ATENCIÓN! A Guarda é unha das 5 FINALISTAS na campaña “Juntos Brillamos Más” de Ferrero Rocher. Agora, nesta fase, disponse dunha semana, ata este domingo 30 de novembro, para votar de novo.
ATENCIÓN! A Guarda é un dos dezasete municipios que compiten este ano na campaña “Juntos Brillamos Más” de Ferrero Rocher, un por cada comunidade autónoma.
Nesta campaña diferentes concellos compiten pola oportunidade de ser iluminados coa icónica decoración e prendido de luces de Nadal da marca, en tons dourados. Esta mañá, no evento inaugural, o presentador de televisión Jesús Vázquez anunciaba aos participantes, sendo A Guarda, a representación de Galicia.
A pasada fin de semana celebrouse a primeira edición de “Miranda Jacobea, punto de encuentro en el camino”, en Miranda de Ebro, onde A Guarda participou como concello invitado.
A afluencia ao evento foi un éxito durante os tres días, acudindo veciñanza da vila e da comarca e asociacións e entidades do Camiño de Santiago. Moitos achegáronse ao stand da Guarda atraídos polas imaxes das paisaxes guardesas.
Algunhas persoas confesaron que visitaran o castro de Santa Trega, mais que volverían para coñecer máis a fondo a nosa vila. Tamén chamou a atención a algunhas asociacións do Camiño que xa comezaron a organización da súa próxima peregrinación desde A Guarda.
O sábado produciuse a presentación oficial do Encontro, onde o tenente alcalde, Óscar Alonso, agradeceu a organización deste evento que permite dar a coñecer A Guarda como primeiro municipio galego no Camiño Portugués pola Costa e tamén como destino turístico.
Desde hoxe ata o domingo, Miranda de Ebro (Burgos) acolle a primeira edición de “Miranda Jacobea, punto de encuentro en el Camino”. Para este evento, A Guarda foi o concello escollido para representar o Camiño Portugués pola Costa.
Organizado pola Asociación Amigos del Camino de Santiago de Miranda, o evento contará cun amplo programa de actividades con exposicións, obradoiros, ruta guiada, actuacións folclóricas, mercado…Nel, A Guarda contará cun stand turístico para promocionar a vila como primeiro municipio galego da ruta do Camiño Portugués pola Costa.
O alcalde da Guarda, Roberto Carrero, cree que “con estes eventos, danse a coñecer as diferentes rutas e experiencias que ofrece o Camiño de Santiago”. “En breve, superaremos as cifras do Camiño Portugués; no 2025 xa superamos as cifras do ano pasado con máis de 86.000 peregrinos”, comparte o alcalde.
Algúns medios locais e comarcais de Miranda de Ebro xa se fixeron eco da participación da Guarda en “Mirada Jacobea, punto de encuentro en el camino”.
Durante catro días, os xardíns de Murillo na cidade de Sevilla acolleron o Encontro de Casas Rexionais e Provinciais na XVI edición onde A Guarda se promocionou a nivel turístico na caseta de Galicia.
Este encontro celebrouse do 10 ao 13 de outubro cun amplo programa de actividades que incluíron actuacións de folclore e cultura rexional, así como degustacións. Numeroso público asistiu durante estes días ás actividades programadas polas 16 casetas participantes para achegar a cultura, gastronomía, idiosincrasia, música, bailes e demais idiosincrasia aos asistentes.
A Guarda foi a protagonista da caseta do Lar Gallego de Sevilla, onde o público desfrutou de vídeos das nosas paisaxes así como do material turísticos para que puidesen coñecer este destino destacado.
Despois da promoción da Guarda na caseta da Real durante a Feira de Abril de Sevilla, A Guarda volveu ser a protagonista nesta segunda campaña de promoción.
Para promocionar, pór en valor e protexer os nosos ceos nocturnos e o dereito das estrelas, o próximo domingo organízase unha actividade de iniciación á observación do ceo nocturno.
Esta experiencias está impartida por monitoras turísticas certificadas pola Fundación Starlight e organizada por Galicia Suroeste, buscando avanzar na certificación de Destino Starlight.
A actividade será este domingo ás 21:00h e precisa inscrición previa en:
Verán de récord das visitas guiadas no castro Santa Trega. Nos meses de xullo e agosto realizáronse visitas guiadas de martes a domingo en 4 quendas ao día, ás que acudiron máis de 7.000 persoas, case duplicando os datos de anos anteriores.
Ademais, incrementouse notablemente o interese de coñecer o valor arqueolóxico do Trega, pois cada vez hai máis xente que sube ao monte e que aposta por participar nas visitas guiadas.
Mantense o perfil do público habitual que son turistas e visitantes nacionais que pasan as súas vacacións en Galicia. Ademais tamén realizan esta visita veciños da Guarda e da comarca con interese na historia e paisaxe do Monte Santa Trega e que repiten a experiencia, formando parte da visita coa familia e amigos que visitan a nosa vila.
Coa chegada de setembro continúan as visitas regulares nas fins de semana ás 12:00h.
O punto de encontro é o aparcadoiro da Casa Forestal e a visita recorre menos de 1 km polas diferentes áreas escavadas durante os últimos cen anos, incluíndo a zona norte coas vivendas reconstruídas e a muralla ata a zona de Mergelina, na ladeira ao río Miño.
A duración aproximada da visita é 45 minutos pero sempre é interesante completar esta actividade coa visita ao MASAT, Museo Arqueolóxico de Santa Trega.
