alfombras florais que se realizarán no casco antigo da vila durante a noite do 2 de xuño. Segundo engadiu Lomba, esta nova edición da ruta contará cun horario ampliado par a degustación dos pratos, que será de 12:00 a 14: 00 h e de 19:00 a 22:00 h, atendendo ás peticións dos hostaleiros.

Agasallos para os «ruteiros»

Os «ruteiros» e as «ruteiras» contarán cun pasaporte no que, ademais de atopar a información detallada sobre cada unha das tapas, poderán selar aquelas que xa teñan degustado e participar no sorteo dun smartphone Samsung Galaxy 7J. Para isto, será preciso depositar os pasaportes cun mínimo de 6 selos nas urnas que estarán dispoñibles en cada un dos establecementos participantes e na Oficina de Turismo do Concello da Guarda. Ademais, aquelas persoas que reúnan un mínimo de 10 selos, recibirán como agasallo directo un lote de viño Pazo de Seoane da Adega Lagar de Fornelos (O Rosal).

Os participantes na ruta como comensais poderán, ademais, valorar a calidade das tapas consumidas. Froito desta valoración, a organización anunciará aos gañadores do Concurso da Mellor Tapa «Tapearte 2018», con premios en dúas categorías: a tapa mellor valorada e a preparación máis consumida.

Abierto el plazo para participar en la Feria de Artesanía de la XXVIII Fiesta de la Langosta

Feira de Artesanía da XXVIII Festa da Langosta

El Ayuntamiento de A Guarda organizará la vigésimo octava edición de la Fiesta de la Langosta y de la Cocina Marinera los días 6, 7 y 8 de julio. Como en anteriores ediciones, el festejo gastronómico se completará con la celebración de la tradicional Feria de Artesanía en la calle Porto.

Os artesáns e as artesás interesadas en participar deberán enviar a súa solicitude debidamente cumprimentada, xunto coa documentación especificada nas bases aquí adxuntas, antes do vindeiro 25 de maio ao correo electrónico turismo@aguarda.es.

O mercado artesanal celebrarase os días 7 e 8 de xullo e a participación no mesmo será gratuíta. Para máis información, as persoas interesadas poderán achegar á Oficina de Turismo do Concello da Guarda (Praza do Reló, s/n), chamando ao teléfono 986 614 546 ou a través do correo electrónico turismo@aguarda.es.

A V edición da ruta gastronómica «Tapearte» comezará a vindeira fin de semana

«Tapearte 2018»
Preto dunha vintena de establecementos hostaleiros participarán na ruta, na que se ofertarán variadas tapas a un prezo único de 2€.

A Guarda acollerá a quinta edición da ruta gastronómica «Tapearte» a partir do venres 18 de abril. Durante tres fins de semanas consecutivas, veciñanza e visitantes poderán degustar preto dunha vintena de diferentes tapas nos establecementos guardeses participantes, que ofrecerán as súas creación a un prezo unitario de 2€.

A ruta gastronómica, organizada polo Concello da Guarda, terá lugar os venres sábados e domingos durante tres fins de semana consecutivas, dende o 18 de maio ata o 3 de xuño. O seu obxectivo é impulsar a gastronomía local e promocionar as populares alfombras florais do Santísimo que se realizarán no casco antigo da vila na noite do sábado 2 de xuño.

Nesta nova edición, «Tapearte» contará cun total de 19 bares e restaurantes guardeses adheridos: Alameda, Art Café, Bitadorna, Boc & Pix, Camping Santa Tecla, Celtic, El Paseo, Enxebre, Kanella’s, La Botica, La Casilla, La Pizzicata, Marbella, Novo Funil, O Cangrexal, Pool Chaos, Xantar, Xeito e Y la luna?.

Os «ruteiros» e as «ruteiras» contarán cun pasaporte no que, ademais da información necesaria para a realización do seu propio itinerario gastronómico, poderán selar aquelas tapas que xa teñan degustado e participar en sorteos de produtos. Para isto, será preciso depositar os pasaportes cun mínimo de 6 selos nas urnas que estarán dispoñibles en cada un dos establecementos participantes e na Oficina de Turismo do Concello da Guarda. Ademais, aquelas persoas que reúnan un mínimo de 10 selos, recibirán un agasallo directo.

Os participantes na ruta en calidade de comensais poderán, ademais, valorar a calidade das tapas consumidas. Froito desta valoración, a organización anunciará aos gañadores do Concurso da Mellor Tapa «Tapearte» 2018, con premios en dúas categorías: a tapa mellor valorada e a preparación máis consumida.

As praias do Muíño e Area Grande renovan o seu distintivo de bandeira azul

A bandeira azul recoñece a calidade medioambiental e de servizos dos areais guardeses, que acadan o distintivo por noveno e oitavo ano consecutivo.

A Asociación de Educación Ambiental e do Consumidor (ADEAC) e a rama española da Federación Europea de Educación Ambiental (FEE) deron onte a coñecer a listaxe de praias españolas recoñecidas con bandeira azul para este verán, entre as que se atopan os areais guardeses de Area Grande e O Muíño.

Ámbalas dúas praias renovan o distintivo acadado por primeira vez en 2009 (Area Grande) e 2010 (O Muíño) e co que se salienta a súa calidade medioambiental e de servizos. Así, os areais volverán contar este verán cos criterios esixidos polo distintivo de bandeira azul: paneis informativos, actividades de educación ambiental, análise da calidade das augas, servizo de limpeza e recollida de residuos, servizo de salvamento e socorrismo, e instalación como duchas e aseos.

Amais do recoñecemento ás praias, A Guarda conta coa Senda Litoral recoñecida como sendeiro azul. O vieiro, que renova o distintivo dende o ano 2013, comunica as praias do Muíño e Area Grande pasando polos areais de Fedorento e O Carreiro, con preto de 5 km de lonxitude.

