Festa da Langosta e da cociña mariñeira (programa completo)

XXVII FESTA DA LANGOSTA E DA COCIÑA MARIÑEIRA.

30 de xuño, 1 e 2 de xullo no Porto da Guarda

Festa de Galicia de interese turístico.

VENRES 30 DE XUÑO

Na Praza do Reló:

21:00 Intervención do Alcalde da Guarda, D. Antonio Lomba Baz

21:15 Lectura do Pregón a cargo do BRUXO QUEIMAN e ANDREA POUSA. O actor vigués Bruxo Queiman e a cantante tomiñesa Andrea Pousa están recoñecidos como os “Embaixadores e difusores da Cultura Atlántica”.

No porto:

22:00 Apertura da carpa da XXVII Festa da Langosta e da Cociña Mariñeira.

23:00 Actuación de QUEIMAN E POUSA na carpa co espectáculo <MÍLSON’S>. Novo espectáculo concerto que mistura o legado tradicional das cancións mariñeiras con ritmos e melodías máis actuais. Unha atractiva e orixinal proposta sonora e visual.

SÁBADO 1 DE XULLO NO PORTO

Pola mañá:

10:00 Pasarúas a cargo do grupo tradicional O TREBÓN DOS XIDOS

11:00 Apertura da carpa coa actuación do grupo tradicional O TREBÓN DOS XIDOS

12:00 XXII Travesía a nado Porto da Guarda

12:30 Actuación d grupo pop-rock da Guarda SONGODIN’S

Pola tarde: Actividades para os nenos e familia

19:30 Espectáculo de animación de rúa A TROPA DO DOUTOR MILAGRE

21:30 Actuación de GOSSIP BUFÓN, humor adulto

23:00 Serán mariñeiro con grupos de música tradicional

DOMINGO 2 DE XULLO NO PORTO

Pola mañá:

10:00 Pasarúas a cargo do grupo tradicional O TREBÓN DOS XIDOS

11:00 Apertura da carpa coa actuación do grupo tradicional O TREBÓN DOS XIDOS

12:30 Actuación do grupo de pop-rock da Guarda SONGODIN’S

Pola tarde: Actividades para os nenos e familia

19:00 Show máxico infantil de POPÍN PALOMERO

20:30 NOITE DE FADO. Actuación estelar de MARÍA DO CEO.

DURANTE O FIN DE SEMANA

-La recoñecida Feira de Artesanía na rúa Porto.

– Tren turístico que recorrerá as rúas do municipio.

– Visitas guiadas na REDE DE MUSEOS: Museo do Mar, Castelo de Santa Cruz e Monte Santa Trega.

 

Horario semanal do ferry A Guarda – Caminha ata o domingo 11 de xuño

Esta semana o ferry de A Guarda e Caminha verase novamente afectado pola marea baixa e isto provocará cambios nos horarios de saída e cancelacións.

Polo tanto achégase o horario definitivo ata o domingo 11 de xuño coas correspondentes aclaracións nas casillas dos horarios que sofren algunha variación ou cancelación:

  • As saídas canceladas por descanso de persoal ou pola marea baixa están indicadas con NON na casilla.

  • Aquelas saídas que modifican a hora de saída para axustarse a marea baixa están detalladas na propia casilla coa hora de saída de Caminha e de A Guarda

  • As casillas con“non asegurada” refírese as saídas non aseguradas ata o mesmo día xa que será o patrón do ferry quen indique se hai suficiente calado.

Para máis información, recomendase chamar ao despacho de billetes 986 61 15 26 no horario de atención de 10:00 a 13:00 e de 15:00 a 20:00.

Aberto o prazo para a presentación de instancias para unha praza de persoal para a Oficina de información turística do Concello da Guarda

Hoxe luns 29 de maio publicouse no Boletín Oficial da Provincia a convocatoria e bases para a contratación dunha praza de persoal para a oficina de información turística do Concello da Guarda.

Esta praza está ao abeiro da subvención convocada pola Axencia de Turismo de Galicia por Resolución de 29 de decembro de 2016. Na que se establece a duración dende a sinatura do contrato ata o 15 de setembro de 2017, cunha xornada de 37,5 horas semanais, de luns a domingo, co horario que determine a Concellería de Turismo do Concello de A Guarda

A esta praza laboral temporal só se poderán presentar as persoas que estean en posesión da seguinte titulación: Técnico superior de información e comercialización turística ou técnico superior en guía, información e asistencia turística; técnico en empresas e actividades turísticas; ou grao ou diplomado/a en turismo ou equivalente homologado ou ben contar coa habilitación de guías se turismo. Ademais deberán ter a nacionalidade española, ter cumpridos os 16 anos de idade e estar desempregado/a.

O prazo para a presentación de instancias será de dez días hábiles dende o día seguinte ao da publicación do anuncio da convocatoria no Boletín Oficial da Provincia.

A presentación de solicitudes poderá facerse ben no rexistro xeral do Concello, ben en calquera das formas establecidas no art. 16.4 da Lei 39/2015 do 1 de outubro, do Procedemento Administrativo Común das Administracións Publicas.

Enlace das bases publicadas no BOP de Pontevedra:

http://www.boppo.depo.es/web/boppo/detalle/-/boppo/2017/05/29/2017020343

Horario semanal do servizo do ferry A Guarda – Caminha ata o domingo 4 de xuño

Esta semana as saídas do ferry apenas se veran afectadas pola marea baixa. Tan só provocará algunhas cancelacións o martes e mércores.

Polo tanto achégase o horario definitivo ata o domingo 4 de xuño onde se indica as saídas canceladas polas mareas con NON na casilla correspondente. Ademais están marcadas as casillas con“non asegurada” as saídas non aseguradas ata o mesmo día xa que será o patrón do ferry quen indique se hai suficiente calado. Por iso, recomendase chamar ao despacho de billetes 986 61 15 26 no horario de atención de 10:00 a 13:00 e de 15:00 a 20:00.

Atl. Guardés Campión de liga!!

O concello da Guarda felicita ao club Mecalia Atl. Guardés de balonmán feminino por acadar o campionato de liga na división de honra nesta tempada 2016-2017. Un éxito histórico para o club e para o deporte Guardés e Galego.

Gracias a toda a familia do balonmán por darnos esta inmensa alegría e por facer posible un soño que compartimos con tódolos veciños e veciñas.

Mañá domingo, a partir das 18:00 h, haberá unha recepción oficial no concello da Guarda, na praza do Reló, durante o paseo que o equipo fará polas principais rúas da Vila para celebrar o campionato de liga.

