O concello da Guarda promove o seu sector turístico e gastronómico na XVIII edición de “Xantar”

O concello da Guarda está presente nunha nova edición de Xantar, o Salón Internacional de Turismo Gastronómico. Esta feira, que acadou en 2014 o recoñecemento de Internacional, celebra do 1 ao 5 de febreiro a súa 18º edición no recinto de Expourense, ao que se espera que se acheguen miles de persoas durante estes cinco días.

Esta é a segunda feira á que concello da Guarda acude neste ano 2017 para promocionarse como destino turístico tras a súa participación na Feira Internacional de Turismo de Madrid o pasado mes de xaneiro. Nesta ocasión a representación do concello acude a unha cita coa gastronomía e o turismo para seguir impulsando o seu sector turístico nunha data que reúne 232 expositores procedentes de 11 países diferentes. Nestes días en Expourense estarán presentes 15 restaurantes e o recinto acollerá unha gran diversidade de actividades como un Encontro de Bloggers Gastronómicos de España e Portugal a través das redes sociais, numerosas catas e degustacións ou talleres didácticos con chefs de prestixio dos diversos países participantes. Ademais haberá conferencias, presentacións literarias, exposicións de arte e ata máis de 200 actividades diferentes.

Deste xeito, ademais de recrear experiencias gastronómicas dos lugares presentes na Feira, como é o caso da Guarda, coa que se exaltan as materias primas e a gastronomía de cada destino, Xantar tamén é un punto de encontro dos recursos turísticos. Dentro do recinto de Expourense danse a coñecer os atractivos gastronómicos, paisaxísticos e históricos de cada rexión.

A Guarda conta co seu propio stand no que os visitantes poderán informarse das novidades da vila como a Rede do Museos, o Centro de Interpretación das Fortalezas Transfronteirizas, as festas e lugares de interese da vila ou as visitas guiadas que se poden realizar ao MASAT (Museo Arqueolóxico Monte Santa Trega), ao Castelo de Santa Cruz ou ao Museo do Mar.

Trátase dunha feira á que se achegan visitantes de toda a provincia de Ourense, así como do norte de Portugal, de León e da provincia de Lugo, un público que tradicionalmente visita e pasa as súas vacacións de xeito asiduo na vila. Coa súa presencia, o concello da Guarda busca atraer visitantes de proximidade, que en pouco máis de hora e media podan achegarse á Guarda.

Ademais, sempre houbo unha forte vinculación con familias de Ourense que escollían A Guarda para os seus días de vacacións. Xantar serve para reforzar este vínculo e amplialo, dando a coñecer e promocionando os numerosos atractivos turísticos que ten para ofrecer a vila e as novidades dos últimos anos.

O Centro Cultural da Guarda acolle este venres a presentación da publicación “Camiños da Imaxe”

Este venres, 3 de febreiro, o Centro Cultural da Guarda abrirá as portas do seu Salón de Actos para acoller a presentación da publicación “Camiños da Imaxe” a partir das 20’30 horas. Trátase dun libro que inclúe a obra do fotógrafo guardés Joaquín García Portela, máis coñecido como “Costiña”, obra que xa foi exposta ao público nunha exposición do mesmo nome que estivo na Casa dos Alonsos o pasado verán, con gran éxito de asistencia.

Na presentación deste libro estará o alcalde da Guarda, Antonio Lomba, o deputado de Cultura da Deputación de Pontevedra, Xosé Leal e Ricardo Silva como portavoz da familia de Costiña. Ademais a presentación estará ao cargo de Xurxo González Rodríguez e Beli Martínez, de Proxecto Socheo, comisariados da exposición do verán.

Neste evento presentarase unha publicación que recolle a obra do fotógrafo e filmógrafo guardés Costiña, pioneiro do cinema guardés, do que foron atopados e dixitalizados os seus filmes familiares realizados entre 1926 e 1929, que supoñen as primeiras películas filmadas na Guarda e por un guardés.

A presentación irá seguida da proxección destes filmes de Costiña, nos que se poden ver paisaxes locais como a costa, o monte, o Porto e incluso a chegada da flota pesqueira ó Berbés (Vigo); así como escenas da vida cotiá protagonizadas pola familia do fotógrafo, especialmente polas súas fillas Joaquina e Celia. A proxección estará acompañada por unha interpretación musical do pianista e compositor Karolis Biveinis.

Con este acto completarase unha completa semana de actividades realizadas en torno á obra de Costiña e que é resultado dunha inquedanza mostrada dende o concello da Guarda, tras a exposición que tivo lugar no verán, para realizar un esforzo por dar a coñecer a obra de Costiña a tódolos guardeses e guardesas. Con este obxectivo durante esta semana traballarase cos colexios de primaria da vila nos que Xurxo, de Proxecto Socheo, impartirá unha unidade didáctica aos alumnos dos colexios para que coñezan a obra de Costiña e a importancia do autor guardés. A vindeira semana tamén se continuará esta labor de difusión coa proxección das imaxes nas asociacións de Avelaíña e San Xerome, así como na Residencia da 3ª Idade e en Centros da E.S.O.

Ademais, o mesmo día da presentación do libro volverá a estar aberta ao público a exposición “Camiños da Imaxe”, que permanecerá no Centro cultural ata o sábado 18 de febreiro. Poderá ser visitada de luns a venres en horario de mañá, de 10 a 13 horas, ou de tarde, de 17 a 20 horas. Os sábados só en horario de mañá.

Deste xeito os guardeses e guardesas que non puideron acudir á exposición no verán teñen unha nova oportunidade de coñecer as fotografías e imaxes de Costiña e aqueles que xa a viron poderán volver a desfrutar da excepcional obra dun guardés ilustre.

O historiador Miguel Villa presentou o seu terceiro libro sobre a Sociedade Pro-Monte nun Centro Cultural ao completo

Este ano 2017 conmemorase unha data moi sinalada para a vila da Guarda e a súa historia: o centenario do Museo Arqueolóxico Monte Santa Trega (MASAT), e o sábado 28 de xaneiro tivo lugar a primeira das actividades programadas para celebralo.

Nun Centro Cultural completamente cheo, o historiador guardés Joaquín Miguel Villa Álvarez presentou o seu libro “La Sociedad Pro-Monte Santa Tecla, 3ª parte”. Trátase da terceira e última parte da súa triloxía sobre a Sociedade Pro-Monte, creadora do propio MASAT, e que completa os dous anteriores volumes publicados en 2004 e 2014.

Ao acto acudiron numerosas autoridades locais e provinciais, así como veciños da Guarda e doutras vilas da contorna. Os encargados de inaugurar o evento foron o alcalde da Guarda, Antonio Lomba Baz, e o concelleiro de Patrimonio, Javier Crespo.

O alcalde deu comezo á presentación agradecendo a tódolos asistentes por encher o Salón de Actos, demostrando así a gran importancia que esta data tiña para toda a Comarca do Baixo Miño. Ademais, puxo en valor o traballo de Villa e da propia Sociedade Pro-Monte, á que asegurou os guardeses e guardesas lle deben o traballo de dar a coñecer a riqueza da xoia que é o Monte Santa Trega e aos que se pode considerar como os fundadores do turismo da Guarda.

