Dende o 2018 a Oficina de Turismo Municipal da Guarda forma parte da Rede de Oficinas Info Rías Baixas da Deputación de Pontevedra e unha das melloras foi a ampliación do horario de atención grazas ao financiamento dos seus dous informadores turísticos.

 

Este ano adiantouse o horario de verán ao mes de maio para ofrecer un mellor servizo. Isto veu motivado polas previsións que indicaban unha forte recuperación dos peregrinos internacionais ao ser Ano Santo e porque o Camiño Portugués da Costa ten un marcado perfil estranxeiro grazas ao aeroporto da cidade portuguesa de Porto e ao tranquilo e fermoso do noso camiño.

 

Nos meses de verán, de xuño a setembro, atendéronse a 6.332 visitantes e peregrinos. En canto o perfil da persoa que acude a nosa oficina e principalmente, nacional durante o verán, sendo madrileños e castela leoneses as principais comunidades emisoras de turistas, sobre todo, familias con nenos. Xa comezado setembro o perfil cambia a parellas e, sobre todo, houbo un notable incremento de peregrinos que realizan o camiño en grupo.

 

As consultas máis habituais dos visitantes son qué visitar na vila e nos arredores e a programación de eventos e festas. A Festa da Langosta en xullo deu comezo a unha intensa programación de verán que se veu reflectida na afluencia de visitantes e na satisfacción do sector do comercio e hostaleira.

 

Gran interese tiveron as, xa habituais, visitas guiadas ao Castro Santa Trega pero que teñen unha excelente aceptación. Os visitantes agradecen poder coñecer a importancia arqueolóxica do Castro de Santa Trega ademais de gozar das vistas panorámicas que o monte ofrece e que sempre quedan no recordo dos visitantes. Este verán ofertouse a visita guiada ao Castro de Santa Trega comezando na Casa Forestal, continuando polo Barrio de Mergelina e rematando na área escavada polo arqueólogo Calvo xunto as vivendas reconstruídas. A oferta de visitas simplificouse pero ampliáronse os días das visitas, realizándose 6 días de martes a domingo en xullo e agosto, e en temporada baixa xuño e setembro as fins de semana. Esta amplía oferta de visitas guiadas permitiu que más 2.786 persoas coñecesen mellor o castro grazas as explicación do guía.

 

Outra actividade que tivo moito interese entre veciños e visitantes foron as saídas de navegación do Volanteiro Piueiro e que puxo en marcha a asociación coa colaboración do concello. Nas saídas organizadas nos meses de xullo e agosto foron máis de 600 persoas que puideron coñecer unha embarcación tradicional recuperada polos mariñeiros da nosa vila e que dan a coñecer o patrimonio e a esencia mariñeira.

 

Por último, indicar que a Rede de Museos da Guarda mantivo o seu horario acostumado nos meses de xullo e agosto, con máis de 48.000 persoas rexistradas no acceso ao Monte Santa Trega e con máis de 800 persoas no Museo do Mar.

 

A partir do 1 de outubro a Oficina de Turismo muda ao seu horario de outono e estará aberta de luns a sábado de 10:00 a 14:00 e de 16:30 a 18:30h.

A oficina de Turismo Municipal da Guarda conta cun novo horario de funcionamento ata o 17 de decembro, prestando servizo de luns a sábados e festivos en horario de 10:00h a 14:00h e de 16:30h a 19:30h nas instalacións da Praza do Reló, en decembro pechará ás 18:30h.
Esta Oficina está integrada na Rede de oficinas da Deputación de Pontevedra – Rede Info Rías Baixas e durante este ano conta con dous informadores turísticos contratados ao abeiro da subvención de dotación de persoal para as oficinas de turismo integradas na Rede Info Rías Baixas.
Máis información na Oficina de Turismo Municipal na Praza do Reló S/N ou chamando ao 986 61 4546 ou no enderezo electrónico turismo@aguarda.es

Coa chegada das vacacións de Nadal o Concello da Guarda informa do cambio de horarios dalgúns servizos municipais coma o Museo do Mar, o Museo Arqueolóxico de Santa Trega ou a Biblioteca Pública Municipal.
Deste xeito dende o 24 de decembro e ata novo aviso o Museo do Mar estará pechado.
Dende o 24 de decembro e ata novo aviso Museo Arqueolóxico de Santa Trega estará pechado.
A Biblioteca Pública Municipal da Guarda estará pechada os días 24 e 31 de decembro, así coma os sábados 26 de decembro e 2 de xaneiro e a semana do 4 de xaneiro ao 9 de xaneiro, abrindo novamente o día 11 de xaneiro no seu horario habitual.
En canto á Oficina Municipal de Turismo estará pechada do xoves 24 ao domingo 27 de decembro e do 31 de decembro ao 17 de xaneiro.

A Guarda é unha vila turística que recibe numerosos visitantes grazas a contar cun amplo abano o recursos patrimoniais e paisaxísticos. Polo que en 2018 o Concello da Guarda adheriuse a Rede de Oficinas “Info Rías Baixas” que puxo en marcha a Deputación de Pontevedra para mellorar atención dos puntos de turismo e ofrecer un servizo de calidade.

Neste 2019 centralizouse a atención na Oficina Municipal de Turismo localizada na Praza do Reló. Deste xeito atendese aos visitantes e turista e tamén aos peregrinos ao estar no propio Camiño Portugués da Costa.

A ampliación dos horarios e datas foi posible grazas ao reforzo do persoal de turismo grazas. Para este 2019 a Deputación de Pontevedra concedeu ao Concello da Guarda un informador turístico para os meses de xuño a decembro ao abeiro da subvención de dotación de persoal nas Oficinas da Rede Info Rías Baixas.

Horarios de xullo a setembro a Oficina de Turismo da Guarda (Praza do Reló):
Luns a venres: 9:00 a 14:30 / 15:00 a 20:00
Sábados, domingos e festivos: 10:00 a 14:00 / 16:30 a 19:30

A partir de outubro reducirase o horario. Para máis información:
tel. 986614546
turismo@aguarda.es
www.turismoaguarda.es

O Concello da Guarda asinou o convenio de colaboración coa Deputación de Pontevedra co obxectivo de promocionar e reforzar a marca Rías Baixas como un destino turístico global e de calidade.

A creación da Rede de Oficinas de turismo encadrase no marco do Plan Estratéxico de Turismo Rías Baixas 2020, que contempla dispor dunha rede de oficinas de turismo que sexan consideradas o “pilar básico para reforzar a prestación dun servizo de calidade e homóxeno do destino.

Para este 2018 a Deputación de Pontevedra concedeu ao Concello da Guarda un informador turístico para os meses de outubro e novembro e que prestará servizos na oficina de turismo municipal situada na Praza do Reló.