A Guarda ven de instalar 15 paneis informativos con fotografías e informacións de interese sobre monumentos e fitos históricos da vila grazas a unha subvención con cargo ao Plan Concellos da Deputación de Pontevedra.
Esta actuación contou cun orzamento de 13,612,50€ para a posta en valor dos elementos e fitos históricos con paneis de 30x20cm que amosan fotografías, planos e textos sobre cada un deles, ademais dun código QR no que se pode acceder a unha páxina web na que ampliar máis información en varios idiomas, así coma fotografías panorámicas en 360º.
En total os paneis atópanse na Igrexa de Santa María, a Torre do Reló, a Igrexa Convento de San Bieito, o Manómetro Barométrico, a Capela de San Caetano, a Capela da Guía, a Capela de Santa Trega, a Igrexa da Nosa Señora da Visitación de Camposancos, o Cruceiro Pinto, a Capela de San Roque, a Igrexa de San Lourenzo de Salcidos, a Capela da Nosa Señora das Mercedes da Gándara, a Muralla Medieval da rúa Baixo Muro, a Muralla Medieval da rúa Ireira e a Praza San Marcos (Hospital).
No traballo de recopilación de informacións e fotografías contouse coa participación do becario de arquivo, da Concellería de Patrimonio, así coma de particulares que cederon material que é agora visible e do que pode gozar toda a cidadanía guardesa e visitantes.
O Concello da Guarda participou ao longo das xornadas do luns e martes no maior foro sobre os Camiños de Santiago, a FairWay celebrada no Palacio de Congresos e Exposicións de Galicia.
Despois da visita Famtrip ao Castro de Santa Trega do pasado xoves día 7 de febreiro, a cargo dun grupo de representantes de axencias de viaxes, tour operadores e periodistas especializados nos Camiños de Santiago a Concelleira de Turismo, Montserrat Magallanes e a Técnico de Turismo, Rosalía Verde, participaron en numerosas reunións con representantes de empresas e institucións de cara a promover iniciativas sobre o Camiño Portugués da Costa.
A principal acción no fairway foi a participación no workshop que é o espazo adicado as reunións de traballo con axencias nacionais e internacionais, tour operadores especializados en peregrinacións dende Italia, Australia, Brasil entre outros. Ademais houbo reunións con portais web e bloguers para dar a coñecer A Guarda non so como o primeiro concello galego do Camiño Portugués da Costa senón como referente turístico co monte Santa Trega, co Esteiro do Miño, o Porto pesqueiro….
Algunhas destas empresas xa coñecían A Guarda pero amosaron o seu interese en ampliar a súa oferta.
O Camiño Portugués da Costa é un dos principais atractivos do III Forum do Camiño de Santiago “Fairway” no Palacio de Congresos e Exposicións de Galicia, onde se realizaron multitude de actividades entorno aos Camiños de Santiago, con congresos, workshops e importantes reunións para potenciar o Camiño de Santiago, nas que tamén estivo presente o Concello da Guarda.
O Concello da Guarda estivo representado a pasada semana na 20º edición do Salón Internacional de Turismo Gastronómico celebrado en Expourense, evento que contou coa participación de 283 expositores e a presenza de 12 países.
Ao longo de 5 días esta feira recibiu máis de 24.000 visitas, contando con numerosos showcookings, demostración de produtos, conferencias, catas de viños e moitas actividades de promoción turística e gastronómica.
Un escaparate ideal para a promoción do Concello da Guarda a través do Restaurante Xeito que rexenta Carmen Baz, quen ofertou o menú «Porto da Guarda» contando cos pratos típicos da cociña mariñeira como o polbo, o peixe espada e, como non, a lagosta da Guarda.
En palabras de Carmen Baz «este é o 14º ano que participamos e a lagosta da Guarda tivo moito éxito, recibindo numerosos agradecementos e parabéns dos comensais».
O pasado xoves día 7 de febreiro un grupo de representantes de axencias de viaxes, tour operadores e periodistas especializados nos Camiños de Santiago visitaron o Castro de Santa Trega na Guarda dentro dunha Famtrip enmarcada na celebración da terceira edición da Feira Fairway, que arranca xa este luns en Santiago de Compostela.
Despois dunha viaxe dende terras portuguesas e tras cruzar o Río Miño no transbordador Ferry-Boat o grupo chegou ata o Castro de Santa Trega na Guarda, onde foron recibidos pola técnica local de Turismo, quen realizou unha visita guiada ao Monte Santa Trega, lugar que espertou a admiración e o interese de moitos deles, maravillados polas fermosas vistas panorámicas e unha paisaxe “de encanto”.
O Camiño Portugués da Costa será un dos principais atractivos do III Forum do Camiño de Santiago “Fairway” no Palacio de Congresos e Exposicións de Galicia, onde se realizarán multitude de actividades entorno aos Camiños de Santiago, con congresos, workshops e importantes reunións para potenciar o Camiño de Santiago, nas que tamén estará presente o Concello da Guarda.
O pasado venres día 1 de febreiro de 2019 celebrouse a penúltima Barferencia 2018-19 na Guarda, en concreto centrada no «Barrio de Mergelina, un modelo de restauración arqueolóxica» a cargo de Luis Francisco López González.
Esta foi a cuarta Barferencia do ciclo 2018-19 e celebrouse no bar O Couto de Camposancos, contando cunha gran afluencia de asistentes o que denota a importancia que ten para a poboación guardesa o xacemento arqueolóxico de Santa Trega.
Os asistentes coñeceron de primeira man como foron as novas actuacións realizadas, grazas a colaboración da Deputación de Pontevedra, no Castro de Santa Trega. Estas actuacións enmarcáronse no protocolo asinado co Ministerio de Fomento para a posta en valor dos xacementos galaico-romanos da provincia. A institución provincial promoveu as tarefas de restauración e consolidación no barrio Mergelina do xacemento de Santa Trega, unhas actuacións que se prolongaron ao longo de 5 meses sobre unha superficie total de 2.642 metros cadrados no barrio Mergelina do xacemento de Santa Trega, para a que se contou cun orzamento de 367.719 euros.
A restauración e consolidación do xacemento guardés foi executada por Terra Arqueos baixo a coordinación de Rafael Rodríguez, o arqueólogo da Deputación que dirixiu a intervención realizada no Trega entre setembro de 2015 e abril de 2016.
Durante a fase de escavación do barrio Mergelina constatouse que o castro foi ocupado antes do que se pensaba, desde o século IV a.C. Tamén sacouse á luz 43 novas estruturas arquitectónicas que compoñen 11 unidades familiares e ata 43.833 pezas, que formarán parte do vindeiro proxecto de musealización.
As Barferencias continuarán o vindeiro 15 de marzo na Cafetería Marbella cunha charla sobre “Castelo de Santa Cruz: 350 anos do fin da Guerra da Restauración na Guarda”, a cargo de Rebeca Blanco Rotea.
Por segundo ano a Concellería de Turismo do Concello da Guarda ofrece un novo curso gratuíto para a formación de camareiros/as de bares e restaurantes, que terá lugar do 9 de febreiro ao 6 de abril.
O obxectivo principal é formar a novos camareiros, algo esencial de cara á profesionalización dun sector tan importante para A Guarda como é o turismo e a Hostelería, ofertando á veciños e visitantes un servizo de calidade e profesional.
A programación está deseñada para que as persoas participantes adquiran as nocións básicas na adecuación do local, reposición do material, servizo de alimentos e bebidas en mesa e barra, e atención ao cliente no servizo de restaurante e bar.
O curso terá unha duración total de 80 horas. das cales, 40 horas estarán destinadas á formación teórica e práctica como a montaxe de mesas e ambientación da sala, identificación e limpeza dos utensilios e menaxe, preparación de alimentos e bebidas seguindo as normas de manipulación e hixiene alimentaria, incluíndo tamén formación en alérxenos e manipulación de alimentos. Polo que ao finalizar, o alumnado tamén recibirá el diploma de manipulador/a de alimentos. Ademais esta formación completarase coas indicacións en alérxenos. Esta formación terá lugar os sábados pola mañá de 9.00 a 14.00h.
