“Música nas prazas” e Festa do Percebe: pratos fortes da última fin de semana de agosto

Dende hoxe e ata este domingo, poderemos desfrutar na Guarda dos diferentes eventos musicais, gastronómicos, comerciais e deportivos organizados para aproveitar ó máximo esta última fin de semana de agosto.

Esta noite  gozaremos dun novo concerto da programación “Música nas Prazas”. Esta vez, tócalle a quenda á formación guardesa Indomables Coverband e as súas propostas de rock. A cita é na Praza da Guía ás 23 h.

A partir das 9 da noite, tamén hoxe, comeza a VI Festa do Percebe na Alameda. Ata o domingo, os/as que se acheguen poderán degustar os distintos produtos da terra e do mar que se ofertan, así como visitar a Feira de Artesanía, namentres os máis cativos poderán gozar dos inchables. Todo isto amenizado con música e charangas.

Este sábado, a Asociación de Empresarios da Guarda (ACIGU) organiza unha nova Feira de Oportunidades durante todo o día na Praza Nova e na rúa Vicente Sobrino. E, xa pola noite (22:30 h), a Asociación Folclórica Vento Mareiro ten preparado o VIII Serán da Guía, coa actuación de grupos tradicionais que participan nesta actividade enmarcada nas Festas da Virxe da Guía.

As tradicionais carreiras pedestres da Virxe da Guía celebraranse o domingo, co seu percorrido habitual, dando comezo ás 19 h. Para aquelas persoas interesadas en participar, compre ter en conta que a proba precisa de inscrición previa na sede social da Comisión ou ata as 18:30 h do mesmo domingo. Haberá trofeos para os tres primeiros clasificados de cada categoría.

Este domingo 27 de agosto será o derradeiro día para visitar a exposición “Viaxando pola historia, cen do MASAT”, conmemorativa do centenario do Museo Arqueolóxico Monte Santa Trega. Lembramos que, ata o sábado, permanecerá aberto en horario de mañá (12 a 14h) e tarde (19 a 22h), namentres o domingo poderá visitarse en horario de mañá.

Para rematar a fin de semana, o domingo a partir das 20:15 h terá lugar no Auditorio de San Bieito a firma de autógrafos das campionas do Mecalia Atlético Guardés, seguido do acto de presentación do novo equipo da man do xornalista Vicente Muño ás 21h.

A Romaría de Santa Trega, a Festa da Virxe das Mercedes e outros eventos ofrecerán uns días de moito entretemento.

Achégase un novo fin de semana no que haberá festas relixiosas, música e deporte xa comezando este xoves 22, véspera de festivo local cun novo concerto de “Música nas Prazas”. O grupo guardés “SONGODIN’S” ofrecerá as súas versións de música pop na Praza de Salcidos ás 21h.

O venres 23 celebrarase a Romaría de Santa Trega coa celebración das misas rezadas ás 8.00h, 9.00h e 10.00h e a misa solemne e procesión ás 11.00h. Despois as tradicionais puxas de Santa Trega e a continuación as familias reuniranse para xantar ó aire libre no monte.

A partir das 18.00 horas unha nova edición da Festa da Zorza terá lugar na praza de Seixiños no barrio da Gándara. Os participantes poderán degustar a zorza ata a media noite mentres un grupo de gaitas ameniza a festa. Para rematar elaborarase a tradicional Queimada que se repartirá entre todos los asistentes.

Para o sábado 24 está prevista unha foto-ruta polo Esteiro do Miño que será guiada por Tamara Alonso como fotografa profesional e como guía medioambiental Manu Sobrino. Esta actividade está organiza por A Jalleira.

A tarde do sábado estará adicada o deporte coa carreira pedestres “Julia Vaquera” dentro da programación das Festas da Virxe das Mercedes e pola noite volverá a música a praza do Seixiños cunha animada verbena.

O domingo 25, día da Virxe das Mercedes, se celebrará a misa solemne ás 12.00 horas e o entretemento continuará ás 17.00 h cos xogos populares e ás 19.30h pechará a programación destas festas co concerto folk do recoñecido grupo “PELEPAU”.

1virxe-mercedes2-romeria-santa-trega 3

Terceira cita do festival “Música nas Prazas” e do ciclo de cinema “Camposancos de cine” nesta vindeira fin de semana guardesa

Unha fin de semana máis a vila da Guarda ofrece ós seus veciños e veciñas, así como a todos os visitantes que se queiran achegar ó lugar, unha interesante oferta cultural e de lecer para a fin de semana.

Para comezar, este venres 16 de setembro, temos unha nova cita dentro da primeira edición do festival “Música nas Prazas” que se está a desenvolver este verán na Guarda.

O grupo guardés “UNABOMBERS” será o encargado de dar o terceiro concerto dun festival que busca levar ás diferentes prazas das parroquias da Guarda a música. Nesta ocasión será na praza de San Caetano ás 22 horas. Alí poderase desfrutar das cancións deste grupo local de Punk Rock e iniciar a fin de semana con moito ritmo.

Xa para o día seguinte, o sábado día 17 á noite, a oferta será dobre. Por unha banda terá lugar o Serán da Gándara na Praza de Seixiños ás 21 horas, unha iniciativa organizada polo Grupo de gaitas A Boalleira.

Por outro lado, tamén o sábado á mesma hora é a terceira, e última, cita doutra iniciativa cultural que se está a levar a cabo este mes de setembro na Guarda: o ciclo de cinema “Camposancos de cine”. Desta volta proxectarase na Casa de Montes de Camposancos, ás 21 horas, o filme “Jeanette” dirixido por Xurxo Chirro.

Pode que o verán estea a piques de rematar pero, como se pode comprobar, o lecer, a música, a festa e a cultura seguen moi presentes na Guarda unha fin de semana máis.