Segundo fin de semana da ruta gastronómica Tapearte en 23 locais da Guarda

Neste fin de semana tan importante para o deporte da Guarda continúa a ruta gastronómica de Tapearte.

Despois da excelente acollida da ruta no primeiro fin de semana esperase que os participantes continúen realizando a ruta nos 23 restaurantes e bares participantes. Esta ruta celebrase os venres, sábados e domingos ata o 18 de xuño co horario de12.00 a 14.00 horas e de 19.00 a 22.00 horas.

Recorda solicitar o teu pasaporte, selar nos establecementos onde degusta a tapa e marcar a túa valoración. Deste xeito serás parte do xurado que decidirá que establecemento elabora a Mellor Tapa de TAPEARTE 2017.

En agradecemento a túa participación na ruta e no concurso poderás optar a agasallos. Haberá un premio directo aos entreguen o pasaporte con un mínimo de 15 selos, o premio é un pack de reloxo e bolígrafo do deseñador Antonio Miró e terán que recollelo na Oficina de Turismo. Tamén haberá un sorteo de 9 mochilas e 9 altavoces inalámbricos entre os pasaporte entregados nas urnas e que conteñan os datos de contacto completos e un mínimo de 7 selos. Haberá urnas para depositar os pasaporte nos establecementos adheridos e na Oficina de Turismo do Concello.

Organiza Concello A Guarda coa colaboración dos 23 restaurantes e bares da Guarda. Patrocina: Disramo.

 

 

Horario do ferry A Guarda – Caminha ata o domingo 28 de maio

Esta semana o ferry de A Guarda e Caminha verase novamente afectado pola marea baixa e isto provocará cambios nos horarios de saída e cancelacións durante as mañás.

Polo tanto achégase o horario definitivo ata o domingo 28 de maio. A continuación, poden consultar os horarios no cadro pero deben ter en conta que as saídas canceladas están indicadas con NON na casilla e as saídas que modifican a hora de saída para axustarse a marea baixa están detalladas na propia casilla coa hora de saída de Caminha e de A Guarda.

Para máis información, recomendase chamar ao despacho de billetes 986 61 15 26 no horario de atención de 10:00 a 13:00 e de 15:00 a 20:00.

Este vernes 19 de maio comeza Tapearte, a ruta de tapas a 2 € en 23 locais da Guarda

Hoxe presentouse na Casa dos Alonso a quinta edición da ruta “Tapearte” que naceu en 2013 vinculada a elaboración das Alfombras florais do Santísimo.

A esta presentación asistiron o alcalde Antonio Lomba Baz, a Concelleira de Turismo Montserrat Magallanes e a maior parte dos hosteleiros que amosaron as súas propostas nunha gran mesa. O Alcalde na súa intervención destacou a calidade das tapas que é a mostra do bo facer da nosa hosteleria. Tamén indicou que aumentou o número de establecementos e nesta edición son 23 restaurantes e bares os que ofrecerán a tapa a 2 € (sen consumición).

Pola súa banda, a Concelleira de Turismo resaltou a importancia do traballo dos hosteleiros para que esta iniciativa se leve a cabo un ano máis. Ademais dende a primeira edición a ruta foi crecendo tanto nas datas como no seu formato grazas a boa acollida desta ruta. Para rematar indicou que nesta edición se adiantou o comezo para o peche coincidise coa celebración das Alfombras florais do Santísimo o domingo 18 de xuño.

Polo tanto, a ruta celebrarase durante 5 fins de semana: os venres, sábados e domingos dende o venres 19 de maio ata o domingo 18 de xuño. Atendendo as suxestións dos participantes en edicións pasados amplíase o horario de 12.00 a 14.00 horas e de 19.00 a 22.00 horas.

Na ruta participan 23 restaurantes e bares do Concello da Guarda e cada un ofrecerá a súa proposta a un prezo unitario de 2 €. A consumición non está incluída neste prezo. Ademais buscase potenciar o concepto de ruta polo que os participantes disporán dun pasaporte co relatorio dos establecementos adheridos.

Para fomentar a elaboración de tapas de calidade entre os establecementos adheridos organízase o Concurso da Mellor Tapa de TAPEARTE 2017. Os participantes serán os responsables de valorar as tapas e coas súas puntuacións serán os que escollen o establecemento que elabore a mellor tapa. As tapas valoraranse de 1 a 6, sendo 6 a maior puntuación. Tamén se recoñecerá ao establecementos que ofreza o maior número de tapas.

E os participantes tamén poderán optar a agasallos por participar na ruta. Haberá un premio directo aos entreguen o pasaporte con un mínimo de 15 selos, o premio é un pack de reloxo e bolígrafo do deseñador Antonio Miró e terán que recollelo na Oficina de Turismo. Tamén haberá un sorteo de 9 mochilas e 9 altavoces inalámbricos entre os pasaporte entregados nas urnas e que conteñan os datos de contacto completos e un mínimo de 7 selos. Haberá urnas para depositar os pasaporte nos establecementos adheridos e na Oficina de Turismo do Concello.

O evento de hoxe permite promocionar a ruta nos medios de comunicación e nas redes sociais. Ademais nesta edición fíxose un esforzo na campaña de difusión con cuñas publicitarias en varias emisoras de radio e colocáronse dúas vallas publicitarias en Tui e Vigo.

Unha vez presentadas as tapas agora tan só hai que decidir cal é o primeiro establecemento onde comezar a ruta.

Organiza Concello A Guarda coa colaboración dos 23 restaurantes e bares da Guarda. Patrocina: Disramo

.

 

 
   

 

A Rede de Museos da Guarda celebra o Día dos Museos con tres obradoiros para todo o público

O próximo xoves 18 de maio celébrase o Día dos Museos polo que se organizan diferentes obradoiros na Rede de Museos da Guarda para conmemorar esta data.

Durante a fin de semana do 20 e 21 de maio terán lugar os tres obradoiros gratuítos e dirixidos ao público en xeral e nenos a partir dos 7 anos. As prazas para cada obradoiro son limitadas polo que se establece unha inscrición previa 30 minutos antes do comezo do mesmo. Deste xeito, asegúrase que os interesados asistan a actividade en concreto.

O obradoiro de “CERÁMICA CASTREXA” será o primeiro e realizarase o sábado 20 ás 12.30 h no entorno da Ermida de Santa Trega. A inscrición realizarase a partir das 12.00 no MASAT, Museo Arqueolóxico de Santa Trega, e en caso de choiva farase no interior deste museo. Neste obradoiro os participantes coñecerán as diferentes técnicas de modelado, a transformación do barro en cerámica ou as súas utilidades na vida dun castro. Ademais, empregarán as mans e as ferramentas necesarias para crear a súa peza de cerámica.