Esta formación completarase con outras 40 horas de formación práctica non laboral en bares e restaurantes da Guarda, axustadas segundo o perfil e necesidades de cada alumno.
As prazas son limitadas. As inscricións realizaranse ata o mércores 6 de febreiro na Oficina de Turismo do Concello da Guarda na Praza do Reló, 1. Os interesado deberán cumprimentar a ficha de inscrición. Poden contactar no teléfono 986 61 45 46 ou ben a través do correo electrónico turismo@aguarda.es.
Debido ao comezo inmediato o xoves 7 de febreiro darase a coñecer o listado de admitidos para xa comezar a formación o sábado 9 de febreiro.
O Concello da Guarda e a Cámara Municipal de Caminha continúan ofertando actividades deportivas conxuntas cun novo calendario de andainas para este ano 2019, no que se inclúen un total de 5 andainas e, como nas edicións anteriores, os percorridos serán en Galicia e Portugal.
As andainas terán inicio o sábado 23 de febreiro cun percorrido pola Ecopista ao carón do Río Miño entre Vila Nova de Cerveira e Valença do Minho, seguida dunha ruta polo Sendeiro do Tea o sábado 9 de marzo, a ruta de Peneda a Sistelo o sábado 6 de abril, a ruta da Pedra e da Auga e do Río San Martiño o martes 1 de Maio e rematarán coa ruta do Sendeiro do Miradoiro de Matacás o sábado 1 de xuño.
Dende o vindeiro luns día 4 de febreiro e ata o venres 8 de febreiro ábrese o prazo de inscricións para esta actividade. Os interesados deben inscribirse na Oficina de Turismo situada no Concello antigo, poden chamar ao teléfono 986 61 45 46 ou mediante mail turismo@aguarda.es.
As prazas son limitadas porque se emprega un autocar para o traslado dos participantes.
Terán prioridade aquelas persoas que asistan ás 5 andainas.
Calendario 2019 de Andainas
ANDAINA 1.- SÁBADO, 23 DE FEBREIRO: ECOPISTA VILA NOVA DE CERVEIRA – VALENÇA
Distancia: 16 km – D
Saída: 8.30 h. da explanada da Sangriña
Hora aproximada de chegada A Guarda: 15.00 h.
Prezo: gratuíta
Descrición: Para comezar esta nova edición das Andainas da Guarda de xeito suave, realizaremos un percorrido fácil polo tramo da ecopista que transcorre entre as localidades veciñas de Vila Nova de Cerveira e Valença do Minho pola marxe portuguesa do Minho. A andaina comezarémola no Parque do Castelinho e darémola por concluída na fortaleza de Valença, onde nos recollerá o autobús.
ANDAINA 2.- SÁBADO, 9 DE MARZO: SENDEIRO DO TEA (PONTEAREAS- MONDARIZ BALNEARIO)
Distancia: 13 km
Saída: 8.30 h. da explanada da Sangriña
Hora aproximada de chegada A Guarda: 16.00 h
Prezo: 10 €
Descrición: Iniciaremos o percorrido en Ponteareas, nas proximidades da praia do Freixo e seguiremos a senda sinalizada do río Tea que transcorre pola marxe dereita do río ata Mondariz. Ademais da típica vexetación de ribeira, poderemos contemplar fermosas praias fluviais, muíños e maxestosos cruceiros antes de rematar no afamado balneario de Mondariz. O concello máis pequeno de Galicia ben merece dedicarlle unha visita e algún paseo antes de volver no autobús para a casa.
ANDAINA 3.- SÁBADO, 6 DE ABRIL: RUTA DA PENEDA A SISTELO (PORTUGAL)
Distancia: 20 km
Saída: 8.30 h. da explanada da Sangriña
Hora aproximada de chegada A Guarda: 18.00 h.
Prezo: 10 €
Ruta guiada por Ignacio
Descrición: A ruta comeza no santuario da Nossa Senhora da Peneda, un dos máis afamados do Norte de Portugal. Desde alí ascendemos ata a zona dun lago glaciar e superada esta primeira dificultade a ruta diríxese en lixeiro descenso cara Sistelo, o pequeno Tibet, que xa visitamos noutras ocasión. A paisaxe da serra da peneda coas súas brandas (Pardelhas, Furado Aveleira), da Bouça dos Homens, as aldeas de Padrao e Porta Cova, acompáñanos na viaxe ata divisar os típicos socalcos característicos de Sistelo, o Pequeño Tibet encravado no corazón de Portugal.
ANDAINA 4.- MARTES, 1 DE MAIO: PR-G171 RUTA DA PEDRA E DA AUGA E DO RÍO SAN MARTIÑO (MEIS)
Distancia: 20 km
Saída: 8.00 h. da explanada da Sangriña
Hora aproximada de chegada A Guarda: 19.00 h.
Prezo:
Descrición: Comeza e remata a ruta no mosteiro cisterciense de Armenteira. A andaina está composta en realidade de dúas rutas. A da Pedra e da Auga con numerosos muíños restaurados que salpicados polas beiras do río Armenteira. Nos arredores de Barrantes iniciamos a ruta polo río San Martiño que nos permitirá contemplar interesantes igrexas románicas (San Martiño e San Salvador de Meis) e espléndidas paisaxes da ría de Arousa.
ANDAINA 5.- SÁBADO, 1 DE XUÑO: SENDEIRO DO MIRADOIRO DE MATACÁS (CASTRO CALDELAS – OURENSE)
Distancia: 16,5 km
Saída: 9.00 h. da explanada da Sangriña
Hora aproximada de chegada A Guarda: 20.00 h.
Prezo:
Descrición: É a andaina de maior esixencia física das realizadas neste ano polo desnivel acumulado de subida de 1.141 m. Trátase dunha ruta homologada no 2018 (PR-G 237) na Ribeira Sacra ourensá, no concello de Castro Caldelas. No percorrido poderemos contemplar viñedos, soutos e sobreiras centenarias así como a espectacular panorámica sobre o Canón do Sil desde as Penas de Matacás.
Un ano máis, o Concello da Guarda estará presente na Feria Internacional de Turismo de Madrid (FITUR) que este ano celebra, do 23 ao 27 de xaneiro, a súa 39ª edición.
Un ano máis A Guarda promocionarase no stand de Turismo de Galicia. Ademais o xoves ás 12.00h tamén estará presente no acto organizado pola Deputación de Pontevedra onde se promocionará o Destino Rías Baixas como Destino gastronómico dentro da campaña “Fame de Experiencias” no que o Concello da Guarda estará presente grazas a nosa importancia gastronómica e tamén a Festa da Langosta e Cociña Mariñeira, Festa de Interese Turístico de Galicia.
Durante estas xornadas a delegación da Guarda, formada polo alcalde, Antonio Lomba, a concelleira de Turismo, Montse Magallanes e a concelleira de Servizos Sociais e Igualdade, Teresa Vicente, manterán diversas reunións con axencias e maioristas en turismo cultural, ornitoloxía e cruceiros ademais de asociacións de turismo para potenciar a promoción da Guarda como destino turístico.
Trala recente creación do Xeodestino Ría de Vigo – Baixo Miño este é o primeiro ano que haberá un espazo adicado ao Xeodestino Ría de Vigo-Baixo Miño onde os 14 concellos promocionaranse conxuntamente. Aproveitando esta ocasión foi convocado para o xoves ás 18.00h na sala de reunións do stand de Galicia una reunión de traballo institucional do Xeodestino da Ría de Vigo-Baixo Miño onde estarán todos os alcaldes e a empresa responsable da elaboración do Plan Estratéxico informará das actuacións previstas. Ademais a técnico de Turismo da Guarda, Rosalía Verde, asistirá á reunión técnica dos Destinos EDEN que cada ano se convoca coincidindo coa celebracion de FITUR.
O Nadal chegou á Guarda e conta cunha programación de actividades extensa e variada na que destacan o teatro, a animación musical polas rúas, os concertos de panxoliñas, os obradoiros de decoración, as chocolatadas, a instalación por primeira vez na vila dunha pista de xeo, ou a Cabalgata de Reis.
A programación esténdese ata o 6 de xaneiro, un mes no que A Guarda vivirá na maxia do Nadal.
