Author: Turismo

XXVII FESTA DA LANGOSTA E DA COCIÑA MARIÑEIRA.

30 de xuño, 1 e 2 de xullo no Porto da Guarda

Festa de Galicia de interese turístico.

VENRES 30 DE XUÑO

Na Praza do Reló:

21:00 Intervención do Alcalde da Guarda, D. Antonio Lomba Baz

21:15 Lectura do Pregón a cargo do BRUXO QUEIMAN e ANDREA POUSA. O actor vigués Bruxo Queiman e a cantante tomiñesa Andrea Pousa están recoñecidos como os “Embaixadores e difusores da Cultura Atlántica”.

No porto:

22:00 Apertura da carpa da XXVII Festa da Langosta e da Cociña Mariñeira.

23:00 Actuación de QUEIMAN E POUSA na carpa co espectáculo <MÍLSON’S>. Novo espectáculo concerto que mistura o legado tradicional das cancións mariñeiras con ritmos e melodías máis actuais. Unha atractiva e orixinal proposta sonora e visual.

SÁBADO 1 DE XULLO NO PORTO

Pola mañá:

10:00 Pasarúas a cargo do grupo tradicional O TREBÓN DOS XIDOS

11:00 Apertura da carpa coa actuación do grupo tradicional O TREBÓN DOS XIDOS

12:00 XXII Travesía a nado Porto da Guarda

12:30 Actuación d grupo pop-rock da Guarda SONGODIN’S

Pola tarde: Actividades para os nenos e familia

19:30 Espectáculo de animación de rúa A TROPA DO DOUTOR MILAGRE

21:30 Actuación de GOSSIP BUFÓN, humor adulto

23:00 Serán mariñeiro con grupos de música tradicional

DOMINGO 2 DE XULLO NO PORTO

Pola mañá:

10:00 Pasarúas a cargo do grupo tradicional O TREBÓN DOS XIDOS

11:00 Apertura da carpa coa actuación do grupo tradicional O TREBÓN DOS XIDOS

12:30 Actuación do grupo de pop-rock da Guarda SONGODIN’S

Pola tarde: Actividades para os nenos e familia

19:00 Show máxico infantil de POPÍN PALOMERO

20:30 NOITE DE FADO. Actuación estelar de MARÍA DO CEO.

DURANTE O FIN DE SEMANA

-La recoñecida Feira de Artesanía na rúa Porto.

Tren turístico que recorrerá as rúas do municipio.

Visitas guiadas na REDE DE MUSEOS: Museo do Mar, Castelo de Santa Cruz e Monte Santa Trega.

 

O concello da Guarda felicita ao club Mecalia Atl. Guardés de balonmán feminino por acadar o campionato de liga na división de honra nesta tempada 2016-2017. Un éxito histórico para o club e para o deporte Guardés e Galego.

Gracias a toda a familia do balonmán por darnos esta inmensa alegría e por facer posible un soño que compartimos con tódolos veciños e veciñas.

Mañá domingo, a partir das 18:00 h, haberá unha recepción oficial no concello da Guarda, na praza do Reló, durante o paseo que o equipo fará polas principais rúas da Vila para celebrar o campionato de liga.

A Rede de Museos, visitas guiadas ao Monte Santa Trega e ao casco antigo e castelo de Santa Cruz, as celebracións relixiosas e as Festas de Buxán forman un completo programa de actividades que permitirán que veciños, visitantes e turistas gocen da Semana Santa na Guarda.

 O Concello da Guarda ofrece un interesante programa para a Semana Santa onde as visitas guiadas serán protagonistas. Estas visitas guiadas son gratuítas e están dirixidas a todos os interesados e deste xeito podan descubrir o patrimonio e historia do Monte Santa Trega e do casco urbano. Para asistir as visitas non é preciso inscrición previa tan presentarse á hora de comezo no punto de encontro.

