Eventos ata o martes 25 de xullo, Santiago Apóstol

A partir de hoxe xoves 20 de xullo A Guarda contará con variados eventos musicais, deportivos e culturais para o goce de veciños e visitantes. Tomen nota de cada actividade para non perderse ningunha delas.

Xoves, 20:

21:30h << Visita teatrelizada>> ao casco histórico cun percorrido ambientado no ano 1930 cos actores de Os Quinquillans Teatro. Comeza na Praza da Igrexa.

Venres, 21:

21:30h << I Mostra Centro Deportivo Baixo Miño de Judo>> no Estadio Municipal da Sangriña. Organiza: Centro Deportivo Baixo Miño.

Sábado 22 e domingo 23:

–<<Campionato Galego de Volley Praia>>. No Codesal durante todo o día. Organiza: Eventoglobal e Concello A Guarda

–<<Visitas guiadas ao Monte Santa Trega>> Visita de 90 minutos con comezo ás 12.30h e 17.00h no Museo e visita de 30 minutos con comezo ás 16.00h no Castro

Sábado, 22:
22:00h <<Noites no Castelo: concerto de Susana Seivane. Budiño e Mercedes Peón convidada especial>> no Castelo de Santa Cruz.

Domingo, 23:

7:00h <<Xuntanza de pescadores deportivos>> na explanada do Porto con pesca con saída a pescar e xuntanza para xantar ás 14:30 h. Organiza: Agrupación de Pescadores O Buxeiro.

20:00h <<XXIV Encontro dos Pobos>> no Auditorio de San Benito. Organiza: Do Lusco ó Fusco.

Luns, 24:

20:30h << Encontro da Canción Mariñeira>> no Auditorio de San Benito. Intervirán: Orfeao de Vila Praia de Ancora e Coral Polifónica da Guarda. Organiza: Concello da Guarda e Coral Polifónica.

Martes, 25:

20:30h <<Pistactiva: con Circo Chosco e Isla Letriska>> Espectáculo infantil no Auditorio de San Benito. Organiza: Concello da Guarda.

Comeza o 4º fin de semana de TAPEARTE, a ruta gastronómica da Guarda con 23 tapas

A ruta gastronómica Tapearte xa superou o ecuador pero aínda quedan dous fins de semana para gozar das 23 tapas tan variadas que ofrecen os establecementos participantes.

Durante os tres primeiros fins de semana a acollida foi excelente e o número de participantes está a ser moi numeroso.

Esta quinta edición de TAPEARTE que naceu en 2013 está vinculada á elaboración das Alfombras florais do Santísimo. Os veciños xa comezaron cos preparativos das alfombras e levan semanas traballando para elaborar estes tapices durante a sábado 17 de xuño e que se poderá observar en todo o seu esplendor a mañá do domingo 18 de xuño.

A ruta arrincou o venres 19 de maio e celebrarase durante 5 fins de semana por tanto aínda queda a recta final: os venres, sábados e domingos ata o domingo 18 de xuño. Este ano ampliouse o horario atendendo as suxestións dos participantes en edicións pasadas e foi un acerto xa que moitos poden gozar tranquilamente das tapas de 12.00 a 14.00 horas e de 19.00 a 22.00 horas.

Na ruta participan 23 restaurantes e bares do Concello da Guarda e cada un ofrece a súa proposta a un prezo unitario de 2 €. A consumición non está incluída neste prezo. Ademais búscase potenciar o concepto de ruta polo que os participantes dispoñen dun pasaporte coa listaxe dos establecementos adheridos.

Para fomentar a elaboración de tapas de calidade entre os establecementos adheridos organízase o Concurso da Mellor Tapa de TAPEARTE 2017. Os participantes serán os responsables de valorar as tapas e coas súas puntuacións serán os que escollan ao establecemento que elabore a mellor tapa. As tapas valoraranse de 1 a 6, sendo 6 a maior puntuación. Tamén se recoñecerá ao establecementos que ofreza o maior número de tapas.

E os participantes tamén poderán optar a agasallos por participar na ruta. Haberá un premio directo a quen entregue o pasaporte cun mínimo de 15 selos, o premio é un lote de reloxo e bolígrafo do deseñador Antonio Mirou e terán que recollelo na Oficina de Turismo. Tamén haberá un sorteo de 9 mochilas e 9 altovoces inalámbricos entre os pasaporte entregados nas urnas e que conteñan os datos de contacto completos e un mínimo de 7 selos. Haberá urnas para depositar os pasaporte nos establecementos adheridos e na Oficina de Turismo do Concello.

Organiza Concello A Guarda coa colaboración dos 23 restaurantes e bares da Guarda. Patrocina: DISRAMO

 

Festa da Langosta e da cociña mariñeira (programa completo)

XXVII FESTA DA LANGOSTA E DA COCIÑA MARIÑEIRA.

30 de xuño, 1 e 2 de xullo no Porto da Guarda

Festa de Galicia de interese turístico.

VENRES 30 DE XUÑO

Na Praza do Reló:

21:00 Intervención do Alcalde da Guarda, D. Antonio Lomba Baz

21:15 Lectura do Pregón a cargo do BRUXO QUEIMAN e ANDREA POUSA. O actor vigués Bruxo Queiman e a cantante tomiñesa Andrea Pousa están recoñecidos como os “Embaixadores e difusores da Cultura Atlántica”.

No porto:

22:00 Apertura da carpa da XXVII Festa da Langosta e da Cociña Mariñeira.

23:00 Actuación de QUEIMAN E POUSA na carpa co espectáculo <MÍLSON’S>. Novo espectáculo concerto que mistura o legado tradicional das cancións mariñeiras con ritmos e melodías máis actuais. Unha atractiva e orixinal proposta sonora e visual.

SÁBADO 1 DE XULLO NO PORTO

Pola mañá:

10:00 Pasarúas a cargo do grupo tradicional O TREBÓN DOS XIDOS

11:00 Apertura da carpa coa actuación do grupo tradicional O TREBÓN DOS XIDOS

12:00 XXII Travesía a nado Porto da Guarda

12:30 Actuación d grupo pop-rock da Guarda SONGODIN’S

Pola tarde: Actividades para os nenos e familia

19:30 Espectáculo de animación de rúa A TROPA DO DOUTOR MILAGRE

21:30 Actuación de GOSSIP BUFÓN, humor adulto

23:00 Serán mariñeiro con grupos de música tradicional

DOMINGO 2 DE XULLO NO PORTO

Pola mañá:

10:00 Pasarúas a cargo do grupo tradicional O TREBÓN DOS XIDOS

11:00 Apertura da carpa coa actuación do grupo tradicional O TREBÓN DOS XIDOS

12:30 Actuación do grupo de pop-rock da Guarda SONGODIN’S

Pola tarde: Actividades para os nenos e familia

19:00 Show máxico infantil de POPÍN PALOMERO

20:30 NOITE DE FADO. Actuación estelar de MARÍA DO CEO.