Pola súa banda o concelleiro de Patrimonio tamén destacou e agradeceu a asistencia dos presentes a unha presentación que se ofrece tras varios anos de traballo de investigación e documentación do historiador acerca da Sociedade Pro-Monte e do propio Monte Santa Trega. Ademais mostrou o seu agradecemento persoal a Villa por invitalo a presentar este libro, para o cal falou de xeito detallado do autor, do contexto histórico que abarca a obra (1939-1979) e do propio libro.

Tras a introdución do alcalde e do concelleiro, o autor realizou a presentación dunha obra coa que, afirmou, pecha unha triloxía que lle permitiu ter o pracer de estudar a Sociedade Pro-Monte. Para o autor a importancia desta sociedade, que considera unha das sociedades culturais máis importantes da Guarda e de Galicia, radica en que conseguiron que o Trega sexa a día de hoxe o segundo lugar máis visitado de toda Galicia, tras a Catedral de Santiago.

Esta terceira parte é a máis ampla e complexa das tres, xa que abarca un período de tempo máis amplo e recente. Isto supuxo para o autor vantaxes e inconvenientes. Por un lado, existen máis fontes documentais (unha das grandes fortalezas da súa obra) e testemuñas que podan aportar datos o acaecido durante o período. Pero por outro tamén hai máis versións contraditorias entre os que viviron eses anos, polo que é máis importante acudir a fontes documentais.

As palabras do autor, do concelleiro e do alcalde durante a presentación estiveron acompañados de documentos gráficos de gran valor que se podían ver na pantalla do escenario como vídeos de acontecementos históricos da época, fotografías dos seis presidentes que tivo a Sociedade Pro-Monte durante eses 40 anos, ou imaxes das diversas fontes e materiais documentais ás que tivo acceso o autor para realizar a obra.

Despois da presentación o autor asinou os libros que os asistentes adquiriran antes do evento, pois tanto antes como despois xa se puxeron á venta, dando por rematada así a que foi para todos unha velada histórica para a vila da Guarda e para os guardeses e guardesas.

Miguel Villa presenta este sábado o seu libro “La Sociedad Pro-Monte Santa Tecla, 3ª parte” na Guarda

O historiador e investigador guardés Joaquín Miguel Villa Álvarez presenta o seu último libro “La Sociedad Pro-Monte Santa Tecla, 3ª parte” no Centro Cultural da Guarda este sábado 28 de xaneiro ás 20,30 h. Trátase do terceiro volume da súa serie de libros na que fala da historia desta sociedade pero tamén da propia sociedade e vida política da Guarda. Nesta nova obra, que abarca dende o ano 1939 ata o 1979 e leva por subtítulo “unha larga e fructífera permanencia”, continúa a afondar noutra etapa da Sociedad Pro-Monte Santa Tecla. O libro ven a completar os dous volumes anteriores: “La sociedad Pro-Monte Santa Tecla (1ª parte: 1912-1928)” e “La sociedad Pro-Monte Santa Tecla (2ª parte: 1928-1939).

A presentación deste novo libro do historiador da Guarda forma parte das actividades encadradas na celebración do centenario do MASAT, o Museo Arqueolóxico Monte Santa Trega, que foi creado pola propia Sociedade Pro-Monte no ano 1917. Ademais ten lugar unha semana despois da barferencia que Villa ofreceu o venres pasado, 20 de xaneiro, na Cafetería Alameda na que expuxo os seus amplos coñecementos sobre os “100 anos de Museo no Monte”.

O Concello da Guarda impulsa a promoción da vila como destino turístico en FITUR

Un ano máis, o Concello da Guarda participa na Feria Internacional de Turismo de Madrid (FITUR) que este ano celebra, do 18 ao 22 de xaneiro, a súa 37ª edición.

Dende o día de onte a delegación da Guarda formada polo alcalde, Antonio Lomba, a concelleira de Turismo, Montse Magallanes, o concelleiro de Patrimonio, Javier Crespo e a técnico de Turismo da Guarda, Rosalía Verde, está a manter diversas reunións para promocionar e impulsar A Guarda como destino turístico.

O mércores día 18, no primeiro día de FITUR, a delegación da Guarda mantivo varias reunións con consultores turísticos especializados no público alemán, con algún blogueiro italiano e mantivo contactos con importantes axencias turísticas que visitan A Guarda regularmente. Estiveron ademais cos responsables da preparación do proxecto conxunto da Guarda e Caminha para presentar a candidatura do Esteiro do Miño como Patrimonio da Humanidade na categoría de Paisaxe Cultural Transfronteiriza.

Na xornada de onte tamén acudiron a unha reunión, convocada pola Secretaría de Estado de Turismo, con Antonio Nieto Magro, Subdirector Xeral de Cooperación e Competitividade Turística, que vai apoiar os proxectos de promoción dos Destinos EDEN (European Destinations of Excellence). Ademais, estiveron apoiando a presentación de Cambados como Cidade Europea do Viño 2017.

Hoxe, xoves 19, é o día máis importante para a delegación da Guarda, que asistiu ás 12 horas á presentación realizada pola Deputación de Pontevedra do Camiño Portugués da Costa, elixido por Turismo Rías Baixas como o produto a promocionar nesta edición de FITUR e que incluíu o seguinte vídeo, adicado á experiencia única que supón realizar esta ruta.

Así mesmo, a delegación da Guarda continuará mantendo durante o resto da xornada reunións e contactos con axencias e consultorías de Turismo activo.

En datas próximas, dende o Concello da Guarda convocarase a tódolos sectores económicos interesados nunha reunión para tratar a promoción do Camiño Portugués da Costa no seu paso pola Guarda.

O historiador guardés J.M. Villa protagoniza a primeira barferencia do ano, sobre o centenario do MASAT

Este venres 20 de xaneiro, ás 20’30 horas na Cafetería La Casilla, terá lugar a primeira barferencia do ano 2017, e terceira desta tempada de inverno. Trátase dunha cita moi especial para A Guarda, xa que a ponencia versará sobre os “100 anos do Museo do Monte”, un elemento clave na vida e na sociedade da vila nas últimas décadas.

A ponencia estará a cargo do historiador e profesor guardés Joaquín Miguel Villa Álvarez, licenciado en Xeografía e Historia e Doutor en Historia Contemporánea pola Universidade de Santiago de Compostela. Villa imparte clases no Colexio PP. Somascos da Guarda, labor que compaxina coa de investigador, que o levou a colaborar en diferentes publicacións, en especial con temas relacionados coa Guarda.

Nesta barferencia exporá parte dos seus numeroso coñecementos sobre o Museo Arqueolóxico Monte Santa Trega (MASAT), que cumpre cen anos este ano 2017, pois foi creado pola Sociedade Pro-Monte no 1917. Parte desta ponencia terá como base a investigación que ten realizado sobre a propia Sociedade Pro Monte e que o levou a publicar “La Sociedad Pro-Monte Santa Tecla (1ª parte: 1912-1928)” e “La Sociedad Pro-Monte Santa Tecla (2ª parte: 1928-1939). A estes dous volumes súmase un terceiro libro, “La Sociedad Pro-Monte Santa Tecla, 3ª parte”, que se presentará no Centro Cultural da Guarda o vindeiro sábado 28 de xaneiro.