Ademais durante estes meses de verán, os visitantes puideron ver o traballo artesanal da rehabilitación da cuberta vexetal das dúas vivendas reconstruídas do Castro. Este traballo foi realizado por Juan González, un dos poucos especialistas teitadores e que tamén formou parte das explicacións do guía pola curiosidade dos visitantes ao ver o seu traballo totalmente manual.
Estas visitas guiadas non precisan reserva previa e son gratuítas pero aqueles que accedan ao Monte Santa Trega en vehículo deberán abonar o prezo público.
Para calquera dúbida poden consultar directamente no Museo Arqueolóxico no tel. 690 01 70 38 ou un mail a masat@aguarda.es.
Tras o descanso de verán das andainas organizadas pola Concellería de Eventos Deportivos da Guarda, regresan para as dúas últimas rutas.
O 13 de setembro realizarase unha saída polo concello de Lobios (Ourense), facendo un roteiro que permitirá coñecer a súa paisaxe. O día 11 de outubro pecharase este ciclo de andainas cunha ruta pola Serra do Galiñeiro, na que se poderá visitar a Cova da Becha e os petróglifos de auga da Laxe.
A actividade conta con servizo de autobús para o desprazamento e guía interpretativo, polo que se establece un prezo de 20€/persoa para cada andaina. As rutas están entre os 10 e 15 kilómetros, polo que as persoas interesadas deben atoparse na condición física adecuada para realizar estes tramos e con certa dificultade polo desnivel.
Xa están abertas as inscricións para estas dúas andainas na Casa dos Alonso (terceira planta) ou ben a través do correo electrónico en turismo@aguarda.es ou no tel. 986614546, aínda que se priorizara a inscrición presencial.
O Concello da Guarda xunto a Asociación O Piueiro, volven ofrecer este verán saídas gratuítas da navegación pola nosa costa a bordo vo volanteiro Piueiro.
Esta actividade ofrécese desde o 2020 e ten unha gran acollida entre veciños e veciñas e visitantes, xa que ofrece unha experiencia única cunha saída de navegación na costa atlántica nunha embarcación de gran envergadura.
A Oficina de Turismo da Guarda (Praza do Reló) xestionará as reservas a partir do sábado anterior ás saídas da semana seguinte. As reservas poderanse realizar presencialmente (que terán prioridade) ou chamando ao 986 61 45 46 en horario da oficina, que está aberta de martes a sábado de 10 a 14h e de 16:30 a 18:30h.
Debido ao número reducido de prazas dispoñibles unha persoa poderá inscribir a un total de catro, excepto as unidades familiares. A idade mínima para participar é de 10 anos. Recordase que é preciso estar 15 minutos antes da saída no peirao do porto (escaleiras do muelle alto) e a saída terá unha duración aproximada de 45 minutos.
Recoméndase levar calzado que suxeite o nocello e roupa de abrigo. Ademais, lémbrase que as saídas poden ser canceladas por motivos meteorolóxicos: chuvia, vento ou néboa.
Os horarios previstos das saídas son 12:00h, 17:00 e 18:00h e as datas previstas segundo semana son:
Xoves 31 de xullo e sábado 2 de agosto
Martes 5 de agosto: será en horario de 16:30h, 17:30h e 18:30h
Nos meses de maior afluencia, xullo e agosto, amplíase a oferta de visitas guiadas gratuítas ao Castro Santa Trega. Hai xornadas, nas que se acada o centenar de persoas diarias que asisten a estas visitas guiadas.
Haberá visitas de martes a domingo con 4 quendas ao día (12:00, 13:00, 18:00 e 19:00h), agás o domingo 10 de agosto, debido as Festas do Monte. Deste xeito, os visitantes interesados terán a oportunidade de coñecela cultura castrexa e a nosa paisaxe.
O punto de encontro é o aparcadoiro da Casa Forestal e a visita recorre menos de 1 km polas diferentes áreas escavadas durante os últimos cen anos, incluíndo a zona norte coas vivendas reconstruídas e a muralla ata a zona de Mergelina, na ladeira ao río Miño. Sempre é interesante completar esta actividade coa visita ao MASAT, Museo Arqueolóxico de Santa Trega.
Estas visitas guiadas non precisan reserva previa e son gratuítas, pero aqueles que accedan ao Monte Santa Trega en vehículo deberán abonar o prezo público.
No mes de setembro regresarán as visitas guiadas regulares aos fins de semana ás 12:00h. Para calquera dúbida poden consultar directamente no Museo Arqueolóxico no tel. 690 01 70 38 ou un mail a masat@aguarda.es.
El puerto de A Guarda ya se está preparando para la XXXIII Fiesta de la Langosta y de la Cocina Marinera, con una carpa más grande, de 1.200 metros cuadrados, que abrirá por primer año a las 12:00h del mediodía del viernes. Justo antes, a las 11:30h, el Grupo de Gaitas de la Tercera Edad pondrán en aviso del comienzo de la fiesta con un pasacalles para llenar los rincones de A Guarda de Música.
La inauguración oficial de la fiesta con el pregón será a las 20:30h este viernes. El pregón vuelve al puerto de A Guarda y cuenta con una figura de lujo, Rafa Durán. El humorista y presentador de Baiona, será el encargado de darnos la bienvenida a este 33ª edición de la fiesta. Además, se hará entrega de la Langosta de Honor a la Agrupación Musical de A Guarda.