DURANTE O FIN DE SEMANA

-La recoñecida Feira de Artesanía na rúa Porto.

– Tren turístico que recorrerá as rúas do municipio.

– Visitas guiadas na REDE DE MUSEOS: Museo do Mar, Castelo de Santa Cruz e Monte Santa Trega.

 

Horario semanal do ferry A Guarda – Caminha ata o domingo 11 de xuño

Esta semana o ferry de A Guarda e Caminha verase novamente afectado pola marea baixa e isto provocará cambios nos horarios de saída e cancelacións.

Polo tanto achégase o horario definitivo ata o domingo 11 de xuño coas correspondentes aclaracións nas casillas dos horarios que sofren algunha variación ou cancelación:

  • As saídas canceladas por descanso de persoal ou pola marea baixa están indicadas con NON na casilla.

  • Aquelas saídas que modifican a hora de saída para axustarse a marea baixa están detalladas na propia casilla coa hora de saída de Caminha e de A Guarda

  • As casillas con“non asegurada” refírese as saídas non aseguradas ata o mesmo día xa que será o patrón do ferry quen indique se hai suficiente calado.

Para máis información, recomendase chamar ao despacho de billetes 986 61 15 26 no horario de atención de 10:00 a 13:00 e de 15:00 a 20:00.

Horario do ferry A Guarda – Caminha ata o domingo 28 de maio

Esta semana o ferry de A Guarda e Caminha verase novamente afectado pola marea baixa e isto provocará cambios nos horarios de saída e cancelacións durante as mañás.

Polo tanto achégase o horario definitivo ata o domingo 28 de maio. A continuación, poden consultar os horarios no cadro pero deben ter en conta que as saídas canceladas están indicadas con NON na casilla e as saídas que modifican a hora de saída para axustarse a marea baixa están detalladas na propia casilla coa hora de saída de Caminha e de A Guarda.

Para máis información, recomendase chamar ao despacho de billetes 986 61 15 26 no horario de atención de 10:00 a 13:00 e de 15:00 a 20:00.

Este vernes 19 de maio comeza Tapearte, a ruta de tapas a 2 € en 23 locais da Guarda

Hoxe presentouse na Casa dos Alonso a quinta edición da ruta “Tapearte” que naceu en 2013 vinculada a elaboración das Alfombras florais do Santísimo.

A esta presentación asistiron o alcalde Antonio Lomba Baz, a Concelleira de Turismo Montserrat Magallanes e a maior parte dos hosteleiros que amosaron as súas propostas nunha gran mesa. O Alcalde na súa intervención destacou a calidade das tapas que é a mostra do bo facer da nosa hosteleria. Tamén indicou que aumentou o número de establecementos e nesta edición son 23 restaurantes e bares os que ofrecerán a tapa a 2 € (sen consumición).

Pola súa banda, a Concelleira de Turismo resaltou a importancia do traballo dos hosteleiros para que esta iniciativa se leve a cabo un ano máis. Ademais dende a primeira edición a ruta foi crecendo tanto nas datas como no seu formato grazas a boa acollida desta ruta. Para rematar indicou que nesta edición se adiantou o comezo para o peche coincidise coa celebración das Alfombras florais do Santísimo o domingo 18 de xuño.

Polo tanto, a ruta celebrarase durante 5 fins de semana: os venres, sábados e domingos dende o venres 19 de maio ata o domingo 18 de xuño. Atendendo as suxestións dos participantes en edicións pasados amplíase o horario de 12.00 a 14.00 horas e de 19.00 a 22.00 horas.

Na ruta participan 23 restaurantes e bares do Concello da Guarda e cada un ofrecerá a súa proposta a un prezo unitario de 2 €. A consumición non está incluída neste prezo. Ademais buscase potenciar o concepto de ruta polo que os participantes disporán dun pasaporte co relatorio dos establecementos adheridos.

Para fomentar a elaboración de tapas de calidade entre os establecementos adheridos organízase o Concurso da Mellor Tapa de TAPEARTE 2017. Os participantes serán os responsables de valorar as tapas e coas súas puntuacións serán os que escollen o establecemento que elabore a mellor tapa. As tapas valoraranse de 1 a 6, sendo 6 a maior puntuación. Tamén se recoñecerá ao establecementos que ofreza o maior número de tapas.

E os participantes tamén poderán optar a agasallos por participar na ruta. Haberá un premio directo aos entreguen o pasaporte con un mínimo de 15 selos, o premio é un pack de reloxo e bolígrafo do deseñador Antonio Miró e terán que recollelo na Oficina de Turismo. Tamén haberá un sorteo de 9 mochilas e 9 altavoces inalámbricos entre os pasaporte entregados nas urnas e que conteñan os datos de contacto completos e un mínimo de 7 selos. Haberá urnas para depositar os pasaporte nos establecementos adheridos e na Oficina de Turismo do Concello.

O evento de hoxe permite promocionar a ruta nos medios de comunicación e nas redes sociais. Ademais nesta edición fíxose un esforzo na campaña de difusión con cuñas publicitarias en varias emisoras de radio e colocáronse dúas vallas publicitarias en Tui e Vigo.

Unha vez presentadas as tapas agora tan só hai que decidir cal é o primeiro establecemento onde comezar a ruta.

Organiza Concello A Guarda coa colaboración dos 23 restaurantes e bares da Guarda. Patrocina: Disramo

.

 

 
   

 

A Rede de Museos da Guarda celebra o Día dos Museos con tres obradoiros para todo o público

O próximo xoves 18 de maio celébrase o Día dos Museos polo que se organizan diferentes obradoiros na Rede de Museos da Guarda para conmemorar esta data.

Durante a fin de semana do 20 e 21 de maio terán lugar os tres obradoiros gratuítos e dirixidos ao público en xeral e nenos a partir dos 7 anos. As prazas para cada obradoiro son limitadas polo que se establece unha inscrición previa 30 minutos antes do comezo do mesmo. Deste xeito, asegúrase que os interesados asistan a actividade en concreto.

O obradoiro de “CERÁMICA CASTREXA” será o primeiro e realizarase o sábado 20 ás 12.30 h no entorno da Ermida de Santa Trega. A inscrición realizarase a partir das 12.00 no MASAT, Museo Arqueolóxico de Santa Trega, e en caso de choiva farase no interior deste museo. Neste obradoiro os participantes coñecerán as diferentes técnicas de modelado, a transformación do barro en cerámica ou as súas utilidades na vida dun castro. Ademais, empregarán as mans e as ferramentas necesarias para crear a súa peza de cerámica.