Dende o Concello da Guarda anímase a tódolos veciños a asistir a esta interesante barferencia, na que poderán coñecer a historia dun museo clave na vida, cultura e sociedade da vila.

A Guarda estará presente na 37ª edición de FITUR

Un ano máis, o Concello da Guarda estará presente na Feria Internacional de Turismo de Madrid (FITUR) que este ano celebra, do 18 ao 22 de xaneiro, a súa 37ª edición.

A Guarda promocionarase no stand de Turismo de Galicia; e a súa participación será destacada como consecuencia da elección este ano, por parte de Turismo Rías Baixas, do Camiño Portugués da Costa como produto turístico para promocionar en FITUR. Este será presentado como tal o xoves ás 12 horas da mañá.

Así, A Guarda terá un protagonismo especial por ser a primeira vila galega da que parte esta ruta do Camiño de Santiago.

Durante estas xornadas a Delegación da Guarda, formada polo alcalde, Antonio Lomba, a concelleira de Turismo, Montse Magallanes e o concelleiro de Patrimonio, Javier Crespo, manterá diversas reunión con maioristas e asociacións de turismo para potenciar a promoción da Guarda como destino turístico.

Ademais, a técnico de Turismo da Guarda, Rosalía Verde, asistirá á reunión anual no stand de TurEspaña cos destino EDEN (European Destinations of Excellence) para por en marcha os diferentes proxectos e accións para os próximos dous anos.

Invernos de Cinema, a presentación do rally solidario de Conrazones e o Sorteo da campaña de Nadal de AGUDE completan a axenda desta fin de semana na Guarda

Este venres 13 de xaneiro hai unha nova cita co cinema na Guarda. Volven neste novo ano as películas proxectadas como parte da programación Invernos de Cinema e, neste caso, o filme que se poderá ver é “Las ovejas no pierden el tren”.

Deste xeito os guardeses e as guardesas teñen a oportunidade de visionar, de balde, ás 21 horas no Centro Cultural da Guarda, unha destacada e actual película española. O filme, protagonizado por Inma Cuesta e Raúl Arévalo, entre outros, conta con moito humor a historia desta parella que se atopa nun momento delicado da súa relación cando se ven obrigados a mudarse ao campo.

O sábado, tamén no Centro Cultural, terá lugar a presentación do rally solidario que dende o 28 de decembro ata o 5 de xaneiro realizou a asociación Conrazones a través de Marrocos, percorrendo case 6.000 quilómetros co obxectivo de repartir material escolar entre a poboación máis desfavorecida.

E para rematar a fin de semana, a Alameda acollerá o sorteo da campaña de Nadal de AGUDE. Ademais, o evento tamén incluirá concurso de Bizcochos e chocolate para amenizar a tarde, todo isto a partir das 18 horas.

Dende a Concellería de Cultura convidan a tódolos veciños e veciñas a desfrutar de todas estas variadas propostas e da primeira fin de semana tras as vacacións do Nadal na Guarda.

La Cabalgata de Reyes y la Recepción Real despedirán la Navidad en A Guarda este jueves 5 de enero

Coa primeira semana de xaneiro e deste ano 2017, achégase o final das festas navideñas. Na Guarda, estas datas tan sinaladas rematan por todo o alto este xoves día 5 coa saída da Cabalgata dos Reis Magos e a posterior Recepción Real.

A tradicional Cabalgata das Súas Maxestades os Reis Magos sairá dende a Alameda ás 18 horas e pasará pola rúa Galicia ata a esquina do Galo, despois pola Praza da Igrexa e de aí directamente á Praza do Reló. A continuación, terá lugar a Recepción Real na Casa dos Alonsos, onde os Reis Magos recibirán ós nenos e nenas da vila, escoitarán as súas peticións e desexos e entregarán a cada un dos cativos un agasallo.

A Cabalgata do Reis estará acompañada polo Grupo de Gaitas da 3ª Idade, a Charanga Os Zanfonos e o Grupo de Baile Moderno Xamaraina; e durante a Cabalgata repartiranse máis de 400 quilos de caramelos. Recordamos que todos os caramelos que se repartirán no transcurso da Cabalgata son libres de gluten e, no caso dos caramelos mastigables, tamén libres de lactosa.

Ademais, durante a Recepción Real que acollerá a Casa dos Alonsos tamén se entregarán golosinas aos nenos e nenas que acudan a coñecer aos Reis Magos, polo que no caso dos cativos que sexan alérxicos aconsellamos que os pais e nais se dirixan aos organizadores para máis información sobre o contido dos doces.

En caso de choiva só se celebraría a Recepción Real na Casa dos Alonsos, pero as previsións son optimistas e espérase que o bo tempo acompañe e permita que os Reis Magos podan percorrer as rúas da vila e levar a ilusión a todos os nenos e nenas da Guarda.

Volve o chocolate á Praza de Abastos e a música ás rúas da Guarda no último xoves do ano

Como xa ocorreu o xoves anterior á celebración do Nadal, este vindeiro xoves día 29 de decembro haberá una nova chocolatada de balde na Praza de Abastos para todo o que se achegue pola mañá. Tamén haberá música nas rúas da man do Coro Fuscalheiro para amenizar o último xoves do ano 2016.

Ademais cómpre recordar que o xoves pola tarde, ás 17’30 horas no Centro cultural, o MAGO RAFA traerá o seu novo espectáculo infantil. Este é de balde, previa recollida de tickets no propio Centro Cultural. Do mesmo xeito, tamén recollendo previamente as entradas, o venres día 30 poden acudir á representación no Centro Cultural, ás 21 horas, da obra de teatro “O que hai que ver”.

Así pois, anímase a todo o mundo a achegarse o xoves a probar un chocolate quentiño na Praza de Abastos, perfecto para esta época e para prepararse para despedir este ano e dar a benvida ao 2017 en tan só un días e a desfrutar das diversas actividades que se organizan dende o concello para amenizar os últimos días do ano.

Os días 22 e 23 de decembro a última viaxe do ferry será ás 18’30 horas dende A Guarda

Por mor da coincidencia coa pesca da angula que se está a realizar estes días, o ferry verá modificado o seu horario. Tanto hoxe, xoves día 22 de decembro, como mañá o último servizo dende A Guarda será ás 18’30 horas e dende Caminha, a última viaxe se realizará ás 18 horas.

Ademais, infórmase que o sábado 24 e o domingo día 25 de decembro, coincidindo coa celebración do día de Nadal, non haberá servizo de ferry. Tampouco o vindeiro día 31.

En calquera caso, recórdase que para calquera dúbida os horarios poden ser consultados na oficina do ferry ou no teléfono 986 61 15 26.

Varios concertos, unha nova sesión de Contos Contados, a visita de Papá Noel e moito máis na fin de semana previa ao Nadal na Guarda

Achégase a fin de semana previa ao Nadal e na Guarda, vaise a celebrar a proximidade dunha data tan especial por todo o alto. Estes vindeiros días estarán repletos de diversas actividades para todos os públicos e gustos, que farán que os veciños e as veciñas da Guarda sintan, aínda máis, o espírito navideño.