O sábado ás 17.00h está previsto o segundo obradoiro “ELABORACIÓN DE NUDOS MARIÑEIROS” no Museo do Mar. A inscrición farase no mesmo museo 30 minutos antes. Os protagonistas deste obradoiro serán os participantes que aprenderán a realizar os nudos mariñeiros das mans expertas de Luis Lomba Martinez, mariñeiro da Guarda xa retirado. Polo que poderán coñecer a importancia dos nudos mariñeiros no traballo dun mariñeiro.

O terceiro obradoiro terá lugar o domingo 21 ás 17.00h no Castelo de Santa Cruz. Ao igual que nos demais obradoiros, a inscrición farase 30 minutos antes no Centro de Interpretación das Fortalezas Fronteirizas. O obradoiro de “HERÁLDICA. DEBUXA O TEU ESCUDO” permitirá aos nenos coñecer a historia da Guarda e debuxar en láminas o seu escudo cunha técnica diferente.

Estas actividades están dentro do marco do Centenario do Museo Arqueolóxico de Santa Trega. Organiza Concello da Guarda coa colaboración do Padroado Municipal do Monte Santa Trega e a Deputación de Pontevedra.

As playas de Area Grande e O Muíño acadaron as Bandeiras Azuis para o 2017

Un ano máis as praias de “O Muíño” e “Area Grande” do Concello de A Guarda lucirán o distintivo internacional de bandeira azul.

A Asociación de Educación Ambiental y del Consumidor (ADEAC), e a rama española da Federación Europea de Educación Ambiental (FEE) fixeron público hoxe o listado de todas as bandeiras azuis que se concederon no territorio español para esta tempada de verán.

A praia de Area Grande e do Muíño obteñen este distintivo como recoñecemento á calidade medio ambiental e aos servizos que ofertan. Estas praias contan cos servizos esixidos por Bandeira Azul como paneis informativos, análise de augas, servizo de limpeza e de recollida de residuos, duchas e aseos, e o servizo de salvamento e socorrismo que atende aos dous areais e que comezará co arranque estival.

A praia “Area Grande” luciu por primeira vez este distintivo no ano 2009, e dende esa data, todas as tempadas o conseguiu. Pola súa banda, o areal “O Muíño”, renovou a bandeira azul no 2010. Ademais da bandeira azul esta praia fluvial tamén contará co distintivo “Ecoplayas”.

O concello da Guarda quere resaltar o esforzo realizado para a súa concesión no referente o mantemento e mellora das actuacións e servizos véndose recompensado un ano máis coas dúas bandeiras azuis para o concello.

Nesta resolución tamén se lle adxudicou o distintivo de “Sendeiro Azul” o camiño que une ambas praias. Este camiño ten o recoñecemento dende o ano 2013. A finais do pasado ano o Concello da Guarda enviou a documentación da candidatura para que as súas praias e o sendeiro conseguiran este distintivo. Despois de pasar un tribunal nacional e tamén un internacional, finalmente hoxe, publicouse o resultado.

Funcionamiento del ferry para esta semana y restricciones debido a la visita del Papa a Fátima

Esta semana está prevista la visita del Papa Francisco a la población portuguesa de Fátima y habrá restricciones en la frontera española-portuguesa desde el miércoles 10 al sábado 13 de mayo. Debido a las medidas de seguridad impuestas por el gobierno portugués tan solo estará permitido el tránsito fronterizo en Tui.

En consecuencia, esta semana el servicio del ferry se suspende del miércoles al sábado, ambos incluidos. Por lo tanto, el ferry funcionará el martes y el domingo pero con alguna restricción por la marea baja.

Para la próxima semana la previsión es que funcione con normalidad. Para cualquier aclaración se recomienda llamar al despacho de billetes 986 61 15 26 en el horario de atención de 10:00 a 13:00 y de 15:00 a 20:00

 

Horario do servizo do ferry ata o domingo 7 de maio

Esta semana as saídas do ferry apenas veranse afectadas pola marea baixa. Tan só haberá algunha cancelación polas tardes da fin de semana.

A continuación inclúese o cadro co horario definitivo ata o domingo 7 de maio. Os recadros en vermello indican que non se realiza esa saída por descanso de persoal ou ben por marea baixa nas tardes do sábado e domingo. Ademais marcouse en rosa e con asterisco aquelas saídas que non están garantidas ata o mesmo día xa que será o patrón quen indique si hai ou non suficiente calado. Por esta razón, recoméndase chamar ao despacho de billetes ao teléfono 986 61 15 26 e no horario de atención de 10:00 a 13:00 e de 15:00 a 20:00.

O alcalde da Guarda entregou o Premio ao Mellor Pincho da Lamprea do Miño 2017

Como acto de peche desta edición da Ruta do Pincho da Lamprea do Miño, este xoves 27 de abril o alcalde da Guarda, Antonio Lomba Baz e a Concelleira de Turismo, Montse Magallanes, entregaron os agasallos aos premiados no sorteo realizado entre os clientes participantes e o diploma ao Restaurante Bitadorna, gañador do Premio ao Mellor Pincho da Lamprea 2017.

Esta iniciativa celebrouse durante as dúas primeiras fin de semanas do mes de abril e contou con 8 establecementos adheridos. Entre estes o pincho do Bitadorna, que combinaba a innovación co protagonismo que debía ter a lamprea como centro da creación, foi elixido como gañador polos votos dados polos propios clientes nas papeletas que deixaron nos establecementos como parte do concurso ao mellor pincho da ruta.

Estas papeletas serviron ademais para sortear tres lotes de viño entre os clientes participantes, que tamén lles foron entregados esta mañá. O primeiro premio foi recollido polo agraciado, Felipe Vicente González (da Guarda) e consistiu en 3 botellas Rectoral de Umia (Albariño). O segundo e terceiro premio foron para Benedicto Sousa Álvarez (de O Rosal), con 3 botellas Rectoral de Amandi (Mencía) e Rafael Pablo Rodríguez Amenedo (da Guarda), con 3 botellas de Alanís (Ribeiro) e acudiron familiares de ambos a recollelos.

Remata así esta exitosa edición dunha iniciativa na que se repartiron máis de 500 pinchos cos que se buscou promocionar un destacado produto local e que, como dixo o alcalde da Guarda, cada día máis xente veña á Guarda a desfrutar das variadas experiencias gastronómicas que ofrece. Así, queda todo o mundo convidado a visitar A Guarda e achegarse a próximas edicións desta Ruta.