O pasado martes día 18 de decembro a Alameda da Guarda acolleu a sesión inaugural da Pista de Xeo, instalada nun recinto cuberto. Escolares dos centros educativos da vila e varias asociacións e colectivos da vila acoden esta semana en horario de mañá para poder gozar desta Pista de Xeo, instalada por primeira vez na vila.
A Concelleira de Turismo e Comercio, Montserrat Magallanes, amosou este martes a súa ledicia por que a Pista de Xeo sexa xa unha realidade na vila da Guarda, para que nesta época de Nadal veciños e visitantes podan gozar duns momentos de diversión, convidando á cidadanía a visitar esta instalación na Alameda da Guarda.
O Alcalde da Guarda, Antonio Lomba, recordou que esta foi unha demanda dos veciños e comerciantes da vila nos pasados anos, e que este ano se poderá empregar durante todo o Nadal, dinamizando e servindo coma un atractivo máis para A Guarda.
As entradas custan 6€ de xeito anticipado nos máis de 50 establecementos colaboradores da vila e 7€ na propia pista.
Cada entrada da acceso á pista de xeo da Alameda, que ten unhas dimensións de 20m x 10m e cunha duración de 45 minutos para gozar por primeira vez na Guarda da patinaxe sobre xeo, o aluguer dos patíns é gratuíto e recórdase que se deben de traer guantes para as mans.
O horario de Luns a venres é de 16:00h a 22:00h e os fins de semana de 11:00h a 14:00h e de 16:00h a 22:00h. O 25 de decembro, 5 e 6 de xaneiro funcionará en horario de fin de semana e o 24 e 31 de decembro en horario continuo de 11:00h a 19:00h. O 1 de xaneiro funcionará só en horario de tarde de 16:00h a 22:00h.
Todos aqueles comercios ou empresas que desexen dispor de entradas para a Pista de Xeo poderán adquirir packs de 10 entradas ao prezo de 60€ na empresa colaboradora Informática San Benito no teléfono 986 60 89 20.
Dende o Concello da Guarda se convida a seguir participando e gozar dunha programación de Nadal que, sen dúbida, dinamizará e chamará a atención dos nosos veciños e visitantes.
O Nadal chegou á Guarda e contará cunha programación de actividades extensa e variada na que destacan o teatro, a animación musical polas rúas, os concertos de panxoliñas, os obradoiros de decoración, as chocolatadas, a instalación por primeira vez na vila dunha pista de xeo, ou a Cabalgata de Reis.
A programación esténdese ata o 6 de xaneiro, un mes no que A Guarda vivirá na maxia do Nadal.
O vindeiro martes día 18 de decembro será o primeiro día de apertura da Pista de Xeo que estará instalada na Alameda da Guarda, as entradas custarán 6€ de xeito anticipado nos máis de 50 establecementos colaboradores da vila e 7€ na propia pista.
Cada entrada dará acceso á pista de xeo da Alameda, que ten unhas dimensións de 20m x 10m e cunha duración de 45 minutos para gozar por primeira vez na Guarda da patinaxe sobre xeo, o aluguer dos patíns é gratuíto e recórdase que se deben de traer guantes para as mans.
O horario de Luns a venres será de 16:00h a 22:00h e os fins de semana de 11:00h a 14:00h e de 16:00h a 22:00h. O 25 de decembro, 5 e 6 de xaneiro funcionará en horario de fin de semana e o 24 e 31 de decembro en horario continuo de 11:00h a 19:00h. O 1 de xaneiro funcionará só en horario de tarde de 16:00h a 22:00h.
Todos aqueles comercios que desexen dispor de entradas para a Pista de Xeo poderán adquirir packs de 10 entradas ao prezo de 60€ na empresa colaboradora Informática San Benito no teléfono 986 60 89 20.
Dende o Concello da Guarda se convida a seguir participando e gozar dunha programación de Nadal que, sen dúbida, dinamizará e chamará a atención dos nosos veciños e visitantes.
O Nadal chegou á Guarda o pasado 5 de decembro co acendido da iluminación de Nadal e continúa cunha ampla e variada programación de actividades, entre as que destacan teatro, animación musical polas rúas, concertos de panxoliñas, obradoiros de decoración, chocolatadas, pista de xeo, ou a Cabalgata de Reis. Ata o 6 de xaneiro, A Guarda vive a maxia do Nadal.
Tamén o pasado 5 de decembro publicouse na web municipal www.aguarda.es o vídeo do Obradoiro de Adornos de Nadal, neste vídeo, elaborado pola deseñadora e experta en escaparatismo Patricia Maquieira Franco, explicase como serán os adornos de Nadal que se realizarán nos obradoiros que terán lugar o xoves 13(en horario de 15:00 a 18:00h) e o sábado 15(de 16:30h a 18:30h) de decembro na Casa dos Alonsos.
Dende este mércores 11 asociacións e colectivos da vila encargáronse de engalanar diferentes espazos públicos da Guarda dentro da actividade “Decora o teu Nadal”, unha proposta que xa tivo gran repercusión nos anos anteriores e que se repite este ano para retomar a maxia do Nadal nas prazas da vila, algo que está a espertar o interese dos transeuntes.
O Xoves 13 de decembro ás 20:00h a Casa dos Alonsos acolle un Concerto de Nadal do Conservatorio de Música Elemental da Guarda, onde contarase coa actuación do Coro do Conservatorio, unha nova proposta que xurde este ano contando coa participación dos alumnos do Conservatorio e que será o seu concerto de presentación.
O Venres 14 de decembro a Biblioteca Pública Municipal da Guarda acolle a Bebeteca de Nadal, unha iniciativa dirixida a nenos e nenas de entre 3 e 6 anos de idade que terá lugar ás 18:00h. Rebeca González, mestra de Educación Infantil do CEIP As Solanas e coordinadora de Bibliosolanas contará o conto “Cando Martiño tivo ganas de mexar na Noite de Reis”. Ao remate, cada neno o nena que asista levará un conto en préstamo da Bebeteca a súa casa durante o Nadal. Os nenos e nenas que asistan e aínda non teñan a tarxeta de préstamo da Biblioteca, poden levar unha folla de inscrición para obtela.
A Bebeteca é unha sección de libriños especialmente pensados para que as familias podan iniciar na lectura aos bebés. Libros con imaxes, texturas, formas, sons e títeres de dedo. Idade: 0 -3 anos e 3 -6 anos.
O Sábado 15 de decembro será o día no que se inscribirán todos aqueles nenos e nenas que desexen participar na Cabalgata de Reis. Para inscribirse é preciso que cada neno ou nena vaia ao Centro Cultural dende as 10:00h acompañado sempre dun adulto(1 por neno/a). Os participantes deberán de ter, mínimo 8 anos de idade e cumprimentar a solicitude por parte dos pais ou titores legais, as follas de inscrición e as bases reguladoras estarán a disposición nos días previos no Centro Cultural e no Concello da Guarda.
Tamén o Sábado 15 celebrarase o Festival Solidario a favor da Fundación Las Samaritanas da Guarda a partires das 20:00h no Centro Cultural. Nesta edición contarase coas actuacións do Grupo de Baile Xamaraina, o Grupo de Baile Studio 88, O Grupo de Gaitas A Boalleira, o Grupo de Baile Do-Majó e o grupo de Acordeóns Argonat Band. Unha oportunidade para colaborar nunha boa causa.
O vindeiro martes 18 de decembro será o primeiro día de apertura da Pista de Xeo que estará instalada na Alameda da Guarda, as entradas custarán 6€ de xeito anticipadas nos establecementos da vila e 7€ na propia pista, cunha duración de 45 minutos para gozar por primeira vez na Guarda da patinaxe sobre xeo que terá unhas dimensións de 20m. x 10m., o aluguer dos patíns é gratuíto e recórdase que se deben de traer guantes para as mans. O horario de Luns a venres será de 16:00h a 22:00h e os fins de semana de 11:00h a 14:00h e de 16:00h a 22:00h. O 25 de decembro, 5 e 6 de xaneiro funcionará en horario de fin de semana e o 24 e 31 de decembro en horario continuo de 11:00h a 19:00h. O 1 de xaneiro funcionará só en horario de tarde de 16:00h a 22:00h.