El exterior de la carpa del puerto se convertirá en escenario de tres conciertos más. La banda Meighalho, la Agrupación Musical de A Guarda y O Sonoro Maxín para disfrutar de la mejor gastronomía con música durante todo el fin de semana.
Además este año contamos con un espectáculo muy diferente y dirigido al público familiar, el sábado a las 20:00h. Se trata del espectáculo “Volando vengo!” de Kanbahiota, cuatro trapecistas que mezclan humor y acrobacias.
“La Fiesta de la Langosta ya va más allá de una carpa donde comer”, manifestaba el alcalde, Roberto Carrero, “este año contamos con mucha música, además gran parte de ella de origen local, y con espectáculo para disfrutar en familia de un fin de semana espectacular”.
Durante el sábado y domingo habrá salidas de navegación con el volanteiro Piueiro tanto por la mañana (11:00 y 12:00h) como por la tarde (17:00 y 18:00h). La información y las reservas estarán disponibles en el punto de información del interior de la carpa.
En esta edición, el Ayuntamiento de A Guarda apuesta por ampliar la fiesta tras los excelentes datos de asistencia el año pasado, cuando se vendieron más de 700kg de langosta (270kg solo el sábado a mediodía). De este modo, además del horario, también se amplía la capacidad de la carpa hasta los 600 comensales para que vecinos y visitantes, puedan disfrutar cómodamente de esta fiesta.
Por lo tanto, una carpa de 1.200 metros cuadrados estará abierta durante los tres días del fin de semana en el puerto de A Guarda para disfrutar de una comida excepcional. Entre los más de 20 productos y platos marineros, la langosta sigue ser la protagonista y los restaurantes ofrecen la langosta cocida y a la plancha. Desde la primera edición a sobremesa estrella que acompaña la langosta es el roscón de yema, sobremesa típica guardesa desde hay más de 70 años.
O porto da Guarda xa se está preparando para a XXXIII Festa da Langosta e da Cociña Mariñeira, cunha carpa máis grande, de 1.200 metros cadrados, que abrirá por primeiro ano ás 12:00h este mediodía este venres 4 de xullo. Xusto antes, ás 11:30h, o Grupo de Gaitas da Terceira Idade porán en aviso do comezo da festa cun pasarrúas para encher os recunchos da Guarda de Música.
A inauguración oficial da festa co pregón será ás 20:30h este venres. O pregón volve ao porto da Guarda e conta cun persoeiro de luxo, Rafa Durán. O humorista e presentador de Baiona, será o encargado de darnos a benvida a este 33ª edición da festa. Ademais, farase entrega da Langosta de Honra á Agrupación Musical da Guarda.
O exterior da carpa do porto converterase en escenario de tres concertos máis. A banda Meighalho, a Agrupación Musical da Guarda e O Sonoro Maxín para desfrutar da mellor gastronomía con música durante todo o fin de semana.
Ademais este ano contamos cun espectáculo moi diferente e dirixido ao público familiar, o sábado ás 20:00h. Trátase do espectáculo “Volando vengo!” de Kanbahiota, catro trapecistas que mesturan humor e acrobacias.
“A Festa da Langosta xa vai máis alá dunha carpa onde comer”, manifestaba o alcalde, Roberto Carrero, “este ano contamos con moita música, ademais gran parte dela de orixe local, e con espectáculo para desfrutar en familia dunha fin de semana espectacular”.
Durante o sábado e domingo haberá saídas de navegación co volanteiro Piueiro tanto pola mañá (11:00 e 12:00h) como pola tarde (17:00 e 18:00h). A información e as reservas estarán dispoñibles no punto de información do interior da carpa.
Nesta edición, o Concello da Guarda aposta por ampliar a festa tras os excelentes datos de asistencia o ano pasado, cando se venderon máis de 700kg de langosta (270kg só o sábado ao mediodía). Deste xeito, ademais do horario, tamén se amplía a capacidade da carpa ata os 600 comensais para que veciños e visitantes, poidan gozar comodamente desta festa.
Polo tanto, unha carpa de 1.200 metros cadrados estará aberta durante os tres días da fin de semana no porto da Guarda para desfrutar dunha comida excepcional. Entre os máis de 20 produtos e pratos mariñeiros, a langosta segue ser a protagonista e os restaurantes ofrecen a langosta cocida e á prancha. Dende a primeira edición a sobremesa estrela que acompaña a langosta é o roscón de xema, sobremesa típica guardesa desde hai máis de 70 anos.
Hoxe presentamos a XXXIII Festa da Langosta e da Cociña Mariñeira en Marín, co obxectivo de dar a coñecer a festa entre veciños e veciñas para que nos visiten a próxima semana.
Alí puidéronse desfrutar dos produtos que se poderán degustar no porto da Guarda a próxima fin de semana do 4,5 e 6 de xullo. Os asistentes quedaron abraiados da calidade destes produtos.
O alcalde da Guarda, Roberto Carrero, deu a benvida a este “pequeno petisco para que poidamos abrir o padal e en 10 días xuntarnos dentro desa carpa, aberta a todo o público con prezos moi populares, para que poidamos degustar da nosa gastronomía”.
Pola súa banda, a alcaldesa de Marín, María Ramallo, sinalou que a Festa da Langosta é “unha festa importante que está xa sinalada no calendario e que pretende ano a ano ir crecendo e ofrece o mellor”.
O próximo venres 4 de xullo abrirase a carpa ás 12:00h para aproveitar ao máximo a fin de semana de boa gastronomía. Xa pola tarde, ás 20:30h será o pregón no porto a cargo de Rafa Durán para continuar co resto da programación de entretemento e musical.