Horarios do ferry da Guarda e Caminha dende o martes 25 ao domingo 30 de abril

A falta de calado debido ás mareas baixas provoca que o ferry non poida navegar. Ademais, a escaseza de chuvias das últimas semanas pode provocar que se produzan cancelacións no mesmo día. Por estas razóns, algunhas viaxes teñen que ser canceladas.

Cada semana confírmanse as saídas garantidas segundo a previsión das mareas. Os horarios poden ser consultados na oficina do ferry ou no teléfono 986 61 15 26.

Durante esta semana, dende o día 25 ao domingo 30 de abril os horarios previstos serán os seguintes:

Os horarios son definitivos excepto aquelas saídas con asterisco (*) que non están aseguradas. Ata o mesmo día o patrón do ferry non sabe se terá o suficiente calado. Por isto recoméndase sempre asegurarse chamando ao número de télefono antes citado.

Máis de 50 persoas desfrutaron dunha saída de fin de semana á Serra do Courel

Tras varios anos levando a cabo andainas cunha gran acollida, foron numerosos os participantes das mesmas que amosaron o seu interese por organizar unha saída máis longa, que durase unha fin de semana e na que puideran coñecer novos recunchos galegos.

Finalmente este ano foi posible e vén de realizarse unha saída ao interior da nosa comunidade. Os días 22 e 23 de abril, 53 guardeses, guardesas e veciños da comarca puideron desfrutar dos grandes atractivos cos que conta a Serra Luguesa do Courel. Nunha saída organizada grazas a Eroski Viajes, a proposta do Concello da Guarda, todos aqueles que acudiron volveron máis que satisfeitos tras unha experiencia que incluía a viaxe de ida e volta e pensión completa nun aloxamento rural. Por isto, só tiñan que preocuparse de gozar e espremer ao máximo unha visita nunha paraxe natural incomparable e coa sorte de ter unha fin de semana de tempo estival.

Para mais información sobre as andainas organizadas polo Concello ou para anotarse nas rutas de agosto, setembro e outubro poden poñerse en contacto coa Oficina de Turismo da Guarda de maneira presencial de 9 a 14 horas de luns a venres, no teléfono 986 61 45 46 ou a través do correo electrónico turismo@aguarda.es.

O balance da Semana Santa na Guarda amosa uns excelentes resultados

Pasada a semana santa e unha vez coñecidos os datos recollidos pódese afirmar que A Guarda tivo unha excelente afluencia de visitantes e turistas durante esas datas.

Máis de 11.000 persoas visitaron o Monte Santa Trega dende o martes ao domingo. Outro aspecto a destacar é que en tan só 3 días máis de 500 persoas realizaron unha visita guiada ao Castro de Santa Trega polo que puideron coñecer en profundidade o noso castro grazas ás explicacións do guía. O número de persoas que accederon ao monte e aquelas que fixeron a visita guiada ao castro tiveron un incremento do 30% con respecto ao ano anterior. Con motivo do centenario do MASAT tamén se organizaron visitas guiadas no Museo Arqueolóxico de Santa Trega de martes a sábado con 215 persoas. O resultado foi positivo xa que os visitantes cada vez amosan un maior interese en coñecer o monte e o museo.

En canto aos datos recollidos no punto de información turística habilitado no MASAT, Museo Arqueolóxico de Santa Trega, amosan que se atenderon a 254 persoas en 100 consultas referidas ao castro e ao monte en xeral, que visitar na Guarda e os arredores. Madrid e Castela León son as procedencias máis destacada aínda que tamén houbo consultas de estranxeiros: Portugal, Francia, Alemaña, EEUU e Xapón. Sen esquecerse dos galegos, do interior como Ourense ou Lugo. Aínda que foron numerosos os visitantes da contorna e da provincia de Pontevedra.

Outra novidade desta semana santa foron as visitas guiadas ao casco histórico da Guarda. Estas visitas tiveron unha boa acollida, xa que unhas 80 persoas percorreron as nosas rúas e prazas comezando no porto pesqueiro, continuando en dirección ao casco antigo e seguindo ata o Castelo de Santa Cruz e de regreso de novo ao porto.

Segundo a enquisa realizada aos establecementos hoteleiros da Guarda a ocupación foi moi positiva comparando con anos anteriores. Algúns propietarios indicaron que tiveron unha ocupación do 75 % e outros acadaron o 100 %. Consultados os restaurantes tamén trasladaron que esta semana santa foi moi positiva e que non recordan outra similar con moitos clientes dende a fin de semana anterior. Algúns dos establecementos indicaron que dende o martes o traballo foi continuo como nas mellores semanas de agosto. Outro indicou que non puideron atender a toda a demanda que se achegou.

A combinación de bo tempo, o importante patrimonio e a excelente gastronomía demostrou que A Guarda continúa a ser un dos destinos máis visitados de Galicia.

 

 

O alumnado de 3º da ESO do IES A Sangriña realiza un mural-grafitti de benvida á Guarda

Os alumnos e alumnas da clase de 3º da ESO do Instituto A Sangriña están traballando na realización dun mural situado xunto a Alameda, na Rúa Galicia, e o alcalde da Guarda, Antonio Lomba e a Concelleira de Turismo, Montse Magallanes quixeron achegarse este xoves pola mañá ata o lugar.

Esta actividade forma parte de Urban Art Project, un proxecto interdisciplinar da Sección Bilingüe de 3º da ESO do IES A Sangriña, coordinado polos profesores Beatriz Núñez (Plástica), Alfredo Garrido (Música) e Rosana Moreira (Inglés) e que ten como obxectivo implicar á xuventude na vida económico-social da súa vila a través da arte.

Este proxecto comprende a elaboración dun mural-grafitti de benvida á Guarda e un video promocional da localidade destinada ao turismo estranxeiro, para o cal o centro conta coa axuda de Brais Martínez Villa. O resultado final, ese vídeo que se está a realizar, estará colgado na web do concello e de Turismo da Guarda.

A iniciativa, organizada dende o propio centro educativo en colaboración co Concello da Guarda, supón unha oportunidade para que o alumnado participe nun interesante proxecto multidisciplinar que ademais axuda a poñer en valor a riqueza da Guarda e a implicación da súa comunidade educativa.

A Guarda acolleu unha sesión informativa sobre o distintivo de calidade turística SICTED

A Casa dos Alonso foi o escenario escollido pola Deputación de Pontevedra para realizar unha sesión informativa dirixida principalmente ao sector turístico da comarca do Baixo Miño, que tivo lugar este xoves 20 de abril pola mañá.