Todos aqueles comercios que desexen dispor de entradas para a Pista de Xeo poderán adquirir packs de 10 entradas ao prezo de 60€ na empresa colaboradora Informática San Benito no teléfono 986 60 89 20.
Dende o Concello da Guarda se convida a participar e gozar dunha programación de Nadal que, sen dúbida, dinamizará e chamará a atención dos nosos veciños e visitantes.
O Concello da Guarda ven de mellorar a sinalización turística grazas a unha subvención para actuacións de mellora das infraestruturas turísticas de Turismo de Galicia presentada a comezos deste ano.
A actuación realizada é a homoxeneización e mellora da sinalización turística na Guarda na que se procedeu á retirada das actuais sinais turísticas que se atopaban obsoletas na súa imaxe e nos seus formatos e a instalación das sinais direccionais urbanas para que os visitantes perciban unha atención de calidade no seu desprazamento pola vila.
Nas últimas semanas instaláronse estas novas sinalizacións urbanas, cunha imaxe homoxénea baixo os criterios do Manual de Sinalización turística vixente, con excepción dos postes e sinais que non foron instalados polas obras que se están a realizar nestes últimos meses, pero que si se instalarán ao remate destas obras.
Son un total de 34 postes con 104 sinais de aluminio e distribúense polas rúas principais do concello. A finalidade é guiar aos visitantes xa dende os dous principais accesos na rúa San Roque (entrada pola PO-552 dende Tui) e a estrada de Baiona. Os sinais indican a dirección dos recursos patrimoniais e naturais da Guarda como o Monte Santa Trega, as praias, o Museo do Mar, o Castelo de Santa Cruz, as Igrexas e tamén outras indicacións de interese como o transbordador A Guarda-Caminha e os hoteis ou establecementos de hostalaría.
Este proxecto inclúe a instalación dun tótem informativo exterior na praza de Avelino Vicente, unha das rúas máis transitadas do centro urbano pero que na actualidade está en obras. Este tótem ten pantalla de led de 47” que ofrecera información turística de interese.
Este é a primeira fase de mellora da sinalización turística que se completará nunha segunda fase en 2019.
Este proxecto de Homoxeneización e mellora da sinalización turística na Guarda concedeuse cun orzamento de 51,466,62€, dos cales a Axencia Turismo de Galicia aportou un 65%, cunha subvención proposta de 33,453,30€
O Concello da Guarda informa dos horarios dos servizos turísticos durante a ponte da constitución 2018 nos que a Oficina Municipal de Turismo, sita na Praza do Reló, prestará atención dende o xoves ata o sábado en horario de 11:00h a 13:30h e de 16:30h a 18:30h. sendo o teléfono de atención o 986 61 4546.
Dentro da Rede de Museos Municipais, o Museo Arqueolóxico de Santa Trega, abre de martes a domingo en horario de 11:00h a 17:00h, a entrada ten un custo de 1€ para adultos e de 0,50€ para menores de 14 anos.
O Museo do Mar, sito na atalaia da zona norte do Porto da Guarda estará aberto o Xoves 6 de decembro e o sábado 8 e domingo 9 en horario de 11:00h a 14:00h e de 16:00h a 19:00h, a entrada ten un custo de 1€ para adultos e de 0,50€ para menores de 14 anos.
O espazo público do Castelo de Santa Cruz, declarado Ben de Interese Cultural no 1995(BIC) estará aberto en horario de 10:00h a 17:00h.
Máis información sobre as primeiras actividades da programación de nadal e os horarios do transbordador Ferry Boat entre A Guarda e Caminha na web municipal de turismo www.turismoaguarda.es
A Ruta Gastronómica «Petiscos con Arte» finalizou servíndose máis de 2000 petiscos entre os 12 establecementos participantes, un evento que conxugou a gastronomía e a arte para ofertar aos participantes unha experiencia para os sentidos.
A variedade gastronómica ofertada foi un «pulo» extra para animar e dinamizar o sector da hostalaría, contando con petiscos moi variados ao igual que as exposicións, con fotografías, pinturas, esculturas e ilustracións.
A segunda edición da Ruta Petiscos con Arte contou con veciños da Guarda e dos arredores que gozaron dos petiscos e das exposicións que cada local ofreceu durante as dúas fins de semana que durou a ruta. Os establecementos indicaron a boa acollida desta ruta a pesar do mal tempo da última fin de semana.
O martes día 4 de decembro realizouse por parte do Alcalde, Antonio Lomba e da Concelleira de Turismo, Montserrat Magallanes, a entrega dos 5 lotes de dúas botellas de viño Albariño da Adega Gran Novás, da D.O. do Rosal aos premiados no sorteo.
1. Karen Stewart (depositado no Perro Verde)
2. Luis (depositado na Cafetería Marbella)
3. Patricia Lira (depositado no Terra Verde)
4. Dennis A. (depositado no Restaurante Xantar)
5. Patricia Rodríguez (depositado no Cangrexal)
O Nadal chega á Guarda cunha extensa e variada programación de actividades que se presentaron este venres día 30 de novembro por parte da Concelleira de Cultura, Elena Baz; o Alcalde da Guarda, Antonio Lomba e a Concelleira de Turismo, Montserrat Magallanes.
Teatro, animación musical polas rúas, concertos de panxoliñas, obradoiros de decoración, chocolatadas, pista de xeo, ou a Cabalgata de Reis, son algunhas das actividades previstas dende o 5 de decembro ata o 6 de xaneiro, un mes no que A Guarda vivirá na maxia do Nadal.
A programación de actividades arrancan xa o venres 5 de decembro co acendido da iluminación de Nadal ás 20:30h na Praza do Reló, dende as 20:00h contarase con animación de rúa a cargo de Barafunda cos espectáculos “A xogar cos Trasnos” e “Lolo Globotolo”. “A xogar cos Trasnos” é unha gran festa chea de cor e de sorrisos onde os nenos e nenas poderán bailar coma tolos e xogar coa música, un espectáculo de movemento interactivo con xogos, cancións de animación, globos e moita diversión. “Lolo Globotolo” é o pallaso Lolo, fará as delicias dos máis pequenos e sorprenderá ós máis grandes, facendo figuras imposibles con globos e gag divertidos, un espectáculo dende unha perspectiva cómica e interactiva onde o público sentirase parte integrante do espectáculo, ideal para toda a familia, cunha posta en escena onde a ilusión do clown mistúrase nun cóctel de risas e gargalladas.
Tamén o 5 de decembro publicarase na web municipal www.aguarda.es o vídeo do Obradoiro de Adornos de Nadal, neste vídeo, elaborado pola deseñadora e experta en escaparatismo Patricia Maquieira Franco, explicarase como serán os adornos de Nadal que se realizarán nos obradoiros que terán lugar os días 10(en horario de 20:30 a 22:30h) e 15(de 16:30h a 18:30h) de decembro na Casa dos Alonsos.
Dende o mércores 12 de decembro 11 asociacións e colectivos da vila encargaranse de engalanar diferentes espazos públicos da Guarda dentro da actividade “Decora o teu Nadal”, unha proposta que xa tivo gran repercusión nos anos anteriores e que se repite este ano para retomar a maxia do Nadal nas prazas da vila.
O Xoves 13 de decembro ás 20:00h a Casa dos Alonsos acollerá un Concerto de Nadal do Conservatorio de Música Elemental da Guarda, onde contarase coa actuación do Coro do Conservatorio, unha nova proposta que xurde este ano contando coa participación dos alumnos do Conservatorio e que será o seu concerto de presentación.
O Venres 14 de decembro a Biblioteca Pública Municipal da Guarda acolle a Bebeteca de Nadal, unha iniciativa dirixida a nenos e nenas de entre 3 e 6 anos de idade que terá lugar ás 18:00h.
O Sábado 15 de decembro será o día no que se inscribirán todos aqueles nenos e nenas que desexen participar na Cabalgata de Reis. Para inscribirse é preciso que cada neno ou nena vaia ao Centro Cultural dende as 10:00h acompañado sempre dun adulto(1 por neno/a). Os participantes deberán de ter, mínimo 8 anos de idade e cumprimentar a solicitude por parte dos pais ou titores legais, as follas de inscrición e as bases reguladoras estarán a disposición nos días previos no Centro Cultural e no Concello da Guarda.