O sábado ás 17.00h está previsto o segundo obradoiro “ELABORACIÓN DE NUDOS MARIÑEIROS” no Museo do Mar. A inscrición farase no mesmo museo 30 minutos antes. Os protagonistas deste obradoiro serán os participantes que aprenderán a realizar os nudos mariñeiros das mans expertas de Luis Lomba Martinez, mariñeiro da Guarda xa retirado. Polo que poderán coñecer a importancia dos nudos mariñeiros no traballo dun mariñeiro.

O terceiro obradoiro terá lugar o domingo 21 ás 17.00h no Castelo de Santa Cruz. Ao igual que nos demais obradoiros, a inscrición farase 30 minutos antes no Centro de Interpretación das Fortalezas Fronteirizas. O obradoiro de “HERÁLDICA. DEBUXA O TEU ESCUDO” permitirá aos nenos coñecer a historia da Guarda e debuxar en láminas o seu escudo cunha técnica diferente.

Estas actividades están dentro do marco do Centenario do Museo Arqueolóxico de Santa Trega. Organiza Concello da Guarda coa colaboración do Padroado Municipal do Monte Santa Trega e a Deputación de Pontevedra.

As playas de Area Grande e O Muíño acadaron as Bandeiras Azuis para o 2017

Un ano máis as praias de “O Muíño” e “Area Grande” do Concello de A Guarda lucirán o distintivo internacional de bandeira azul.

A Asociación de Educación Ambiental y del Consumidor (ADEAC), e a rama española da Federación Europea de Educación Ambiental (FEE) fixeron público hoxe o listado de todas as bandeiras azuis que se concederon no territorio español para esta tempada de verán.

A praia de Area Grande e do Muíño obteñen este distintivo como recoñecemento á calidade medio ambiental e aos servizos que ofertan. Estas praias contan cos servizos esixidos por Bandeira Azul como paneis informativos, análise de augas, servizo de limpeza e de recollida de residuos, duchas e aseos, e o servizo de salvamento e socorrismo que atende aos dous areais e que comezará co arranque estival.

A praia “Area Grande” luciu por primeira vez este distintivo no ano 2009, e dende esa data, todas as tempadas o conseguiu. Pola súa banda, o areal “O Muíño”, renovou a bandeira azul no 2010. Ademais da bandeira azul esta praia fluvial tamén contará co distintivo “Ecoplayas”.

O concello da Guarda quere resaltar o esforzo realizado para a súa concesión no referente o mantemento e mellora das actuacións e servizos véndose recompensado un ano máis coas dúas bandeiras azuis para o concello.

Nesta resolución tamén se lle adxudicou o distintivo de “Sendeiro Azul” o camiño que une ambas praias. Este camiño ten o recoñecemento dende o ano 2013. A finais do pasado ano o Concello da Guarda enviou a documentación da candidatura para que as súas praias e o sendeiro conseguiran este distintivo. Despois de pasar un tribunal nacional e tamén un internacional, finalmente hoxe, publicouse o resultado.

Funcionamiento del ferry para esta semana y restricciones debido a la visita del Papa a Fátima

Esta semana está prevista la visita del Papa Francisco a la población portuguesa de Fátima y habrá restricciones en la frontera española-portuguesa desde el miércoles 10 al sábado 13 de mayo. Debido a las medidas de seguridad impuestas por el gobierno portugués tan solo estará permitido el tránsito fronterizo en Tui.

En consecuencia, esta semana el servicio del ferry se suspende del miércoles al sábado, ambos incluidos. Por lo tanto, el ferry funcionará el martes y el domingo pero con alguna restricción por la marea baja.

Para la próxima semana la previsión es que funcione con normalidad. Para cualquier aclaración se recomienda llamar al despacho de billetes 986 61 15 26 en el horario de atención de 10:00 a 13:00 y de 15:00 a 20:00

 

O alcalde da Guarda entregou o Premio ao Mellor Pincho da Lamprea do Miño 2017

Como acto de peche desta edición da Ruta do Pincho da Lamprea do Miño, este xoves 27 de abril o alcalde da Guarda, Antonio Lomba Baz e a Concelleira de Turismo, Montse Magallanes, entregaron os agasallos aos premiados no sorteo realizado entre os clientes participantes e o diploma ao Restaurante Bitadorna, gañador do Premio ao Mellor Pincho da Lamprea 2017.

Esta iniciativa celebrouse durante as dúas primeiras fin de semanas do mes de abril e contou con 8 establecementos adheridos. Entre estes o pincho do Bitadorna, que combinaba a innovación co protagonismo que debía ter a lamprea como centro da creación, foi elixido como gañador polos votos dados polos propios clientes nas papeletas que deixaron nos establecementos como parte do concurso ao mellor pincho da ruta.

Estas papeletas serviron ademais para sortear tres lotes de viño entre os clientes participantes, que tamén lles foron entregados esta mañá. O primeiro premio foi recollido polo agraciado, Felipe Vicente González (da Guarda) e consistiu en 3 botellas Rectoral de Umia (Albariño). O segundo e terceiro premio foron para Benedicto Sousa Álvarez (de O Rosal), con 3 botellas Rectoral de Amandi (Mencía) e Rafael Pablo Rodríguez Amenedo (da Guarda), con 3 botellas de Alanís (Ribeiro) e acudiron familiares de ambos a recollelos.

Remata así esta exitosa edición dunha iniciativa na que se repartiron máis de 500 pinchos cos que se buscou promocionar un destacado produto local e que, como dixo o alcalde da Guarda, cada día máis xente veña á Guarda a desfrutar das variadas experiencias gastronómicas que ofrece. Así, queda todo o mundo convidado a visitar A Guarda e achegarse a próximas edicións desta Ruta.

Horarios do ferry da Guarda e Caminha dende o martes 25 ao domingo 30 de abril

A falta de calado debido ás mareas baixas provoca que o ferry non poida navegar. Ademais, a escaseza de chuvias das últimas semanas pode provocar que se produzan cancelacións no mesmo día. Por estas razóns, algunhas viaxes teñen que ser canceladas.

Cada semana confírmanse as saídas garantidas segundo a previsión das mareas. Os horarios poden ser consultados na oficina do ferry ou no teléfono 986 61 15 26.