Como novidade esta Semana Santa ofrécense visitas guiadas polo casco antigo e Castelo de Santa Cruz que permitirán coñecer a historia da Guarda a través do patrimonio percorrendo as rúas e prazas do casco histórico incluíndo o Castelo de Santa Cruz. As visitas comezarán ás 12.00h e realizaranse do sábado 8 ao sábado 15 de abril cunha duración de 90 minutos. Punto de comezo: porto da Guarda (diante da Igrexa de San Benito)

Ademais como cada ano realizaranse visitas guiadas ao Monte Santa Trega de 30 minutos de duración pero en dous formatos e que permitirán dar a coñecer o patrimonio arqueolóxico, a paisaxe e a relixiosidade. Con motivo do centenario do Museo Arqueolóxico de Santa Trega realizaranse visitas guiadas ao MASAT nas que se amosarán as pezas expostas no museo que foron atopadas durante as escavacións do castro. De martes 11 a sábado 15: Punto de comezo: entrada do Museo ás 12.00h, 13.00h e 17:00h. Sen esquecer as habituais visitas ao Castro de Santa Trega. De xoves 13 ao sábado 15: ás 11.30 – 12.30 – 13.30 / 16.00 – 17.00 – 18.00 e punto de comezo: Explanada da casa Forestal. Casa en pedra que se atopa despois de cruzar a zona escavada do castro.

En canto aos horarios da Rede de Museos da Guarda:

  • MASAT– MUSEO ARQUEOLÓXICO DE SANTA TREGA. 10:00 – 20:00 (Excepto luns)
  • MUSEO DO MAR- ATALAIA. De xoves a domingo: 11:00 – 14:00 / 16:00 – 19:00
  • CASTELO DE SANTA CRUZ como espazo público: 10:00 – 21:00
  • CENTRO DE INTERPRETACIÓN DAS FORTALEZAS DO MIÑO. De xoves a domingo: 11:00 – 14:00 / 16:00 – 19:00

A previsión é que o ferry de A Guarda – Caminha retome o seu funcionamento a partir do sábado 8 de abril.

Para atender as consultas habilitarase un punto de información turística no MASAT, Museo Arqueolóxico de Santa Trega, do martes 11 ao sábado 15 de abril de 11.00 a 14.00 e de 16.00 a 19.00h. Para calquera dúbida, pódese chamar ao tel. 986 61 45 46.

A Semana Santa na Guarda xa comeza o venres 7 de abril coa celebración da Procesión Venres de Dor dende a Igrexa de Santa María as 21.00h.

Ademais este fin de semana poderase degustar a lamprea coa Ruta do Pincho da Lamprea do Miño en 8 bares e restaurantes. Esta é a última fin de semana para degustar a lamprea nun formato pincho a un prezo de 2 €.

Outra novidade para a Semana Santa da Guarda ven da man das Festas da Pascua de Buxán que celebran a primeira edición do Blessed Festival Buxán que ofrecerán música cun interesante cartel de Djs na Praza de Buxán dende as 23.00h

O domingo 9 terá lugar uns das celebracións relixiosas máis esperadas polas familias coa Bendición de Ramos e palmas no Auditorio da Praza de San Benito e despois misa cantada na Igrexa Parroquial.

Os eventos relixiosos máis destacados son as procesións. O xoves santo destaca a Procesión dos pasos ás 20.30h e o venres santo ás 11.00h Procesión do Santo Encontro e ás 20.30 a Procesión do Santa Enterro.

A Semana Santa da Guarda pecha coas Festas da Pascua de Buxán. O sábado 15 destacan os concorridos con xogos populares ás 16.00h e a verbena a partir das 23.00. O domingo 16 reservase a mañá para zorzada e polbo á feira e amenizada polo grupo Airiños do Folón. Para a tarde a festa do biscoito ás 16.00h e ás 19.30h o broche ás festas será a cargo da actuación do Grupo Abóbriga.

 

Achégase un novo fin de semana no que haberá festas relixiosas, música e deporte xa comezando este xoves 22, véspera de festivo local cun novo concerto de “Música nas Prazas”. O grupo guardés “SONGODIN’S” ofrecerá as súas versións de música pop na Praza de Salcidos ás 21h.

O venres 23 celebrarase a Romaría de Santa Trega coa celebración das misas rezadas ás 8.00h, 9.00h e 10.00h e a misa solemne e procesión ás 11.00h. Despois as tradicionais puxas de Santa Trega e a continuación as familias reuniranse para xantar ó aire libre no monte.

A partir das 18.00 horas unha nova edición da Festa da Zorza terá lugar na praza de Seixiños no barrio da Gándara. Os participantes poderán degustar a zorza ata a media noite mentres un grupo de gaitas ameniza a festa. Para rematar elaborarase a tradicional Queimada que se repartirá entre todos los asistentes.

Para o sábado 24 está prevista unha foto-ruta polo Esteiro do Miño que será guiada por Tamara Alonso como fotografa profesional e como guía medioambiental Manu Sobrino. Esta actividade está organiza por A Jalleira.