A XXXIII Festa da Langosta e da Cociña Mariñeira traspasa o eido gastronómico e terá unha proposta musical e lúdica para achegarse a todos os públicos. Haberá pasarrúas durante as tres mañás da festa co Grupo de Gaitas de Pensionistas e da 3ª Idade, o Trebón dos Xidos e A Boalleira, respectivamente.
A música non remata aí, pois o exterior da carpa do porto converterase en escenario de tres concertos máis. O venres ás 22:30h actúa Meigalho, banda do batería guardés Stewart cunha proposta de tradición galega con elementos da música jazz e rock. Xa o sábado, ás 23:00h a Agrupación musical da Guarda ofrecerá un concerto moi especial de bandas sonoras polo seu XX aniversario. E para rematar a festa, o domingo ás 20:00h o grupo O Sonoro Maxín porá ritmo de cumbia galega para bailar.
Ademais este ano contamos cun espectáculo moi diferente e dirixido ao público familiar. Trátase do espectáculo “Volando vengo!” de Kanbahiota, catro trapecistas que mesturan humor e acrobacias. Todos e todas poderán desfrutar deste espectáculo no exterior da carpa o sábado ás 20:00h.
“A Festa da Langosta xa vai máis alá dunha carpa onde comer”, manifestaba o alcalde, Roberto Carrero, “este ano contamos con moita música, ademais gran parte dela de orixe local, e con espectáculo para desfrutar en familia dunha fin de semana espectacular”.
Durante o sábado e domingo haberá saídas de navegación co volanteiro Piueiro tanto pola mañá (11:00 e 12:00h) como pola tarde (17:00 e 18:00h). A información e as reservas estarán dispoñibles no punto de información do interior da carpa.
Como sempre, celebrarase na primeira fin de semana de xullo, os días 4, 5 e 6 de xullo, mais trae unha novidade: a festa adiántase ao venres ás 12:00h da mañá. Aínda que a carpa abrirá pola mañá, a inauguración oficial da festa co pregón será ás 20:30h.O pregón desta 33ª edición volve ao porto da Guarda e conta cun persoeiro de luxo, Rafa Durán.
Nesta edición, o Concello da Guarda aposta por ampliar a festa tras os excelentes datos de asistencia o ano pasado, cando se venderon máis de 700kg de langosta (270kg só o sábado ao mediodía). Deste xeito, ademais do horario, tamén se amplía a capacidade da carpa ata os 600 comensais para que veciños e visitantes, poidan gozar comodamente desta festa.
Polo tanto, unha carpa de 1.200 metros cadrados estará aberta durante os tres días da fin de semana no porto da Guarda para desfrutar dunha comida excepcional. Entre os máis de 20 produtos e pratos mariñeiros, a langosta segue ser a protagonista e os restaurantes ofrecen a langosta cocida e á prancha. Dende a primeira edición a sobremesa estrela que acompaña a langosta é o roscón de xema, sobremesa típica guardesa desde hai máis de 70 anos.
A XXXIII Festa da Langosta e da Cociña Mariñeira da Guarda arranca este ano coa apertura da carpa o venres 4 de xullo ás 12:00h, mais non será ata esa tarde ás 20:30h cando escoitemos o pregón.
O pregón desta 33ª edición volve ao porto da Guarda e conta cun persoeiro de luxo, Rafa Durán. O presentador, cómico e actor de Baiona encargarase este ano do pregón da Festa da Langosta e da Cociña Mariñeira. Rafa Durán é coñecido polas súas múltiples facetas relacionadas co humor e a televisión, como presentador de programas e concursos da TVG como “Hit list”, “Aquí Galicia” ou “Imos de feria”.
No eido humorístico, Rafa Durán é membro do dúo cómico de improvisación teatral “Coaches de Choque” xunto Oswaldo Digón. Ademais, é moi coñecido en redes sociais como Instagram e Tiktokpolos seus sketches de humor, as #Duranadas.
“Invito a todos e a todas a vir ao pregón desta Festa da Langosta, xa que contamos cun pregoeiro espectacular”, pensa o alcalde, Roberto Carrero, “que desde logo, será o arranque para outra Festa da Langosta de récord”.
Despois do pregón, os asistentes poderán continuar a degustar os pratos que se ofertan dentro da carpa. Unha carpa que este ano aumenta a súa capacidade ata os 600 comensais grazas aos seus 1.200 metros cadrados. Ademais de langosta e produtos mariñeiros, a rosca de xema, a sobremesa típica guardesa desde hai máis de 70 anos, será protagonista.
A Guarda é a vila máis acolledora de Galica segundo os propios visitantes, pois acaba de resultar a gañadora desta categoría nos Traveller Review Awards 2025 que se coñeceron este luns 9 de xuño.
Estes premios celebraron a 13ª edición e baséanse en máis de 360 millóns de comentarios verificados en Booking.com de viaxeiros internacionais. A Guarda destacou nos valores de autenticidade, proximidade e calidez no trato, colocándose, por tanto, no máis alto do ranking galego en hospitalidade e calidade na experiencia turística.
Os viaxeiros tamén deixaron notar a riqueza do noso patrimonio natural e cultural, desde o recoñecido Castro de Santa Trega ata o porto, a fortaleza de Santa Cruz e a propia desembocadura do río Miño.