Durante esta semana, dende o día 25 ao domingo 30 de abril os horarios previstos serán os seguintes:

Os horarios son definitivos excepto aquelas saídas con asterisco (*) que non están aseguradas. Ata o mesmo día o patrón do ferry non sabe se terá o suficiente calado. Por isto recoméndase sempre asegurarse chamando ao número de télefono antes citado.

Máis de 50 persoas desfrutaron dunha saída de fin de semana á Serra do Courel

Tras varios anos levando a cabo andainas cunha gran acollida, foron numerosos os participantes das mesmas que amosaron o seu interese por organizar unha saída máis longa, que durase unha fin de semana e na que puideran coñecer novos recunchos galegos.

Finalmente este ano foi posible e vén de realizarse unha saída ao interior da nosa comunidade. Os días 22 e 23 de abril, 53 guardeses, guardesas e veciños da comarca puideron desfrutar dos grandes atractivos cos que conta a Serra Luguesa do Courel. Nunha saída organizada grazas a Eroski Viajes, a proposta do Concello da Guarda, todos aqueles que acudiron volveron máis que satisfeitos tras unha experiencia que incluía a viaxe de ida e volta e pensión completa nun aloxamento rural. Por isto, só tiñan que preocuparse de gozar e espremer ao máximo unha visita nunha paraxe natural incomparable e coa sorte de ter unha fin de semana de tempo estival.

Para mais información sobre as andainas organizadas polo Concello ou para anotarse nas rutas de agosto, setembro e outubro poden poñerse en contacto coa Oficina de Turismo da Guarda de maneira presencial de 9 a 14 horas de luns a venres, no teléfono 986 61 45 46 ou a través do correo electrónico turismo@aguarda.es.

O alumnado de 3º da ESO do IES A Sangriña realiza un mural-grafitti de benvida á Guarda

Os alumnos e alumnas da clase de 3º da ESO do Instituto A Sangriña están traballando na realización dun mural situado xunto a Alameda, na Rúa Galicia, e o alcalde da Guarda, Antonio Lomba e a Concelleira de Turismo, Montse Magallanes quixeron achegarse este xoves pola mañá ata o lugar.

Esta actividade forma parte de Urban Art Project, un proxecto interdisciplinar da Sección Bilingüe de 3º da ESO do IES A Sangriña, coordinado polos profesores Beatriz Núñez (Plástica), Alfredo Garrido (Música) e Rosana Moreira (Inglés) e que ten como obxectivo implicar á xuventude na vida económico-social da súa vila a través da arte.

Este proxecto comprende a elaboración dun mural-grafitti de benvida á Guarda e un video promocional da localidade destinada ao turismo estranxeiro, para o cal o centro conta coa axuda de Brais Martínez Villa. O resultado final, ese vídeo que se está a realizar, estará colgado na web do concello e de Turismo da Guarda.

A iniciativa, organizada dende o propio centro educativo en colaboración co Concello da Guarda, supón unha oportunidade para que o alumnado participe nun interesante proxecto multidisciplinar que ademais axuda a poñer en valor a riqueza da Guarda e a implicación da súa comunidade educativa.

A Ruta do Pincho da Lamprea do Miño 2017 conclúe col sorteo de agasallos e a elección do pincho máis valorado

Este mércores día 19 de abril tivo lugar, no Concello da Guarda, a realización do sorteo de agasallos entre os participantes da Ruta do pincho da lamprea do Miño 2017 e o previo reconto do Concurso ao mellor pincho da ruta. Esta iniciativa celebrouse na Guarda as dúas primeiras fin de semanas deste mes de abril e tivo unha gran acollida.

A ruta, que naceu por iniciativa dos viveiristas e pescadores da lamprea da Guarda para dar a coñecer e promocionar este produto, contou con 8 establecementos que ofreceron pinchos coa lamprea como protagonista a un prezo único de 2 euros. Ademais de degustar a lamprea, esta ruta permitiu aos clientes valoralos e ser xurado do concurso cos votos depositados nas urnas dos establecementos, puntuando do 1 ao 6 cada pincho.

Tras facer o reconto, o resultado foi a elección do restaurante Bitadorna como o establecemento que ofreceu o mellor pincho nesta edición. Ademais, o reconto de papeletas tamén achega un número estimado de pinchos servidos, que nesta edición rondou os 500. As procedencias foron do máis diversas, dende os que viñan da Guarda ou localidades veciñas como O Rosal ou Oia; pasando por xente de concellos de toda a provincia como O Porriño, Nigrán ou Redondela e ata doutras provincias de Galicia ou de fóra, como Madrid ou a vila portuguesa de Braga.

Entre todos os participantes que cubriron e entregaron as papeletas sorteouse esta mañá tres lotes de viño, que serán entregados o vindeiro mércores 26 de abril, ás 12 horas, no Concello da Guarda. Os gañadores foron:

1º- Felipe Vicente González (A Guarda): 3 botellas Rectoral de Umia (Albariño).

2º- Benedicto Sousa Álvarez (O Rosal): 3 botellas Rectoral de Amandi (Mencía).

3º- Rafael Pablo Rodríguez Amenedo (A Guarda): 3 botellas de Alanís (Ribeiro).

Con este sorteo dáse por rematada unha ruta que tivo unha gran acollida e que esperase poder repetir o vindeiro ano, xa que deixou unha gran satisfacción e un bo sabor de boca tanto aos establecementos como aos clientes que participaron e permitiu que moita xente puidera descubrir ou volver a desfrutar dun recoñecido produto local como é a lamprea.

A Guarda adica a fin de semana ao Día Internacional do Libro

Este domingo día 23 de abril conmemórase o Día Internacional do Libro e, dende A Guarda, organizan diversas actividades para que pequenos e maiores poidan celebrar e desfrutar desta importante data.

Como xa fora anunciado a finais de marzo, durante todo este mes o Libro está a ser o gran protagonista da programación da Concellería de Cultura coa campaña “Abril Mes do Libro”. Esta inclúe un “Certame de Microrrelatos”, no que todo o que quixo puido presentar dende o 1 ata o 18 de abril a súa obra. A partir deste mércores día 19 e ata o sábado 29 de abril, os máis de 30 traballos presentados estarán expostos no Centro Cultural da Guarda. Os participantes recibirán un pequeno agasallo na Biblioteca Municipal, o venres 21 ás 18 horas, en agradecemento pola súa colaboración. Tamén se impulsou a iniciativa “Mochilas viaxeiras de Semana Santa” entre os nenos e nenas da vila durante estes pasados días festivos.