Os escolares participan nas xornadas didácticas da campaña «Lamprea do Miño»

Xroandas didácticas da "Lamprea do Miño"

A fin de semana de exaltación da lamprea comezará este sábado en once restaurante da vila, onde os comensais poderán degustar este peixe á bordelesa por 18€ a ración.

As cativas e cativos de 6º de primaria dos centros de ensino guardeses participaron esta semana nas xornadas didácticas «Coñecedes a lamprea?», no marco da campaña gastronómica «Lamprea do Miño» organizada polo Concello da Guarda.

Un total de 88 escolares dos centros de ensino San José-Hnas. Carmelitas, Padres Somascos, A Sangriña e Manuel Rodríguez Sinde acudiron por quendas durante o luns e o martes á actividade, que se celebrou na Casa dos Alonso. Alí, as cativas e cativos puideron experimentar cos aparellos, redes e traxes de pesca utilizados polos lampreeiros do Miño, e mesmo analizar de preto unha lamprea ao vivo.

A técnica de Turismo do Concello da Guarda, Rosalía Verde, foi a encargada de introducir ao alumnado nas características deste peixe e as técnicas de pesca utilizadas no noso río. Deseguido, puideron ampliar os seus coñecementos coa visualización dun documental, no que un investigador amosou máis polo miúdo as características da lamprea como especie migratoria; e un pescador local amosou dende a súa propia embarcación o proceso de captura.

Testemuños do río Miño

Os mozos lampreeiros Hector Morais e Ismael Sousa abraiaron aos cativos e cativas coa súa intervención. Cunha ampla experiencia na materia (pois, segundo contaron, introducíronse na profesión da man de seus pais), os pescadores comezaron explicando os trámites necesarios antes do comezo da tempada de peca (tales como a consecución do permiso) e profundaron na riqueza do noso río, así como no seu día a día na pesca.

Nesta liña, o alumnado agradeceu especialmente coñecer os elementos de seguridade propios das embarcacións, tales como as bengalas e os salvavidas, ademais do obrigado chaleco. Os rapaces e rapazas amosáronse moi atentos e curiosos ás explicacións, e mesmo se atreveron a formulas as súas ideas e dúbidas. Ao remate das xornadas, o alumnado comprometeuse a realizar uns debuxos centrados na lamprea do Miño, que serán expostos nos establecementos adheridos á campaña durante a fin de semana.

Fin de semana gastronómica

A campaña gastronómica «Lamprea do Miño» celebrarase os días 14 e 15 de abril nun total de 11 bares e restaurantes da vila, co obxectivo de potenciar A Guarda como destino gastronómico da lamprea. As veciñas, veciños e visitantes poderán degustar este peixe na súa preparación máis tradicional: á bordalesa, a un prezo único de 18€ por ración. A lamprea enteira terá un prezo de 50€.

Os establecementos adheridos á campaña son: Area Grande, Arruaz, Brétema, Camping Santa Tecla, Bar Casa Aquilino, La Pìzzicata, Marbella, Marusía, O Cangrexal, Os Remos e O Roxo. Dada a larga elaboración que precisa este manxar, aconséllase reservar o prato previamente nos restaurantes.
Fin de semana gastronómica Lamprea do Miño

A Guarda dedica unha fin de semana gastronómica á exaltación da lamprea do Miño

Os días 14 e 15 de abril, máis dunha decena de restaurantes prepararán este peixe á bordalesa para a súa degustación. 

O Concello da Guarda, en colaboración con viveiristas e establecementos hostaleiros da vila, organiza a fin de semana gastronómica «Lamprea do Miño», que se celebrará os días 14 e 15 de abril en 11 bares e restaurantes co obxectivo de potenciar A Guarda como destino gastronómico da lamprea.

Durante estas xornadas, as veciñas e veciños da nosa vila e a súa contorna poderán degustar a lamprea na súa preparación máis tradicional, á bordalesa, a un prezo único por ración de 18€. A lamprea enteira terá un prezo de 50€. Os establecementos adheridos a esta campaña son os restaurantes Area Grande, Arruaz, Brétema, Camping Santa Tecla, Bar Casa Aquilino, La Pìzzicata, Marbella, Marusía, O Cangrexal, Os Remos e O Roxo. Dada a larga elaboración que precisa este manxar, aconséllase reservar o prato previamente nos restaurantes.

Exaltación da lamprea

Tras catro anos consecutivos celebrando a «Ruta do pincho da lamprea do Miño», organizada por viveiristas, pescadores, bares e restaurantes locais en colaboración co Concello, esta nova iniciativa gastronómica nace da vontade conxunta de impulsar a gastronomía local e a súa riqueza, centrando os esforzos na exaltación dun dos manxares máis descoñecidos do noso río e indo máis aló dos pequenos petiscos. Así, nesta ocasión convídase á familias e grupos de amigos a visitar o noso pobo e degustar unha preparación da lamprea óptima para o xantar ou a cea da fin de semana.

Dentro desta mesma campaña, o alumnado de 6º de primaria dos centros de ensino da Guarda participarán na xornada didáctica «Coñecedes a lamprea?», unha iniciativa que xa se realizou o pasado ano como complemento á «Ruta do pincho». Dada a boa acollida da proposta, os cativos e cativas repetirán a experiencia, na que poderán achegarse ás técnicas de pesca da lamprea no río Miño, agora en temporada.

Esta xornada componse de dúas partes: unha primeira actividade didáctica que se realizará na Casa dos Alonso, onde as nenas e nenos poderán coñecer máis polo miúdo a lamprea a partir dunha reportaxe audiovisual sobre a pesca desta na desembocadura do Miño. Contarán, ademais, co testemuño de pescadores, que explicarán a súa profesión aos cativos e cativas mediante os aparellos de pesca que empregan e anécdotas do oficio.

Deseguido, o alumnado poderá elaborar na aula uns debuxos coa temática «Desembocadura do Miño e a lamprea». Os traballos exporanse nos restaurantes e cafetarías adheridas á campaña durante a fin de semana gastronómica.