Nesta reunión, á que acudiron o alcalde da Guarda, Antonio Lomba e a Concelleira de Turismo, Montse Magallanes, asistiron representantes de empresas turísticas e negocios do sector tanto da vila como das localidades veciñas. Ante eles o deputado de Turismo, Santos Héctor e Tania Abalde, a consultora que implanta o SICTED, presentaron o proxecto que está a impulsar a Deputación de Pontevedra de asesoramento gratuíto para implantar o distintivo de calidade turística SICTED.

Hai unhas semanas que comezou unha campaña informativa e de captación de novas empresas, e o deputado destacou que máis de 50 empresas xa solicitaron a súa adhesión para acadar este distintivo. Tras a reunión foron moitos os empresarios da zona que tamén se interesaron en ser incluídos no mesmo, xa que as empresas que acaden o distintivo poderán mellorar o seu funcionamento e certificarán que o servizo que prestan é de calidade. O prazo para adherirse ao proxecto da Deputación estará aberto ata o 14 de setembro e todo o que o desexe pode informarse directamente na Oficina de Turismo do Concello da Guarda. Unha vez finalizado este prazo virá a formación e o asesoramento coas empresas e rematarase cunha avaliación. En última instancia será a Secretaría General de Turismo quen valore cales son as propostas que deban ser recoñecidas co distintivo SICTED.

En total existen 203 empresas que contan co distintivo de calidade turística no Destino Rías Baixas da provincia de Pontevedra e, grazas a esta iniciativa poderase mellorar aínda máis a prestación de servizos en lugares tan turísticos como A Guarda, que cada día máis son un referente para o sector.

A Ruta do Pincho da Lamprea do Miño 2017 conclúe col sorteo de agasallos e a elección do pincho máis valorado

Este mércores día 19 de abril tivo lugar, no Concello da Guarda, a realización do sorteo de agasallos entre os participantes da Ruta do pincho da lamprea do Miño 2017 e o previo reconto do Concurso ao mellor pincho da ruta. Esta iniciativa celebrouse na Guarda as dúas primeiras fin de semanas deste mes de abril e tivo unha gran acollida.

A ruta, que naceu por iniciativa dos viveiristas e pescadores da lamprea da Guarda para dar a coñecer e promocionar este produto, contou con 8 establecementos que ofreceron pinchos coa lamprea como protagonista a un prezo único de 2 euros. Ademais de degustar a lamprea, esta ruta permitiu aos clientes valoralos e ser xurado do concurso cos votos depositados nas urnas dos establecementos, puntuando do 1 ao 6 cada pincho.

Tras facer o reconto, o resultado foi a elección do restaurante Bitadorna como o establecemento que ofreceu o mellor pincho nesta edición. Ademais, o reconto de papeletas tamén achega un número estimado de pinchos servidos, que nesta edición rondou os 500. As procedencias foron do máis diversas, dende os que viñan da Guarda ou localidades veciñas como O Rosal ou Oia; pasando por xente de concellos de toda a provincia como O Porriño, Nigrán ou Redondela e ata doutras provincias de Galicia ou de fóra, como Madrid ou a vila portuguesa de Braga.

Entre todos os participantes que cubriron e entregaron as papeletas sorteouse esta mañá tres lotes de viño, que serán entregados o vindeiro mércores 26 de abril, ás 12 horas, no Concello da Guarda. Os gañadores foron:

1º- Felipe Vicente González (A Guarda): 3 botellas Rectoral de Umia (Albariño).

2º- Benedicto Sousa Álvarez (O Rosal): 3 botellas Rectoral de Amandi (Mencía).

3º- Rafael Pablo Rodríguez Amenedo (A Guarda): 3 botellas de Alanís (Ribeiro).

Con este sorteo dáse por rematada unha ruta que tivo unha gran acollida e que esperase poder repetir o vindeiro ano, xa que deixou unha gran satisfacción e un bo sabor de boca tanto aos establecementos como aos clientes que participaron e permitiu que moita xente puidera descubrir ou volver a desfrutar dun recoñecido produto local como é a lamprea.

A Guarda adica a fin de semana ao Día Internacional do Libro

Este domingo día 23 de abril conmemórase o Día Internacional do Libro e, dende A Guarda, organizan diversas actividades para que pequenos e maiores poidan celebrar e desfrutar desta importante data.

Como xa fora anunciado a finais de marzo, durante todo este mes o Libro está a ser o gran protagonista da programación da Concellería de Cultura coa campaña “Abril Mes do Libro”. Esta inclúe un “Certame de Microrrelatos”, no que todo o que quixo puido presentar dende o 1 ata o 18 de abril a súa obra. A partir deste mércores día 19 e ata o sábado 29 de abril, os máis de 30 traballos presentados estarán expostos no Centro Cultural da Guarda. Os participantes recibirán un pequeno agasallo na Biblioteca Municipal, o venres 21 ás 18 horas, en agradecemento pola súa colaboración. Tamén se impulsou a iniciativa “Mochilas viaxeiras de Semana Santa” entre os nenos e nenas da vila durante estes pasados días festivos.

Ademais, nesta fin de semana na que se celebra o Día Internacional do Libro, concéntranse tres actividades adicadas a el. O venres 21 ás 21 horas, o Centro Cultural acollerá unha sesión de cinema especial polo Día do Libro na que se poderá ver o filme “Al encuentro de Mr. Banks”, que retrata a historia de como Walt Disney conseguiu facerse cos dereitos da obra “Mary Poppins” para levala ao cinema.

E a campaña polo mes do libro remata o sábado día 22, con dúas actividades no Centro Cultural. Pola mañá, ás 11’30 horas, volven os Contos Contados polo Día Internacional do Libro co espectáculo “As historias de Kamishibai”. E por último, ás 17’30 horas, proxectarase unha nova película relacionada co mundo da literatura: ‘Cenicienta’. Pecharase así un mes adicado a celebrar o Libro e todo o que significa, así como a promover o valor da literatura e o hábito da lectura entre os guardeses e guardesas.

O Alcalde da Guarda e o Presidente de Caminha presentan o tren turístico que unirá as dúas vilas

O tren turístico é unha alternativa de entretemento para os visitantes que se achegan ata Caminha e A Guarda e que aproveitan esta oportunidade de percorrer as vilas empregando un tren que incluirá as explicacións dunha guía.

Hoxe mércores 12 de abril tivo lugar no entorno do porto pesqueiro a presentación do tren turístico que dará a coñecer A Guarda e Caminha aos visitantes ata o vindeiro outono. Neste acto estiveron presentes os medios de comunicación galegos e portugueses e os representantes das Asociacións de empresarios da Guarda e da Confraría de Pescadores de Santa Trega.