Ademais, nesta fin de semana na que se celebra o Día Internacional do Libro, concéntranse tres actividades adicadas a el. O venres 21 ás 21 horas, o Centro Cultural acollerá unha sesión de cinema especial polo Día do Libro na que se poderá ver o filme “Al encuentro de Mr. Banks”, que retrata a historia de como Walt Disney conseguiu facerse cos dereitos da obra “Mary Poppins” para levala ao cinema.

E a campaña polo mes do libro remata o sábado día 22, con dúas actividades no Centro Cultural. Pola mañá, ás 11’30 horas, volven os Contos Contados polo Día Internacional do Libro co espectáculo “As historias de Kamishibai”. E por último, ás 17’30 horas, proxectarase unha nova película relacionada co mundo da literatura: ‘Cenicienta’. Pecharase así un mes adicado a celebrar o Libro e todo o que significa, así como a promover o valor da literatura e o hábito da lectura entre os guardeses e guardesas.

O Concello da Guarda e a Comunidad Terapéutica Alborada colaboran no coidado ambiental da zona da Senda Litoral da Guarda

A Comunidad Terapéutica Alborada de Tomiño, en colaboración co Concello da Guarda, está a levar a cabo unha actividade de promoción do coidado do medio ambiente nas praias e Senda Litoral da Guarda.

Esta iniciativa consiste na realización de saídas, durante tres fines de semana, a puntos da Senda e ás praias da Guarda, para realizar unha limpeza destes espazos co obxectivo de recoller todos aqueles materiais contaminantes que atopen. O Concello da Guarda, ante esta proposta, ofreceu a súa absoluta colaboración facilitando os materiais necesarios e o lugar para tiralos de maneira axeitada.

As dúas primeiras saída xa se realizaron o día 26 de marzo e pasado domingo día 2 de abril. Nestas, os oito usuarios do centro e a educadora que lles acompaña durante as saídas atoparon, entre outras cousas, moito poliespán e diferentes plásticos, así como material de pesca; todos eles materiais que agora xa non ensucian estes espazos e que poderán ser reciclados. A vindeira e última saída será este domingo 8 de abril.

Dende os dous organismos colaboradores mostran a súa satisfacción por poder levar adiante unha iniciativa que permite promover o coidado do medio ambiente, en especial en zonas de tanto valor natural como o litoral guardés. Iniciativas como esta son clave para concienciar sobre a importancia non só da limpeza e reciclaxe, senón da necesidade de conservar o patrimonio natural de todos tratando de ensuciar os espazos públicos o menos posible.

A ‘Ruta do pincho da lamprea do Miño’ volve á Guarda as dúas primeiras fin de semanas de abril

O alcalde da Guarda, Antonio Lomba Baz e a Concelleira de Turismo e Comercio, Montse Magallanes foron os encargados de presentar a ‘Ruta do pincho da lamprea do Miño 2017’, que volve este ano á Guarda, este venres ás 10 horas na Casa dos Alonsos.

Esta ruta, que tivo a súa primeira edición en 2014, orixinouse pola inquietude dos pescadores e viveirista da vila por promocionar e dar a coñecer o sabor dun produto da zona como é a lamprea. Este ano, a pesar da escaseza de capturas, volven a organizar unha nova edición, en colaboración co Concello, para mostrar ao público que a lamprea pode estar ao alcance de todos. Con esta finalidade, 8 locais guardeses ofrecerán pinchos coa lamprea como protagonista, a un prezo único de 2 euros, durante as dúas primeiras fin de semanas de abril.

O alcalde e a Concelleira estiveron acompañados neste acto por unha representación dos establecementos participantes, que amosaron aos presentes os pinchos que se poderán degustar durante os días 1, 2, 8 e 9 de abril en horario de 11.00 a 13.30 horas e de 19.00 a 20.30 horas. Entre estes había hamburguesas de lamprea, fideuá e outras creacións.

O alcalde iniciou a presentación falando do orgullo guardés que sinte cando representa á vila en eventos como FITUR ou a Gala de Turismo Rías Baixas que tivo lugar onte e na que A Guarda recibiu 3 diplomas de Calidade Turística. A sensación é que o bo facer do departamento de turismo é moi apreciado fóra da vila e que é grazas a iniciativas como esta ruta que se da a coñecer todo o que pode ofrecer A Guarda, que é moito.

Pola súa banda a Concelleira quixo agradecer aos establecementos que participan da ruta e aos pescadores e viveirista que orixinaron unha iniciativa moi importante para promocionar un produto da zona que para moitas persoas aínda é un descoñecido e para por en valor a gran calidade da gastronomía guardesa. Tamén agradeceu ós pescadores que impartiron aos escolares da vila as xornadas didácticas ‘Coñeces a lamprea?’ que despertaron un gran interese dos rapaces. O recibimento foi espectacular e os debuxos da lamprea que realizaron nos centros estarán expostos nos locais participantes.

Recordouse que todos aqueles que acudan a estes locais a probar os pinchos serán tamén os xuíces do Concurso do Mellor Pincho da Lamprea do Miño, puntuando cada pincho mediante unha papeleta que cumprimentarán e depositarán nas urnas dispoñibles en cada establecemento da ruta. Ademais, premiarase a fidelidade dos participantes cun sorteo de 3 lotes de vino entre todas as papeletas depositadas nas urnas.

Non queda máis que convidar aos veciños, veciñas e visitantes a desfrutar duns pinchos de gran calidade a un módico prezo, e aproveitar a oportunidade para acompañar esta experiencia gastronómica dunha boa compañía nun lugar tan fermoso como A Guarda.

O Concello da Guarda lanza a campaña “Abril Mes do Libro”

O mes de abril, que está a piques de comezar, é un dos meses máis destacados dentro da cultura e da literatura con dúas celebracións importantes como son o Día do Libro Infantil e Xuvenil, o 2 de abril, e o Día Internacional do Libro, o día 23.

Con motivo destas celebracións, o Concello da Guarda adicaralle ao libro diversas actividades durante todo o mes, encadradas na campaña “Abril Mes do Libro” que acollerá a Biblioteca Municipal da Guarda. A primeira iniciativa terá lugar esta fin de semana cunha nova cita dos Contos Contados para celebrar o Día do Libro Infantil e Xuvenil, con “Contos de Andersen”. Ademais tamén contará cun posterior obradoiro chamado “O meu libro favorito”, onde se fará un mural utilizando o enxeño e a pintura.

A segunda das actividades da campaña é o “Certame de Microrrelatos”, que está aberto a toda a cidadanía sen límite de idade. Os traballos poden presentarse, do 1 ao 18 de abril, tanto no Departamento de Cultura do Concello de 9 a 14 horas, como na Biblioteca Municipal das 17 a 20 horas ou sábados de 11 a 13 horas.