A Guarda celebra a Semana Santa cunha ampla programación cultural e as tradicionais procesións

A Guarda celebrará a Semana Santa de 2018 cun amplo programa de actividades culturais para goce da veciñanza e os visitantes. Destacan as tradicionais procesións, así como a oferta de visitas guiadas gratuítas para dar a coñecer a historia e o patrimonio da vila. 

A Guarda comezará a celebrar a Semana Santa oficialmente hoxe, 23 de marzo, coa celebración da Procesión do «Venres de Dor», a partir das 21:00 horas dende a Igrexa Parroquial de Santa María. Non obstante, a programación cultural e relixiosa será máis intensa a partir do vindeiro xoves, 29 de marzo, co inicio das visitas guiadas e diversas actividades litúrxicas.

Nesta ocasión, o departamento de Turismo volverá ofertar as rutas guiadas polo casco histórico da vila, coas que as persoas asistentes poderán coñecer a historia da Guarda a través do seu patrimonio, percorrendo as rúas e prazas do casco antigo, incluído o Castelo de Santa Cruz. Estas visitas realizaranse o xoves, venres e sábado e terán unha duración de 60 minutos. As saídas serán ás 12:30 horas dende a Praza do Reló, onde se atopa a Oficina Municipal de Turismo.

 

A oferta de visitas guiadas complétase coas populares rutas polo Castro de Santa Trega. Estas visitas, de 30 minutos de duración, levaranse a cabo entre o xoves e o sábado, con saída dende a explanada da Casa Forestal ás 11:00, 12:00, 13:00, 16:00, 17:00 e 18:00 horas. As visitas guiadas son gratuítas e non precisan de inscrición previa. Deste xeito, as persoas interesadas en coñecer máis polo miúdo o patrimonio e a historia do Monte Santa Trega e o casco urbano guardés, deberán presentarse á hora de comezo de cada ruta no punto de encontro sinalado.

Este ano, ademais, contaremos cun vistoso desfile de traxes rexionais e unha regata.

Na proposta cultural durante esta Semana Santa compre ter en conta a Rede de Museos da Guarda. Así, o Museo Arqueolóxico do Monte Santa Trega (MASAT) permanecerá aberto de martes a domingo en horario de 10:00 a 20:00 horas, namentres o Museo do Mar abrirá as súas portas entre o xoves e o domingo en horario de mañá (11:00 a 14:00 h) e tarde (16:00 a 19:00 h). Pola súa parte, o espazo público do Castelo de Santa Cruz ampliará o seu horario de apertura de 10:00 a 20:00 horas. Na fortaleza guardesa, as persoas que se acheguen poderán gozar da mostra escultórica «Nado en pedra», realizada polo alumnado da Escola de Cantería de Pontevedra.

Traxes rexionais e deporte

Durante a próxima semana, máis de 700 campistas de toda España visitarán A Guarda co gaio da 60ª Acampada Nacional da Federación Española de Clubs Campistas (FECC), que terá lugar no Camping Santa Tecla entre o 24 de marzo e o 1 de abril. Dentro da intensa programación dos visitantes, destaca o desfile de traxes rexionais que se celebrará o xoves 29 de marzo. Nel, os campistas sairán da Alameda agrupados por Comunidades Autónomas para amosar a vestimenta tradicional de cada unha delas. O desfile rematará no Auditorio de San Bieito, coa inauguración oficial da acampada e a recepción dos campistas na Guarda.

O sábado, 31 de marzo, teremos tempo para gozar do deporte na XIX Regata de Bateis Bandeira Concello da Guarda – Memorial Antonino Torrón, organizada polo Club de Remo en colaboración co Concello da Guarda. A competición, incluída no calendario oficial da Federación Galega de Remo, terá lugar no Porto da Guarda a partir das 16:00 horas.

Actos relixiosos

En canto á actividade litúrxica, a programación máis destacada ocúpana as procesións e a tradicional bendición de ramos e palmas o 25 de marzo (Domingo de Ramos) na Praza de San Bieito ás 11:00 horas. O Xoves Santo virá marcado pola «Procesión dos Pasos», con saída ás 20:30 horas dende a Igrexa Parroquial de Santa María. O Venres Santo terán lugar, dende o mesmo punto, a «Procesión do Encontro» (11:00 h) e a «Procesión do Santo Enterro» (20:30 h).

A Semana Santa guardesa pechará coas Festas da Pascua de Buxán, que darán comezo mañá, 24 de marzo, coa celebración do «XI Serán de Buxán» ás 22:00 horas na praza de Buxán, e continuará o vindeiro sábado, 30 de marzo, cos tradicionais xogos populares (16:00 h) e a posterior verbena, amenizada polas orquestras América e Magical (23:00 h).

O 1 de abril, Domingo de Pascua, o barrio salcidense reservará o día para gozar da gastronomía, cunha zorzada e polbo á feira pola mañá (a partir das 11:00 h) e unha Festa do Biscoito pola tarde (a partir das 16:00 h). A xornada estará amenizada polo pasacalles de Airiños do Folón e o ‘Concurso do pau enceirado co xamón arriba’ a partir das 15:30 horas. O broche de ouro destas festas virá da man do Coro Fuscalheiro, que actuará a partir das 19:30 h.

Horario da Oficina de Turismo

A Oficina Municipal de Turismo, situada na Praza do Reló, abrirá dende o luns 26 ata o sábado 31 de marzo cun horario ampliado, isto é, de 10:30 a 14:00 horas e de 16:30 a 19:00 horas. Para máis información, as persoas interesadas poderán achegarse á oficina, contactar co departamento de Turismo a través do teléfono 986 614 546 e/ou o correo electrónico turismo@aguarda.es, ou ben consultar a páxina web www.turismoaguarda.es e a páxina de Facebook de Turismo A Guarda.