Tamén o Sábado 15 celebrarase o Festival Solidario a favor da Fundación Las Samaritanas da Guarda a partires das 20:00h no Centro Cultural. Nesta edición contarase coas actuacións do Grupo de Baile Xamaraina, o Grupo de Baile Studio 88, O Grupo de Gaitas A Boalleira, o Grupo de Baile Do-Majó e o grupo de Acordeóns Argonat Band. Unha oportunidade para colaborar nunha boa causa.
O martes 18 de decembro será o primeiro día de apertura da Pista de Xeo que estará instalada na Alameda da Guarda, as entradas custarán 6€ de xeito anticipadas nos establecementos da vila e 7€ na propia pista, cunha duración de 45 minutos para gozar por primeira vez na Guarda da patinaxe sobre xeo, o aluguer dos patíns é gratuíto e recórdase que se deben de traer guantes para as mans. O horario de Luns a venres será de 16:00h a 22:00h e os fins de semana de 11:00h a 14:00h e de 16:00h a 22:00h. O 25 de decembro, 5 e 6 de xaneiro funcionará en horario de fin de semana e o 24 e 31 de decembro en horario continuo de 11:00h a 19:00h. O 1 de xaneiro funcionará só en horario de tarde de 16:00h a 22:00h.
Todos aqueles comercios que desexen dispor de entradas para a Pista de Xeo poderán adquirir packs de 10 entradas ao prezo de 60€ na empresa colaboradora Informática San Benito no teléfono 986 60 89 20.
O Xoves 20 de decembro ás 20:00h o Centro Cultural da Guarda será o escenario do Concerto de Nadal do Conservatorio no que se contará coas actuacións do Coro do Conservatorio, actuacións musicais dos alumnos de grao elemental, da Banda de Iniciación e da Agrupación Musical da Guarda.
O Venres 21 de decembro a partires das 20:30h o Centro Cultural da Guarda acollerá o Concerto de Nadal de Pandereteiras, unha cita coa música máis tradicional onde cada grupo tocará unha peza tradicional e unha panxoliña ou cantar de Reis. Contarase coas actuacións de grupos da Guarda como Carainas, Coiro Vello, Paliqueiras, Tambaluca, Pandereteiras do Lusco ó Fusco, Pandereteiras da Agrupación Cultural Guardesa, Caramuxiñas e Arghaceiras do Muño.
O Sábado 22 de Decembro a Charanga “Vaia Panda” será a encargada de animar e dinamizar as rúas da Guarda de 11:00h a 13:00h, momento en que moitos veciños aproveitan para facer as compras de Nadal.
Tamén na xornada do 22 de decembro, ás 11:30h a Biblioteca Pública Municipal da Guarda acolle unha sesión de “Contos Contados” adicada ao Nadal, onde nenos, nenas e familias contarán os tradicionais contos dos avós, ademais de participar nun obradoiro para decorar a árbore de Nadal da Biblioteca.
Xa pola tarde, ás 17:30h deste sábado día 22, o Centro Cultural será o escenario da proxección de Cinema infantil “Coco”, a historia dun neno que quere ser músico, unha actividade enfocada a conciliación laboral que permitirá que os pais e nais teñan un tempo libre para facer compras na vila.
O domingo 23 de decembro a Igrexa Parroquial acolle dende as 17:00h o tradicional Concerto de Panxoliñas no día previo á noite de Nadal, un evento musical que contará nesta edición coa actuación da Coral Polifónica da Guarda, o Grupo Antorcha, o Coro Infantil dos PP. Somascos, o Coro Arpegios Cantábile e a Coral da Terceira Idade.
O Mércores 26 de decembro a Casa dos Alonso acolle o Obradoiro infantil “Decora o teu Concello” no que nenos e nenas da vila participarán na decoración de Nadal, nunha actividade de 2 horas de duración para un máximo 15 nenos e nenas, é preciso inscribirse previamente do 10 ao 19 de decembro no Centro Cultural.
O Xoves 27 de decembro continúa a animación musical de rúa a cargo do grupo “Do Lusco ó Fusco” de 11:00h a 13:00h, unha maneira de dinamizar e incentivar as compras na vila, ademais contarase con chocolate quente de balde para todos os que visiten o Mercado da Praza de Abastos da localidade.
Xa pola tarde do xoves 27 de decembro ás 17:30h o Centro Cultural acolle a sesión de teatro “Tristán” a cargo da compañía Elegante Elefante, as entradas estarán dispoñibles dende o 17 de decembro no Centro Cultural. “Tristán” é un espectáculo visual dirixido ao público infantil dos 3 aos 12 anos, unha comedia xestual interpretada ao estilo dos debuxos animados onde as palabras se transforman en xestos e os personaxes falan nunha lingua inventada que é inmediatamente descifrada polo público e a música acompaña o ritmo dinámico da acción.
Tamén o xoves 27 de decembro a Cafetería Alameda acolle ás 20:30h a segunda Barferencia de Inverno 2018, onde contarase coa presenza de Brais Currás e Mar Cortegoso, que falarán sobre as Paisaxes de sal na Costa Atlántica, ámbolos dous participaron e coordinaron as escavacións arqueolóxicas realizadas recentemente nas Salinas do Seixal baixo o Proxecto “A Guarda, Mar de Sal”.
O venres 28 de decembro o Centro Cultural da Guarda acolle a sesión “Route 66” de Teatro-Clown musical para adultos da Compañía Blues Grampas, unha compañía de teatro en clave de clown musical composta por dous recoñecidos actores de longa traxectoria e experiencia no panorama escénico galego: Juanillo Esteban e Carlos Sante. Inicio ás 21:00h, recollida previa de entradas dende o 17 de decembro no Centro Cultural da Guarda.
Para o sábado día 29 de decembro, a Charanga “Vaia Panda” será a encargada da amenización musical das rúas da vila entre as 11:00h e as 13:00h.
Tamén o sábado 29 de decembro ás 12:00h o Centro Cultural da Guarda será o escenario dunha visita moi especial para os nenos nesta tempada de Nadal, “O Apalpador”. Neste espectáculo, para público familiar a partires dos 3 anos, creado a partir da tradición popular, un carboeiro que se alimentaba únicamente dos froitos do seu castiñeiro e que as xentes chaman o apalpador, conta aos miúdos porque no Nadal reparte castañas aos nenos e nenas que non teñen nada nas súas barriguiñas. Retirada previa de entradas dende o 17 de decembro no Centro Cultural.
Xa no mes de Xaneiro o Mércores día 2 a Casa dos Alonso acolle o Obradoiro infantil “Decora a túa casa” no que nenos e nenas da vila aprenderán a realizar adornos de Nadal, nunha actividade de 2 horas de duración para un máximo 15 nenos e nenas, é preciso inscribirse previamente do 10 ao 19 de decembro no Centro Cultural.
Na xornada do xoves día 3 de xaneiro continúa a animación musical de rúa a cargo do grupo “Do Lusco ó Fusco” de 11:00h a 13:00h, visitando o Mercado da Praza de Abastos, que acolle este día unha chocolatada de balde.
O xoves 3 pola tarde o Centro Cultural acolle unha nova sesión de cinema infantil coa proxección de “Capitán Calzoncillos” ás 17:30h, un filme para público infantil onde dous rapaces gozan facendo bromas e debuxando cómics na súa escola, unha actividade enfocada a conciliación laboral que permitirá que os pais e nais teñan un tempo libre para facer compras na vila.
As súas Maxestades de Oriente visitarán o venres 4 de decembro pola tarde aos nosos maiores na Residencia da Terceira Idade Monte Tecla, estarán acompañados pola Charanga Vaia Panda e o Grupo Do Lusco ó Fusco, ademais de contar coa presenza do Alcalde, da Concelleira de Turismo e da Concelleira de Servizos Sociais.