Os libros tamén serán protagonistas da Semana Santa coa iniciativa “Mochilas viaxeiras de Semana Santa”. E xa nas xornadas previas á celebración do Día Internacional do Libro temos 3 citas coa literatura e a cultura por esta data. O venres 21 de abril o cinema volve ao Centro Cultural, ás 21 horas coa proxección do filme “Al encuentro de Mr. Banks”. E a campaña polo mes do libro remata o sábado día 22, con dúas actividades no Centro Cultural. Pola mañá volven os Contos Contados polo Día Internacional do Libro co espectáculo “As historias de Kamishibai”. E por último, ás 17’30 horas, proxectarase unha nova película relacionada co mundo da literatura: ‘Cenicienta’.

Coa campaña “Abril Mes do Libro” a concellería de Cultura e a Biblioteca Municipal da Guarda buscan celebrar dúas datas tan sinaladas, como son o Día do Libro e o Día do Libro Infantil e Xuvenil, e tamén aproveitar esta ocasión para promover o hábito da lectura entre os guardeses e guardesas de tódalas idades.

O Concello da Guarda informa da execución das obras de peatonalización parcial da Praza do Reló

Nos próximas días o Concello da Guarda executará a obra de peatonalización parcial da Praza do Reló. Con esta obra eliminarase o tráfico e aparcamento na maioría da superficie da praza.

O concello informa aos veciños e veciñas que cando estea rematada a obra só poderán circular vehículos dende a rúa Bernardo Alonso a Cervantes, e dende a rúa Colón tamén a Cervantes.

Nesta nova disposición facilitarase un aparcamento para minusválidos e unha zona de carga e descarga. Os carrís de circulación estarán limitados por bolardos extraíbles de aceiro inoxidable e dotarase de mobiliario ao resto da praza.

A intención do Concello con esta actuación é por en valor a Praza do Reló como espazo de convivencia tranquila para todos os veciños e veciñas, dende os máis pequenos ata os avós.

Citas coa música, cultura e a gastronomía completan a ampla axenda da primeira fin de semana de abril na Guarda

A vindeira fin de semana, na que se da a benvida ao mes de abril, chega á Guarda cunha axenda repleta de citas musicais, culturais e gastronómicas para ofrecer a veciños, veciñas e visitantes dous intensos día de lecer.

No apartado cultural este sábado, 1 de abril, destaca a celebración dunha nova edición dos Contos Contados para celebrar o Día do Libro Infantil e Xuvenil, con “Contos de Andersen” e o posterior obradoiro “O meu libro favorito”, onde os asistentes realizarán un mural utilizando o enxeño e a pintura. Esta iniciativa é a primeira da Campaña ‘O Mes do Libro’, en conmemoración do Día Internacional do Libro, que se celebra o 23 de abril. Ademais, nesta senda o sábado ábrese o prazo, que pecha o día 18, para entregar os traballos que queiran participar no “Certame de Microrrelatos 2017” da Biblioteca Municipal. Tamén ese mesmo sábado pola tarde hai celebración no Centro Cultural, neste caso do décimo Aniversario do grupo Coiro Vello, ás 20’30 horas.

O domingo día 2 terá lugar un dos pratos fortes da fin de semana e da tempada, na Guarda: o concerto que dará na vila a cantante Ses. Esta iniciativa, organizada polo Centro de Información á Muller (CIM) dentro do programa “Artellando en Igualdade” e subvencionada pola Deputación de Pontevedra, achegará unha actuación marcada pola linguaxe fresca e directa da artista coa que avoga pola defensa dos valores femininos e a visibilización da desigualdade. As entradas, de balde, están xa esgotadas debido á gran expectación e o bo recibimento da proposta e espérase un cheo completo para o concerto que terá lugar o domingo ás 18 horas no Centro cultural.

E esta fin de semana da comezo a ‘Ruta do Pincho da Lamprea do Miño’ 2017, que organizan pescadores e viveirista da Guarda, en colaboración co Concello, durante as dúas primeiras fin de semanas do mes de abril. O sábado 1 e o domingo 2, e o sábado 8 e o domingo 9, poderanse degustar en 8 establecementos da vila pinchos de lamprea a un prezo único de 2 euros. Esta ruta gastronómica preséntase este venres, 31 de marzo ás 10 horas na Casa dos Alonsos.

Con esta variedade de actividades o Concello da Guarda prepárase para dar comezo ao mes de abril e á súa primeira fin de semana, esperando que a proposta sexa do interese dos guardeses, guardesas e visitantes e convidándoos a participar en todas elas.

Rematou a tempada de barferencias de inverno na Guarda cunha charla sobre “A xestión do bosque e do monte polas comunidades da Idade de Ferro”

O pasado venres día 24 de marzo pechouse na Guarda a tempada de barferencias celebradas na vila durante estes meses de inverno. Durante os pasados cinco meses diversos locais da vila acolleron estas barferencias nas que expertos, profesores e investigadores de recoñecido prestixio realizaron ponencias sobre diversos temas.

A última das barferencias, que tivo como ponente á investigadora posdoctoral da Universidade de Santiago de Compostela (USC), María Martín Seijo, versou sobre “A xestión do bosque e do monte polas comunidades da Idade de Ferro”. Ante os asistentes que se achegaron ata o Restaurante O Forte, a arqueóloga e especialista en arqueobotánica expuxo e compartiu os seus amplos coñecementos da temática sobre a cal versou tamén a súa tese pola que obtivo o Premio Extraordinario de Doutoramento. Para isto realizou un breve percorrido pola Idade do Ferro e a relación destas comunidades co bosque a partir da xestión dos recursos forestais, fundamentalmente da madeira. Tras a charla os presentes amosaron o seu interese, debatendo os distintos aspectos tratados e realizando preguntas sobre o tema.

Deste xeito péchase o programa de barferencias 2016/17 co que o Concello da Guarda ofreceu aos veciños e veciñas cinco ponencias nas que se trataron temas tan interesantes e diversos como a minería de ouro ou a historia do Museo Arqueolóxico de Santa Trega (MASAT), que este ano celebra o seu centenario, entre outros.

Dende o Concello agárdase que estas barferencias resultaran interesantes e foran desfrutadas polos guardeses e guardesas e poder así seguir, a vindeira tempada, organizando novas barferencias coas que debater e descubrir novos coñecementos nun ambiente distendido.

A Guarda acolle unha charla sobre a situación dos refuxiados sirios contada en primeira persoa

O vindeiro xoves 30 de marzo o Centro Cultural da Guarda acollerá, ás 20’30 horas, unha charla sobre a situación dos refuxiados sirios, “A historia de Ahmad contada en primeira persoa”.