Horario do transbordador A Guarda – Caminha do martes 20 ao domingo 25 de marzo

Esta semana as saídas do transbordador veranse afectadas pola marea baixa. Polo tanto, achégase a táboa cos horarios definitivos ata o domingo 25 de marzo coas saídas confirmadas e aquelas que sofren algunha variación están marcadas.

Para máis información, recoméndase chamar ao despacho de billetes (Tel. 986 61 15 26) no horario de atención ao público, de 10:00 a 13:00 e de 15:00 a 20:00 horas.

O Concello eloxia o compromiso coa calidade turística dos establecementos con distintivo SICTED

O alcalde do Concello da Guarda, Antonio Lomba, e a concelleira de Turismo, Montserrat Magallanes, recibiron esta mañá aos responsables dos seis establecementos guardeses que veñen de conseguir o distintivo SICTED (Sistema Integral de Calidad Turística Española en Destinos), un recoñecemento promovido polo Instituto de Turismo de España (TURESPAÑA) que da conta do seu «Compromiso de Calidade Turística».

Os representantes municipais destacaron o esforzo realizado polos establecementos, que xa contan cun recoñecemento oficial ao seu «bo traballo» e unha insignia que lles dará visibilidade no sector. Nesta liña, a edil guardesa subliñou o esforzo realizado polos hostaleiros para a consecución do certificado de calidade e o seu compromiso, «moi importante para unha vila como A Guarda», engadiu o rexedor local.

No encontro, Antonio Lomba fixo entrega dos diplomas e as placas aos hostaleiros que non puideron asistir o pasado 28 de febreiro á Gala de Turismo Rías Baixas, onde foron entregados os distintivos. Así, hoxe recibiron o seu recoñecemento Gema Martínez, propietaria do restaurante Celtic; María Emilia Vicente Goyás, dona do restaurante Marusía; e José Francisco Vázquez, xerente do restaurante Casa Bar Aquilo. Acompañáronos Marta González e Juan Carlos Alonso, do restaurante La Casa de la Abuela, e César Verde, xerente do restaurante Xantar, coa única ausencia do Hotel Convento San Benito, tamén recoñecido.

 

Na actualidade, A Guarda conta con 9 empresas e servizos co certificado de calidade e compromiso turístico SICTED, entre os que se atopan a Oficina de Turismo Municipal e as praias de Area Grande e O Muíño. Este recoñecemento ven acompañado dun plan de mellora continua e novas medidas dirixidas a incrementar a calidade do servizo, polo que os establecementos e servizos deben continuar traballando en prol do desenvolvemento turístico e a satisfacción dos clientes.

Aquelas empresas e servizos que desexen adherirse ao proxecto e participar na vindeira xornada formativa programada para o 17 de abril, poderán recibir asesoramento na Oficina de Turismo Municipal do Concello da Guarda.

Sobre o distintivo

O SICTED é un proxecto de mellora da calidade dos destinos turísticos promovido pola Secretaría de Estado de Turismo (SET) e a Federación Española de Municipios e Provincias (FEMP). Traballa con empresas e servizos de ata 33 oficios diferentes co obxectivo de mellorar a experiencia e a satisfacción dos e das turistas. Para logralo, o sistema ofrece ás empresas e servizos adheridos un plan de formación, asistencia técnica, obradoiros, grupos de traballo e manuais de boas prácticas.

A obtención do distintivo SICTED implica o cumprimento dos requisitos fixados, e da conta do esforzo e o compromiso coa calidade e a mellora continua, á vez que distingue ao establecemento fronte á competencia. O certificado ten validez bienal, aínda que precisa dunha evaluación anual de seguimento.

Horario do transbordador A Guarda – Caminha do martes 13 ao domingo 18 de marzo.

Esta semana as saídas do transbordador veranse afectadas pola marea baixa. Polo tanto, achégase a táboa cos horarios definitivos ata o domingo 18 de marzo coas saídas confirmadas e aquelas que sofren algunha variación están marcadas.

Para máis información, recoméndase chamar ao despacho de billetes (Tel. 986 61 15 26) no horario de atención ao público, de 10:00 a 13:00 e de 15:00 a 20:00 horas.

Horario do transbordador A Guarda – Caminha do martes 6 ao domingo 11 de marzo

Esta semana as saídas do transbordador veranse afectadas pola marea baixa. Polo tanto, achégase a táboa cos horarios definitivos ata o domingo 11 de marzo coas saídas confirmadas e aquelas que sofren algunha variación están marcadas.

Para máis información, recoméndase chamar ao despacho de billetes (Tel. 986 61 15 26) no horario de atención ao público, de 10:00 a 13:00 e de 15:00 a 20:00 horas.

 

Horario do transbordador A Guarda – Caminha do martes 6 ao domingo 11 de marzo

Esta semana as saídas do transbordador veranse afectadas pola marea baixa. Polo tanto, achégase a táboa cos horarios definitivos ata o domingo 11 de marzo coas saídas confirmadas e aquelas que sofren algunha variación están marcadas.

Para máis información, recoméndase chamar ao despacho de billetes (Tel. 986 61 15 26) no horario de atención ao público, de 10:00 a 13:00 e de 15:00 a 20:00 horas.

O Concello impulsa un novo curso para a formación de camareiros/as en bares e restaurantes

La Concejalía de Turismo ofrece un curso gratuito para la formación de camareros/as de bares y restaurantes, que se desarrollará entre el 24 de marzo y el 26 de mayo. El objetivo principal es formar a nuevas camareras/os en la preparación y presentación de bebidas y alimentos propios de un bar o restaurante, aplicando las normas básicas de manipulación de alimentos y atención al cliente. Al finalizar, el alumnado también recibirá el diploma de manipulador/a de alimentos.

La programación está diseñada para que las personas participantes adquieran las nociones básicas en la adecuación del local, reposición del material, serivicio de alimentos y bebidas en mesa y barra, y atención al cliente en el servicio de restaurante y bar.