“Estamos encantados con este recoñecemento, que ademais provén dos propios visitantes e turistas, pois recoñece o traballo e aposta que estamos facendo desde este goberno polo turismo”, declara o alcalde da Guarda, Roberto Carrero, “pero tamén pón en valor a idiosincrasia dos guardesas e guardesas, esa forma de ser acolledora e amable”.
O Concello da Guarda xa leva realizado diferentes accións dentro da promoción turística para dar a coñecer a nosa vila e os seus encantos. En xaneiro, A Guarda estivo presente en na Feira de FITUR en Madrid, para logo ser a protagonista en maio na caseta do Lar Gallego na Feria de Abril de Sevilla. Ademais, realizáronse traballos para mellorar a experiencia dos turistas, como un deseño renovado dos mapas turísticos e a posibilidade de realizar visitas virtuais.
Xa temos datas para a XXXIII Festa ga Langosta e da Cociña Mariñeira da Guarda. Como sempre, celebrarase na primeira fin de semana de xullo, os días 4, 5 e 6 de xullo, mais trae unha novidade: a festa adiántase ao venres ás 12:00h da mañá.
Nesta edición, o Concello da Guarda aposta por ampliar a festa tras os excelentes datos de asistencia o ano pasado, cando se venderon máis de 700kg de langosta (270kg só o sábado ao mediodía). Deste xeito, ademais do horario, tamén se amplía a capacidade da carpa ata os 600 comensais para que veciños e visitantes, poidan gozar comodamente desta festa.
Polo tanto, unha carpa de 1.200 metros cadrados estará aberta durante os tres días da fin de semana no porto da Guarda para desfrutar dunha comida excepcional. Entre os máis de 20 produtos e pratos mariñeiros, a langosta segue ser a protagonista e os restaurantes ofrecen a langosta cocida e á prancha. Dende a primeira edición a sobremesa estrela que acompaña a langosta é o roscón de xema, sobremesa típica guardesa desde hai máis de 70 anos.
A Festa da Langosta traspasa o eido gastronómico e terá unha proposta musical e lúdica para achegarse a todos os públicos. Ao longo deste mes de xuño daranse a coñecer outras novidades, como a programación completa e tamén o nome da persoa encargada do pregón este ano.
“Estamos moi contentos de que a Festa da Langosta e da cociña mariñeira siga crecendo, este ano xa incluíndo tamén o mediodía do venres”, manifestaba o alcalde, Roberto Carrero, “A Guarda xa é esa fin de semana o referente de festa gastronómica en Galicia”.
O Monte Santa Trega é o recurso máis destacado da Guarda polos seus valores patrimoniais, relixiosos e paisaxísticos e o Padroado Municipal de Santa Trega ofrece unha tempada máis as visitas guiadas ao Castro Santa Trega para que os visitantes e veciños poidan coñecer mellor o valor arqueolóxico deste monte.
O punto de encontro é o aparcadoiro da Casa Forestal e a visita percorre as diferentes áreas escavada, incluíndo a zona norte coas vivendas reconstruídas e a muralla ata a zona da Mergelina, na ladeira ao lado do río Miño.
Dende hai máis dunha década que se ofrece esta actividade e segue tendo unha excelente acollida cunha media de 20 persoas en cada visita guiada. O público habitual son turistas e visitantes nacionais que pasan as súas vacacións en Galicia. Ademais tamén realizan esta visita veciños da Guarda e da comarca con interese na historia e paisaxe do Monte Santa Trega e outros acompañan a familia e amigos que visitan a nosa vila.
A duración da visita é de 45 minutos, aínda que sempre é interesante completala coa visita ao Museo Arqueolóxico Monte Santa Trega (MASAT), que estará aberto en xuño e setembro en horario de 10:00 a 20:00h de martes a domingo, e que amplía o seu horario en xullo e agosto de 9:00 a 21:00h.
Os meses de xuño e setembro adoitan ser datas preferentes para visitas guiadas concertadas para grupos e escolares polo que a visita guiada regular nestes meses será as fins de semana ás 12:00h.
Para os meses de xullo e agosto amplíase a oferta con visitas de martes a domingo e 4 quendas ao día (12:00, 13:00, 18:00 e 19:00), agás o domingo 10 de agosto que non haberá visitas. Estas visitas guiadas non precisan reserva previa e son gratuítas pero aqueles que accedan ao Monte Santa Trega en vehículo deberán abonar o prezo público.
Para calquera dúbida poden consultar directamente no Museo Arqueolóxico no tel. 690 01 70 38 ou un correo electrónico a masat@aguarda.es.
O Concello da Guarda renovou este ano os mapas turísticos, ferramenta base para moitos visitantes da vila. Con esta renovación, o mapa turístico adaptouse aos novos tempos, optando por un formato máis visual e reducindo o texto explicativo.
Deste xeito, engádense imaxes dos puntos de interese da Guarda, polo que o turista pode ter esa referencia visual antes de chegar ao destino. Por outra banda, mantense a ampliación do casco urbano para facilitar a mobilidade dos visitantes polas rúas da Guarda.
Nesta nova adaptación, non só se tivo en conta as tendencias actuais, cun deseño que imita as acuarelas e máis simplificado, senón que tamén se fixo pensando no medio ambiente, polo que os mapas están feitos con materiais reciclados.
Ademais, o mapa inclúe Qrs cos que acceder directamente a diferentes rutas propostas para coñecer mellor a nosa vila adaptándose ao tempo e preferencias de cada un, e tamén pódese acceder ás visitas virtuais que ofrece a páxina de turismo do Concello.