Ao cargo desta charla estará Ahmad, que contará a súa historia en primeira persoa; a historia dun home de procedencia siria que tivo que deixar o seu traballo, a súa familia, o seu fogar e a súa vida normal ante o estalido dun conflito armado que o levou a vivir en varios campos de refuxiados en Grecia.

A través da súa propia experiencia, do que viviu, o que viu e o que lle contaron nestes campos de refuxiados, Ahmad ofrecerá aos asistentes unha visión única e de primeira man das consecuencias que se derivan do conflito armado que está a acontecer nestes intres en Siria. Nesta charla falará da situación do seu país, as causas da guerra, a situación dos campos de refuxiados en Europa e as condicións de vida nestes; así como sobre a Política da Unión Europea con respecto a este problema humanitario.

Ahmad leva uns meses vivindo na Coruña pero desexa seguir concienciando e centrando a atención no que está a ocorrer no seu país, mediante as súas propias vivencias. Dende o Concello da Guarda convídase a todos os veciños, veciñas e visitantes a achegarse a coñecer a Ahmad, a súa historia e a de milleiros de refuxiados que se ven obrigados a deixar os seus fogares a través da visión persoal dun deles.

O padroado dálle os parabéns á proposta Porta do Trega

No pleno do padroado celebrado este mércores 22 de marzo debateuse a proposta de remodelación do espazo de recepción de visitantes e caseta de cobro de acceso ao Trega. Esta actuación, que xa recibira os parabéns da Comisión permanente, formada polas Comunidades de Montes da Guarda e de Camposancos e polo Concello, foi aprobada por unanimidade dos membros presentes do pleno do padroado.

Fai uns meses a Comisión permanente decidiu encargar a redacción desta proposta ao arquitecto guardés Mauro Lomba, proposta que el mesmo tivo a oportunidade de presentar a todos os membros do padroado.

Basicamente a proposta do arquitecto consiste na construción dunha nova caseta de cobro cos espazos adecuados para o desenvolvemento do traballo que controlará os tres carrís da estrada que sube ao monte; un para o control de visitantes, un carril de servizo para as persoas que suban a desenvolver o seu traballo e profesionais de reparto e un carril de baixada. Na zona do “atallo” peonil máis próxima á caseta proponse a instalación de dúas pequenas edificacións: unha que sirva de zona de recepción e información ás persoas que soben a pé ao Trega e a outra para servizo do encargado da caseta.

Estas edificacións, que distan algo máis de 100 metros, irán unidas por unha lámina que quedará perfectamente integrada no bosque e que simboliza a porta de entrada a unha das iconas da paisaxe e do patrimonio máis importantes de Galicia. A obra deberá contemplar a rexeneración forestal con especies autóctonas do ámbito de actuación.

A partir de agora comeza a fase de redacción deste proxecto que está financiado pola Dirección Xeral de Turismo que ten unha reserva de 200.000€ para invertir no Trega este ano 2017.

Volve a ‘Ruta do pincho da lamprea do Miño’ á Guarda

A “Ruta do pincho da lamprea do Miño” xurdiu en 2014 da inquietude dos viveiristas e pescadores da lamprea da Guarda para dar a coñecer e promocionar a Lamprea do Miño entre o público como un pincho a un prezo alcanzable.

Moitos só conciben a lamprea como o prato principal nunha celebración especial polo que esta ruta é unha excelente oportunidade para degustar a lamprea como un aperitivo que acompañe ó viño e á boa compañía. Ademais a ruta tamén facilita que proben a lamprea aqueles interesados en coñecer o seu sabor.

Esta ruta tivo unha excelente acollida nas primeiras edicións polo que este ano volvese a organizar a pesar de que no comezo desta temporada houbo poucas capturas. Por esta razón o viveirista e os pescadores do Miño da Guarda seguen apostando pola promoción da lamprea coa colaboración dos restaurantes e bares.

Antes do peche da temporada da captura da lamprea celebrarase esta ruta durante catro días repartidos durante o próximos fines de semana: o sábado 1 e domingo 2 e o sábado 8 e domingo 9 de abril. Polo que veciños da Guarda, visitantes e turistas poderán degustar do pincho da Lamprea do Miño de 11.00 a 13.30 horas e de 19.00 a 20.30 horas a un prezo único de 2 €.

Cada restaurador ten liberdade na creación da súa proposta tendo en conta que o sabor da lamprea dominará nun pincho de calidade e para fomentar esta calidade este ano volvese a organizar o Concurso do Mellor Pincho da Lamprea do Miño entre os restaurantes e bares adheridos. Os responsables de escoller o establecemento co mellor pincho serán os participantes puntuando cada pincho mediante unha papeleta que cumprimentarán e depositarán nas urnas dispoñibles en cada establecemento da ruta. Ademais de coñecer as valoracións dos restaurantes, as papeletas permitirán coñecer un número aproximado de pinchos servidos.

Para premiar a fidelidade dos participantes haberá un sorteo de agasallos entre todas as papeletas depositadas nas urnas. Os 8 restaurantes e bares disporán de papeletas e urnas para facilitar a participación na elección do Mellor Pincho de Lamprea do Miño 2017.

Coñecedes a lamprea?

Neste 2017 a novidade foi achegar a pesca da lamprea aos escolares da Guarda. Polo que dende a Concelleria de Turismo organizouse a actividade didáctica de “Coñecedes a lamprea?” dirixida aos alumnos de 6º de primaria. Durante unha hora os nenos atenderon ás explicación de dous expertos pero xoves pescadores do río Miño, Héctor Morais López e Ismael Sousa Alfonso que amosaron aos nenos a pesca no río Miño e, en especial, da lamprea que agora mesmo atópase en temporada. Máis de 50 nenos e nenas do CEIP Plurilingüe “As Solanas Nicolas Guiterrez Campo, CEIP Manuel Rodríguez Sinde e do CPR San José que pecharon esta xornada asistiron a unha actividade que resultou un éxito debido ao interese mostrado polos escolares. Ademais puideron observar as diferentes redes empregan no Miño, as medidas de seguridade esixidas e para coñecer mellor a lamprea houbo unha réplica de lamprea e unha lamprea viva nun viveiro.

Despois da xornada que tivo lugar no Centro Cultural os nenos elaborarán na aula un debuxo coa temática “Desembocadura do Miño e a lamprea”. Estes debuxos exporanse nos restaurantes e cafeterías que participan na Ruta do Pincho da Lamprea do Miño”.