El curso tendrá una duración total de 82 horas. De ellas, 47 se destinarán a la formación teórica, impartiendo durante 8 sábados por la mañana y, en la última semana de mayo, el alumnado realizará 35 horas de prácticas en bares y restaurantes de A Guarda y su entorno.

Las inscripciones podrán realizarse en la Oficina de Turismo del Ayuntamiento de A Guarda (Praza do Reló, 1), llamando al teléfono 986 61 45 46 o bien a través del correo electrónico turismo@aguarda.es. Las plazas son limitadas y serán otorgadas por riguroso orden de inscripción.

 

Horario do transbordador A Guarda – Caminha do martes 27 de febreiro ao domingo 4 de marzo

Esta semana as saídas do transbordador veranse afectadas pola marea baixa. Polo tanto, achégase a táboa cos horarios definitivos ata o domingo 4 de marzo coas saídas confirmadas e aquelas que sofren algunha variación están marcadas.

Para máis información, recoméndase chamar ao despacho de billetes (Tel. 986 61 15 26) no horario de atención ao público, de 10:00 a 13:00 e de 15:00 a 20:00 horas.

O calendario de andainas para 2018 inclúe 8 novas rutas por Galicia e Portugal

A Cámara Municipal de Caminha e o Concello da Guarda dan a coñecer o calendario de andainas organizadas conxuntamente polas institucións locais para este ano. A nova programación inclúe 8 rutas a realizar entre marzo e novembro, co obxectivo de dar a coñecer a paisaxe e o patrimonio da comunidade galega e o país veciño.

A primeira andaina, programada para o 10 de marzo, seguirá a coñecida como ‘Ruta máxica de Oia’ cun percorrido de 18 km. O 14 de abril celebrarase a segunda saída, na que os participantes poderán realizar a ruta polos pasadizos do río Vez, en Sistelo, con 20 km de percorrido.

A terceira camiñada será tamén en Portugal, o 1 de maio. Nesta ocasión, realizarase a ruta do Val de Ancora, en Camiña, cun percorrido de 15 km. O 9 de xuño, retornaremos a Galicia para realizar a ruta das Fragas do Eume (16 km) e, xa en o 28 de agosto, volverase realizar a visita á Romaría de Sao Joâo D’Arga, en Caminha (22 km).

A ruta de Cova Moura (Monçao) será a sexta andaina deste novo calendario, con 20 km de percorrido a realizar o 15 de setembro; e, para cerrar o ano, realizararase unha andada de 15 km polo Monumento Natural de Pena Corneira (20 de outubro) e unha ruta de 18 km polos Muíños do Folón e do Picón o 10 de novembro.

O prazo de inscrición para as andaianas programadas entre marzo e xuño comezará o vindeiro luns 26 de febrero e rematará o xoves 1 de marzo. Terán prioridade aquelas persoas que se inscriban en todas as actividades deste primeiro semestre do ano. As persoas interesadas poderán inscribirse presencialmente na Oficina de Turismo do Concello da Guarda, chamando ao teléfono 986 614 546, ou ben a través do correo electrónico turismo@aguarda.es.

A 60ª Acampada Nacional da Federación Española de Clubs Campistas (FECC) celebrarase na Guarda

Esta mañá celebrouse na Casa dos Alonso a presentación da 60ª Acampada Nacional da Federación Española de Clubs Campistas (FECC), que terá lugar na Guarda entre os días 24 de marzo e o 1 abril, coincidindo coa Semana Santa.

Ao acto asistiron o alcalde do Concello da Guarda, Antonio Lomba Baz; o presidente da FECC, José Vicente Clemente Moreno, e o coordinador da acampada, Inocencio ‘Tito’ Janeiro Loureiro, amais do xerente do Camping Santa Tecla, José Coello e os vogais da FECC e representantes da federación nas súas provincias, Miguel Merino Ayllón (Málaga) e Andrés Sanchez Moreno (Sevilla).

Nesta nova edición, a Acampada Nacional da FECC terá lugar no Camping Santa Tecla e o Camping Caravaning Club de Galicia-Vigo será o encargado da súa organización. Segundo explicou o coordinador, o encontro campista congregará arredor de 700 persoas que, durante 9 días, convivirán no municipio e realizarán diversas actividades. Así, poderán coñecer a vila a través de visitas guiadas polo Monte Santa Trega e o casco urbano, e realizar rutas de sendeirismo pola desembocadura do río Miño.

Durante a súa visita, os campistas realizarán un desfile polo centro da vila amosando os seus traxes rexionais. O percorrido realizarase o día 29 de marzo dende a Alameda e, unha vez rematada a mostra, realizarase un acto de presentación no auditorio de San Bieito, inaugurando oficialmente a Acampada Nacional na Guarda.

Este será, con todo, o terceiro encontro campista que o Camping Caravaning Club de Galicia-Vigo organiza na vila, tras as acampadas de 1988 e 2011.

A FECC
A Federación Española de Clubs Campistas é, segundo definiu o seu presidente, «a mellor e máis grande organización campista» do país. Congrega a máis de 4.000 familias campistas e promove anualmente encontros nacionais en diferentes puntos da xeografía española, co obxectivo de favorecer o compañeirismo e a convivencia entre os participantes e fomentar o coñecemento das diferentes rexións que visitan.

Aproveitando esta nova Acampada Nacional, a Asemblea Xeral da FECC celebrarase no Centro Cultural o venres 30 de marzo, coa presenza de representantes de un dos clubs adheridos.

Horario do transbordador A Guarda – Caminha do martes 20 ao domingo 25 de febreiro

Esta semana as saídas do transbordador veranse afectadas pola marea baixa. Polo tanto, achégase a táboa cos horarios definitivos ata o domingo 25 de febreiro coas saídas confirmadas e aquelas que sofren algunha variación están marcadas.