Estes mapas estreáronse coa promoción da Guarda en FITUR a comezos de anos e, coa chegada da época de maior afluencia turística, xa se repartiron, xunto con outro material turístico, polas Oficinas de Turismo e hoteis do Baixo Miño.
O alcalde da Guarda, acudiu este luns á tradicional cena do Pescaíto e ao alumbrao da portada coa que se iniciou a Feira de Abril 2025. Na caseta do Lar Gallego puidéronse observar fotografías que amosan a beleza natural, patrimonio, gastronomía e riqueza cultural da vila.
“Foi unha noite moi bonita, onde a xente desexaba coñecer máis das paisaxes e da historia que os rodeaban”, relata o alcalde. “Ver tanta xente falando sobre A Guarda foi realmente emocionante”.
Calquera época do ano é un bo momento para descubrir a vila mariñeira da Guarda e se a visita coincide coa Semana Santa pódese tamén participar nas celebracións relixiosas.
A Guarda é unha pequena vila que ofrece variadas propostas para cada visitante como gozar da natureza do Esteiro do Miño, visitar o Monte Santa Trega, descubrir a vida mariñeira no porto e degustar a nosa gastronomía e produtos locais.
Para coñecer detidamente A Guarda están dispoñibles uns mapas dixitais con 18 rutas distintas e máis de 80 puntos de interese, e, como novidade pódense facer unhas visitas virtuais a través da web www.turismoaguarda.es .Estas permiten realizar unha visita 360º do monte e ampliar a información coas audioguías. Ademais tamén está dispoñible a recreación virtual dunha unidade familiar do castro, que transportará ao visitante a finais do século I aC.
A Guarda comezará a celebrar a Semana Santa oficialmente este venres 11 de abril, coa Procesión do «Venres de Dor», a partir das 21:00 horas dende a Igrexa Parroquial de Santa María.
A programación relixiosa da Parroquia de Santa María da Guarda continúa o domingo 13 de abril (Domingo de Ramos) coa tradicional bendición de ramos e palmas na Praza de San Bieito ás 11:30 horas. A continuación, celébrase a procesión ata igrexa parroquial e a Misa da Paixón do Señor.
O Xoves Santo virá marcado pola «Procesión dos Pasos», con saída ás 21:00 horas dende a Igrexa Parroquial de Santa María. O Venres Santo terán lugar, dende o mesmo punto, a «Procesión do Encontro» (11:00 h) e a «Procesión do Santo Enterro» (21:00 h). Os actos relixiosos pecharán coa misa solemne de Pascua e a bendición pascual, o domingo 20 ás 11:30h.
Nesta Semana Santa ofreceranse as habituais visitas guiadas ao Castro de Santa Trega, que permiten comprender o valor arqueolóxico deste destacado xacemento arqueolóxico. Durante unha visita guiada de 45 minutos os visitantes coñecerán en detalle a cultura castrexa e como vivían no Trega.
As visitas gratuítas están organizadas do martes 15 ao domingo 20 de abril en dúas quendas ás 12:00h e ás 17:00h. O punto de comezo é a explanada da casa Forestal, a casa en pedra que se atopa despois de cruzar a zona escavada do castro. Esta visita guiada pode completarse coa visita ao Museo Arqueolóxico de Santa Trega que se atopa na cima do monte e que nestes meses de primavera abre de martes a domingo de 10:00 a 20:00h.
Coincidindo coa Semana Santa a Oficina de Turismo da Guarda, na Praza do Reló, comezará co seu horario de martes a sábado de 10:00 a 14:00 e de 16:30 a 18:30h. Tamén atención no tel. 986 61 45 46 ou en turismo@aguarda.es .
Para completar a visita pódese acudir á exposición de cámaras fotográficas na Casa do Concello, no horario de mañá dos días laborais. A propia igrexa parroquial acolle esta fin de semana dous concertos. O sábado, o coro Gli Appassionati trae a obra ‘Stabat Mater’ de Steve Dobrogosz a partir das 21:00h, mentres que o domingo 13 ás 17:00h, será a Agrupación Musical da Guarda quen ofrecerá un concerto de marchas procesionais.
Na Guarda ademais teñen lugar as tradicionais Festas da Pascua de Buxán que darán comezo este sábado 12 coa celebración do seu serán ás 22:00h. Xa o xoves 17 celebrarase a tradicional lacoadanas Escolas de San Lourenzo. A festa continuará o venres 18 de marzo co partido de fútbol masculino entre solteiros e casados no Estadio Municipal. O sábado 19 haberá tradicionais xogos populares (11:00h para nenos e 16:30h para adultos) e á noite, verbena, amenizada polo Trío LA NOCHE e o GRUPO AMÉRICA (23:00 h). Na xornada do 31 de marzo, Domingo de Pascua, a partir das 11:00h poderase desgustar os pratos locais como a zorza e callos amenizado co grupo Airiños do Folón. A tarde está reservada para a tradicional Festa do Biscoito con inchables e pintacaras para nenos. Ás 17:00 comezará a poxa de produtos tradicionais para pechar ás 19:30 coa actuación do grupo folk Os Folieros.
A Concellería de Eventos Deportivos volve este ano coa organización de andainas para coñecer novos lugares.
En total, son catro andainas que se reparten na primavera e outono do 2025. Todas elas contan con servizo de autobús para o desprazamento e guía interpretativo, polo que se establece un prezo de 20€/persoa para cada andaina.
Todas rutas están entre os 10 e 18 kilómetros, polo que as persoas interesadas deben atoparse na condición física adecuada para realizar estes tramos e con certa dificultade polo desnivel.