Minuto de silencio na Guarda en memoria das vítimas do atentado de Londres

Este xoves día 23 de marzo, ás 12 horas, as autoridades e traballadores do concello da Guarda gardaron un minuto de silencio xunto á Casa do Concello, na Praza do Reló, en memoria das vítimas do atentado que tivo lugar este mércores na cidade de Londres.

Onte pola tarde coñecíase o terrible suceso, o atentado que un terrorista causou na capital inglesa este mércores 22 de marzo pola tarde, e que as forzas de seguridade relacionan con ISIS. Polo de agora as autoridades do país comunican que hai 5 vítimas mortais e 29 feridos de distinta gravidade, como consecuencia da acción do atacante que atropelou a varias persoas e atacou a un policía xunto ao Parlamento británico.

O Concello da Guarda quere mostrar con este xesto a súa solidariedade co pobo británico, coas vítimas do terrorismo en todo o mundo e achegar as súas condolencias ás vítimas e familiares das vítimas nestes duros momentos.

O Museo do Mar da Guarda reabre as súas portas esta fin de semana

Despois de permanecer pechado durante os pasados meses de inverno por razóns de mantemento, esta semana o Museo do Mar da Guarda volve a abrir as súas portas aos visitantes, coincidindo co final da estación e co comezo da primavera.

O horario no que os veciños, veciñas e turistas poderán acceder ao museo será de 11 a 14 horas pola mañá e de 16 a 19 horas na quenda da tarde tanto os sábados, domingos e festivos. O acceso ao museo ten un prezo de 1€, pero as visitas son de balde o primeiro sábado de cada mes.

Dende o Concello da Guarda anímase aos veciños e visitantes a coñecer e redescubrir este museo situado nunha contorna tan especial e que forma parte da Rede de Museos da localidade, que completa o Museo Arqueolóxico de Santa Trega e o Centro de Interpretación das Fortalezas Transfronteirizas do Castelo de Santa Cruz.

A última das barferencias da tempada 2016/17 e o cinema danse cita este venres na Guarda

O vindeiro venres día 24 de marzo terá lugar a última das barferencias de inverno celebradas na Guarda durante a tempada 2016/17. A profesora do Departamento de Historia da Universidade de Santiago de Compostela (USC), María Martín Seijo, será a encargada de pechar esta tempada coa quinta e última das charlas programadas.

Esta barferencia estaba prevista para o pasado venres día 17 pero tivo que ser aprazada por motivos de saúde da conferenciante. Finalmente terá lugar este venres no Restaurante O Forte ás 20’30 horas, nun evento no que a profesora falará cos asistentes sobre “A xestión do bosque e do monte polas comunidades da Idade de Ferro”, compartindo así os seus amplos coñecementos da temática.

Ademais da barferencia, o mesmo día, venres 24 de marzo, tamén hai unha cita co cinema no Centro Cultural da Guarda. Coincidindo co remate da estación que se produciu esta semana, termina tamén a programación de Invernos de Cine coa proxección do filme “El Puente de los Espías” ás 21 horas. Dirixido por Steven Spielberg e protagonizado por Tom Hanks, este filme foi aclamado por crítica e público pola brillantez coa que se conta un feito enmarcado no mundo do espionaxe en plena Guerra Fría.

Preséntase así un venres apaixoante e con dúas destacadas citas na Guarda, ás que dende o Concello convídase a todos os veciños, veciñas e visitantes a asistir e poder desfrutar destas interesantes actividades culturais de balde.

O Concello da Guarda organiza unha saída de fin de semana á Serra do Courel

Tras as boas experiencias dos pasados anos coas andainas impulsadas dende o Concello da Guarda, para o vindeiro mes de abril este organiza conxuntamente con Eroski Viajes unha saída de fin de semana ao Courel na que se poderá desfrutar da gran riqueza natural e paisaxística desta Serra luguesa.

A saída será os días 22 e 23 de abril, unha vez pasada a Semana Santa e xa metidos de cheo na primavera, e nela realizaranse dous percorridos pola Serra. A saída inclúe desprazamento de ida e volta en autocar e pensión completa en aloxamento rural por un prezo estimado de 89 € por persoa.

A saída será o sábado 22 ás 8’30 horas e o regreso o domingo día 23 a partir das 18 horas.

Esta actividade conta con prazas limitadas e os interesados teñen de prazo para realizar a inscrición ata o mércores 29 de marzo. Tanto para realizar estas inscricións como para consultar máis información poden poñerse en contacto coa Oficina de Turismo da Guarda de maneira presencial de 9 a 14 horas de luns a venres, no teléfono 986 61 45 46 ou a través do correo electrónico turismo@aguarda.es.

A Guarda vivirá unha fin de semana adicada á Muller

Este pasado mércores 8 de marzo celebrouse en todo o mundo o Día Internacional da Muller. En conmemoración deste día de celebración pero tamén de reivindicación pola igualdade de xénero, o Concello da Guarda programa para esta fin de semana dúas destacadas actividades coa muller como protagonista.

A primeira cita da fin de semana será co cinema este venres 10 de marzo. No Centro Cultural, ás 20’30 horas, proxectarase o filme Visións, que forma parte do programa Cinema e Muller, dirixido por Xisela Franco, producido pola guardesa Beli Martínez e subvencionado pola Deputación de Pontevedra.

Trátase dunha película que consta de dez curtametraxes realizadas por cineastas da provincia de Pontevedra e que son dez olladas xenuínas onde cinema e arte se funden nunha produción íntima e poliédrica. Nesta mostra de cinema experimental galego xuntáronse dez directoras galegas: Eva Calvar, Olaia Sendón, Sonia Méndez, Andrea Zapata, Claudia Brenlla, Lara Bacelo, Begoña M. Santiago, Carme Nogueira, Diana Toucedo, Carla Andrade. Deste modo deron a luz unha película de curtametraxes tecida coa inevitable influencia de todas e nun xénero audiovisual que as une e que explora as posibilidades artísticas, xeralmente dentro dun discurso documental e en moitas ocasións autobiográfico.

Tras o filme a directora do mesmo, Xisela Franco, falará de como foi a experiencia creativa e de produción deste proxecto colaborativo e do talento feminino que existe no cinema galego.

A segunda das actividades organizadas dende o Concello da Guarda nesta fin de semana adicada á muller é unha nova cita de Contos Contados. O sábado 11 de marzo ás 11’30 horas, na Biblioteca da Guarda, todos os nenos e nenas que se acheguen poderán participar nunha mañá centrada na Muller Poeta e na que se realizará unha lectura de poemas e un obradoiro de marcapáxinas.

O Concello da Guarda convida a tódolos veciños e veciñas a unirse a unha fin de semana de diversas actividades adicadas á Muller e o seu papel na cultura.

1
2