Entre as diversas propostas destaca a música, que estará moi presente con tres concertos. O primeiro destes, o Concerto de Nadal do Conservatorio de Música organizado polo concello da Guarda, terá lugar o xoves día 15, no Centro Cultural ás 19 horas.

O venres preséntase unha nova cita das barferencias. Nesta segunda charla da tempada 2016/17, o recoñecido investigador dos petroglifos, Fernando Javier Costas Goberna, falará de “Oia, o Císter e a nova milicia” ás 20’30 horas na Cafetería Alameda.

Xa metidos de cheo na fin de semana, o sábado temos unha nova sesión de Contos Contados adicada ao Nadal, de novo na Biblioteca Municipal ás 11,30 horas. Nesta os nenos e nenas contarán con canto e conto por Nadal e un obradoiro de a continuación sobre a decoración da árbore de Nadal. Cara á noitiña, ás 20’30 horas, celebrarase outra das citas coa música tradicional no Festival de Nadal de Pandereteiras no Centro Cultural.

Para rematar esta última fin de semana antes do Nadal, o domingo presenta moi diversas iniciativas para as familias guardesas. O patio cuberto do Colexio PP. Somascos acolle a Mostra de Artesanía “Nadal na Guarda” organizada por + K ARTE en colaboración co concello da Guarda e a Deputación de Pontevedra.

Pola tarde a Guarda recibirá a visita de Papá Noel, organizada por AGUDE, que se adiantará uns días para sorprender aos nenos e nenas da vila. A chegada producirase en parapentes no Porto ás 16’30 horas e percorrerá a vila ata recoller as cartas nas Galerías da Alameda, onde aparecería directamente en caso de choiva. Por último, a Coral Polifónica da Guarda organiza o Concerto de Panxoliñas, que se poderá desfrutar a partir das 17’30 horas na Igrexia Parroquial, como colofón a esta fin de semana.

O concello da Guarda presenta a Axenda de Nadal 2016

Coincidindo co inicio do mes de decembro, o concello da Guarda vén de presentar a Axenda de Nadal 2016. Trátase dunha axenda que abarca a programación dende este comezo de mes ata o domingo 15 de xaneiro e que inclúe diversas actividades, co obxectivo de que resulten atractivas para todos nestas datas tan sinaladas.

Dado que falamos do Nadal, os nenos e nenas son os grandes protagonistas desta axenda. Contarán con tres obradoiros de decoración infantís e con dúas sesións de cinema infantil no Centro Cultural o 23 de decembro e o 4 de xaneiro cos films “Cuento de Navidad” e “Los Minions”. Tamén haberá diversos espectáculos como o “MAGO RAFA” o xoves 29 de decembro ás 17’30 horas no centro Cultural, así como a visita de Papá Noel organizada por AGUDE ou a tradicional Cabalgata de Reis o 5 de xaneiro.

Pero os adultos e as familias tamén terán numerosos plans neste Nadal. A axenda conta con tres concertos neste mes de decembro: o do Conservatorio o día 15 de decembro, o Festival de Nadal das Pandereteiras o 17 e o Concerto de Panxoliñas o día 18. Continuarán os Invernos de Cine con dúas novas proxeccións no Centro Cultural, ademais de haber teatro para adultos, Música nas rúas e Chocolatadas na Praza de Abastos os días 22 e 29 de decembro.

Este luns, acendido da iluminación de Nadal

A campaña de Nadal da Guarda arranca oficialmente este vindeiro luns 5 de decembro pola tarde co acendido da iluminación do Nadal en toda a vila, que irá acompañado dunha caravana de Nadal e animación na Praza do Reló ofrecida polos comerciantes da Guarda e o Mercado do Reló, ás 20 horas, coa inauguración oficial do Nadal guardés. Os comerciantes xa amosaron a súa implicación coa campaña de Nadal da vila acudindo o pasado sábado ao obradoiro de decoración “Un adorno para o Nadal guardés” e coa participación no programa “Decora o teu Nadal”, por parte das asociacións culturais e deportivas da vila.

Dende o concello da Guarda deséxase que os veciños e veciñas da Guarda teñan un bo Nadal e convídaos a participar nas numerosas actividades, para tódolos públicos e gustos, que encherán as rúas da Guarda de espírito navideño.

O Centro de Interpretación do Castelo de Santa Cruz conta con tres novas audioguías

O Centro de Interpretación das Fortalezas Transfronteirizas do Castelo de Santa Cruz da Guarda conta, desde esta semana, con tres novas audioguías. Estas foron financiadas polo concello da Guarda e contaron coa axuda da Unión Europea a través do Feader: “Fondo Europeo Agrícola de Desenvolvemento Rural” Europa inviste no rural e o Concello da Guarda. Ademais, tamén contribuíron Turismo de Galicia e o Ministerio de Agricultura.

Con esta axuda o Concello da Guarda, que xa tiña dúas audioguías explicativas do patrimonio da fortaleza, ampliounas con tres novos idiomas. Así, ás audioguías en castelán e galego xa existentes únense unha en inglés, unha en portugués e outra en francés. Escolleuse o portugués pola proximidade coas localidades veciñas de Portugal, que fai que haxa visitas constantes de cidadáns portugueses; o inglés porque o maior número de turistas estranxeiros que chegan ao estado español son de Gran Bretaña e o francés, porque os cidadáns deste país foron os turistas que máis incrementaron nos últimos anos.

O traballo consistiu en realizar as tres audioguías, con contidos que foron definidos por persoal con experiencia na interpretación de elementos naturais e patrimoniais e que inclúen o contexto da guerra de Restauración, o transcurso da guerra no Baixo Miño, a tecnoloxía da fortaleza e partes da mesma, ou os valores naturais dentro da fortaleza. Con estas tres novas audioguías, presentes en formato físico no Castelo de Santa cruz e que poden descargarse dende o seguinte enlace da web de turismo da Guarda http://turismoaguarda.es/audioguias/, conséguese incentivar o desexo de coñecer por parte do visitante e mellorar a visita e experiencia dos turistas que se acheguen ata o Centro de Interpretación de Santa Cruz, un dos principais puntos de interese da Guarda.

A Guarda remata o mes de novembro con moito cinema, deporte, música, obradoiros e actividades para todos os públicos

O concello da Guarda prepárase para as datas de Nadal cuns último días de novembro cheos de opcións e alternativas de lecer e tempo libre para todos os gustos e públicos.

Este xoves 24 de novembro, ás 20 horas, a Casa dos Alonsos acolle a última das Charlas sobre Igualdade organizadas pola Asociación de Mulleres Progresistas da Guarda. Este ciclo de charlas rematará coa ponencia que leva por título “En busca dunha sociedade máis xusta”.

O venres 25 proxectarase no Centro Cultural, dentro da campaña Invernos de Cine, ás 21 horas, a película “El abuelo que saltó por la ventana y se largó”. Esta é unha comedia sueca que narra as incribles aventuras dun home de cen anos que non quere deixar de vivir a súa vida ao máximo.

O sábado día 26 ven cargado de actividades para todos os públicos. Pola mañá o recinto do Cámping Santa Tecla acollerá a partir das 10’30 horas a proba de Campo a través na que participan alumnos de colexios e clubs deportivos do Baixo Miño.