A primeira andaina será o 26 de abril para realizar a primeira etapa da Vía Mariana que une Braga con Muxía, polo que se percorrerá a localidade portuguesa. Un mes máis tarde, o 24 de maio, recorreremos o interior da provincia co ruta do río Xesta e a fervenza do río Oitavén, percorrendo o concello da Lama.
Antes do remate do verán, o 13 de setembro, retómase as saídas cun roteiro por Lobios (Ourense) para desfrutar deste paisaxe de interior. Para pechar a actividade, o 11 de outubro, farase unha ruta pola Serra do Galiñeiro na que se poderá visitar a Cova da Becha e os petróglifos de auga da Laxe.
As prazas son limitadas e o prazo de inscrición establécese do luns 17 ao venres 28 de marzo. O martes 1 de abril informarase aos interesados da lista de admitidos.
Máis información e inscrición na Casa dos Alonso (terceira planta) ou ben a través do correo electrónico en turismo@aguarda.es ou no tel. 986614546, aínda que se priorizara a inscrición presencial.
A Guarda inaugurará o Entroido 2025 co Desfile Escolar o próximo venres 28 ás 11:30h, cando preto de 400 alumnos e alumnas da Guarda tomen as rúas para amosar os seus mellores disfraces.
Durante a fin de semana continuará a programación na Alameda. O sábado haberá noite de djs con Axel, Matt, Joan Roca e Diego Mariño. A tarde de domingo arranca co espectáculo de clow infantil “A vida tola de Pajarito”, quen fará participar ao público e transeúntes coas súas tolemias.
Despois, a charanga Cantos Somos amenizará o resto da tarde de domingo. O luns e martes de Entroido temos as tardes completas de actividades para desfrutar na Alameda. O luns 3 teremos xogos populares na Alameda, mentres que o martes 4, haberá festa de Entroido e Baile de Disfraces con pintacaras, globoflexia e búsqueda do tesouro.
O prato forte chegará o venres 7 de marzo co Desfile de Entroido. Este sairá ás 20:30h da Rúa Porto Rico (Esquina Famosa) e percorrerá a Rúa Galicia ata rematar na Alameda. Alí, comezará a festa con Darío GZ, Adrián Mesu, Christian Pereira e DJ Charlie.
(En caso de chuvia, proporase unha nova data para a celebración do desfile)
Ide preparando os vosos mellores disfraces, que chega o Entroido 2025!
A partir do 15 de febreiro volve a abrir o MASAT, Museo Arqueolóxico de Santa Trega, que permitirá aos visitantes comprender a importancia deste xacemento arqueolóxico grazas a exposición de pezas atopadas nas diferentes escavacións.
A longo do ano o horario do MASAT modificarase para atender aos visitantes de martes a domingo. Durante o 2023, unhas 40.000 persoas visitaron o Museo.
A novidade deste ano é o lanzamento do proxecto de visitas virtuais que permitirán coñecer mellor o Monte Santa Trega e outros espazos de interese na vila da Guarda. Esta iniciativa financiouse cunha subvención da Axencia de Turismo de Galicia.
Aqueles que visiten o Monte Santa Trega poden empregar esta ferramenta que permite realizar unha visita 360º do monte e ampliar a información coas audioguías. Ademais tamén está dispoñible a recreación virtual dunha unidade familiar do castro, que transportará ao visitante a finais do século I aC.
Esta nova ferramenta dixital está dispoñible na web turismoaguarda.es ou directamente no QR de enlace do recorrido virtual Castro Santa Trega.
As datas festivas están á volta da esquina e para desfrutar delas, A Guarda ten unha programación chea de actividades para toda a familia.
A música será a gran protagonista, con concertos e pasarrúas, mais tamén haberá contacontos e espectáculos de maxia ou circo. Ademais recibiremos visitas moi especiais, como Papá Noel, as carteiras reais e os Reis Magos.
Durante as vindeiras semanas, irase dando a coñecer máis información sobre cada unha das actividades.
Ante a redución do número de peregrinos nestas datas de Nadal, o Albergue Municipal de Peregrinos permanecerá pechado do luns 16 de decembro ata o xoves 16 de xaneiro, abrindo novamente a partir do venres 17 de xaneiro.
Os meses de menor afluencia de peregrinos son decembro e xaneiro debido aos días curtos, o empeoramento do tempo e as celebración do Nadal. Nestas semanas de peche do albergue aproveitase para realizar tarefas de mantemento das instalacións.
Durante este 2024 aloxáronse 4.250 peregrinos, uns 150 peregrinos máis con respecto a 2023. O albergue ten unha capacidade para 36 persoas polo que moitos peregrinos escollen outros tipos de aloxamentos turísticos como os hoteis, especialmente nos meses de inverno.
O Camiño Portugués da Costa segue a crecer, sendo notable a presenza constantes dos peregrinos que percorren as nosas rúas e tamén como reflexan os datos rexistrados na Oficina do Peregrino en Santiago con 74.500 peregrinos a día de hoxe, superando os 52.000 rexistrados en todo o 2023.
A oferta de visitas guiadas ao Castro de Santa Trega sempre tiveron unha excelente collida entre veciños e visitantes que escollen A Guarda ou arredores para gozar das súas vacacións.
Estas visitas guiadas son un complemento perfecto visitando o Monte Santa Trega, recorrendo noso territorio a través das rutas de sendeirismo, desfrutando da natureza no Esteiro do Miño, descubrindo a vida mariñeira no porto e no Museo del Mar e degustando a nosa gastronomía e produtos locais.