A tarde do sábado estará adicada o deporte coa carreira pedestres “Julia Vaquera” dentro da programación das Festas da Virxe das Mercedes e pola noite volverá a música a praza do Seixiños cunha animada verbena.

O domingo 25, día da Virxe das Mercedes, se celebrará a misa solemne ás 12.00 horas e o entretemento continuará ás 17.00 h cos xogos populares e ás 19.30h pechará a programación destas festas co concerto folk do recoñecido grupo “PELEPAU”.

1virxe-mercedes2-romeria-santa-trega 3

Un ano máis celébranse as esperadas “Festas do Monte” do 8 ó 15 de agosto. Estas festas de gran tradición entre os veciños de la comarca e que conseguen reunir ás familias xa que moitos regresan para desfrutar de súas vacacións nun dos recunchos de maior beleza de Galicia.

Estas festas xa centenarias son as máis destacadas da comarca. Durante a semana diferentes actos culturais e deportivos atraen a centos de visitantes. As noites están reservadas ó entretemento con citas musicais e as grandes verbenas.

Uno dos principais eventos é o Desfile folclórico do sábado 13 ó que asistirán miles de persoas para contemplar os traxes rexionais e os grupos de gaitas e folclóricos convidados que encherán de música ás rúas no seu percorrido. Tamén destacan a vintena de bandas mariñeiras que co seu toque de tambores e caixas fan único este desfile.

Estas bandas mariñeiras, familias e os visitantes ascenderán ó Monte Santa Trega a mañá do domingo 14 para celebrar a cita máis importante, a romaría centenaria. As bandas distribúense pola cima do monte nun ambiente moi animado cos tambores e caixas como protagonistas. O seu son poderase escoitar en todo o municipio sen descanso durante toda a romaría.

Para despedir as festas organizase unha tirada de fogos artificiais no porto da Guarda na medianoite do luns 15. Ó finalizar a tirada de fogos tocará comezar de novo a contar os días que quedan para volver a gozar das nosas grandes festas.

programa-festas-do-monte

Sábado, 6 – Desde las 10 a 00h en el paseo marítimo junto al Museo del Mar: “GALIFORNIA BEAT”
Evento multideportivo y multicultural con demostraciones de deportes minoritarios como la escalada o el hockey. Además se podrá participar en flyboard y el workshop de breakdance (de 17 a 19h). Durante todo el día habrá conciertos, mercadillo y mucho skate.

Durante el fin de semana se celebran las FIESTAS DE SAN CAYETANO en el barrio de la Cruzada. El viernes habrá una sardiñada desde las 21h. El sábado destaca la verbena a partir de las 22.30 h con las orquestas CONDOR y CALIFORNIA. Y el domingo se reserva para la misa y procesión a las 11.30 y las tradicionales pujas a partir de las 19 horas.

EXPOSICIONES:
Hasta el 15 de agosto en la Casa dos Alonso:
“Camiños da Imaxe” con la obra fotográfica y grabaciones del fotógrafo guardés Joaquín García Portela, conocido como “Costiña”. De martes a sábado: de 12 a 14 horas y de 19 a 22 horas por la tarde. Domingos y festivos solo de mañana.

Hasta el 20 de agosto en el Centro Cultural:
“Un mar de emocións” ofrece la mirada al mar de 19 autores. De lunes a sábado de 10:30 a 14:00h e de 19:00h a 22:00h. Domingos solo tarde.

A última fin de semana de xullo tivo un sabor moi especial na Guarda. Tras unha ausencia que se prolongou durante 9 anos, volveu á vila unha das súas festas gastronómicas máis recoñecidas, a Festa do Peixe Espada. Esta foi a XIII edición da celebración organizada por OR.PA.GU en colaboración co Concello da Guarda.

A festa comezou o sábado da mellor maneira posible, cun pregón á altura da importancia dun día tan especial para a localidade, que foi ofrecido polo cantautor guardés Tino Baz, recoñecido e admirado entre os seus veciños e veciñas, pero tamén no resto da xeografía galega. Este foi precedido pola intervención do alcalde da Guarda, Antonio Lomba Baz, quen se encargou de dar a benvida á festa, cunhas verbas adicadas á importancia dos palangreiros e un especial agradecemento a OR.PA.GU. polo traballo de visibilización da flota guardesa, que supón o 40% da flota nacional do peixe espada.