Xa pola tarde se celebrará o Obradoiro de decoración “Un adorno para o Nadal Guardés” na Casa dos Alonsos, dende as 15’30 ás 18,30 horas. A cargo do obradoiro estará Maite Lomba, interiorista de Agarimo Interiores, que ensinará aos comerciantes e veciños que queiran acudir a realizar o seu adorno navideño para decorar as fachadas de comercios, casas e portais de veciños da vila. Todos os que desexen saber máis teñen á súa disposición dous vídeos titoriais colgados na páxina do Concello da Guarda e no Facebook de Cultura, tanto para saber que materiais necesitarán para o obradoiro como para poder realizar o adorno dende a casa.

Tamén o sábado temos outra sesión de cine no Centro Cultural da Guarda. Neste caso a película que se poderá ver é “Rango”, filme de animación que seguro fará as delicias de toda a familia o sábado ás 17,30 horas. Xa para rematar un día tan completo, non podía faltar a musica. A Igrexa Parroquial acolle ás 20’30 horas o Concerto de Santa Cecilia organizado pola Banda de Música Agrupación Musical de A Guarda. Ademais da actuación da agrupación, tamén contará coa participación da Coral Polifónica da Guarda.

Por último, a fin de semana chega á súa fin o domingo 27, día no que se celebra a terceira edición do Trail do Trega que comeza ás 10 horas con saída no Centro Cultural.

Dende o concello agradécese a todas as persoas que fan posible ofertar tantas e tan variadas actividades e espérase que os veciños e veciñas da Guarda se animen a asistir ás alternativas que ofrece a vila para esta última semana do mes de novembro.

O concello da Guarda prepara unha última fin de semana de novembro de cinema

Dende o concello da Guarda séguese ofertando un amplo abano de actividades para estes meses de outono, xa en plena preparación das datas de Nadal. Para esta vindeira fin de semana, a última do mes de novembro, o cinema será o gran protagonista do tempo de lecer da vila do Baixo Miño.

A primeira das películas que será proxectada é, dentro da campaña Invernos de Cine: “El abuelo que saltó por la ventana y se largó”. Esta comedia sueca, que narra as incribles aventuras dun home de cen anos que non quere deixar de vivir a súa vida ao máximo, pódese ver o venres 25 de novembro, ás 21 horas, no Centro Cultural.

Ó día seguinte, o sábado día 26, volvemos a ter unha cita co cinema no Centro Cultural da Guarda. Desta volta será unha película especialmente pensada para un público infantil, pero que pode desfrutar toda a familia e os veciños e veciñas de tódalas idades. Proxectarase, ás 17’30 horas, o filme de animación “Rango”, premiado co Oscar a mellor película de animación e que promove valores como o descubrimento da identidade propia ou o significado da amizade.

Dende a Concellería de Cultura da Guarda anímase a todos a acudir esta fin de semana ao Centro Cultural e desfrutar dunhas películas que prometen diversión e entretemento para todos os públicos.

Nova cita dos Contos Contados, este sábado, adicada a “Os nosos avós”

Este sábado, 19 de novembro, celébrase a terceira cita dos Contos Contados na Biblioteca da Guarda. Desta volta, a partir das 11’30 horas, os que se acheguen ata a Biblioteca Municipal poden asistir a unha xornada adicada a homenaxear aos avós.

Tras o primeiro “Contos Contados” desta tempada, que serviu para presentar a Heraldo, a recentemente elixida mascota da Biblioteca, e a segunda sesión, polo día de Samaín, esta terceira céntrase na inesquecible figura dos avós.

Por iso, en especial esta semana, convídase a que toda a familia, dende os máis cativos ata os propios avós e avoas, pasando polas nais e pais, se acheguen á Biblioteca Municipal para participar nas actividades organizadas para amenizar a mañá do sábado. Nesta poderán asistir á intervención da Avoa Carmen e, despois, participar nun obradoiro no que realizarán un agasallo para poder darllo ós avós e avoas.

Convídase ás familias da Guarda a acudir este sábado á Biblioteca e poder así darlle a homenaxe que merecen tódolos avós e avoas da vila, nunha mañá para desfrutar en familia. Ademais recórdase que a programación dos Contos Contados se estenderá ata o fin de curso e continuará o vindeiro mes de decembro, concretamente o sábado 17, cunha data moi especial centrada, como non podía ser doutro xeito, no Nadal.

O arqueológo Gustavo Pascual, ponente da primeira barferencia de inverno da tempada 2016/17

Un inverno máis volven as barferencias ás cafeterías e bares do Concello da Guarda. A primeira destas charlas terá lugar este venres 18, ás 20’30 horas, na cafetería Barros a cargo do arqueólogo Gustavo Pascual Hermida.

Gustavo Pascual está licenciado en Xeografía e Historia na especialidade de Prehistoria e Arqueoloxía pola Universidade de Santiago de Compostela. É profesor de Xeografía e Historia de Ensinanza Secundaria no Instituto de Coruxo, en Vigo, e participou en diferentes campañas de arqueoloxía co museo de Castrelos e no castro de Vigo e Troña.

Na actualidade, como investigador independente, traballa en campos da arqueoloxía relacionados coa mitoloxía antiga e o simbolismo nas sociedades prehistóricas relacionado co mundo dos petroglifos. Ademais, adícase a investigar aspectos da prehistoria recente do Baixo Miño, que logo publica no seu blog “Más que Petroglifos”. Entre estas investigacións inclúense o estudo do “Poboamento Antiguo da Costa de Santa María de Oia” ou os complementarios “A minería de ouro romana na serra de Groba” e “Canais de abastecemento de auga en minas da Groba”.

Arredor destes últimos xirará a barferencia deste venres titulada “A minería de ouro nas serras da Groba e Argallo”, na que falará do proceso e dos resultados e conclusións destas investigacións dun xeito ameno e interactivo.

Inaugúrase así, esta semana, a tempada 2016/17 das barferencias de inverno da Guarda. Durante os tres meses de inverno poderase desfrutar dunha serie de charlas de diferentes temáticas en diversos locais da vila, con temas tan variados como o museo do monte ou a xestión dos bosques na Idade do Ferro.

A cafetería Barros acolle a primeira barferencia de inverno desta tempada co arqueológo Gustavo Pascual

Tras a boa acollida recibida nas anteriores edicións desta iniciativa e como vén ocorrendo nos últimos anos, o inverno trae de novo as barferencias ás cafeterías e bares da Guarda. Durante os meses desta estación, haberá unha serie de charlas de diferentes temáticas en diversos locais da vila.

A inauguración da tempada das barferencias de inverno 2016/17 terá lugar na cafetería Barros o vindeiro venres 18 de novembro ás 20’30 horas. Nesta primeira sesión a charla estará ao cargo do arqueológo Gustavo Pascual Hermida e tratará o tema de “ A minería de ouro nas serras da Groba e Argallo”.

Neste nova tempada contaremos cun total de 5 barferencias, que se completan nas seguintes datas:

-O 16/12/16 na Cafetería Alameda: “Oia, o Císter e anova milicia”. Ponente: Javier Costas Goberna.