Para máis información, recoméndase chamar ao despacho de billetes (Tel. 986 61 15 26) no horario de atención ao público, de 10:00 a 13:00 e de 15:00 a 20:00 horas.

A citania de Santa Trega, presente no vídeo de Marca España como mostra da cultura milenaria

O vídeo promocional de Marca España para 2018, elaborado por Televisión Española (TVE), destaca o asentamento castrexo guardés como un dos elementos sobresaíntes do legado cultural e patrimonial do país.

A montaxe, titulada «España, tan singular como plural», pon en valor o potencial español a través do amplo legado patrimonial e histórico do país, con imaxes de distintos monumentos, paisaxes e tradicións representativos da súa cultura e patrimonio.

Un plano aéreo da citania do Monte Santa Trega amósase no minuto 00:36 do vídeo, como un dos mellores exemplos da cultura milenaria da que somos herdeiros. O vídeo estrenouse en versión curta tras as campanadas de fin de ano nas canles públicas La 1 e Canal Internacional e, posteriormente, foi difundido na súa totalidade nas redes sociais de Marca España, a través do hashtag #SomosEspaña.

Marca España

Marca España é unha política de Estado que ten como obxectivo mellorar a imaxe do país no estranxeiro e entre a cidadanía española. A máxima representación da Marca España corresponde ao Alto Comisionado a través da Oficina do Alto Comisionado para a Marca España, dependente xerárquicamente do Ministerio de Asuntos Exteriores e Cooperación. Esta sección encárgase de planificar, coordinar e impulsar as actuacións de organismo públicos e privados orientadas á promoción da imaxe de España dentro e fora do país.

Horario semanal do transbordador A Guarda – Caminha do martes 13 ao domingo 18 de febreiro

Esta semana as saídas do transbordador veranse afectadas pola marea baixa. Polo tanto, achégase a táboa cos horarios definitivos ata o domingo 18 de febreiro coas saídas confirmadas e aquelas que sofren algunha variación están marcadas.

Para máis información, recoméndase chamar ao despacho de billetes (Tel. 986 61 15 26) no horario de atención ao público, de 10:00 a 13:00 e de 15:00 a 20:00 horas.

O sábado comezará a servirse o «Menú de Entroido» nos sete restaurantes participantes

Dende o sábado 10 e ata o vindeiro martes 13 de febreiro, ofertarase o popular «Menú de Entroido» en sete restaurantes da Guarda. A iniciativa gastronómica, impulsada polo departamento de Turismo, contará cunha completa oferta de alimentos típicos dos que se poderá gozar por un prezo único de 18 euros.

O menú por persoa constará dun primeiro prato a elixir entre caldo ou empanada, e un segundo composto por lacón con grelos, patacas e chourizo, amais dunha sobremesa típica destas datas: filloas ou orellas de Entroido. O prezo inclúe o viño e o café.

Os restaurantes adheridos á inicitiva son Arruaz (986 614 571 ), La Pizzicata (986 611 534), Camping Santa Tecla (986 685 461), Novo Funil (986 098 480), O Cangrexa (986 611 107), Xantar (986 611 184) e Xeito (986 610 474).

Recoméndase reservar mesa previamente no restaurante a fin de asegurar a dispoñibilidade do menú, do que poderán gozar todas aquelas persoas que gusten dos pratos típicos.

 

Horario semanal do transbordador A Guarda – Caminha do martes 6 ao domingo 11 de febreiro

Esta semana as saídas do transbordador veranse afectadas pola marea baixa. Polo tanto, achégase a táboa cos horarios definitivos ata o domingo 11 de febreiro coas saídas confirmadas e aquelas que sofren algunha variación están marcadas.

Para máis información, recoméndase chamar ao despacho de billetes (Tel. 986 61 15 26) no horario de atención ao público, de 10:00 a 13:00 e de 15:00 a 20:00 horas.

O Entroido guardés traerá cinco días de festa, música e desfiles para toda a veciñanza

O Entroido comezará na Guarda esta semana e prolongarase durante 5 días cunha ampla programación de actividades e o tradicional desfile-concurso aberto á participación de todos os veciños e veciñas da vila.

O inicio das festas será o vindeiro venres 9 de febreiro co «Entroido dos coles». Nel, o alumnado dos centros de educación infantil e primaria da Guarda amosarán os disfraces elaborados manualmente para a ocasión, cun desfile que partirá da Alameda ás 12 h e percorrerá a rúa Galicia ata a coñecida como «esquina do Galo».

O 10 de febreiro será o «sábado de güateque» co concerto de Rockin’ Gina & the Sentinels na Alameda a partir das 23:30 h. Deseguido, a música retro tomará o paseo, coa actuación de DJ Guille ata ben entrada a madrugada. A música e o baile continuarán o 11 de febreiro co denominado «domingo das familias», no que contaremos coa actuación da orquestra Abanico na Alameda a partir das 18 h.

As cativas e cativos serán os protagonistas do «luns dos nenos», a festa infantil na que poderán gozar dun obradoiro de maquillaxe, xogos xigantes, un baile de disfraces con concurso e un carriño larpeiro de filloas, todo amenizado por unha discoteca móbil na Alameda dende as 18 h.

Martes de Entroido

A gran festa dos disfraces chegará o Martes de Entroido, coa celebración do desfile-concurso no que poderán participar todos os veciños, veciñas e asociacións da vila. As bases contemplan ata cinco categorías diferentes de participación (carrozas, comparsas, grupos, individual-parellas tanto adulto coma infantil) na modalidade de concurso, cunha ampla variedade de premios.

Nesta liña, as 10 primeiras comparsas e carrozas que se inscriban recibirán unha axuda de 200€ como compensación polo traballo e esforzo realizado. As comparsas e carrozas concursarán por un primeiro e segundo premio (dotados de 250€ e 150€, respectivamente) e nas demais categorías repartiranse ata 18 recoñecementos entre os 6 mellor valorados en cada grupo, cun orzamento total de 1.070€. As persoas interesadas en participar poderán ampliar a información nas bases dispoñibles neste enlace  e realizar as inscricións entre o 30 de xaneiro e o 8 de febreiro.