A continuación presentou ó pregoeiro, quen fixo unha espectacular entrada á carpa do Porto da Guarda, tocando a gaita ata chegar o escenario, entre os aplausos dos asistentes. No discurso que ofreceu, coa súa potente e característica voz, quixo destacar o valor gastronómico e nutricional do peixe espada, o emperador dos mares como o definiu, e a importancia de que unha festa como esta tamén aposte pola cultura, a conciencia, a música e a creatividade. Todo isto, afirmou, se pode ver nesta celebración a través do XIII Concurso de carteis “Festa do Peixe Espada” e do I Concurso literario infantil “Homes e mulleres do mar”, cuxos premios se entregaron tras o propio o pregón.

Ese mesmo sábado día 30 tamén se puido desfrutar da actuación de música tradicional de “Fuscalho”, da actuación do grupo Ángel América (ex-vocalista da orquestra América) e da segunda proba do I Campionato Galego de Slalom Integrador.

Xa no segundo día deste vento, o domingo 31 de xullo, a principal protagonista da xornada foi a cociñeira Chus Castro do Restaurante Bitadorna, que leva 23 anos atendendo ó público na Guarda e 6 co establecemento do mesmo nome que abriron en Vigo. A cociñeira guardesa fixo unha demostración en vivo e directo de como se pode preparar o peixe espada de diferentes xeitos, demostrando a versatibilidade deste produto. Nesta masterclass preparou cinco pratos no escenario, en directo e amosando a todos os que se atopaban como realizalos paso a paso. O primeiro foi un tartar, a continuación, c unha preparación similar fixo unha receita moi diferente e das que máis gustou o público: unhas sorprendentes hamburguesas de peixe espada con sésamo. A orixinalidade foi a tónica común dos pratos alí mostrados, que se completaron cun tataki, un carpacho aliñado con alioli de soia e salsa de allo negro e por últimos uns tacos de peixe espada con doce de piña.

Rematou así esta mostra na que se puido comprobar a destreza dunha das cociñeiras máis destacadas da Comarca do Baixo Miño e de toda Galicia, cuxo Restaurante da Guarda foi recoñecido como unha das mellores marisquerías de toda España para o cal o segredo, afirma, é manter a calidade a pesar da dificultade dos tempos e ofrecer unha combinación de marisquería, cociña creativa e artesá na que se fagan cousas sinxelas que potencien o sabor dos produtos utilizados sen escondelos.

Ademais, durante toda a fin de semana tivo lugar na carpa do Porto da Guarda o IV Máster Nacional de Futbolín, houbo diferentes actividades para os nenos e nenas e, por suposto, se puido desfrutar o peixe espada en todas as súas variedades: á prancha, en empanada, en forma de croquetas, en salpicón, etc.

De toda esta oferta de actividades lúdicas e culturais puideron desfrutar os centos de visitantes que se achegaron este sábado e domingo á Guarda para rematar o mes de xullo degustando un dos peixes máis sabrosos da nosa gastronomía nunha contorna

 

A Guarda prepárase para unha fin de semana moi especial, na que volve a celebrarse, tras 9 anos de ausencia, a Festa do Peixe Espada organizada por OR.PA.GU en colaboración co Concello da Guarda. Esta será a XIII edición dunha celebración gastronómica que volve a casa cunha programación do máis completa, que ofrecerá todo tipo de actividades e grandes manxares na Carpa do Porto da Guarda o vindeiro  sábado 30 e domingo 31 de xullo.

Pero a fin de semana xa se inicia por todo o alto o venres 29 pola noite coa inauguración da primeira edición do festival “Música nas Prazas”, unha iniciativa do concello da Guarda que levará 5 actuacións de destacados grupos musicais ás prazas das diversas parroquias da localidade. O primeiro dos concertos, que se celebra este venres ás 22 horas na Praza de Santo Tomás, será ofrecido pola cantante e autora viguesa Carmen Johns, recoñecida en toda a nosa xeografía e unha das autoras que encheu os carteis das dúas últimas edicións do festival Portamérica.

Xa no sábado día 30 dará comezo a Festa do Peixe Espada co pregón ofrecido polo cantautor guardés Tino Baz, ás 12 horas na Carpa do Porto da Guarda. A continuación se entregarán os premios do XIII Concurso de Carteis da Festa do Peixe Espada e do I Concurso literario infantil “Homes e mulleres do mar”. Pola tarde, e ata a noitiña, a música será a protagonista con tres citas destacadas.