O Sábado día 5 de xaneiro terá lugar un dos actos máis importantes do Nadal na Guarda, a Cabalgata dos Reis Magos que terá lugar ás 18:00h con saída dende a Alameda da Guarda acompañados pola comitiva de paxes, 5 asociacións da vila e unha charanga que amenizará musicalmente este evento. Os Reis Magos percorrerán a Rúa Rosalía de Castro e Rúa Galicia para terminar na Casa dos Alonsos, onde recibirán aos nenos e nenas entregando agasallos e lambonadas para todos.Durante o percorrido repartirán caramelos e lambonadas dende as súas carrozas.
Dende o Concello da Guarda se convida a participar e gozar dunha programación de Nadal que, sen dúbida, dinamizará e chamará a atención dos nosos veciños e visitantes.
A pasada fin de semana finalizaba a Ruta Gastronómica «Petiscos con Arte», un evento que conxugou a gastronomía e a arte para ofertar aos participantes unha experiencia para os sentidos, chegando a servirse máis de 2000 petiscos entre os 12 establecementos participantes.
A variedade gastronómica ofertada foi un «pulo» extra para animar e dinamizar o sector da hostalaría, contando con petiscos moi variados ao igual que as exposicións, con fotografías, pinturas, esculturas e ilustracións.
A segunda edición da Ruta Petiscos con Arte contou con veciños da Guarda e dos arredores que gozaron dos petiscos e das exposicións que cada local ofreceu durante as dúas fins de semana que durou a ruta. Os establecementos indicaron a boa acollida desta ruta a pesar do mal tempo da última fin de semana.
Para premiar aos participantes que gozaron da ruta, organizouse un sorteo de 5 lotes de viño Albariño da Adega Gran Novás, da D.O. do Rosal. Este xoves día 29 de novembro tivo lugar o sorteo entre todos aqueles que depositaron nas urnas as participacións resultando agraciados/as:
1. Karen Stewart (depositado no Perro Verde)
2. Luis (depositado na Cafetería Marbella)
3. Patricia Lira (depositado no Terra Verde)
4. Dennis A. (depositado no Restaurante Xantar)
5. Patricia Rodríguez (depositado no Cangrexal)
Como peche a este ruta gastronómica haberá un pequeno acto de entrega de premios o vindeiro martes 4 de decembro ás 12.00h, onde se fará a entrega dos lotes de vino aos premiados coa presenza do alcalde e a concelleira de turismo.
A Ruta “Petiscos con Arte” finaliza xa esta fin de semana despois de servirse máis de 1.200 petiscos na pasada fin de semana entre os 12 establecementos participantes.
O evento organizado a través da Concellería de Turismo, mistura a gastronomía e a arte para ofertar aos participantes unha experiencia para os sentidos cun total de 12 petiscos diferentes e 12 exposicións de temática variada: fotografía, pintura, escultura e ilustracións.
Os hostaleiros participantes serviron un aproximado de 100 petiscos cada un na primeira fin de semana e o balance xeral desta campaña é moi positivo, cunha boa afluencia de comensais, que aproveitaron para gozar da oferta gastronómica, á vez que admiraron as 12 exposicións que se poden ver en cada local.
A Ruta “Petiscos con Arte” está aberta o venres e sábado en horario de mañá de 12:00h a 14:00h e tarde 19:00h a 21:30h.
Os 12 establecementos participantes nesta edición ofertan un petisco ao simbólico prezo de 1,50€, elaboracións gastronómicas para todos os gustos con potaxes, “montaditos”, tostas, sushi, entre outros.
Segundo manifestou Montserrat Magallanes, Concelleira de Turismo da Guarda, a finalidade da ruta é promocionar a gastronomía e a arte na Guarda, dinamizando o tecido de hostalaría do municipio nesta tempada post-estival cun valor engadido como é o arte, con exposicións para todos os gustos.
Art Café: Fabada guardesa
Ilustración: “Ilustracións, serigrafía e pintura”
Davida (Vigo)
Boc and Pix: Capricho limeño
Ilustración: “Somnium Pictura”
Sarai Rodríguez Fernández (Tomiño)
La Botica: Bandeiriñas españolas
Pintura: “Bodegóns postmodernos”
Gemma Marqués (A Guarda)
Brétema: Salinas
Pintura: “Meu Pobo”
Cachi (A Guarda)
O Cangrexal: Cielito lindo
Pintura: “Cores do bosque”
Teresa Dorado (Oia)
Enxebre: Tiriñas de polo
Fotografía: “Colección xentes do mar”
Eliseo Alonso (Tomiño)
A máis bonita: Makis
Ilustración: “Maki-sashie”
Tamara Baz (A Guarda)
Marbella: Potaxe de garavanzos
Pintura: “Rincóns de Galicia e Portugal”
Nely R. Sánchez (A Guarda)
El perro verde: Pincho perruno”
Pintura: “Aves no fin da terra”
José Arcas (Vigo)
Terra Verde: A orella de Van Gogh
Escultura e pintura: “Miscelánea”
Modesto Rodríguez (Nigrán)
Xantar: Delicias de outono
Fotografía: “Cambia de perspectiva”
Pablo Lubiáns (Pontevedra)
Xeito:Papillote de solombo celta
Pintura: “Recunchos da Guarda”
Charo Trigo (A Guarda)
Cada participante que deguste un petisco recibirá unha papeleta que cumprimentará cos seus datos persoais e depositará na urna para entrar no sorteo de 5 lotes de viño da Adega colaboradora Gran Novás. Haberá un pequeno acto de entrega aos premiados no sorteo (un premio por persoa).
As andainas organizadas pola Cámara Municipal de Caminha e o Concello da Guarda co obxectivo de coñecer a paisaxe e o patrimonio da comunidade galega e o país veciño remataron na xornada do pasado sábado día 17 de novembro coa Ruta dos Muíños do Folón e do Picón.
O peche do calendario deste ano 2018 realizouse nas terras veciñas rosaleiras coa ruta de 18 km polos Muíños do Folón e do Picón. Os Muíños do Folón e do Picón son un grupo de 60 muíños en fervenza, declarados Ben de Interese Cultural ao constituír parte do rico patrimonio etnográfico, xa mencionados en documentos do século XVII. Recorrido de gran beleza con excelente panorámicas ao val do Rosal e Esteiro do Miño. Tamén se coñeceu a Capela na véspera da celebración de San Martiño.
Continúan as andainas organizadas conxuntamente entre a Câmara Municipal de Caminha e o Concello da Guarda e que se realizan entre os meses de setembro e novembro co obxectivo de coñecer a paisaxe e o patrimonio da comunidade galega e o país veciño.
O pasado sábado día 20 de outubro celebrouse a segunda saída, na que os participantes realizaron unha andaina duns 15 km polo Monumento Natural de Pena Corneira. A andaina foi de ascenso desde Leiro, onde antes de iniciar a ascensión de case 500m. de desnivel os asistentes recorreron unha parte do río e do pobo.
A Pena Corneira é unha gran rocha ou penedo, situada no alto do monte, e amosase como un gran miradoiro sobre a comarca do Ribeiro. O seu bosque, de gran extensión, está catalogado como espazo natural de Galicia xa que está formado por árbores autóctonos. Outros atractivos da ruta foron o conxunto de hórreos de Paredes e as igrexas románicas de Leiro, Lebosende e Serantes.
O peche do calendario deste ano 2018 terá como protagonista as terras veciñas rosaleiras coa ruta de 18 km polos Muíños do Folón e do Picón que terá ligar o vindeiro 10 de novembro. Os Muíños do Folón e do Picón son un grupo de 60 muíños en fervenza, declarados Ben de Interese Cultural ao constituír parte do rico patrimonio etnográfico, xa mencionados en documentos do século XVII. Recorrido de gran beleza con excelente panorámicas ao val do Rosal e Esteiro do Miño. Tamén se coñecerá a Capela na véspera da celebración de San Martiño e pechará o calendario de Andainas 2018.