Segundo indicou Roberto Martínez, xerente da empresa do tren turístico, durante estas primeiras semanas o tren realizará diferentes percorridos para definir os horarios e recorridos máis adecuados en función do tráfico e do horarios do ferry. Ademais a empresa manterá encontros co sector da restauración e así poder ofertar paquetes turísticos máis completos. Xa que a previsión é que o tren turístico se manteña ata mediados de outubro en funcionamento. Polo que se ofrecerán diferentes percorridos e horarios para os visitantes e de paquetes turísticos xa pechados para grupos concertados.

Para as datas de Semana Santa, de xoves a domingo, o tren turístico ofrecerá recorridos polo casco urbano da Guarda con saídas ás 10.00, 11.00 e 12.00. E aqueles que queiran visitar a vila de Caminha cruzando o Miño co ferry terán dúas saídas. A primeira saída é ás 13.00 e regreso ás 15.00h e a segunda saída é ás 17.00 e regreso ás 19.00h. Estes horarios foron desexados debido ao funcionamento do ferry. Todas as saídas serán dende o porto, xunto ao monumento ao mariñeiro e a lonxa.

 

A GUARDA CELEBRA A SEMANA SANTA CON VISITAS GUIADAS E PROCESIÓNS

O completo programa e o bo tempo permite que veciños, visitantes e turistas gocen da Semana Santa na Guarda. Este ano destaca a oferta de visitas guiadas para achegar a historia e o patrimonio aos interesados.

Para atender as consultas habilitouse un punto de información turística no MASAT, Museo Arqueolóxico de Santa Trega, do martes 11 ao sábado 15 de abril de 11.00 a 14.00 e de 16.00 a 19.00h. Para calquera dúbida tamén pódese contactar no tel. 986 61 45 46.

Como novidade esta Semana Santa ofrécense visitas guiadas polo casco antigo e Castelo de Santa Cruz que permiten coñecer a historia da Guarda a través do patrimonio percorrendo as rúas e prazas do casco histórico incluíndo ao Castelo de Santa Cruz. Estas visitas comezaron o sábado pasado e realizaranse diariamente ata o sábado 15 de abril cunha duración de 90 minutos. Estas visitas guiadas comezan ás 12.00 h e o punto de comezo: porto da Guarda (diante da Igrexa de San Benito).

Ademais como cada ano realizaranse visitas guiadas ao Monte Santa Trega de 30 minutos de duración. Con motivo do centenario do Museo Arqueolóxico de Santa Trega realizaranse visitas guiadas ao MASAT nas que se amosarán as pezas expostas no museo e que foron atopadas durante as escavacións do castro. De martes 11 a sábado 15: ás 12.00h, 13.00h e 17:00h e o punto de comezo: entrada do Museo.

Sen esquecer as habituais visitas ao Castro de Santa Trega. De xoves 13 ao sábado 15: ás 11.00 – 12.00 – 13.00 / 16.00 – 17.00 – 18.00. O punto de comezo é a explanada da casa Forestal, a casa en pedra que se atopa despois de cruzar a zona escavada do castro.

As visitas guiadas son gratuítas e poden participar os interesados en descubrir o patrimonio e historia do Monte Santa Trega e do casco urbano. Para asistir as visitas non é preciso inscrición previa tan presentarse á hora de comezo no punto de encontro.

En canto aos horarios da Rede de Museos da Guarda:

  • MASAT– MUSEO ARQUEOLÓXICO DE SANTA TREGA. 10:00 – 20:00 (Excepto luns)

  • MUSEO DO MAR- ATALAIA. De xoves a domingo: 11:00 – 14:00 / 16:00 – 19:00

  • CASTELO DE SANTA CRUZ como espazo público: 10:00 – 21:00

  • CENTRO DE INTERPRETACIÓN DAS FORTALEZAS DO MIÑO. De xoves a domingo: 11:00 – 14:00 / 16:00 – 19:00

O ferry de A Guarda – Caminha xa comezou a traballar o pasado sábado 8 de abril co seu horario habitual.

En canto aos actos relixiosos máis destacados son as procesións. O xoves santo destaca a Procesión dos pasos ás 20.30h e o venres santo ás 11.00h Procesión do Santo Encontro e ás 20.30 a Procesión do Santa Enterro.

A Semana Santa da Guarda pecha coas Festas da Pascua de Buxán. O sábado 15 destacan os concorridos con xogos populares ás 16.00h e a verbena a partir das 23.00. O domingo 16 reservase a mañá para zorzada e polbo á feira e amenizada polo grupo Airiños do Folón. Para a tarde a festa do biscoito ás 16.00h e ás 19.30h o broche ás festas será a cargo da actuación do Grupo Abóbriga.

Más info en Facebook Turismo A Guarda

Última fin de semana da Ruta do Pincho da Lamprea do Miño na Guarda

 

O sábado 8 e o domingo 9 de abril son as derradeiras datas para degustar a lamprea en formato pincho a un prezo único de 2 €

Despois do primeiro fin de semana o viveirista e os restaurantes e bares que participan na Ruta do Pincho da Lamprea do Miño mostraron a súa satisfacción e afirman que a lamprea é un produto moi valorado na Guarda e entorno. Inclusive que grazas a esta ruta as novas xeracións comezan a probar este peixe grazas as diferentes elaboracións que ofrecen os establecementos participantes.

Polo tanto, esta campaña gastronómica continúa esta fin de semana dando a coñecer este valorado peixe en horario de 11.00 a 13.30 horas e de 19.00 a 20.30 horas.

Ademáis de degustar a lamprea os participantes serán os responsables de escoller o establecemento no Concurso do Mellor Pincho da Lamprea do Miño xa que puntúan cada pincho mediante unha papeleta que cumprimentan e depositan nas urnas dispoñibles en cada establecemento.

Para premiar a fidelidade dos participantes haberá un sorteo entre todas as papeletas depositadas nas urnas. O sorteo dos agasallos realizarase o mércores 19 de abril :

  • 1º Unha caixa de 3 botellas de viño Albariño da Adega Rectoral do Umía

  • 2º Unha caixa de 3 botellas de viño Mencía da Adega Rectoral de Amandi

  • 3º Unha caixa de 3 botellas de viño Ribeiro da Adega Alanís

 Organiza: Viveirista e pescadores do Miño da Guarda e patrocina: Concello da Guarda

Participan 8 restaurantes e bares da Guarda: AS POZAS, BITADORNA, BRÉTEMA, BRISAMAR, REST. CAMPING SANTA TECLA, JAMONERÍA ANABEL, MARBELLA, XEITO

O ferry da Guarda e Caminha retoma o seu funcionamento habitual

A partir do sábado 8 de abril o ferry volverá a unir as dúas ribeiras do Miño.