Ás 15 horas haberá unha actuación de música tradicional “Fuscalho”. Ás 20 horas celebrarase o Concerto de Folclore AMFF no Auditorio de San Benito, un evento paralelo ó que ten lugar hoxe, 28 de xullo en Vila Praia de Áncora. Esta iniciativa luso galaica busca impulsar aínda máis o vínculo entre as vilas de Caminha e da Guarda, para o que incluirá as actuacións da Orquesta da Academia de Música Fernades Fao, do  Etnográfico de Vila Praia de Ancora, Do Lusco ó Fusco e Boalleira. O día remata coa actuación, no Porto da Guarda ás 23 horas, de Ángel América. Ademais, durante todo o día A Guarda acollerá o I Campionato Integrador e o IV Máster Nacional de Futbolín (que se estenderá ata o domingo).

No seu segundo día, a XIII edición da Festa do Peixe Espada dará cabida a un showcooking, a partir das 15 horas e a actuación da banda de música Llerena, sobre as 14 horas.

Ademais durante toda a fin de semana haberá diversas actividades dispoñibles para os máis cativos como inchables, actividades con monitoras e photocall. Tamén se pode visitar a exposición Camiños da Imaxe, que amosa a obra do fotógrafo local Joaquín Portela “Costiña” na Casa dos Alonsos, cun horario que o sábado é de 12 a 14 horas pola mañá e de 19 a 22 horas, e o domingo só na quenda da mañá.

E toda esta variedade de actividades e lecer estará acompañada polas delicias cociñadas co produto protagonista da celebración, o peixe espada. Haberá 5 postos de restaurantes locais na carpa do Porto e alí se ofrecerán as distintas especialidades a prezos populares.

Non se pode pedir máis que o que ofrece esta fin de semana A Guarda: música, actividades culturais e de lecer, deporte e moita e boa gastronomía.

 

2 de 24 de 43 de 3

Tras meses de traballo, o Concello da Guarda presenta, este mércores día 20, a súa nova web de turismo. A presentación ante os medios de comunicación e sectores interesados da páxina web terá lugar na planta baixa do Centro de Interpretación das Fortalezas no Castelo de Santa Cruz, ás 12 horas. Este Centro foi inaugurado recentemente e é o lugar idóneo para este evento, pois representa o compromiso do concello da Guarda coa potenciación do turismo da vila.

Esta web nace co obxectivo de proporcionar unha mellor experiencia a visitantes e turistas, que agora contarán cunha páxina específica de turismo na que consultar as súas dúbidas. A páxina web achegará información sobre os recursos turísticos da Guarda, sobre como se pode chegar, onde se pode durmir ou comer, o que hai que visitar ou as diferentes e variadas festas que se celebran na Guarda ao longo do ano, entre outras cousas. Todo isto cun deseño moi visual e atractivo no que as imaxes que amosan a beleza natural e paisaxística, así como o variado patrimonio da vila, son as protagonistas. Creouse así unha web que amosará ó mundo todo o que ten que ofrecer este especial e único recuncho do Baixo Miño.

E isto é só o comezo. O mesmo día da presentación, este mércores, tamén se amosará ó asistentes en exclusiva un vídeo de promoción turística da Guarda. Ademais, despois do arranque da web, a páxina irá actualizándose e ampliando o seu contido para dar cabida a todas as novidades e así ofrecer a información máis completa a todos os que visiten a web. Entre os diversos apartados con actualizacións periódicas atópase un adicado a novas sobre a Rede de Museos da Guarda.

Deste xeito, a nova páxina web axudará a completar a labor que xa viñan facendo a web do concello e a aplicación para móbil, constituíndo as tres ferramentas dixitais nas que visitantes e veciños e veciñas da vila poderán consultar toda aquela información sobre turismo que precisen.

Este verano ofrécense as visitas habituais dende o Museo ás 12:00 cunha duración de 90 minutos visitando el museo e facendo o recorrido completo a pé ata o Castro. E en sentido inverso ás 18.30 h con comenzo no castro e finalizando no Museo.
A novidade deste ano é a visita das 17.00 horas cunha duración de 60 minutos centradas no Castro. O punto de comenzo é a vivenda reconstruída do castro e que incluirá a visita ó barrio de Mergelina, zona sur do castro que foi escavada recentemente.

Estas visitas guiadas son gratuítas e non precisan de inscrición tan so hai que presentarse á hora de comenzo no punto de encontro.

Os grupos de máis de 10 persoas deben realizar reserva previa no MASAT (tel. 986 61 05 04 o en masat@aguarda.es)