O pasado mércores día 17 de outubro de 2018 o Alcalde da Guarda, Antonio Lomba, participou na Casa do Concello de Baiona na sinatura do convenio de creación do novo xeodestino Ría de Vigo e Baixo Miño, que engloba a 14 concellos «Baiona, Fornelo de Montes, Gondomar, A Guarda, Mos, Nigrán, Oia, Pazos de Borbén, O Porriño, Redondela, Soutomaior, O Rosal, Tomiño e Tui» e o Grupo de Desenvolvemento Rural (GDR14). Ao acto de sinatura tamén asistiu o conselleiro de Cultura e Turismo, Román Rodríguez; a directora da Axencia de Turismo de Galicia, Nava Castro; e o delegado territorial da Xunta en Lugo, Ignacio López-Chaves.
Debido ao crecente potencial turístico desta zona e segundo os datos recollidos ata agosto, a Ría de Vigo e Baixo Miño recibiu máis de 450.000 turistas, o que supón un 3% máis con respecto a 2017. A ocupación hoteleira destes visitantes tamén experimentou unha mellora en máis dun punto e, no que se refire á súa procedencia, os turistas internacionais subiron un 14,3% ata superar os 135.000.
O obxectivo final deste xeodestino é lograr que os beneficios sociais, económicos e culturais do turismo cheguen a máis galegos, especialmente en zonas rurais, acadando os obxectivos de competitividade, conservación, diversificación e desestacionalización de viaxeiros incluídos na Estratexia, contando para elo, entre outras accións, con subvencións ás entidades locais para actuacións de mellora nas infraestruturas, mellorar a accesibilidade e a sinalización dos recursos. O proxecto tamén contempla a realización de actividades de promoción, dinamización e fomento da riqueza e do turismo neste territorio, así como para a sensibilización tanto aos visitantes como á propia veciñanza sobre a importancia de preservar e poñer en valor o patrimonio e a cultura de todos estes concellos.
Os xeodestinos son recoñecidos pola Xunta de Galicia como os espazos xeográficos limítrofes que comparten unha homoxeneidade territorial baseada nos seus recursos turísticos naturais, patrimoniais e culturais e que conforman unha identidade turística diferenciada e singular. Trátase de establecer mecanismos de cooperación, estruturar a actividade mediante o aproveitamento racional dos recursos e impulsar o turismo dun modo eficiente con produtos e servizos competitivos que contribúan ao desenvolvemento socioeconómico do territorio.
El pasado miércoles día 17 de octubre de 2018 el Alcalde de A Guarda, Antonio Lomba, participó en la Casa del Ayuntamiento de Baiona en la firma del convenio de creación del nuevo geodestino Ría de Vigo y Baixo Miño, que engloba a 14 ayuntamientos «Baiona, Fornelo de Montes, Gondomar, A Guarda, Mos, Nigrán, Oia, Pazos de Borbén, O Porriño, Redondela, Soutomaior, O Rosal, Tomiño y Tui» y al Grupo de Desenvolvimiento Rural (GDR14). Al acto de firma también asistió el conselleiro de Cultura y Turismo, Román Rodríguez; la directora de la Agencia de Turismo de Galicia, Nava Castro; y el delegado territorial de la Xunta en Lugo, Ignacio López-Chaves.
Debido al creciente potencial turístico de esta zona y según los datos recogidos hasta agosto, la Ría de Vigo y el Baixo Miño recibió más de 450.000 turistas, lo que supone un 3% más con respecto a 2017. La ocupación hotelera de estos visitantes también experimentó una mejora en más de un punto y, en lo que se refiere a su procedencia, los turistas internacionales subieron un 14,3% hasta superar los 135.000.
El objetivo final de este geodestino es lograr que los beneficios sociales, económicos y culturales del turismo lleguen a más gallegos, especialmente en zonas rurales, consiguiendo los objetivos de competitividad, conservación, diversificación y desestacionalización de viajeros incluidos en la Estrategia, contando para ello, entre otras acciones, con subvenciones a las entidades locales para actuaciones de mejora de infraestructuras, mejorar la accesibilidad y la señalización de los recursos turísticos. El proyecto también contempla la realización de actividades de promoción, dinamización y fomento de la riqueza y del turismo en este territorio, así como para la sensibilización tanto a los visitantes como a los propios vecinos sobre la importancia de preservar y poner en valor el patrimonio y la cultura de todos estos ayuntamientos.
Los geodestinos son reconocidos por la Xunta de Galicia como los espacios geográficos limítrofes que comparten una homogeneidad territorial basada en sus recursos turísticos naturales, patrimoniales y culturales y que conforman una identidad turística diferenciada y singular. Se trata de establecer mecanismos de cooperación, estructurar la actividad mediante el aprovechamiento racional de los recursos e impulsar el turismo de un modo eficiente con productos y servicios competitivos que contribuyan al desenvolvimiento socioeconómico del territorio.
En novembro o Concello da Guarda promove unha nova ruta gastronómica na que se mesturará a gastronomía con exposicións de arte (pintura, escultura, fotografía,…) nos propios establecementos.
“Petiscos con arte” é o nome da ruta, que se celebrará os venres e sábados das dúas últimas fins de semana do mes de novembro. A súa finalidade é promocionar a gastronomía e a creación artística na nosa vila, de xeito que os participantes poderán degustar petiscos mentres contemplan as obras de artistas locais ou con vinculación ao noso Concello, expostas nos locais durante a celebración da ruta.
Polo que o Concello da Guarda convida aos artistas da localidade e dos arredores a expor a súa arte nalgún dos establecementos que participarán na ruta.
As persoas que desexen participar, deberán de remitir un mail a turismo@aguarda.es ou ben presentar un escrito no Rexistro Municipal do Concello da Guarda na primeira planta da Casa dos Alonsos ata o luns 15 de outubro ás 12:00h. Os artistas serán seleccionados en función da data de solicitude por mail ou por rexistro. Para calquera dúbida poder contactar coa Oficina de Turismo Municipal por mail ou no teléfono 986 614 546.
O Concello da Guarda asinou o convenio de colaboración coa Deputación de Pontevedra co obxectivo de promocionar e reforzar a marca Rías Baixas como un destino turístico global e de calidade.
A creación da Rede de Oficinas de turismo encadrase no marco do Plan Estratéxico de Turismo Rías Baixas 2020, que contempla dispor dunha rede de oficinas de turismo que sexan consideradas o “pilar básico para reforzar a prestación dun servizo de calidade e homóxeno do destino.
Para este 2018 a Deputación de Pontevedra concedeu ao Concello da Guarda un informador turístico para os meses de outubro e novembro e que prestará servizos na oficina de turismo municipal situada na Praza do Reló.
O pasado sábado día 29 de setembro o Concello da Guarda, a través do Departamento de Turismo, organizou unha noite de observación de estrelas dende o alto do Monte Torroso na parroquia de Salcidos que contou coa participación de case un centenar de persoas, actividade enmarcada nas conmemoracións do Día Mundial do Turismo, que se celebrou o pasado 27 de setembro.
Nunha noite de temperaturas agradables, os participantes desta actividade, desprazados dende a Guarda, a Comarca do Baixo Miño e mesmo de Vigo, partiron dende a Casa Forestal do Torroso, para facer unha pequena andaina ata o Alto do Monte Torroso, onde puideron atender ás explicacións do experto en astronomía Pablo Martínez, membro da Agrupación de Astronomía Rias Baixas.
Os participantes coñeceron as principais constelacións do hemisferio norte, así coma a localización dos planetas e mesmo algúns datos de interese coma as datas das choivas de estrelas perseidas e gemínidas, ou coma orientarse no firmamento empregando algunhas estrelas. A actividade espertou o interese dos participantes, que antes do remate puideron facer preguntas e interesarse sobre o apaixoante mundo da astronomía.
O vindeiro sábado día 29 de setembro o Concello da Guarda, a través do Departamento de Turismo, organiza unha noite de observación de estrelas dende o alto do Monte Terroso na parroquia de Salcidos.
Os participantes terán que ir provistos dunha lanterna e acudir ata a Casa Forestal do Torroso ás 21:00h para, dende alí, iniciar unha pequena andaina duns 2km de lonxitude ata o Alto do Monte Torroso, onde se fará a observación de estrelas.
Para participar nesta actividade é preciso realizar unha inscrición previa no enderezo electrónico turismo@aguarda.es ou chamando ao 986614546, data límite ata este venres 28 de setembro.