A paralización do servizo do ferry debeuse a que estivo no estaleiro dende marzo para acometer os traballos de mantemento anuais.

Unha vez rematados este traballos o ferry retoma o seu servizo e manterá o horario de inverno que habitualmente estaba realizando.

Aínda que mellorou a navegabilidade pode haber cancelacións moi puntuais coas mareas máis baixas ou cando haxa néboa espesa que non permita a visibilidade no río. Por iso, recomendase informarse no mesmo día no teléfono do despacho de billetes: (+34) 986 61 15 26 no horario de atención de 10:00 a 13:00 e de 15:00 a 20:00.

AMPLO PROGRAMA PARA A SEMANA SANTA NA GUARDA

A Rede de Museos, visitas guiadas ao Monte Santa Trega e ao casco antigo e castelo de Santa Cruz, as celebracións relixiosas e as Festas de Buxán forman un completo programa de actividades que permitirán que veciños, visitantes e turistas gocen da Semana Santa na Guarda.

 O Concello da Guarda ofrece un interesante programa para a Semana Santa onde as visitas guiadas serán protagonistas. Estas visitas guiadas son gratuítas e están dirixidas a todos os interesados e deste xeito podan descubrir o patrimonio e historia do Monte Santa Trega e do casco urbano. Para asistir as visitas non é preciso inscrición previa tan presentarse á hora de comezo no punto de encontro.

Como novidade esta Semana Santa ofrécense visitas guiadas polo casco antigo e Castelo de Santa Cruz que permitirán coñecer a historia da Guarda a través do patrimonio percorrendo as rúas e prazas do casco histórico incluíndo o Castelo de Santa Cruz. As visitas comezarán ás 12.00h e realizaranse do sábado 8 ao sábado 15 de abril cunha duración de 90 minutos. Punto de comezo: porto da Guarda (diante da Igrexa de San Benito)

Ademais como cada ano realizaranse visitas guiadas ao Monte Santa Trega de 30 minutos de duración pero en dous formatos e que permitirán dar a coñecer o patrimonio arqueolóxico, a paisaxe e a relixiosidade. Con motivo do centenario do Museo Arqueolóxico de Santa Trega realizaranse visitas guiadas ao MASAT nas que se amosarán as pezas expostas no museo que foron atopadas durante as escavacións do castro. De martes 11 a sábado 15: Punto de comezo: entrada do Museo ás 12.00h, 13.00h e 17:00h. Sen esquecer as habituais visitas ao Castro de Santa Trega. De xoves 13 ao sábado 15: ás 11.30 – 12.30 – 13.30 / 16.00 – 17.00 – 18.00 e punto de comezo: Explanada da casa Forestal. Casa en pedra que se atopa despois de cruzar a zona escavada do castro.

En canto aos horarios da Rede de Museos da Guarda:

  • MASAT– MUSEO ARQUEOLÓXICO DE SANTA TREGA. 10:00 – 20:00 (Excepto luns)
  • MUSEO DO MAR- ATALAIA. De xoves a domingo: 11:00 – 14:00 / 16:00 – 19:00
  • CASTELO DE SANTA CRUZ como espazo público: 10:00 – 21:00
  • CENTRO DE INTERPRETACIÓN DAS FORTALEZAS DO MIÑO. De xoves a domingo: 11:00 – 14:00 / 16:00 – 19:00

A previsión é que o ferry de A Guarda – Caminha retome o seu funcionamento a partir do sábado 8 de abril.

Para atender as consultas habilitarase un punto de información turística no MASAT, Museo Arqueolóxico de Santa Trega, do martes 11 ao sábado 15 de abril de 11.00 a 14.00 e de 16.00 a 19.00h. Para calquera dúbida, pódese chamar ao tel. 986 61 45 46.

A Semana Santa na Guarda xa comeza o venres 7 de abril coa celebración da Procesión Venres de Dor dende a Igrexa de Santa María as 21.00h.

Ademais este fin de semana poderase degustar a lamprea coa Ruta do Pincho da Lamprea do Miño en 8 bares e restaurantes. Esta é a última fin de semana para degustar a lamprea nun formato pincho a un prezo de 2 €.

Outra novidade para a Semana Santa da Guarda ven da man das Festas da Pascua de Buxán que celebran a primeira edición do Blessed Festival Buxán que ofrecerán música cun interesante cartel de Djs na Praza de Buxán dende as 23.00h

O domingo 9 terá lugar uns das celebracións relixiosas máis esperadas polas familias coa Bendición de Ramos e palmas no Auditorio da Praza de San Benito e despois misa cantada na Igrexa Parroquial.

Os eventos relixiosos máis destacados son as procesións. O xoves santo destaca a Procesión dos pasos ás 20.30h e o venres santo ás 11.00h Procesión do Santo Encontro e ás 20.30 a Procesión do Santa Enterro.

A Semana Santa da Guarda pecha coas Festas da Pascua de Buxán. O sábado 15 destacan os concorridos con xogos populares ás 16.00h e a verbena a partir das 23.00. O domingo 16 reservase a mañá para zorzada e polbo á feira e amenizada polo grupo Airiños do Folón. Para a tarde a festa do biscoito ás 16.00h e ás 19.30h o broche ás festas será a cargo da actuación do Grupo Abóbriga.

 

O Concello da Guarda e a Comunidad Terapéutica Alborada colaboran no coidado ambiental da zona da Senda Litoral da Guarda

A Comunidad Terapéutica Alborada de Tomiño, en colaboración co Concello da Guarda, está a levar a cabo unha actividade de promoción do coidado do medio ambiente nas praias e Senda Litoral da Guarda.

Esta iniciativa consiste na realización de saídas, durante tres fines de semana, a puntos da Senda e ás praias da Guarda, para realizar unha limpeza destes espazos co obxectivo de recoller todos aqueles materiais contaminantes que atopen. O Concello da Guarda, ante esta proposta, ofreceu a súa absoluta colaboración facilitando os materiais necesarios e o lugar para tiralos de maneira axeitada.

As dúas primeiras saída xa se realizaron o día 26 de marzo e pasado domingo día 2 de abril. Nestas, os oito usuarios do centro e a educadora que lles acompaña durante as saídas atoparon, entre outras cousas, moito poliespán e diferentes plásticos, así como material de pesca; todos eles materiais que agora xa non ensucian estes espazos e que poderán ser reciclados. A vindeira e última saída será este domingo 8 de abril.