– O 20/01/17 en La Casilla: “100 anos do museo do monte”. Ponente: Miguel Villa

– O 17/02/17 en Celtic Harp: “ A cidade dos nenos”. Ponente: Mónica Martínez Baleirón.

– O 17/03/17 en O Forte: “Un mundo de madeira: a xestión do bosque e do monte polas comunidades da Idade do Ferro”. Ponente: María Martín Seijo.

A Concellería de Cultura da Guarda quere animar a que todo o que o desexa acuda a estas interesantes charlas, unha maneira amena de aprender e divertirse nun entorno agradable e cálido para estes meses de frío.

Cándido Pazó e a súa obra “Que comerá o rei?” chegan á Guarda este venres dentro da programación do Ano Castelao

O actor pontevedrés Cándido Pazó representa este venres 11 de novembro, ás 21 horas no Centro Cultural da Guarda a súa obra “Que comerá o rei?”, como parte da programación da Deputación de Pontevedra para conmemorar o Ano Castelao. A entrada é de balde pero é necesario recoller os tickets con anterioridade, que xa están dispoñibles no Centro Cultural e no Departamento de Cultura do concello da Guarda.

“Que comerá o rei?” é un espectáculo no que Cándido Pazó presenta unha sesión de historias e contos inspirados nos textos e debuxos de Castelao. Unha obra que, coa palabra como única ferramenta, procura o humor agudo e tenro, a expresión sinxela e sutil e o trazo delicado e potente do xenial artista. Cándido Pazó a ten calificado como un “acto de desagravio” contra todo ese descoñecemento que houbo ao redor de Castelao nunha época determinada.

O espectáculo é unha das cinco obras teatrais que, dende o mes de xullo e ata decembro deste ano, están percorrendo os 62 concellos da provincia. En total sumarán 90 actuacións nas que se presentan propostas escénicas moi diferentes ao longo de toda a provincia pero cun nexo de unión: reivindicar a loita de Castelao polo idioma e a identidade galega. Ademais, tamén busca achegar o teatro a toda a poboación da provincia, para que poidan desfrutar das obras e coñecer aínda máis unha figura tan destacada como foi Castelao.

O Ano Castelao 2016 celébrase para conmemorar tres datas destacadas do autor: o centenario da súa chegada á cidade de Pontevedra, o 75 aniversario da estrea de “Os vellos non deben de namorarse” e o Día das Artes Galegas, que este ano se dedica a Castelao.

O alcalde da Guarda entrega os premios do “Concurso Día Mundial do Turismo”

O concello da Guarda acolleu este luns, día 7 de novembro, ás 12 horas, a entrega dos galardóns ós premiados do “Concurso Día Mundial do Turismo”. Este certame, organizado dende a Concellería de Turismo da Guarda, conmemora o Día Mundial do Turismo, celebrado o pasado 27 de setembro, á vez que promove a creatividade no ámbito da fotografía e tamén pon en valor os recursos naturais, patrimoniais e atractivos turísticos da vila.

A este acto acudiron o alcalde da Guarda, Antonio Lomba; a concelleira de Turismo, Montse Magallanes; o primeiro premiado, Francisco Javier González Fernández, de Vigo; e unha persoa en representación de Tatiana Soynikova, da Guarda, que recibiu o terceiro premio. O segundo premiado, Salvador Linares Fernández, non puido acudir, dado que reside en Valencia, pero xa se puxo en contacto co concello para expresar a súa alegría polo recoñecemento.

Durante o discurso previo á entrega dos premios, o alcalde da Guarda deu os seus parabéns ós premiados, comentou as tres imaxes e destacou o curioso feito de que as tres fosen imaxes do Porto. De feito, das 33 obras presentadas a concurso, a gran maioría, 20 fotografías, eran do Porto. Do resto, había imaxes de praia, do Castelo de Santa Cruz, do Estuario, das alfombras do corpus e doutros lugares da vila.

Pola súa banda, a concelleira quixo amosar a súa satisfacción pola participación e o nivel das obras presentadas polos participantes, un total de 9 autores dos que 5 eran da Guarda, 2 de Nigrán, 1 de Vigo e outro de Valencia.

A continuación, o alcalde e a concelleira fixeron entrega dos premios, que consistían, para o primeiro premiado, nunha estancia de 7 noites no Aparthotel Marouco; o segundo premio, nunha estancia de 7 noites no Camping Santa Tecla; e o terceiro, unha cena para dúas persoas no Restaurante Casa Chupaovos. Ademais, tamén recibiron un diploma e un pequeno detalle feito a man.

Por último, o alcalde agradeceu a Juan Castro, do Restaurante Chupaovos e a Jose Coello, dono do Aparthotel Marouco e do Camping Santa Tecla, a súa colaboración.

Durante o distendido acto, tanto os participantes como as autoridades e hostaleiros presentes coincidiron en que A Guarda é un lugar único pois, a pesar de ser unha vila pequena, ten unha gran variedade de paisaxes e lugares fermosos e moi distintos. Isto fai difícil plasmar o que representa a Guarda nunha soa imaxe. Non obstante, a calidade das tres imaxes premiadas fixo que foran as elixidas para representar á Guarda e protagonizar as próximas campañas turísticas do concello.

Premiados do “Concurso de Fotografía Día Mundial do Turismo” da Guarda

O pasado mércores día 2 de novembro, o xurado do “Concurso de Fotografía Día Mundial do Turismo” reuniuse para deliberar e escoller as fotografías premiadas deste concurso organizado polo concello da Guarda. O xurado estivo formado por Naomi Brey, Patricia Álvarez (fotógrafas profesionais) e Jorge Alonso (reporteiro) en calidade de vocais; e por Rosalía Verde, técnica de turismo da Guarda, en calidade de secretaria.

Estes membros do xurado, tendo en conta a calidade técnica, artística e a adaptación das fotografías ó tema do concurso, acordaron outorgar os seguintes premios:

O primeiro premio, dotado cunha estancia de 7 noites no Aparthotel Marouco, nun apartamento modelo A con capacidade de máximo 4 persoas, a FRANCISCO JAVIER GONZÁLEZ FERNÁNDEZ de Vigo.

O segundo premio, dotado cunha estancia de 7 noites no Camping Santa Tecla nun mobil home con capacidade de máximo 6 persoas, a SALVADOR LINARES FERNÁNDEZ de Valencia.

E o terceiro premio, dotado cunha cena para dúas persoas no Restaurante Casa Chupaovos, a TATIANA SOYNIKOVA da Guarda.

Os premiados foron escollidos entre as máis de 30 fotos presentadas e na súa maioría as fotos gañadoras amosan diferentes perspectivas do porto da Guarda, que foi o protagonista dunha gran porcentaxe das obras presentadas ao concurso, cada unha das cales ofrece unha visión única do animado e colorido porto da vila.

Deste xeito, as tres fotografías seleccionadas serán as protagonistas das novas campañas turísticas do Concello da Guarda, que con esta iniciativa buscaba conmemorar o Día Mundial do Turismo que tivo lugar o pasado 27 de setembro. Ademais, tamén tivo como obxectivos promover a creatividade no ámbito da fotografía e poñer en valor e dar a coñecer os recursos naturais, patrimoniais e atractivos turísticos da vila.