No caso de que os ceos non estean despexados a actividade trasladarase a unha nova data.
Esta actividade realízase en conmemoración do Día Mundial do Turismo, que ten lugar o 27 de setembro.
O pasado domingo día 23 de setembro A Guarda acolleu un ano máis a Romaría de Santa Trega, unha xornada relixiosa e de lecer que estivo marcada este ano por unha masiva afluencia de visitantes e unhas excepcionais temperaturas.
A Romaría de Santa Trega é un evento de carácter relixioso e tamén festivo que congrega no Monte de Santa Trega a multitude de fieis e devotos da Virxe de Santa Trega, este ano participaron, ademais das autoridades locais e de concellos veciños, unha representación de veciños de Povoa de Varzim, encabezados polo Vicepresidente da Câmara de Povoa de Varzim, coincidindo coa inauguración da Exposición das Marcas dos Mariñeiros, tamén moi ligadas á Capela de Santa Trega.
Dende primeira hora da mañá a Capela de Santa Trega acolleu varias misas ás 8, 9 e 10 da mañá, sendo ás 11:00h o Sermón e a Solemne Procesión, que contou cunha ampla participación.
Tralo remate dos actos relixiosos celebráronse as tradicionais poxas de produtos típicos, que contou tamén cunha masiva resposta por parte do público, poxando lotes de froitas, viños e o sorteo final dunha monumental tarta con premio no seu interior.
Seguindo a tradición, moitas familias participaron nun xantar popular no Monte Santa Trega, onde as familias se reúnen para almorzar, cantar e bailar ata a tardiña, onde o son das gaitas, acordeóns, pandeiretas e tamboriles acompañan a sobremesa.
A partires desta fin de semana modifícanse os horarios do Museo do Mar e do Centro de Interpretación do Castelo de Santa Cruz, que pasan xa ao horario de inverno.
O novo horario destes dous museos, incluídos na Rede de Museos Municipal, será de 11:00h a 14:00h e de 16:00h a 19:00h os sábados, domingos e festivos.
Museo do Mar
O Museo do Mar atópase no Porto da Guarda, nunha atalaia ao final do paseo marítimo e conta con dúas coleccións: unha etnográfica cunha mostra das antigas artes de pesca e os seus aparellos e outra malacológica, cunha selección de cunchas de mar procedentes de todo o mundo.
Unha parte do patrimonio inmaterial está recollido en vídeos editados polo Concello: “Xentes do mar”, “Lendas de mar”, “Mulleres do mar” e “Tesouros vivos”.
Centro de Interpretación
O Centro de Interpretación do Castelo de Santa Cruz conta con paneis informativos que facilitan a comprensión do contexto histórico e o papel desempeñado pola fortaleza de A Guarda no sistema de fortalezas abaluartadas transfronterizas.
Tasas de acceso:
• 1 € adulto
• 0,50 € menores de 14 anos
• Gratuíto o primeiro sábado de cada mes e o Día dos Museos (18 de maio).
Dende o departamento de Turismo do Concello da Guarda dáse a oportunidade de coñecer o Monte Santa Trega grazas á oferta de visitas guiadas a este espazo. Durante o mes de setembro as visitas concentraranse os sábados e domingos cunha oferta de dous diferentes percorridos.
Polo tanto, as fins de semana ata finais de agosto, agás o día 23, que pola celebración do Día de Santa Trega non se realizará visita, poderase coñecer o Monte Santa Trega acompañado dun guía.
Durante os meses de xullo e agosto máis de 1400 persoas participaron nas visitas guiadas realizadas, que contaron cun gran éxito de afluencia, persoas de multitude de nacionalidades distintas, atraídas polo grande interese patrimonial deste espazo, así como pola riqueza arqueolóxica do Monte Santa Trega e as súas indiscutibles vistas panorámicas e paisaxes con encanto.
Aquelas persoas que desexen realizar unha visita guiada completa polo emblemático monte e coñecer máis polo miúdo o seu valor arqueolóxico, relixioso e paisaxístico, poderán participar nas saídas ás 12:30 h e ás 17:00 h do Museo Arqueolóxico de Santa Trega, MASAT. Dende alí, as e os participantes coñecerán as pezas expostas no museo e continuarán coa visita a ermida de Santa Trega para despois baixar polo sendeiro do Vía Crucis ata o Castro de Santa Trega onde se explicarán os contidos arqueolóxicos deste espazo escavado. Esta visita terá unha duración aproximada de 90 minutos.
Ademais ás 11:30 ofrecerase a oportunidade de realizar unas visitas guiadas centradas unicamente no castro, cunha explicación do xacemento arqueolóxico de 30 minutos de duración.
As persoas interesadas en participar deberán presentarse á hora de saída no punto de encontro indicado. Malia que as visitas son gratuítas, compre ter en conta que o taxa de acceso ao Monte Santa Trega é de 1€ para as persoas adultas e de 0,50€ para os e as menores de 14 anos. Os grupos formados por máis de 10 persoas deberán reservar a súa visita previamente chamando ao Museo Arqueolóxico do Monte Santa Trega (986 610 504).
Continúan as andainas organizadas pola Cámara Municipal de Caminha e o Concello da Guarda e que terán lugar entre os meses de setembro e novembro co obxectivo de coñecer a paisaxe e o patrimonio da comunidade galega e o país veciño.
A primeira andaina, programada para o 15 de setembro, percorrerá a Ruta da Cova Moura nas terras portuguesas de Monçao cunha distancia de 20 km. Esta Ruta guiada recorre as sendas e parroquias de Monçao. Os asistentes coñecerán praias fluviais como a de Sendin, onde transcorre o río Gadanha, que ofrece unha paisaxe de gran valor. Ademais de muíños, pontes medievais e moita natureza con pequenos sendeiros entre prados, viñas, penedos e piñeirais. Tamén se coñecerá o Palacio de Berjoeira.
O 20 de novembro celebrarase a segunda saída, na que os participantes poderán realizar unha andaina duns 15 km polo Monumento Natural de Pena Corneira. A andaina será de ascenso desde Leiro, onde antes de iniciar a ascensión de case 500m. de desnivel os asistentes recorrerán unha parte do río e do pobo. A Pena Corneira é unha gran roca ou penedo, situada no alto do monte, e amosase como un gran miradoiro sobre a comarca do Ribeiro. O seu bosque, de gran extensión, está catalogado como espazo natural de Galicia xa que está formado por árbores autóctonos. Outros atractivos da ruta son o conxunto de hórreos de Paredes e as igrexas románicas de Leiro, Lebosende e Serantes.
O peche do calendario deste ano 2018 terá como protagonista as terras veciñas rosaleiras coa ruta de 18 km polos Muíños do Folón e do Picón o vindeiro 10 de novembro. Os Muíños do Folón e do Picón son un grupo de 60 muíños en fervenza, declarados Ben de Interese Cultural ao constituír parte do rico patrimonio etnográfico, xa mencionados en documentos do século XVII. Recorrido de gran beleza con excelente panorámicas ao val do Rosal e Esteiro do Miño. Tamén se coñecerá a Capela na véspera da celebración de San Martiño e pechará o calendario de Andainas 2018.
O prazo de inscrición para as andainas programadas entre setembro e novembro comezará o vindeiro luns, 27 de agosto, e rematará o 30 de agosto. Terán prioridade aquelas persoas que se inscriban nas tres andainas. As persoas interesadas poderán inscribirse presencialmente na Oficina de Turismo da Praza do Reló, chamando ao teléfono 986 614 546, ou ben a través do correo electrónico turismo@aguarda.es.
En total os paneis atópanse na Igrexa de Santa María, a Torre do Reló, a Igrexa Convento de San Bieito, o Manómetro Barométrico, a Capela de San Caetano, a Capela da Guía, a Capela de Santa Trega, a Igrexa da Nosa Señora da Visitación de Camposancos, o Cruceiro Pinto, a Capela de San Roque, a Igrexa de San Lourenzo de Salcidos, a Capela da Nosa Señora das Mercedes da Gándara, a Muralla Medieval da rúa Baixo Muro, a Muralla Medieval da rúa Ireira e a Praza San Marcos (Hospital).