Dende os dous organismos colaboradores mostran a súa satisfacción por poder levar adiante unha iniciativa que permite promover o coidado do medio ambiente, en especial en zonas de tanto valor natural como o litoral guardés. Iniciativas como esta son clave para concienciar sobre a importancia non só da limpeza e reciclaxe, senón da necesidade de conservar o patrimonio natural de todos tratando de ensuciar os espazos públicos o menos posible.

A ‘Ruta do pincho da lamprea do Miño’ volve á Guarda as dúas primeiras fin de semanas de abril

O alcalde da Guarda, Antonio Lomba Baz e a Concelleira de Turismo e Comercio, Montse Magallanes foron os encargados de presentar a ‘Ruta do pincho da lamprea do Miño 2017’, que volve este ano á Guarda, este venres ás 10 horas na Casa dos Alonsos.

Esta ruta, que tivo a súa primeira edición en 2014, orixinouse pola inquietude dos pescadores e viveirista da vila por promocionar e dar a coñecer o sabor dun produto da zona como é a lamprea. Este ano, a pesar da escaseza de capturas, volven a organizar unha nova edición, en colaboración co Concello, para mostrar ao público que a lamprea pode estar ao alcance de todos. Con esta finalidade, 8 locais guardeses ofrecerán pinchos coa lamprea como protagonista, a un prezo único de 2 euros, durante as dúas primeiras fin de semanas de abril.

O alcalde e a Concelleira estiveron acompañados neste acto por unha representación dos establecementos participantes, que amosaron aos presentes os pinchos que se poderán degustar durante os días 1, 2, 8 e 9 de abril en horario de 11.00 a 13.30 horas e de 19.00 a 20.30 horas. Entre estes había hamburguesas de lamprea, fideuá e outras creacións.

O alcalde iniciou a presentación falando do orgullo guardés que sinte cando representa á vila en eventos como FITUR ou a Gala de Turismo Rías Baixas que tivo lugar onte e na que A Guarda recibiu 3 diplomas de Calidade Turística. A sensación é que o bo facer do departamento de turismo é moi apreciado fóra da vila e que é grazas a iniciativas como esta ruta que se da a coñecer todo o que pode ofrecer A Guarda, que é moito.

Pola súa banda a Concelleira quixo agradecer aos establecementos que participan da ruta e aos pescadores e viveirista que orixinaron unha iniciativa moi importante para promocionar un produto da zona que para moitas persoas aínda é un descoñecido e para por en valor a gran calidade da gastronomía guardesa. Tamén agradeceu ós pescadores que impartiron aos escolares da vila as xornadas didácticas ‘Coñeces a lamprea?’ que despertaron un gran interese dos rapaces. O recibimento foi espectacular e os debuxos da lamprea que realizaron nos centros estarán expostos nos locais participantes.

Recordouse que todos aqueles que acudan a estes locais a probar os pinchos serán tamén os xuíces do Concurso do Mellor Pincho da Lamprea do Miño, puntuando cada pincho mediante unha papeleta que cumprimentarán e depositarán nas urnas dispoñibles en cada establecemento da ruta. Ademais, premiarase a fidelidade dos participantes cun sorteo de 3 lotes de vino entre todas as papeletas depositadas nas urnas.

Non queda máis que convidar aos veciños, veciñas e visitantes a desfrutar duns pinchos de gran calidade a un módico prezo, e aproveitar a oportunidade para acompañar esta experiencia gastronómica dunha boa compañía nun lugar tan fermoso como A Guarda.

O Concello da Guarda lanza a campaña “Abril Mes do Libro”

O mes de abril, que está a piques de comezar, é un dos meses máis destacados dentro da cultura e da literatura con dúas celebracións importantes como son o Día do Libro Infantil e Xuvenil, o 2 de abril, e o Día Internacional do Libro, o día 23.

Con motivo destas celebracións, o Concello da Guarda adicaralle ao libro diversas actividades durante todo o mes, encadradas na campaña “Abril Mes do Libro” que acollerá a Biblioteca Municipal da Guarda. A primeira iniciativa terá lugar esta fin de semana cunha nova cita dos Contos Contados para celebrar o Día do Libro Infantil e Xuvenil, con “Contos de Andersen”. Ademais tamén contará cun posterior obradoiro chamado “O meu libro favorito”, onde se fará un mural utilizando o enxeño e a pintura.

A segunda das actividades da campaña é o “Certame de Microrrelatos”, que está aberto a toda a cidadanía sen límite de idade. Os traballos poden presentarse, do 1 ao 18 de abril, tanto no Departamento de Cultura do Concello de 9 a 14 horas, como na Biblioteca Municipal das 17 a 20 horas ou sábados de 11 a 13 horas.

Os libros tamén serán protagonistas da Semana Santa coa iniciativa “Mochilas viaxeiras de Semana Santa”. E xa nas xornadas previas á celebración do Día Internacional do Libro temos 3 citas coa literatura e a cultura por esta data. O venres 21 de abril o cinema volve ao Centro Cultural, ás 21 horas coa proxección do filme “Al encuentro de Mr. Banks”. E a campaña polo mes do libro remata o sábado día 22, con dúas actividades no Centro Cultural. Pola mañá volven os Contos Contados polo Día Internacional do Libro co espectáculo “As historias de Kamishibai”. E por último, ás 17’30 horas, proxectarase unha nova película relacionada co mundo da literatura: ‘Cenicienta’.

Coa campaña “Abril Mes do Libro” a concellería de Cultura e a Biblioteca Municipal da Guarda buscan celebrar dúas datas tan sinaladas, como son o Día do Libro e o Día do Libro Infantil e Xuvenil, e tamén aproveitar esta ocasión para promover o hábito da lectura entre os guardeses e guardesas de tódalas idades.

O Concello da Guarda informa da execución das obras de peatonalización parcial da Praza do Reló

Nos próximas días o Concello da Guarda executará a obra de peatonalización parcial da Praza do Reló. Con esta obra eliminarase o tráfico e aparcamento na maioría da superficie da praza.

O concello informa aos veciños e veciñas que cando estea rematada a obra só poderán circular vehículos dende a rúa Bernardo Alonso a Cervantes, e dende a rúa Colón tamén a Cervantes.

Nesta nova disposición facilitarase un aparcamento para minusválidos e unha zona de carga e descarga. Os carrís de circulación estarán limitados por bolardos extraíbles de aceiro inoxidable e dotarase de mobiliario ao resto da praza.

A intención do Concello con esta actuación é por en valor a Praza do Reló como espazo de convivencia tranquila para todos os veciños e veciñas, dende os máis pequenos ata os avós.

1
…
20
21
22
…
24