O desfile partirá ás 17:30 h da coñecida como «esquina Famosa» na rúa San Bernardo, para despois percorrer as rúas Porto Rico e Galicia ata chegar á Alameda, onde se darán a coñecer os gañadores en cada categoría do concurso.

Saborear o Entroido

Como complemento ás festas, entre o sábado 10 e o martes 13 de febreiro ofertarase o popular «Menú de Entroido», cunha completa oferta de alimentos típicos dos que se poderá gozar en 7 restaurantes guardeses a un prezo único de 18€.

Os restaurantes adheridos á iniciativa son: Arruaz, Camping Santa Tecla, La Pizzicata. Novo Funil, O Cangrexal, Xantar e Xeito. Recoméndase, con todo, reservar mesa previamente nos restaurantes para asegurar a dispoñibilidade do menú, do que poderán gozar todas aquelas persoas que gusten dos pratos típicos.

Horario do transbordador A Guarda – Caminha do martes 30 de xaneiro ao domingo 4 de febreiro

Esta semana as saídas do transbordador veranse afectadas pola marea baixa. Polo tanto, achégase a táboa cos horarios definitivos ata o domingo 4 de febreiro coas saídas confirmadas e aquelas que sofren algunha variación están marcadas.

Para máis información, recoméndase chamar ao despacho de billetes (Tel. 986 61 15 26) no horario de atención ao público, de 10:00 a 13:00 e de 15:00 a 20:00 horas.

Horario do transbordador A Guarda – Caminha do martes 23 ao domingo 28 de xaneiro

Esta semana as saídas do transbordador veranse afectadas pola marea baixa. Polo tanto, achégase a táboa cos horarios definitivos ata o domingo 28 de xaneiro coas saídas confirmadas e aquelas que sofren algunha variación están marcadas.

Para máis información, recoméndase chamar ao despacho de billetes (Tel. 986 61 15 26) no horario de atención ao público, de 10:00 a 13:00 e de 15:00 a 20:00 horas.

O Concello da Guarda impulsa a promoción da vila como destino turístico en FITUR 2018

O Concello da Guarda participou na Feira Internacional de Turismo (FITUR) 2018, que se celebra entre os días 17 e 21 de xaneiro en Madrid, impulsando a promoción da vila como destino turístico de calidade.

A delegación da Guarda -formada pola concelleira de Turismo, Montserrat Magallanes, o concelleiro de Patrimonio, Xavier Crespo, e a técnica de Turismo, Rosalía Verde- mantivo durante as xornadas do mércores e xoves, días 17 e 18 de xaneiro, diversas reunións e encontros con consultores turísticos especializados, empresas de turismo tecnolóxico e turismo activo, e importantes axencias turísticas, tanto consolidadas como de creación recente. Estas últimas, especializadas en segmentos do mercado turístico, resultaron de gran interese para A Guarda.

Na tarde do mércores, os representantes da Guarda acudiron ao acto de entrega dos premios EDEN (Destinos Europeos de Excelencia) 2017 que tivo lugar no expositor de Turespaña. No evento, convocado pola Secretaría de Estado de Turismo e presentado polo subdirector xeral de Cooperación e Competitividade Turística, Antonio Nieto Magro, e a secretaria de Estado de Turismo, Matilde Asián González, fíxose entrega do galardón ao proxecto vasco «Tierra Ignaciana». Tras a entrega do premio, os técnicos dos destinos EDEN mantiveron a habitual reunión de traballo na que se concretaron as próximas actuacións para a promoción dos Destinos Europeos de Excelencia, entre os que se atopa a vila guardesa.

Con todo, onte foi o día máis importante para a delegación da Guarda nesta trixésimo oitava edición da feira. Ás 12 h, os representantes municipais acudiron á presentación da campaña «Rías Baixas,somos historias» realizada pola Deputación de Pontevedra, co obxectivo de prestixiar a provincia como destino turístico cultural e de lecer e propiciar un turismo desestacionalizado.

Este ano, o Concello da Guarda e a Comisión das Festas do Monte traballarán conxuntamente para lograr o recoñecemento destas como Festas de Interese Turístico Nacional. Con este obxectivo, a delegación guardesa mantivo durante a súa estadía en Madrid reunións con axencias de comunicación e asociacións de xornalistas especializados en turismo.

A delegación guardesa, aproveitando a súa estadía en Madrid, visitou a mostra pictórica «Laberinto de colores» do artista guardés Antonio Martínez («Cachi»), formada por lenzos que amosan a natureza, o mar e a terra, e nos que A Guarda é protagonista. As obras permanecerán expostas na Casa de Galicia en Madrid ata o próximo 31 de xaneiro.

FITUR 2018

A Guarda, que participa na feira dende o ano 2011, estivo presente durante as xornadas do 17 e o18 de xaneiro no expositor de Turismo de Galicia, ofrecendo información turística de interese ao público en xeral. A información sobre a vila permanecerá exposta ata o remate da feira, para que profesionais e visitantes podan dispoñer dela e coñecer a oferta turística da Guarda.

A Feira Internacional de Turismo (FITUR) defínese como un punto de encontro global entre os profesionais do sector, coa participación anual de miles de empresas, entidades públicas e profesionais de todo o mundo.

A Guarda estará presente na 38ª edición da Feira Internacional de Turismo (FITUR)

O Concello da Guarda estará presente, un ano máis, na Feira Internacional de Turismo de Madrid (FITUR) que este ano celebrará a súa trixésimo oitava edición entre os días 17 e 21 de xaneiro.