Dende o Concello da Guarda quere agradecerse a tódolos participantes pola ilusión e o alto nivel amosado nas obras presentadas a concurso e felicitar ós tres premiados que agora serán protagonistas das campañas turísticas do concello.

A Guarda celebra a fin de semana de Samaín cunha nova cita dos Contos Contados e con Cinema

Achégase unha desas datas destacadas do calendario: o Samaín. E para celebralo dende o Concello da Guarda ofrécese unha ampla variedade de actividades para toda a familia.

O centro Cultural será o lugar elixido para amenizar esta fin de semana tan especial. Durante estes días os guardeses e as guardesas teñen dúas citas co cinema. O venres, ás 21,30 horas, proxectarase o film de medo “La Cumbre Escarlata”, dirixido ao público xuvenil e adulto. Para os máis cativos da casa o sábado, ás 17,30 horas, hai unha sesión de cine familiar e infantil coa recoñecida película “El Libro de la Vida”.

Por outra banda, tras retomar o pasado sábado os Contos Contados coa presentación de Heraldo, a recentemente elixida como mascota da Biblioteca, este sábado volvemos coa segunda data dos Contos Contados na Biblioteca Municipal ás 11,30 horas. Nesta ocasión a actividade estará adicada á Samaín, polo que os conta contos incluirán historias de medo e tamén realizaranse outras actividades como manualidades e pintacaras.

Ademais, ata o luns 31 de outubro pode visitarse a exposición “Escenarios da Prehistoria no Centro Cultural. Esta é unha mostra de 37 fotografías de Federico de la Peña, acompañadas de ilustracións e paneis explicativos que fan un percorrido polas mámoas, castros e petroglifos máis singulares da provincia de Pontevedra. Está aberta, de luns a venres, das 10 ás 13 horas pola mañá e de 17 a 20 horas pola tarde; e os sábados só en horario de mañá das 10 ás 13 horas.

Dende o Concello da Guarda anímase a todos a celebrar no Centro Cultural o Samaín, acudindo ás diferentes propostas de ocio dirixidas aos diversos públicos e, se o desexan, que veñan disfrazados ó cinema e ós Contos Contados para pasar xuntos unha fin de semana terrorificamente divertida.

Ampliado ata o 27 de outubro o prazo para participar no “Concurso de Fotografía Día Mundial do Turismo” da Guarda

Debido ó interese amosado polos posibles participantes e en previsión do mal tempo para esta vindeira fin de semana amplíase ata o 27 de outubro o prazo para entregar as fotografías para participar no “Concurso de Fotografía Día Mundial do Turismo”.

Este concurso é unha iniciativa que promove o Concello da Guarda para conmemorar o Día Mundial do Turismo celebrado o pasado 27 de setembro co obxectivo de poñer en valor e dar a coñecer os recursos naturais, patrimoniais e atractivos turísticos da vila. Lánzase unha iniciativa que, ademais, busca realizar unha campaña de promoción turística da vila e promover a creatividade no ámbito da fotografía.

Os interesados en remitir as súas obras o poderán facer ata o vindeiro 27 de outubro, seguindo as indicacións que rexen as Bases do Concurso que poden consultar na web aguarda.es. Así, cada participante pode achegar ata un máximo de 4 fotografías que teñen que presentarse en papel fotográfico cun tamaño de 20×25 cm., ademais de entregar un CD-ROM coas imaxes en formato JPG ou TIFF cunha resolución igual ou superior a 300dpi.

Tanto a versión impresa como a copia dixital debe ser entregada nun sobre fechado, identificado exteriormente por un pseudónimo e pola referencia Concurso de Fotografía “Día Mundial do Turismo”. Incluirase un sobre pechado identificado exteriormente co pseudónimo e a ficha de inscrición, que será aberto polo xurado despois de seleccionar os traballos gañadores. As fotografías poden entregarse persoalmente en man en horario de oficina ou ben remitilas por correo ordinario ó enderezo: Concello da Guarda – Oficina Turismo Concurso de Fotografía “Día Mundial do Turismo” Praza do Reló,1 – 36780 A GUARDA (Pontevedra).

As fotografías seleccionadas serán as protagonistas de novas campañas turísticas. Os tres gañadores, ademais da satisfacción de que sexan difundidas cunha tirada de postais e noutros formatos, tamén recibirán un diploma e uns agasallos. O primeiro clasificado poderá desfrutar dunha estancia de 7 días no Aparthotel Marouco. O segundo, dunha estancia de 7 días no Mobilhome do Camping Santa Tecla
e o que acade o terceiro posto gañará unha cena para dúas persoas no Restaurante Chupaovos.

A resolución do xurado farase pública o venres 4 de novembro de 2016. Para elixir as tres imaxes premiadas o xurado terá en conta a calidade técnica, artística e a adaptación das fotografías ó tema do concurso; podendo ser descalificadas as obras de realidades alleas ó Concello da Guarda.

A Guarda acolle esta semana a inauguración de dúas exposicións: “Exfimiño 2016” e “Escenarios da Prehistoria”

O Concello da Guarda acollerá esta semana a inauguración de dúas destacadas exposicións: a de “Exfimiño 2016” e a da mostra “Escenarios da Prehistoria”.

O mércores 12 de outubro, ás 18:00 horas inaugurase a Exposición Filatélica “Exfimiño 2016” na Casa dos Alonsos. Esta mostra, organizada pola Sociedade Filatélica e Numismática xa pode visitarse na planta baixa da Casa dos Alonsos ata o 16 de outubro con entrada libre. O horario pola mañá é de 11 a 14 horas, e pola tarde de 17 a 20h.

Trátase da XX edición da mostra EXFIMIÑO adicada ao coleccionismo na que se poderán ver as tradicionais mostras de filatelia. Como nas anteriores edicións, adícase o evento a un personaxe local destacado. Neste ano será Alfonso Martínez Peniza, primeiro vicepresidente da Sociedade Filatélica e Numismática Guardesa.

Por outro banda, o vindeiro venres 14 de outubro terá lugar a inauguración da exposición fotográfica “Escenarios da Prehistoria” no Centro Cultural da Guarda, ás 20.30 horas. Chega así ó concello da Guarda, tras estar en Marín, Mos e Cuntis, unha mostra organizada polo Servizo de Cultura e Lingua da Deputación de Pontevedra e enmarcada dentro da programación cultural do Ano Castelao.

Esta iniciativa xorde coa idea de percorrer as mámoas, castros e petróglifos máis singulares da provincia a través das fotografías de Federico de la Peña. Ademais, tamén busca reflexar a preocupación que Castelao sempre mostrou polo noso patrimonio arqueolóxico e artístico. A mostra estará aberta ó público dende o venres 14 ata o luns 31 de outubro no Centro Cultural da Guarda. O horario, de luns a venres, será das 10 ás 13 horas pola mañá e de 17 a 20 horas pola tarde; os sábados só en horario de mañá das 10 ás 13 horas.

O teatro e a música chegan este sábado 8 de outubro ó Centro Cultural da Guarda coa representación do musical “Os Rockenstein”

Este sábado 8 de octubre, a las 17:30 horas, los guardeses, las guardesas y todos los visitantes que lo deseen tienen una cita con la música y el teatro en el Salón de Actos del Centro Cultural de A Guarda. La entrada es gratuita hasta completar el aforo.