Esta campaña especial das visitas guiadas centrase nos valores arqueolóxicos do Monte Santa Trega, un dos recursos máis destacados de Galicia e un dos exemplos mellor conservados da Cultura castrexa.
Esta visita guiada realizaranse o venres 6, sábado 7 e domingo 8 de decembro ás 12:00h e terán unha duración duns 45 minutos. A visita centrase no valor arqueolóxico da zona escavada do Castro de Santa Trega, nun recorrido de menos dun quilómetro que inclúe o Barrio Mergelina e finaliza nas vivendas reconstruídas. As explicacións do guía permitirán coñecer como vivían os castrexos no Trega fai máis de 2.000 anos.
Esta actividade non precisa inscrición previa, os interesados tan só terán que presentarse minutos antes do comezo da visita no aparcadoiro da Casa Forestal que se atopa uns metros despois de cruzar o castro. Aqueles que accedan en vehículo ao monte deberán abonar a taxa de acceso, sendo a visita guiada gratuíta.
Ademais con motivo da Ponte da Constitución a Rede de Museos da Guarda conta cunha apertura ampliada:
• MASAT (Museo Arqueolóxico). Do venres ao domingo: 10:00 a 19:00h
• Museo do Mar. De venres a domingo: 11:00 – 14:00 / 16:00 -19:00h
• Castelo de Santa Cruz: Espazo público aberto todos os días: 10:00-18:00h.
Por último, recordar que a Oficina Municipal de Turismo contará tamén cun horario especial e estará aberta de venres a domingo de 10:00 a 14:00h. Tamén pódese consultar no mail a turismo@aguarda.es ou no tel. 986 61 45 46.
Co comezo de setembro redúcese o número de visitantes ao monte pero seguiranse ofrecendo as visitas guiadas gratuítas ao Castro de Santa Trega como en anos anteriores.
Unha vez comezado setembro os visitantes poderán coñecer mellor o valor arqueolóxico coas visitas dos sábados en dúas quendas: ás 12:00 e ás 17:00, excepto o sábado 14 que só haberá a visita da tarde.
A duración das visitas gratuítas é de 45 minutos e só se precisa estar á hora no punto de encontro do parking da casa Forestal, xa que non se necesita reserva previa. Mais para grupo de máis de 12 persoas pídese consultar ao MASAT no teléfono 690 01 70 38.
Aínda que as visitas son de balde, a tarifa de acceso de vehículos non está incluída.
O venres 30 de agosto, como peche do mes de excelencia do verán e das festas e eventos, escolleuse como data para o concerto de música do grupo GIN TONI´S. O forte vento do sábado da Festa da Langosta impediu que se realizasen os preparativos técnicos e montaxe.
Para realizar este concerto tan esperado polos amantes da música escolleuse a Alameda, concerto que comezará ás 22:30h cunha duración aproximada de 2 horas.
A banda GIN TONI’S ofrecerá un concerto cun directo fresco e un repertorio de versións dos mellores temas do Pop Rock español dende os 80 ata a actualidade coma por exemplo Alaska, Los Hombres G, Seguridad Social, Radio Futura, Loquillo, Los Secretos ou Joaquín Sabina, entre outros moitos.
Un espectáculo musical que transportarán aos asistentes ás décadas douradas da música española.
O primeiro fin de semana de xullo comezou a funcionar o tren turístico coincidindo coa Festa da Langosta. Durante este mes foi modificando a ruta e realizando saída para atopar a mellor maneira de que o usuario desfrute da nova experiencia de visitar A Guarda.
O tren permite contemplar a paisaxe e o patrimonio da Guarda dunha maneira única, incluíndo as vistas desde o monte Santa Trega ata o particular porto guardés. A súa duración aproximada é de 1 hora e 15 minutos.
A saídas realízanse na rúa Rosalía de Castro, en horario de mañá (10:30, 11:45 e 13:00 horas) e en horario de tarde (16:15, 17:45 e 19:15), mais realizarán sempre unha parada previa, uns 15 minutos antes, no Porto da Guarda, para recoller aos usuarios que queiran subir ata o Monte Santa Trega.
Xa na cima do monte, o tren realiza unha parada duns 10 minutos para que os pasaxeiros e pasaxeiras admiren as vistas, fagan fotos ou visiten o MASAT.. Mais tamén poden quedar no Monte Santa Trega para desfrutar del con tranquilidade e baixar noutra das viaxes do tren.
O tren comezará a baixada do Monte ás 11:00, 12:15 e 13:30 horas da mañá e pola tarde ás 17:00, 18:30 e 20:00 horas. Alí mesmo, un matrimonio de Barcelona contou que eles baixaban e subían diariamente no tren, xa que estaban aloxados no Monte Santa Trega.
O prezo para os adultos é de 6€, mentres que residentes guardeses e nenos de 6 a 14 anos pagarán unha taxa reducida de 3€. O prezo inclúe tamén a taxa de acceso ao monte e a visita ao MASAT, ademais do propio paseo en tren.
O tren turístico conecta dous dos emblemas da Guarda, porto e monte, dun xeito único.
Para máis información, existen dou números de teléfono e de WhatsApp: 628 689 689 e 654 11 43 18.
Na Guarda ademais teñen lugar as tradicionais Festas da Pascua de Buxán que darán comezo este sábado 12 coa celebración do seu serán ás 22:00h.