A Guarda promocionarase no expositor de Turismo de Galicia e, o xoves ás 12.00 h, estará presente no acto organizado pola Deputación de Pontevedra no que se promocionará o Destino Rías baixas no Ano Europeo do Patrimonio Cultural.

Durante estas xornadas, a delegación da Guarda -formada polo alcalde, Antonio Lomba, a concelleira de Turismo, Montserrat Magallanes, e o concelleiro de Patrimonio, Javier Crespo- manterá diversas reunións con maioristas e asociacións de Turismo, co obxectivo de potenciar a promoción da vila guardesa como destino turístico.

Dentro da programación de actividades e encontros da representación guardesa nesta nova edición de FITUR, destaca tamén a participación no acto de entrega do Premio dos Destinos EDEN (European Destinations of Excellence) 2017, que terá lugar no expositor de Turespaña. Tras o acto, a técnica de Turismo do Concello da Guarda, Rosalía Verde, asistirá á reunión técnica dos Destinos EDEN que anualmente se celebra coincidindo coa celebración da feira.

A Guarda gaña peso no Camiño Portugués da Costa con 2.439 peregrinos no albergue en 2017

O Camiño Portugués da Costa non deixa de crecer en número de peregrinos e, como ven sendo habitual, os datos rexistrados na Guarda dan conta deste incremento en 2017. Durante o pasado ano, un total de 2.439 peregrinos pasaron a noite no albergue guardés, o que supón unha suba do 40% con respecto a 2016, e o triplo se o comparamos co ano 2015.

En canto a súa procedencia, a meirande parte dos visitantes chegan dende o estranxeiro. Portuguesa, alemá e polaca son as nacionalidades máis habituais entre os peregrinos que visitan A Guarda, aínda que tamén contamos con visitantes procedentes de países tan afastados como Corea, Vietman, China, Canadá ou Estados Unidos. De entre eles, moitos continúan o seu camiño cara O Rosal e Oia tras cruzar o río Miño, namentres outros escollen o albergue guardés ou algúns dos establecementos hoteleiros da vila para pasar a noite.

Agárdase que esta tendencia ascendente da popularidade do Camiño Portugués da Costa se manteña durante o presente o ano. Conta disto da a visita dos 155 peregrinos procedentes do norte portugués que o pasado sábado, 13 de xaneiro, realizaron a etapa dende Caminha ata Mougás (Oia) e foron recibidos polo alcalde do Concello da Guarda, Antonio Lomba, e o concelleiro de Patrimonio e Deporte, Xavier Crespo, ao seu paso pola vila guardesa.

Horario do transbordador A Guarda-Caminha do martes 16 ao domingo 21 de xaneiro

Esta semana as saídas do transbordador veranse afectadas pola marea baixa. Polo tanto, achégase a táboa cos horarios definitivos ata o domingo 21 de xaneiro coas saídas confirmadas e aquelas que sofren algunha variación están marcadas.

Para máis información, recoméndase chamar ao despacho de billetes (Tel. 986 61 15 26) no horario de atención ao público, de 10:00 a 13:00 e de 15:00 a 20:00 horas.

O ano despídese con cultura, un «Chapuzón Navideño» e a visita da Apalpadora na Guarda

A programación cultural de cara a fin de semana comezará mañá con música e cinema familiar, dando paso uns últimos días do ano cheos de plans para todos os públicos, con teatro, xogos acuáticos e a visita da Apalpadora.

Mañá, 28 de decembro, continuará «Música na rúa» coa actuación de A Boalleira a partir das 11:00 horas. O grupo de gaitas percorrerá a vila amenizando a mañá aos guardeses e guardesas e introducíndonos no ambiente festivo propias destas datas. Paralelamente, todas aquelas persoas que se acheguen á Praza de Abastos poderán gozar dun chocolate quente de balde.

Xa pola tarde, os máis pequenos da casa e as súas familias terán unha cita co mellor cinema de animación no Centro Cultural. A programación do ciclo «Cinema de Nadal» comeza mañá ás 17:30 coa proxección de «Vaiana», unha divertida película de animación que narra a historia dunha rapaza que desexa navegar polo océano e coñecer mundo. A entrada será gratuiíta e libre ata completar as prazas dispoñibles.

O venres, 29 de decembro, o Centro Cultural acollerá a obra de teatro «Cranios privilexiados… ou crítica da razón perralleira» , dirixida ao público adulto. O público poderá asistir, a partir das 21:00 horas, ao novo espectáculo cómico do dúo Mofa e Befa, no que a filosofía será a gran protagonista. A entrada será de balde e o tícket poderá recollerse no Centro Cultural ou o departamento de Cultura do Concello da Guarda.

Xa o sábado, pequenos e maiores poderán achegarse á Piscina Municipal para despedir o ano na auga. O «Chapuzón Navideño» comezará ás 11:00 horas e contará cun gran inchable acuático no interior da piscina. Esta actividade é de balde e non precisa de inscrición previa.

A música polas rúas guardesas continuará tamén o sábado coa Charanga Cantos Somos a partir das 11:00 da mañá percorrendo distintos puntos da vila. Xa pola tarde, a Apalpadora achegarase á Guarda para falar coas nenas e nenos e entregarlles landras para plantar nos nosos montes. A cita será ás 19:00 horas na Casa dos Alonso.

Horario semanal do transbordador A Guarda – Caminha do mércores 27 ao domingo 31 de decembro

Esta semana as saídas do transbordador veranse afectadas pola marea baixa. Polo tanto, achégase a táboa cos horarios definitivos ata o domingo 31 de decembro e quelas que sofren algunha variación aparecen marcadas.

Durante esta semana, co gaio da festividade de Nadal, o servizo será gratuíto, segundo anunciou o Município de Caminha en comunicado oficial. Para máis información, recoméndase chamar ao despacho de billetes (Tel. 986 61 15 26) no horario de atención ao público, de 10:00 a 13:00 e de 15:00 a 20:00 horas.

1
…
13
14
15
16