A través de la obra “ Os Rockenstein”, la compañía teatral ‘Malasombra producións’ creó un espectáculo para toda la familia que llega este sábado a A Guarda. El protagonista de la obra es Rockenstain, un doctor, inventor y científico preocupado porque la buena música está desapareciendo del planeta. Para remediarlo decide crear en su laboratorio un ser vivo y convertirlo en una verdadera estrella musical que salve al mundo de la desaparición del Rock’n Roll.

Sin embargo, el experimento superará sus expectativas y de la máquina saldrán tres criaturas. Así, el doctor tendrá una dura tarea por delante:educar a las futuras estrellas del rock, para que se formen como personas antes de poder ser un buen grupo de rock.

Esta educación se reflejará a través de nueve canciones que componen el musical, durante el cual el público tendrá una participación muy activa, como si estuviesen en un concierto de rock. Además, estas canciones transmitirán, entre otras cosas, la importancia de vestirse y asearse, de alimentarse bien, la importancia de aprender cada materia que les enseñan en el colegio, de conocer el mundo, etc.

Desde el Ayuntamiento de A Guarda se anima a todos a asistir a esta representación que podrán disfrutar los públicos de todas las edades y que conjuga música,entretenimiento y la importancia de la educación y de la enseñanza.

A Guarda acolle a I Concentración de la Vieja Escuela este sábado 8 de outubro

Entre as actividades que amenizarán esta fin de semana na Guarda, destaca a I Concentración de la Vieja Escuela que se celebrará este sábado 8 de outubro na rúa de Circunvalación, á altura de A Cruzada.

Trátase dunha exposición de coches e motos clásicas da comarca do Baixo Miño e doutras localidades galegas como Ourense e Lalín. Ademais, o evento organizado por Castro Sport coa colaboración do Concello da Guarda, contará con entrega de trofeos e diversos premios.

A hora de apertura da mostra será ás 15 horas. Para realizar as inscricións para montar os stands, que son de balde, ou para consultar calquera outra información, poden chamar ó número de teléfono 664 636 547.

A Guarda celebra o comezo do mes de outubro con música e moito deporte

Achégase un novo fin de semana no que o deporte será o protagonista aínda que tamén haberá oportunidade para gozar da música.

A fin de semana comeza o venres 30 de setembro co último concerto de “MÚSICA NAS PRAZAS” que terá lugar na Praza de San Amaro ás 22.00 h. Os encargados de pechar a primeira edición de “Música nas prazas” é o grupo “NOBLES” co seu estilo propio Gas noble co que resultaron gañadores do concurso Nova Banda Guardesa organizada por Rock Guardés.

A outra cita musical terá lugar o sábado na Praza do Seixiños coa celebración do X aniversario de grupo folclórico A BOALLEIRA. A partir das 21.00 h haberá un pequeno festival coa actuación de A Boalleira, Trebón dos Xidos, Treboada do Baixo, Xamaraina, Na revolta e algunha sorpresa máis. Polo que será unha noite de música e entretemento sen esquecer a proxección das fotografías que resumen os dez anos deste grupo folclórico da Guarda.

O sábado e o domingo está reservado o deporte coa celebración da 15K DO ATLÁNTICO BANCO MEDIOLANUM que nesta 4ª edición achega novas probas deportivas e terá unha madriña de honra como é Julia Vaquero, exatleta guardesa que neste 2016 se cumpren 20 anos da súa participación en Atlanta’96 .

As probas deportivas 15K DO ATLÁNTICO do sábado concéntranse na Praza de Avelino Vicente e comezan ás 17.00 horas co “Desafío do Trega”. Esta nova proba deportiva é unha competición entre os atletas que ascenderán polos sendeiros e Álvaro Pino, exciclista de Ponteareas, que participará co “maillot” amarelo e subirá o Monte Santa Trega pola estrada coa bicicleta da lle dou a súa vitoria na Volta España do 1986. O gañador será o primeira que chegue a cima do coñecido Monte Santa Trega.

Despois será a quenda dos nenos coas carreiras infantis ás 17.30 h na que participarán nenos ata 12 anos. Para rematar a primeira xornada entregaranse os trofeos do Desafío do Trega ás 18.00h.

O domingo 2 de outubro terá lugar a 4ª edición da 15K DO ATLÁNTICO BANCO MEDIOLAMUN e ás 10.50h sairán de Oia os 100 participantes da Andaina de 12km. Ás 11.00 horas tomarán saída os centos de participantes na proba raíña os 15K DO ATLÁNTICO e en pouco máis de 45 minutos os participantes comezarán a chegar ó porto da Guarda.

 

El Ayuntamiento de A Guarda conmemora el 27 de septiembre con el lanzamiento del “Concurso de Fotografía Día Mundial do Turismo”

El martes 27 de septiembre se celebra el Día Mundial del Turismo y el Ayuntamiento de A Guarda apuesta por dar a conocer los recursos naturales y patrimoniales que se localizan en nuestro ayuntamiento y que miles de visitantes conocen y capturan con sus cámaras anualmente.

Este Concurso de fotografía se convoca con motivo del Día Mundial del Turismo y su finalidad es divulgar y promocionar los valores patrimoniales y paisajísticos de A Guarda. Además de incentivar el conocimiento de los hermosos rincones entre los vecinos y amantes de la fotografía, esta iniciativa permitirá por en marcha otras campañas de promoción turística como a exposición. Otra iniciativa es la impresión de las fotografías seleccionadas en formato postal.

Los interesados disponen hasta el lunes 17 de octubre para presentar sus trabajos siguiendo las indicaciones que rigen en las Bases del Concurso. Y el viernes 21 de octubre se hará público el resultado del jurado que seleccionará los tres mejores trabajos que recibirán un diploma y un regalo.

   a-guarda-concurso-27-setembro1bases-concurso-fotograficos-dia-mundial-do-turismo2-bases-concurso-fotograficos-dia-mundial-do-turismo3-bases-concurso-fotograficos-dia-mundial-do-turismo-v4

O Concello da Guarda conmemora o 27 de setembro co lanzamento do “Concurso de Fotografía Día Mundial do Turismo”

O martes 27 de setembro celebrase o Día Mundial do Turismo e o Concello da Guarda aposta por dar a coñecer os recursos naturais e patrimoniais que se atopan no noso concello e que miles de visitantes coñecen anualmente.

Este Concurso de fotografía convocase con motivo do Día Mundial do Turismo e a súa finalidade é divulgar e promocionar os valores patrimoniais e paisaxístico da Guarda. Ademais de incentivar o coñecemento do noso concello entre os veciños e amantes da fotografía, esta iniciativa permitirá por en marcha outras campañas de promoción turística como unha exposición. Outra iniciativa é a impresión das fotografías seleccionadas en formato postal.

Os interesados dispoñen ata o luns 17 de outubro para presentar os seus traballos seguindo as indicacións que rexen nas Bases do Concurso. E o venres 21 de outubro farase público o resultado do xurado que seleccionarán os tres mellores traballos que recibirán un diploma e un agasallo.

 

1
…
18
19
20